or#tm67228541的個人專頁

位於觀塘鬧市的呢間西式餐廳成日都經過，新年好多餐廳都未開，於是試下呢間餐廳。餐廳內空間好大，座位唔多，食客坐得好闊落。 等左大約十分鐘就有位。掃code落單，叫左一個all day breakfast, 飼主叫左一個叫漢堡包餐，另外加左一杯野飲。唔係講笑，上餐後見到個份量真係影到爆晒mon咁，大大份，價錢偏貴，但覺得對得住個價錢。All day breakfast （南乳豬扒）好多野食，個茄汁豆唔係少少一更🥄咁冇誠意，波羅係一條咁上，男仔食都絕對夠食。最等意係佢有一塊喵喵造型既多士，配上佢自家制既果jam(個人認為偏水左d,不過個果肉就都多，滿意），yoghurt 好酸好raw，可惜成個餐都有d凍，如果唔係一定滿分💯。漢堡包餐都好食，薯條熱上的，好味。環境方面，可能係同馬會有關係，餐廳內放左幾個monitor 都係講賠率，又有馬會巴士（glamping主題）仲有許願樹又馬會主題咁幾得意。侍應服務都好好。總括黎講得明會encore。…查看更多

好耐冇食豪隍，估唔到再食呢間餐廳已經開左分店。記得呢間店最出名係食腸粉，所以今次都有點到食。1. 蝦仁燒賣皇一粒燒賣有兩隻蝦，算足料同好食。不過賣相認真麻麻。2.流沙奶黃包流沙包好夠熱，飼主又一次比入面熱辣辣既餡辣親，大家食個時要小心d。相影得有d朦因為d蒸氣飄出黎，證明夠熱。包好多，饀好少。失望。3.籠仔馬拉糕欣賞呢間店既馬拉糕係滿一籠而唔係出面某點心舖得一磚咁，而且唔算太甜。4.上海生煎包 呢個食到嬲，個饀好苦！ 入面d菜唔新鮮！😡5.山竹牛肉球牛肉球料好足，好彈牙，唔錯。6.香茜牛肉腸作為呢間店招牌，我對佢好有期待，點知⋯貴，得兩條，個皮又厚，失望。7.鵝肝醬咸水角死同一樣野，個皮好厚啊⋯員工服務ok, 但間點心舖水平真心麻麻，有好食有唔好食。價錢⋯過得去但同樣價位有更好選擇。…查看更多

星期六閒來無事，訓醒已經到左食午飯時間，最後出左鰂魚涌既呢間西餐廳。呢間西餐廳之前同朋友食過一次 ，所以今次帶飼主黎食。間餐廳唔算易搵，不過好處係佢係學校既一邊，假日去好靜好chill, 我地唔洗點等就有位喇。咁左兩個主菜，兩杯野飲同一份甜品。1. 63‘c 蛋巴馬火腿牛油果吐司我地個份同網上同我上次食有d唔同左，唔知係咪改左做法，今次份吐司上面加左磨菇，感覺似左茶餐廳個種吐司，蓋左牛油果種raw同fresh 既口感，略失望，其他沙律，cheese都好食。3星。⭐️⭐️⭐️2.礦工牛肉丼呢個飯好好食（因為太好食，唔記得影相😋）D牛肉岩岩好有咬口，個洋蔥同木耳好好食濕濕到潤下喉又酸酸地咁好開胃，個汁係蘋果醬食起來唔錯同牛肉一齊抵消左個膩。3. 飼主鍾意品嚐唔同了食店既咖啡，今次佢叫左杯ice latte ,正常不過不失咁。4. 甜品有招牌挪威海鹽芝士牛角飽窩夫呢個係最最好食，個牛角包好煙韌好香口，甜得黎少少咸，如果有下次會返黎encore呢個。5. 失傳法式西多士好啦我承認我地比佢個咁神秘既名呃左，坦白講，太甜，除左諗唔到佢咁整到個麵包咁濕之外，其實好普通既一道甜品。最後講講其他，環境唔錯，有少少外國feel 好chill 。員工都好nice。價格稍貴但可接受。…查看更多

閒日經過時代廣場，見到呢間韓國餐廳冇咩人排隊就去食。店內裝潢係韓式，走木系路線，好有氣氛。我地去既時候好早，冇咩排隊，食食下發現滿座仲要排隊。我地一共叫左一個主菜，一碟煎餅，再加左杯飲品。野食未到先上左個主菜，酸蘿蔔青瓜。醃得好入味又青爽，唔錯唔錯。至於主菜我地就叫左牛肋骨蛋包飯，個汁好韓式，甜甜地又香，配埋個炒到岩岩好既蛋。仲有少少配菜，大大份！個飯用醬油炒過唔係白飯黎嫁，不過就冇咩味咁。個肉真係好好食，油脂唔肥，個肉好「淋」，可以用匙更「筆」黎食。好想知個店家點做到右上角加左個海鮮煎餅，夠晒脆口最後配搭埋香蕉士多啤梨奶昔，香蕉香味好夠。講完野食就想講下服務，侍應們服務真心麻麻，舉手示意冇反應之後，語氣都唔太好⋯…查看更多

同飼主放工經過九龍塘，順手去行下商場再覓食。可能早左d見平時好多人想食既日本餐廳冇咩人排隊，就去食。的都等左15分鐘到就入得，入到去有得坐二人卡位。最後最左個豬排，豬柳，帶子既二人餐。個擺盤好色彩繽紛好日系！呢到就係二人既份量喇，當中既飯同菜（炸豬排同炸豬柳炸帶子中間既就係菜）係任fill，保證飽。一開始店員每人比左碗芝麻我地玩，磨左一輪d芝麻味撲完出黎咁好香，加埋個豬排醬點豬排真係好好食。麵豉湯味道重左d，不過湯入面有好大粒蜆好amazing !講返個餐先！個豬排係個鎮店之寶，但我覺得最好味係個炸帶子。個帶子好好味又甜，運埋d粉漿炸到卜卜脆。連埋個黃芥末醬好夾。仲有飯後果（西瓜）食。…查看更多

上兩個星期都試左西菜同日本菜，今日飼主帶左我黎位於時代廣場12樓既鍾廚。因為避開左人潮我地兩點零鐘先到餐廳，冇人排隊入去就食得喇！ 內裡環境唔錯，落地一玻璃睇到晒銅鑼灣景，天花有雀仔同木條裝飾扮鳥籠。飼主之前黎過好威威咁示範個水褒點玩，令人驚嘆原來而家飯茶可以咁好玩，當然店家對水滾茶靚既執著啦。1. 茶葉係一包安排入座既時候比埋，全程叫點心都係先助，好方便。家鄉煎薄撐好耐冇食，呢個粉漿煙韌唔錯，可惜煎得燶左少少。馬拉糕正常，不過不失。最抵食一定係個鮑魚燒賣，33蚊一隻，一口鮑加上個燒賣，真心唔錯，滿足感爆登。牛肉球貨真價實，肉實的的，唔錯。…查看更多

睇到街坊谷既推介，黎試試呢間位於太子既炸雞。其實大角咀同太子既炸雞店有唔少，都有心水小店。可惜已經結業。最近已經頹到食某連鎖快餐店既炸雞。今日搭巴士返屋企，醒起落車位附近就係呢間炸雞店。返到屋企附近已經接近晚上九點，位於太子深水埗之間既店面個時冇咩人，我地幾乎一落單比左錢，諗完食咩就炸好拎得走。之前都怕會等到好好好餓。三個人食叫左兩個餐（c2,a2),返到屋企仲係熱辣辣，洗左手就急不及待開餐喇。D雞多汁又彈牙，配埋d醬簡直一絕（一共有十款，今次我地揀左柚子醬，醬油醬，蜜糖芥末醬同甜酸醬），一開始食落蜜糖芥末最好食，食到最後竟然係個柚子最好食。（可能習慣左柚子甘甘地個味道）D醬唔止用黎點炸雞，仲可以點埋個薯條，雖然行返屋企有段路，d薯條返到屋企仲可以keep住脆卜卜，上面仲灑左d粉，就算就咁食都冇咁單調，我地就用薯條黎試每個醬再點d炸雞。一開始仲驚薯條咁細份唔夠飽，食完發覺岩岩好，唔洗做大晒鬼。加左錢升級野飲，青擰梳打真心唔錯，開胃得黎夾埋個炸雞岩岩好。打完食評又心思思想再幫襯lu…查看更多

星期五係奧海城兜左個圈，醒起好耐都冇食羅麥記，又想食下中式茶餐廳就去食。呢個鍾數餐廳唔算多人，可能因為比較樓上。用手機落單好方便。三個人食左兩個飯一個小食。首先講既係蝦多士，炸到卜卜脆，蝦膠彈牙，最鍾意個醬，係manyonise source 再配上酸青辣椒，酸酸地好好味。2.蝦多士已經係最好食，呢個芝士焗飯當年好hit，今日特登叫左個一齊開心share可惜除左份量夠晒大之外，其他方面好普通，無量係個芝士，海鮮，同個包仲有裡面既飯，成碟野好唔夾，但絕對飽肚。3.呢碟羅麥就河粉印象中唔錯，但今日呢碟好鹹，牛肉處理得幾好，但個汁真係出晒事⋯…查看更多

今日訓醒就快快手出門口食lunch,因為呢間餐廳要排好耐隊嫁。前兩日想同open rice app 諗住話book枱，可惜星期六not available。到問口大約12:15，第三張枱，等左15分鐘就入得。叫左兩個主菜，一個甜品。1.特上刺身御膳刺身好好食，魚肉鮮甜，肉質彈牙一d唔「梅」亦唔腥，擺盤好靚。2.特上壽司御膳咁多款之中最鍾意係個帆立貝（好易腥，呢個一d都冇。成碟之中個海膽麻麻。其實好好食。3. 綠茶紅豆蓉餅（右上）左邊既係兩個餐送既芝麻薯波，一口就食晒。芝麻好香，麻薯好好食，個餡係芝麻餡。右邊既係厥餅，上面既紅豆好好食，唔苦。好彩早到，之後好多人排隊嫁。特別要講一講個服務，加茶上菜好快，侍應有禮，比五粒星星！…查看更多

今日約左朋友食飯，想坐低慢慢傾就諗到黎奧海城food court 黎食飯。其實呢間沾麵之前已經食過一次，所以食次一開始買飯我就直奔呢間舖頭。成日諗一世人豪一次我最後都係唔爭氣咁叫個最豪既餐。等左算耐，朋友叫其他餐廳食晒我都仲未拎得出黎。個汁同石頭窩裝住真係keep 到好熱，沾落d麵到好好食。有d龍蝦肉，個湯好濃感覺好滿足。最想講講個蠔，好多人都加多兩隻蠔咁食，佢個粉好薄好爽，隻蠔好肥美可口加埋個醬（沙律加豬扒醬），好食到唔想停！…查看更多

今日約左飼主食晚飯打算用下d商場coupon，飼主經朋友介紹book 左呢間食蠔既西式餐廳。聽聞呢間專食蠔，一行入去已經有個oyster bar ,有兩位專員企左入去開蠔。飼主話黎主打蠔既地方，梗係試一試佢啦1.炭燒生蠔八爪魚意大利飯 $298蠔係幾大隻，冇腥咩，但亦唔算甜，海鮮汁濃濃地咁,2. 炭燒穀飼美國頂級牛肉眼 $478其實係外國食開medium rare, 返到香港保守少少食medium 😂😂, 塊排唔錯，肥瘦相宜，個汁一般， 右手邊黃色既係 honey mustard 類似既醬，幾醒神。3.the four sea(右）$78太酸喇，飲左一半已經飲唔落去4. Rose cappuccino(左）$78玫瑰呢杯幾好飲。 食完有少少意猶未盡，問問店員推介左個apple pie $128個批既花瓣係用蘋果乾整成，甜得黎又唔漏伴碟既醬同雪糕好好食😋可惜唔夠食講完食物，想講下環境⋯其實餐廳佈置唔錯，但細節位可更好—1.切蠔既刀太殘，個抦d皮甩晒2.洗手間其實唔太整潔侍應服務&禮貌好好，過黎加水，換碟，等等好頻密。飼主話其實午餐黎食會化算d…埋單一千既餐廳坦白講有更多更好既選擇⋯…查看更多

大角嘴新開的明日花經過左幾次，今日晚餐飼主買左一個餐加半隻燒春雞share食。1.鰻魚飯餐$782.因為兩個人食另外叫左半隻燒春雞$683.跟餐加左錢轉蜜桃茶$8154蚊有飯有沙律🥗有面豉湯仲有半隻燒春雞真係好抵食，重點係呢間小店樣樣都唔馬夫。⭐️沙律菜一d都唔苦，仲係新鮮既甜，份量一人黎講算係咁🉑面豉湯冇咩味⭐️燒春雞，好好食，熟得黎一d都唔柴（包括個尖），咬落去有油脂，唔多但係潤口，d肉又彈牙⭐️鰻魚飯，呢個份量絕對對得住個價錢，個鰻魚同隻雞一樣好彈牙，照燒汁配落個飯到又岩岩好，而且好足飯量⭐️蜜桃茶好飲希望保持水準，支持小店👍🏻…查看更多

夜媽媽又熱又焗，同飼主路經深水埗發現有間新奶茶舖叫鮮茶simply tea，價錢唔算貴就去試下。收銀姐姐推介芋圓奶茶（其實仲推介左沙冰仲有優惠，不過個人對沙冰麻麻），就試一試。同其他奶茶店一樣提供甜度同冰量選擇，習慣叫少甜少冰。芋圓同奶茶味道好夾，甜度適中，芋圓有咬口又唔太「林」亦唔太甜，唔同其他奶茶舖得個甜字，總括黎講有4星⭐️⭐️⭐️⭐️店面乾淨企理，大大杯都只係26蚊，兩個人夜媽媽share飲消暑岩岩好。真心希望呢d小店做得住，加油…查看更多

週末訓到自然醒，特登出牛頭角食個lunch。唔洗等位就可以食，地方闊落坐等幾舒服。用手機落單好方便 。餐廳仲有送餐機械人，cute!總捨黎講，唔錯，少貴。1. Grilled eel & Japanese lemon herb risotto 加左柚子落去，個飯酸酸地又有回甘，開胃又出色。2. Roasted beef sandwich with Worcestershire peanut butter sauce花生醬同個牛肉好夾，烘底麵包香口得黎又唔煨，仲有牛油咪，正😄3. Iced mocha出而好多mocha都帶苦，呢杯完全無，好滿意。 4. 餅底蛋香好濃，有咬口用gelato 好新穎士多啤梨達人表示士多啤梨少少酸。…查看更多