CherryYanYan8605的個人專頁

星期日同屋企人一行6人去粗菜館食晚飯，多人去食既好處係可以叫多啲唔同既餸菜黎試，個日我地叫左5樣餸、1個湯同埋豬油撈飯。📍是日靚湯蓮藕眉豆豬骨湯，足料十分濃郁既老火湯，但我覺得偏咸左小小，鐘意濃味既人士就好岩。📍招牌炒豬雜 ，依個真係好好味，好有鑊氣，好入味，餸飯一流。📍 小炒皇 ，呢一味相對嚟講就是普普通通，不過不失。📍 豉汁籠仔蒸大鱔，呢一味係每個屋企人都十分喜愛，大家一致認為大鱔好新鮮，咬既時候有脆口彈牙既感覺。📍椒鹽鮮魷，每一次去食炒小菜必叫，依間整得好好味，乾身香脆爽口，味道好夠，就算冇喼汁都一樣好食。 📍山楂醬排骨，酸酸甜甜好開胃，排骨一啲都唔韌，幾好食。 📍豬油撈飯 ，豬油加豉油撈飯，邪惡得黎又好惹味，值得一試。 …查看更多

星期五同家人去沙田行街，經過天天海南雞飯家人話有興趣，當時6點半襯人流未算太多我地就入左去食。我地當晚叫左：📍 海南雞中份 ，每一舊雞都好滑，再點埋醬料，真係好夾，食唔停口 ，無失望。📍 雞油飯，食海南雞當然要叫埋雞油飯先係絕配，好香雞油味，本身我最驚就係食到啲好硬既飯，依個軟硬適中。 📍 牛肉骨茶火鍋，依個最驚喜係個湯，香濃得黎有小小甜，係我喜歡既味道，牛方面係牛腩牛筋部位，一啲都唔韌，湯料仲有豆卜、冬菇、雞蛋、芽菜、牛丸同米粉，好豐富。 📍 美祿豆腐花，最後我口痕想食甜品，就叫左依個試下，口感係豆腐花與奶凍之間，再加上美祿粉一齊食，都幾好味，比港式豆腐花特別一啲。 整體餐飯不錯，我地食完走既時候，出面好多人等緊位，所以想食要早小小去先得。 …查看更多

好耐之前已聽過十三姨依間餐廳，早幾日突然想食鵝肝，即刻諗起就去試下，去左尖沙咀分店，當日下午4點半左右到達，人流唔多，加上環境不錯，坐得舒服。一坐低職員就拎咗蝦片俾我哋食，味道係印尼蝦片，另外叫左兩個招牌必食：📍鵝肝煎蛋撈飯好味，鵝肝煎得好香，另外撈飯入邊配搭埋XO醬，連埋煎蛋，有多層次嘅味道。📍蟹粉沾麵，本身我唔係特別鍾意蟹，但食落有驚喜，蟹粉都好足料，麵底爽口，再配搭埋薑茶，一set上菜，整體不錯喔。 本身想試下啲小食，但實在太飽，留待下一次再去試😊。…查看更多