keiko_wong的個人專頁

睇咗Open Rice嘅食評咁耐，一直都好想嚟呢間餐廳試試，不過網友都話呢度成日滿坐，所以好几次都冇嚟到。今日落毛毛雨，入去餐廳見到唔係太多人用餐。我仲聽到隔離枱嘅食客都紛紛讚呢間餐廳“呢間嘢几抵食架！“。既然佢哋都咁講，咁我入嚟食午餐係個best choice啦！打開個餐牌，咩都想食，不過得我一個，眼闊肚窄，所以淨係order咗個酥皮龍蝦湯，同埋葡國焗海鮮飯。酥皮脆卜卜，啖湯雖然偏鹹，不過好鮮味。我以為葡國焗海鮮飯唔會太大碟，原來一上菜嗰時見到，碟頭都唔細喔~葡國焗海鮮飯裡頭有魷魚、蝦、青口、葡國腸，仲有青椒、橄欖等配料。一眼見到個顏色已經係“秀色可餐“，眾多配料加上炒飯配上獨特醬汁，口感非常好！食食下又隔嚟嗰台食客講喇，”嘩~咁大碟你都仲話細碟？呢度D碟頭算大架啦~真係几抵食！“聽佢哋講完，我都覺得，呢度咁嘅價錢真係算抵食架啦！起碼D味真係唔錯。下次再嚟澳門，我都會帶朋友嚟呢度！…查看更多

自從上一篇食評收到安德魯餅店嘅回覆后，就冇再嚟呢度食嘢，今次嚟到澳門，第一時間搭車入路環睇睇。入到餐廳里面，果然仲係封住個花園，不過里面可以整番兩圍台，加番部冷氣，好過之前好多喇！原本好想食葡撻，但係次次嚟度淨係食葡撻有D寡，所以今次Order咗個芝士與蘑菇焗薯，再加個招牌自制檸水。芝士蘑菇焗薯，薯仔熱辣辣，芝士沾喺薯仔同蘑菇上面非常香，搓伴碟沙律如常地好味，但係粟米份量少咗D~出面落雨濕濕，坐里喺面嘆個早餐真係唔錯！！…查看更多

睇過食評話呢度嘅木糠布甸好出名，所以慕名而來。原味木糠布甸 MOP 12.00芒果味木糠布甸 MOP 13.00原味木糠布甸雪得夠硬身，奶油味夠曬濃，木糠層好似唔多夠，食落口感一般般。芒果味木糠布甸只係多咗芒果味，但係感覺上比原味勝一籌。後來有試過自己整木糠布甸，都可以整得出同佢出品嘅原味木糠布甸嘅嗰种味道~~~哈哈~~…查看更多

上次嚟澳門居然揾唔番呢間掂，今次一揾就揾到，真係神奇！！今次想試下新嘢，但係紫米豆漿就係必飲架啦！！我同朋友一同睇中個瑤柱醬撈麵，order咗兩個dish~~另一朋友想試下呢間店嘅咖喱，想點咖喱薯仔牛腩麵，但係memu度寫住咖喱牛腩麵冇薯仔，要薯仔的話另加MOP 7.00，所以朋友點餐嘅時間都覺得價錢有D出入~~紫米豆漿 MOP 10.00： 由之前$8.00升到$10.00，一時覺得几貴架，好彩仲係咁好飲。瑤柱醬撈麵 MOP 21.00 x2：味道好濃，就好似食緊普通車仔麵咁。食到最尾，朋友已經覺得辣頂唔順。但係我就覺得呢种辣味接受到。咖喱薯仔牛腩麵 MOP 20.00+7.00：大大一碗，湯底咖喱味都几濃几辣下架，食得辣嘅人就覺得几惹味嘅。…查看更多

朋友話要食禮記雪糕，我哋攞住大包細包嘅手信，行咗一陣，揾到咗呢間老舖。朋友聽講雪糕三文治出名，試咗一個。好食還好食，就係雪得凍咗D。另一位朋友唔係太想食雪糕，就order咗杯飲品，味道不評論。我order咗個菠蘿雪糕新哋。我以為好似我哋平時食M記K記嗰种添。原來佢哋嘅新哋，就係三色雪糕加水果粒！！三色雪糕有蜜瓜、椰子同菠蘿味，面頭加上糖水菠蘿粒。我之前好少咁食架~~都几得意吖~~…查看更多

喺酒店休息一晚透足精神之后，終於可以嚟到喜蓮度一飽口福！！！ 喺喜蓮食嘢從來唔擔心有咩好食，只會苦惱食咩嘢好。我哋一行三人，諗咗好耐都唔知食乜好，想叫多D但係又食唔曬喔~~所以點咗D招牌菜~~朋友第一次食牛尾通，都俾佢嘅湯味吸引住，份量唔多唔少啱啱好。不過唔受得鹹嘅佢仲係覺得湯底偏鹹D。雲吞菜係我介紹佢哋食嘅。D雲吞大大隻，落足料，味道唔洗講，正到爆啦！！吞拿魚夾餅係朋友食嘅，不評論。但係我哋見到服務員一上菜，朋友就已經攞起咗一件食，仲話想encore，都知道味道如何喇。我想試多D食物，但係又想食牛尾湯，最后都係決定咗飲牛尾湯，冇上次整得咁鹹喇。飲牛尾湯送芝士豬扒夾餅作為午餐，啱啱好唔會太飽。豬扒一D都唔嚡，食到一半有芝士流出嚟，唔錯几好味！…查看更多

威尼斯人好大，次次嚟到我都冇曬方向感，就算shopping都唔知舖頭喺邊吖哈哈~~行到好攰，諗住喺度嘆個宵夜嘅~~order咗一個原味牛角包(MOP 23.00) 同埋兩支果茶(MOP $27.00 x2)個牛角包雖然係翻叮過，但係已經唔新鮮，口感不佳。不過到咗呢個鐘數，D食物唔新鮮都應該架啦。。。反而兩隻唔同味道嘅果茶就好飲啦！…查看更多

講到我嘅「新馬路雙寶」，除咗幫襯恆友之外，當然會嚟到檸檬車露揾食啦！不過檸檬車露今次升咗價，明明MOP$20.00嘅單球變$25.00，MOP$25.00嘅雙球變$30.00，睇完個價錢我真係有D愕然我今次要咗雙球，藍莓芝士蛋糕味+抹茶味 MOP $30.00藍莓芝士蛋糕味如同真正蛋糕般，芝士味濃且有藍莓嘅酸酸哋嘅清新味道。抹茶味嘅“茶”味真係夠曬濃郁，可能個店員唔係好識裝雪糕，我個杯底全部都係抹茶味，藍莓芝士蛋糕味相對少D。朋友第一次食檸檬車露嘅雪糕，捒咗蕃石榴味+薄荷味 MOP $30.00我小試一下，蕃石榴味真係好清甜，薄荷味又唔會太過涼喉，都几清新架。。…查看更多

嚟恆友都係朋友介紹嘅~呢次係第二次，其實恆友都几貴架~~食咗几串丸都已經差唔多五十蚊喇，但係D汁料真係好好味，怪唔得知咁多人幫襯啦！我同朋友都視恆友同對面嘅檸檬車露為「新馬路雙寶」，每次必到嘅食肆！！…查看更多

上次去澳門，喺威尼斯人運河商場嗰度蕩失咗路，行下行下發現有間安德魯餅店，突然之間覺得好開心因為唔洗再去到路環咁遠啦~哈哈！我哋嚟度嗰時已經好夜，店里面已經冇曬人，淨喺得我同朋友兩個。店員D服務態度都好好，好詳細咁教我哋點樣去免稅店。剛好遇上當日最后一盤新鮮出爐嘅葡撻，我哋真係好好彩。葡撻 MOP $7.00 (去嗰時仲未升價嘅~)自制檸檬水 MOP $14.00自制薑檸水 MOP $16.00葡撻固然係新鮮熱辣，外脆內滑啦！檸檬水係朋友order嘅就唔評論啦。不過薑檸水係我第一次試，入口薑味濃過檸味，初初飲覺得唔會好辣嘅~但係飲下飲下，個喉嚨真係feel到辣味啦~認真keng~~唔係個個都受得住架~~…查看更多

可能係臨近清明節，好多游客都放緊小長假，所以今次嚟到澳門特別多人我幫襯安德魯花園咖啡已經係嚟完一次又一次啦！食物質素好穩定。首先order咗自制檸檬水(MOP $14.00 x 3)。嚟咗咁多次都冇試過自制檸水，今次真係試咗啦！酸酸哋，好醒胃~~當然唔少得要葡撻(MOP $8.00 x 2)啦！我第一次只係點咗一個撻，但係前后兩位waiter都送錯咗三個撻俾我哋，唔知好嬲定好笑 後來因為好食，朋友都要多一個撻。。。上次食過牛肉千層麵(MOP $46.00)，覺得唔錯。今次再order過，依然都係咁美味！！！ …查看更多

早前好多朋友介紹三盞燈美食區，雅馨餐廳嘅好評有好多，于是今次專程嚟食架。揾就唔算太難揾嘅，原來凹咗入大廈里面呢！我點咗佢哋嘅招牌菜，椰汁歡鷄麵，同紫米豆漿。Jess都點咗椰汁雞麵，再點多個生菜鴨紅。紫米豆漿好飲不在話下，椰汁雞麵嘅湯汁好有椰子味濃香，雞肉都几軟滑，最鍾意佢配搭油炸鬼，好食唔膩口。平日比較少食鴨紅，故特意試試。鴨紅非常香滑，唔錯！我見呢度嘅菜式都唔算太貴，由十几蚊到四十蚊不等，平民價，味道好！…查看更多

喺新馬路揾食，除咗檸檬車露、恆友，仲有呢間Ireland's Potato。我同Jess無意中經過，Jess想試下，于是買咗個招牌芝士味+酸忌廉味($33.00MOP)。醬料係人手撈嘅，加埋D薯條一齊叮熱，攞喺手度都辣手架。招牌芝士屬咸味，味道都唔錯！酸忌廉味算係第一次食，几特別，好似食緊沙津咁。…查看更多

之前第一次嚟係坐花園嘅位，今次早咗嚟到，可以坐餐廳嚟面嘅位，几舒服，唔錯！今次嚟來，例牌點葡撻，我點咗杯Iced Latte，而Jess點咗個羅宋湯，再點多個牛肉千層麵。葡撻熱辣辣，依然好味道。Iced Latte都唔錯，几滑嘅！不過咖啡味唔夠濃。羅宋湯我冇試過，不作評價。但Jess食得出係海蝦嘅味道，可以講落料充足且新鮮嘅。牛肉千層麵睇上去件頭唔算大，但食起知都几襟食架！牛肉千層麵本身都係熱辣辣嘅，味道几特別，最好嘅地方係，佢有配埋沙津，可以化解牛肉千層麵嘅濃味。聽聞呢款食物係店嘅招牌菜之一，所以點嚟試下，好彩味道不錯！…查看更多

原來恆友對面就係檸檬車露，等我哋仲揾得咁辛苦添！哈哈！雖然門面細細但已經好多人幫襯，之前睇到食評都話呢度嘅雪糕正，于是專程嚟試試。因為味道選擇好多，睇到我暈駝駝，好在佢可以俾我試食下！最后我決定要西瓜味同椰子味，而Jess要咗藍莓芝士同益力多味。西瓜味好清新，椰子味濃但唔膩；Jess嘅藍莓芝士超香滑，真係好似食緊雪糕蛋糕咁，益力多味都好過癮。下次再嚟澳門一定要食多次！…查看更多