blueish_kathy的個人專頁

週年紀念日同老公去咗尖沙咀晴空日本餐廳，貪佢多好評，應該少伏，又喺正尖沙咀好方便。入到去餐廳環境好舒服侍應又招呼好好。我同老公一人嗌咗一個<<空>>嘅omakase。嗰下係覺得有啲貴，但之後食完係真心覺得物有所值😆前菜1.磯煮鮑魚伴肝醬彈牙爽口，配埋肝醬食更加鮮味2.鰈魚薄切的的色色，點埋酸汁食好鮮味3.呢個唔記得係咩，淨係記得蝦好大隻，當然好鮮味刺身5道1.象拔蚌刺身兩條刺身配一條有輕輕火炙過，有咬口，配埋黑松露汁味道更岀2.令和之怪物海膽同魚子加埋蠔嘅配搭又幾特別，好鮮味😙3.沙甸魚卷裏面夾住黃蘿蔔同蔥，平時我麻麻地沙甸魚，覺得好腥，但呢個可能配埋黃蘿蔔食，一啲都唔腥，好食👍🏻4.火炙拖羅拖羅一如想像係好鮮好好食，一啖食晒😹5.汁煮塊吞拿魚面頰呢個係熱食，個呑食魚煮到淋得嚟有咬口🤤仲好入味呀，呢道菜有驚喜🧡6.壽司六貫原諒我淨係記得4樣名😆但堅樣樣食落都好新鮮！牡丹蝦壽司:好鮮甜，食落好似有啲creamy感覺，同平時食嘅唔同中拖羅:入口即溶，好食到好想食多幾舊海膽:好鮮甜too，super like🧡北海道嘅活北寄貝:呢個個人非常鐘意，爽口好新鮮，正👍🏻仲有葱呑拿魚手卷都好食🥰7.新鮮蜆湯成碗勁多蜆，好鮮甜，好想飲多幾碗，雖然到嗰刻個肚已經飽了😆😆8.甜品密瓜配自家士多啤梨卷個密瓜係激甜，士多啤梨卷甜而不漏，唔好甜品嘅我都幾喜歡🧡總括嚟講<<晴空>>omakase 體驗係好滿意，食物環境服務都一流，係物有所值之選👍🏻…查看更多

星期二放工七點黎到，好好彩咁岩有位。餐廳養左好多貓，所以為左保持地方乾淨衛生所以入門口前要先著鞋套，之後再用消毒噴霧消毒雙手。入到去真係見到好多貓，但地方好乾淨，亦都唔會好大陣味，最好嘅係啲貓好癡人，成日跳上啲人隻腳到，我都有幸成為其中一個😍我地兩個人叫左兩個意粉，一個係香辣蒜香帆立貝煙肉菠菜橄欖油炒意大利面，呢個好香好好食，唔會太油太辣，意粉硬度岩岩好，算係我食過類似嘅數一數二好食，仲要cafe有呢個水準係要讚👍🏻另一個係黑松露野菌大啡菇配忌廉意大利飯，味道都唔錯，好重忌廉味。👍🏻但我個人更鐘意個蒜香帆立貝意粉😋餐廳係家樂坊後面，好方便，下次黎開呢頭會再黎探貓貓😎…查看更多

Weekend dinner 行過想食潮洲菜就隨便入左間，七點時分都滿晒座，兩個人叫左三樣菜,包括鵝片拼豬腩肉(啲肉有啲韌,個人麻麻),避風塘炒鮮魷(炒得好香，好食，係辣左少少)同金銀蛋煮菜苗(幾好食),再配兩支啤酒，好麻甩😂😂…查看更多

黎到三聖當然唔少得食海鮮，攞左位就過隔離買海鮮，買左一隻龍蝦，一斤幾花甲同一斤聖子，咁就五百蚊，兩個人食咁多好似有啲誇張😂去到餐廳就揀煮法，星期日一斤要七十幾蚊，唔夠一斤當一斤計。我地揀左豉椒炒聖子，芝士脆皮龍蝦同白酒忌廉花甲烏冬，新鮮海鮮煮寧捨鮮味，但忌廉有啲”留”,食完飽到上心口。埋單四百尾有啲貴，因為一斤頭花甲計左兩斤😂買海鮮時留意反會化算啲。兩個人連海鮮就一千了，如果揀餐廳嗌應該會抵啲，但海鮮會無咁新鮮。…查看更多

大鄉里岀城第一次食元氣高速線嘅店，點野食自己係每個位前嘅平板電腦度噤，野食係會由一架車仔裝住送到面前，一次送四碟，拎完㩒反制架車就會反埋廚房，非常自助又快又方便，所以鋪面得一兩個waiter 幫手。野食同所有分店無分別，係所有野好自助同自動化姐。…查看更多

突然想食韓燒，上OpenRice 搵到呢間幾多like 就直接去，weekend 7:30pm都有吉枱。韓燒有45mins, 60mins 同90 Mina 揀，岀奇地幾多唔同肉類同部位揀。揀左60mins,每款肉都點一個，上菜都好快。餐廳有樣服務好好，就係成日過黎幫我地換個板，可能想我地燒少啲(?😂)。呢間性價比好高，除左肉仲有煎餅，唔同熱湯叫，又有泡菜等小食，美中不足係叫人加水平均要叫三次先有，可能想我地叫野飲，不過目測無咩人叫😂…查看更多

Weekend 兩個人食lunch ,岩岩有兩個位唔洗等。兩個人嗌左碗雜錦湯河(有生牛肉，熟牛肉同牛丸)，另一碗叫左熟牛肉河，啲牛肉點個辣同甜醬溝一齊嘅醬幾好食，但個湯底好重味精，扣晒分。再叫左個牛油果米紙卷(味道ok) 同一人叫左杯野飲，熱越南咖啡個底好多煉奶，個人覺得太甜，另一杯叫左凍薏米水，幾清甜，唔錯。每人埋單一百頭，唔洗加一，尚算可以。…查看更多

呢間每次行過都好多人等位，因為佢地最岀名嘅雞飯係又平又好味。平日少人啲我地兩個人就去食下，嗌左一個覇王雞同一個豉油雞菜飯，啲雞好滑，菜飯都好味，美中不足係未到八點已經賣晒啲湯😅…查看更多

Weekend lunch 想食清啲咁岩行過呢間就試下，兩個人唔洗等位。叫左一個蕃茄牛肉米線,蕃茄湯好鮮甜，又多蕃茄，食落無味精，好警喜。餐仲跟兩隻醉雞翼(雪得耐左有啲硬)同一杯野飲。另外再叫左九隻湯餃，味道都幾好，好有住家味。兩個人食都唔洗一百蚊，健康得黎又好味，下次值得再試。…查看更多

機緣巧合下發現呢間中菜餐廳，我同男友都不約而同愛上，依家間唔中都會去食。雖然已經食左幾次，但今次先記得寫食評。食過好幾樣小菜都好好食，包括櫻花蝦豆角炒牛肉(好足料，好有穫氣),水煮魚(辣辣地，好耶味),話梅醉豬手(好多舊，酸酸甜甜，送酒食一流),蒜香凍螺(又係好多，好耶味，最岩送酒食)，仲有我地每次都嗌嘅炒飯，黑松露蛋白炒飯，上次就嗌櫻花蝦炒飯。所有小菜價錢都唔貴，但好好食，好有誠意，所以呢間餐廳星期六日通常都要等位，但都無阻我地山長水遠去食(話說我地都係住新界北)😂😂…查看更多

突然想食澳門菜就去左呢間，不過呢間野食一般，價錢唔平，同成間野好多遊客😅。兩個人嗌左個葡國雞飯(雞唔滑，味道一般),黑椒燒鴨例牌(呢個幾好食嘅)，同一支冰鎮奶茶(正常味),埋單連加一每人都要百三，呢個價可以有更好嘅選擇，應該無下次。…查看更多

病病地諗住食湯麵會健康啲就去左一風堂食，但錯晒啲湯都幾油😅 不過湯底係唔錯嘅。七點前去到唔洗等位，一人叫左個拉麵，水準keep 到。最鐘意就係落店提供嘅生蒜同辣嘅芽菜，好耶味。😋…查看更多

星期三放工突然好想食泰國菜，上OpenRice search 到呢間就去啦。平日放工時間無乜人，唔洗等位就入得。兩個人嗌左生蝦刺身(好味，但$98得五隻，太少了)，一個晚餐泰式雞肉炒金邊粉配三色冰(正常味),蒜香炒魷魚(幾香口，但食食下有啲咸，重點係又係得幾舊),最後叫左十週年$38優惠,最期三係泰式炒通菜(好味，呢個就好大碟)。埋單每人百五，唔算好平，味道算ok，勝在唔洗等位。留意到星期一嘅十週年優惠係泰式生蝦刺身，可以一試！…查看更多

係附近反工，一行五人放工去呢間dinner,七點去到唔洗等位，五個人叫左三個意粉,三個小食, 包括蒜香炒蜆肉意粉(好香好好食，有少少辣),墨魚汁海鮮意粉(呢個麻麻地),軟殻蟹黑松露意粉(好食)，仲有前菜沙律(正常味)，小食肉醬薯條(好耶味)同一大兜白酒煮蜆肉(直係好鐘意食蜆肉😂)。有啲野食唔記得影相😂每人叫左杯野飲，我叫左熱嘅熱帶森林，好多鮮果，感覺好健康😂😂野食上得好快，入去計九個字已經食完，啲侍應好心急好想趕人走咁，問我地要唔要甜品，唔要就遞張單俾我地。不過見門口都好多人排隊，我地就唯有轉場啦！…查看更多

係附近放工search OpenRice 搵到呢間，位置唔好搵，因為放工時間工廈有啲門closed左，轉左幾圈先搵到。兩個人叫左兩個餐，當然唔少得牛肉麵同椒鹽雞扒面，都幾有台灣風味，價錢合理，可再黎👍🏻…查看更多