相約朋友到apm傾傾計劃，朋友提議到food court，我嫌嘈，相約到紅螞蟻，叫做靜少少，坐得好啲。我地唔夠六點就到，一入去，侍應問下午茶定晚飯，心想：傾一陣，又未太肚餓，下午茶都不錯，我話下午茶，跟住佢就噴一輪什麼幾點要交枱嘅規矩，最憎依啲又限時限刻坐，但體諒到要做晚市，算！心想食埋飯都冇所謂，咁我話食飯啦，入到去，人唔多，被帶到張逼到張好逼嘅二人枱，攞住個大袋，我要求坐卡位，佢又話，坐卡位要一個鐘交枱，我問點解，佢話因為你兩個人，卡位係四人枱，算！
坐落細枱後，我叫朋友叫嘢食，朋友話屋企煮咗飯，傾完返屋企食，飲杯嘢得啦，咁大家叫杯嘢先，我打算朋友走咗先叫飯，唔通我表演食飯畀朋友睇咩？況且晏少少食更理想啦，咁落單啦，侍應問：先生係咪淨飲嘢？我話：又點呢？“淨飲45分鐘要交枱”（咁Q多規矩）我話：我一陣先叫飯。傾到咁上下，有侍應攞張單埋嚟要埋單，我奇怪都冇埋單，我話我未走喎，佢話要截單，我話我都未叫飯，佢話頭先唔叫而家要截單，我話咁而家叫啦，佢話頭先冇叫而家冇得叫截完單再叫啦。我話咁係咪而家要交返張枱畀你，佢話，咁你話一陣叫飯咪坐囉我嬲到爆，差不多傾完，我仲响到食!? 傾多約十分鐘，再走埋嚟趕我走，當時店内中間有四，五張圓枱冇人坐，使唔使咁趕客？離開時亦冇人等枱，咁樣做生意不知所謂！如果我阻住啲枱你出聲都算，大把枱都趕客走，我以後都唔會幫襯所有紅螞蟻，今時今日仲有依啲服務態度，仲要畀朋友串應該一早去food court，因為嗰度一啲都唔静，啲侍應掛住吹水，整跌兩次托盤，砰砰澎澎，離哂大譜！！！…查看更多
坐落細枱後，我叫朋友叫嘢食，朋友話屋企煮咗飯，傾完返屋企食，飲杯嘢得啦，咁大家叫杯嘢先，我打算朋友走咗先叫飯，唔通我表演食飯畀朋友睇咩？況且晏少少食更理想啦，咁落單啦，侍應問：先生係咪淨飲嘢？我話：又點呢？“淨飲45分鐘要交枱”（咁Q多規矩）我話：我一陣先叫飯。傾到咁上下，有侍應攞張單埋嚟要埋單，我奇怪都冇埋單，我話我未走喎，佢話要截單，我話我都未叫飯，佢話頭先唔叫而家要截單，我話咁而家叫啦，佢話頭先冇叫而家冇得叫截完單再叫啦。我話咁係咪而家要交返張枱畀你，佢話，咁你話一陣叫飯咪坐囉我嬲到爆，差不多傾完，我仲响到食!? 傾多約十分鐘，再走埋嚟趕我走，當時店内中間有四，五張圓枱冇人坐，使唔使咁趕客？離開時亦冇人等枱，咁樣做生意不知所謂！如果我阻住啲枱你出聲都算，大把枱都趕客走，我以後都唔會幫襯所有紅螞蟻，今時今日仲有依啲服務態度，仲要畀朋友串應該一早去food court，因為嗰度一啲都唔静，啲侍應掛住吹水，整跌兩次托盤，砰砰澎澎，離哂大譜！！！…查看更多
