肥毛的個人專頁

因為有團購去試吓，唉，真係非常失望。我同我阿媽唔識欣賞。當時點解令我失望? 我今日見其他人評語都知一二。牛扒不新鮮，黑椒味過濃，而湯及飯對扒餐不配合。無下次。…查看更多

今日翻睇自己臉書，發覺值得要上報openrice如果各位中環返工，同麻甩老一齊的話，不妨到此，一面飲啤酒清酒，一面叫燒烤物，寧捨有風味。貝殼類、鵝肝、魚、牛柳扒之類，真係必定！其他水準都幾好。可能生意太好，伙計服務質素有待改進。…查看更多

呢間野起我公司地點(合和)附近，同事話去試下，一齊去叫左幾樣野雞絲粉皮(一定要食)餃子麵羊麵豬扒白飯而我自己叫豬扒菜飯，我自己果個菜飯幾好食，菜飯只是加$3，白飯可能DRY D仲有，料及飯好大碗，一定夠冷氣都夠，出菜快，附近打工仔可以一遊…查看更多

其實我21日第一次去，我前同事帶我上去。我媽媽好鐘意印度菜兼未去過重慶森林，帶佢同我朋友上去一開始奉送胡椒餅，印度菜例牌啦前菜叫左齋咖哩角叫左菠菜蓉薯仔，蕃茄蓉雞，加薄餅，汁底好食最正係五件雞，鐵板上，雞肉好正，普通印度餐館煮到雞肉乾柴，而呢間野煮到肉質幼嫩，JUICY果隻，值得推介…查看更多

呢間鋪位置完全不起眼, 我今次第二次食, 今次食紫菜四寶 $20, 我同事叫牛筋麵味道應該無味精, 湯底是魚湯底, 比較清淡味還有其他車仔麵, 款式多任君選擇.麵檔來講, 算係好乾淨, 好少有咁乾淨, 有部大電視, 一面食面一面睇電視, 爽所以我幫親第二回…查看更多

Lunch 收加一, 真係唔知, 賣單先知食物方面, 叫左牛肉搶湯拉麵, 一碗羊肉搶湯拉麵, 麵喎....駛唔駛加一? 你以為去西餐食牛扒呀?服務又無, 茶都無杯, 出送時間又慢, 我覺得上左賊船, 無下次整個鋪都有八成滿座, 得兩個伙計招呼....唉味道方面, 不太好,.....…查看更多

今日有個印度籍同事fairwell, 去食鄉下菜啦, 位置真係深入, 無人帶真係唔知環境ok, 可能lunch收得平, 好多學生食(學生價$30) 成人價$37我自己叫咖哩雞, 好香湯都好過天后某一間印度餐廳我亦都有試同事叫的辣雞, 小小一滴汁, 立即辣到入喉嚨, 勁!我亦食左半碗炒飯, 呢個呢一般喇 (不過我食每一間的印度炒飯都係咁)最後有杯野飲值得再去, 不過位置真係幾惡搵…查看更多

去完教堂, 順到走過來, 間野都開左一段時間, 不過我又一段時間無去, 間鋪無乜變化叫左兩碗, 紅豆杏仁豆腐, 及涼粉海底椰黑珍珠紅豆杏仁豆腐好香好滑, 配紅豆味道認真正, 有少少似紅豆雪糕的味道而涼粉海底椰黑珍珠, 唯海底椰比較硬, 不夠軟, 其他都ok好耐以前叫過"心甜", 即椰子燉湯圓, 下次會再食…查看更多

我自己生日, 有2位好友叫我去食飯, 帶我去試食.好多配菜, 10碟, 包圍住火鍋邊緣, 視覺上好正當日叫左炒炒絲,炒餅, 青衣魚片, 牛肉, 茹, 石頭飯, 其他忘記了好開心環境好, 乾淨, 好招呼, 抽氣好, 因為呢間韓國店有燒烤下次我會再幫親不過, 我比較懷念清真寺附近的滿拿韓國燒烤, 不過九七前執左, 真係悲…查看更多

我起附近返工, 見間鋪開張無耐, 今日lunch行過馬會買六合彩時候, 於是入去幫親下, 今日叫一杯原味溝黑梅味, 再加2隻topping, 2隻都係玉米片, 貪佢有口感, 趣卜卜, 我覺得好正, 乳酪無水份, 無冰, 好滑, 牛奶味好夠, 價錢唔係貴, 地方乾淨又靚, 班伙計又好招呼, 尤其是個西人, 好生鬼,食杯野坐一陣, relax下,好舒服, 坐左十分鐘左右走左, 不妨一試,而我會有下次…查看更多

我曾經為此餐廳寫過評論, 以前是好的.近期裝修後, 拆走迴轉壽司之後, 什麼"放題"(即是任食), 搞到餐廳質素嚴重下跌, 仲有, 乜野叫做"放題"?一個正常的中國人當然唔知, 又貴, $150/位..... 火鍋又唔店, 牛肉極肥, 火力又不足, 而且伙計又少左, 不論招呼,清潔, 落單方面大失水準, 以前做開好地地, 做乜改變呢?唔衰羅黎衰,連我幫親咁耐既熟客仔都頂佢唔順, 都決定唔再幫親佢.…查看更多

廿幾年前，我曾經在荃灣眾安街的「上海一品香」食過一碗炸醬麵，好味之至，印象深刻！但係又執左十幾年，自此之後，無一間上海麵店做到這種味道，大膽果句，入了「垃圾級別」！今朝，無啦啦上網比我睇到荃灣亨和街 (近荃灣法院及荃灣廣場) 有間舊式裝修的上海麵店，名為「上海美味一品香菜館」，淨係見到裝修已經信心萬分，於是落去食午餐。兩個人叫了一碗炸醬麵，一碗擔擔麵，一碟豆腐干，一碟豆沙鍋餅。共$93。一定要叫炸醬麵及豆沙鍋餅！絕對無老點你！…查看更多

聞名不如一見！沙瓜！近期，我lunch經常幫親位於中環士丹利街和威靈頓街之間的吉士笠街的「水記」粉麵食lunch。食咗好耐，見佢個餐牌好耐，「沙瓜」？「沙瓜」只可單併？乜野係「沙瓜」，於是問吓老闆。「沙瓜」是牛胃一部分，牛胃有三部分，「牛柏葉」、「金錢肚」及「沙瓜」。「沙瓜」是非常小的。一隻牛，全副「沙瓜」，只有兩個人的份量。真係小得可憐。老板娘上星期預留一份比我，要等一個星期先有得食．．．．．．味道係點？「正」，好爽，無榨！不過，小食多滋味！！保證膽固醇勁高！同時間叫一份魚皮。個老闆好有性格、好有品味，寫到明「不設外賣，不得自提！」好食….與眾不同！無油益味！自家制！另外，該店舖沒有「大紅浙醋」，由「白醋蘿蔔」替代，值得一試。最可惜是，大排擋是沒有冷氣的！「沙瓜」麵：＄２０「魚皮」：＄９至於我平時只是光顧＄２０雙併。…查看更多

評價：中等好食光顧次數：4次除咗餐湯我唔識欣賞之外, 總體來講都ok既, 環境幾好,人少,同朋友靜靜地傾計係最好選擇始終印度菜唔似主流的廣東小菜,日本壽司,扒房等, 所以少D人光顧,可以試吓…查看更多

位於荃灣千色店的大作迴轉壽司店，我經常幫親佢地。我之前食得最多係元綠壽司，食食吓啲味道差咗，啲飯越食越難食，於是食吓其他鋪頭。呢間野最好食係「特鰻壽司」，真係與眾不同，刺身價錢都算ok，不過炸物真係唔掂，你唔信的話可以去試吓！ 記得叫碗麵豉湯，好正架！每次平均一個人賣單$50-60。…查看更多