funnylam的個人專頁

今日決定要寫食評今日我地專登請假去玩就算落雨都出去離島食野中午係長洲試左一間極差、衞生欠佳嘅茶餐廳放假心情跌到谷底幸好再去坪洲走走遇到剛開張兩個月嘅日式小店@chayadaruma 經過食店嘅門口，睇到餐牌已經好吸引門口有西式大太陽傘，感覺好舒服今天下大雨，我地當然坐室內一進食店內，我好驚訝，小小嘅鋪位點解甘‘’日本‘’嘅心情即時反彈職員問我地坐唔坐上榻榻米坐上一個高度厚度適中，好舒服嘅坐墊一睇餐牌，飲品、主食、小食，每樣都好多款式今次只係食下午茶我地叫左美式咖啡，綠茶牛奶，焙茶芝士蛋糕，提拉米蘇第一樣送上的是美式咖啡，我見到佢個杯款式好靚，木餐盤印有餐廳公仔，好可愛。老公話杯咖啡好好飲我就飲我至愛綠茶牛奶，京都嘅感覺返返嚟，無得去日本都享受杯綠茶。杯綠茶都好大杯，杯身有質感，原來又係購至日本焙茶芝士蛋糕，我以為係雪出來的，點知係焗，焙茶味好香，芝士味也很香濃滑溜，好想試埋佢其他口味嘅芝士餅最後點都會叫提拉米蘇，因為呢個甜品係鋪頭推介話自己係坪洲no.1，我好欣賞佢無落生雞蛋，因為生雞蛋好易變質受感染。佢甜度適中，當中嘅酒味帶有果仁味，果然可以稱得上no.1. 原來鋪頭開業2星期，而且唔係日日開鋪，好開心今日有幸品嚐到美食我感受到呢間小店嘅服務，煮食用心，食物優質，裝修和風，所以希望會再去幫襯。祝努力守業，堅持下去，日日是好日。…查看更多

一進到餐廳最吸引的地方係檯上的瓷磚花花圖案. 每張檯都唔同, 所以我地坐了一張圖案最花巧的檯, 很美. 煙三文魚凱撒沙律, 甘荀湯配蒜蓉包頭盤以清清地的甘荀湯,很有營養又甘香好味. 配脆卜卜的蒜蓉包. 一清一濃, 很開胃. 加上煙三文魚凱撒沙律, 三文魚新鮮啖啖肉, 羅馬生菜很清新好味, 加上沙律醬, 芝士碎和脆脆煙肉, 份量很大, 食極都仲有.可以三四人分享. 香草蒜片大蝦墨魚麵嚐起香草配蒜片很熱辣可口, 可以再重手一些. 大蝦肉很彈牙, 好鮮味.配上墨魚麵更為鮮上加鮮. 墨魚麵幼細彈牙, 這種墨魚麵應該係製造麵條時已經放入墨魚汁, 所以食起來唔會食到成排牙都黑麻麻. 雖然沒有太多汁, 但麵質又不會太乾身變硬. 份量多. 夠二三個人分. 龍蝦松露薯條 陣陣松露香味,龍蝦全隻開成邊上, 賣相相當吸引呀, 份量十足而龍蝦肉滲入了松露香味雙重香氣後,更是惹味無比 熱辣入口會嚐到異常鮮活彈牙的口感 確實有喜 大件夾抵食 令味道賣相加分炸薯條蘸上. 光是顏色和賣相已經很吸引 . 雖然食到整手都油油的(有工具比我地食), 但值得一試.朱古力咖啡慕絲蛋糕 朱古力碎係上, 雪糕, 層次豐富很冰涼的感覺, 凍冰冰，最適合夏日30幾度食.…查看更多

平時我好少食蒜，最多都係食下蒜蓉蝦同蒜蓉炒菜, 今次見韓國來了這間以蒜頭為主的餐廳, 帶著即管一試的心態去食.環境很舒服, 很似地下酒窖, 我地坐近門口. 收銀旁邊有粒蒜頭造型的燈, 好可愛; 後面有個大大的蒜頭花圈. 整間餐廳的空氣, 瀰漫著不同層次的蒜香.餐牌上大部份都係有蒜頭為配料.我地叫左個小食, 薄餅, 意粉, 飲品, 最後才決定要埋個甜品.Mocktail Cinderella, Fresh Rosemary Iced Tea先來兩杯特飲,叫左杯Mocktail Cinderella & Fresh Rosemary Iced Tea. 賣相好.夠夏日.Cinderella 係菠蘿汁，橙汁，檸檬汁混合而成,酸酸甜甜，好健康.而我朋友杯賣相都吸引，但佢因為注意健康，所以走糖水。MFG特色蒜蓉包塔法包上有個座橙黃色很鮮艷嘅蒜蓉塔, 造形好似間小屋子.極多的蒜蓉量, 上面有橙紅色的調味粉，待應生即時動手把整個蒜蓉塔用刀叉弄到法包內. 我開頭唔明白點解佢破壞咁靚的屋型, 食落就明白佢的用心. 極之香脆的法包, 加軟棉的內層包再加上中間焗到香脆的蒜蓉，實在係太美味呀！如果一早係法包釀入蒜蓉, 就唔會咁香脆同乾身, 口感味道一定大打折扣. 所以食第一道菜已經食到成個口都係蒜蓉味, 絕對係唔介意. 蝦,菠蘿，炸蒜片MGF招牌意大利薄餅(12")待應生送來Pizza時即時有了一個小型機器, 在Pizza刨上芝士, 好開心呀~ 勁多芝士, 一點都唔會就住就住.餅底很薄脆,面頭鋪上蝦,菠蘿同炸蒜片.炸蒜片好香脆,炸得金黃乾身又唔油，由於配有菠蘿同沙律醬的味道, Pizza鮮甜又清新, 似甜點多過鹹點！蒜香忌廉汁蟹肉及龍蝦肉意粉呢道菜係比較淡蒜味，幼身嘅意粉平均沾滿白汁，又唔太膩，加上兩種海鮮蟹肉同龍蝦肉彈牙，口感豐富之餘又好鮮味！自家製雲呢嗱雪糕    其實食到最後已經好飽,但女仔仲有多個胃放甜品,又好好奇想試試佢地點樣將蒜頭用係做甜品上,所以叫左個比較輕盈嘅自家製雲呢嗱雪糕. 雪糕底下有6-7粒原粒蒜頭及藍莓醬, 碟上畫有朱古力線條, 及放有一些莓子. 起初都擔心蒜頭甜品好似好怪, 但點知入口味道又好清甜, 質感似食緊淋身嘅鮮白合芯, 與白色的雲呢嗱雪糕一起食, 出奇夾, 而且兩者都好滑身. 用糖漬嘅整法去處蒜頭,夠曬創意！…查看更多

Campfire Camebert黎到這間以山系為主題的餐廳, 緊係食返個相關的食物, 叫左個Campfire Camebert, 造型好似去露營玩的營火會Campfire. 六件細長的麵包, 鬆軟可口, 好似Campfire的樹枝. 而圓形一餅的芝士, 係熱溶的芝士, 超級好味, 好濃的芝士, 加上熱呼呼的~ 「芝士控」~~~~~一定要試, 好有特式!!!驚喜甜品我忘記個這個甜品叫咩名, 但食的過程幾驚喜, 因為完全唔知道甜品裡面有什麼. 想玩想睇表演就試下啦:)奶茶一向對西餐廳嘅奶茶唔會抱太大期望，今次這杯奶茶，夠熱，茶香並非茶餐廳所沖嘅茶味，但都有濃郁。以西式奶茶來說，這杯算唔錯。但因為茶太濃，結果夜晚做了貓頭鷹啊。。。…查看更多

Happy Friday, YEAH!!!!!! 星期五放工去中西區食野，感覺真輕鬆. 終於找到這間小店落腳, 我們坐近門口, 對著落地玻璃，望出去，很多外國人happy hours緊，人人都拎住支啤酒，吹水。外國人多過香港人，心情仿佛星期五放工坐飛機，離開香港到外國享受過週末一樣。即時讓我放慢腳步，感覺相當relax.來到這間小店聽著輕鬆嘅美式音樂，諗下食MUD好~Pesto Herb Butter Fish & Chips $88 add Bacon & Cheese $15 with Traditional Tar Tar sauce佢地主打照牌菜，炸魚薯條, 有8個口味, 連醬料也有8個口味, 選擇困難啊, 所以問清楚. 店員好細心一一介紹, 仲比意見我地, 咩口味的炸魚薯條配咩醬料好. 其中一個口味很特別, 店員介紹這個口味係炸之前蘸上香草, 上桌後另外也附上香草醬.所以我叫左個香草口味再額外加芝士及煙肉來試試. 大樂透,炸物做得出色好味, 外層脆醬剛剛好, 厚度適中. 魚塊很大件, 肉質很厚而滑, 但沒有鬆散的質感. 原來貨源來自紐西蘭,食材高質素, 令我喜出望外.醬料也是不可輕看, 傳統的Tar Tar醬, 加芝士及煙肉加強鹹香口感, 再蘸上香草醬, 口味出奇的夾. Calamari Basket $48 (with Mayo sauce)6件厚身嘅魷魚圈，魷魚又係好厚身, 份量十足, 新鮮，品嚐到異常鮮活爽口，口感彈牙.Captain Prawns Boat $58 (with mustard sauce)炸蝦, 又係好香脆, 一共有5大條, 附上1/4個檸檬，加一杯炸香蒜粒粒, 再配埋mustard一齊食, 真的滋味無窮。Pineapple Express $35菠蘿冰，很玩味, 由一塊圓形菠蘿冰塊作杯蓋. 而菠蘿汁內很多新鮮菠蘿肉打成細細粒，非常清新好飲，唔會有太多冰粒沖淡味道, 好足料. 飲完後幫助清減油膩感，哈！也減低我些小罪惡感。這裡有很多種手工啤酒，眼見有本地製造，或來自至紐西蘭，美國，日本等等。最後食完野，見老闆教d細路打機，類似打街頭霸王的遊戲，玩到好剌激.我同個friend都忍唔住玩下部機，打左幾round 雙打戰機game, 因為狂打嘅關係，打都手腕都痛。但真係好過癮，無諗過係餐廳有得打機! …查看更多

燒烤店人頭湧湧, 職員問我地介唔介紹坐出店外, 我無咩所謂, 最緊要唔使等就得食. 況且, 這個也是港式文化, 夠曬地道有風味。今次我地每個類別都叫一些來食﹕海膽汁焗扇貝燒海鮮實在係好開心的事, 海膽汁焗扇貝仲要係大大隻, 好厚肉. 未試過海膽汁配扇貝食, 鮮上鮮, 味道都夾配, 唔怪之得拎獎啦, 食到我地舔舔脷, 大~滿~足~. 而且洗得好乾淨, 我都好放心大口大口食.塔門招牌海膽炒飯另一海膽系列的菜式, 海膽及飯都份量十足, 食到好飽. 果然塔門係出名食海膽, 好多菜式都用上海膽.蒜茸汁燒老虎蝦燒老虎蝦外層脆, 肉質卻鬆軟香甜, 一點也不乾身, 火候剛剛好. 蒜茸汁帶甜不嗆. 回家後口裡還是充滿這個蒜茸汁燒老虎蝦味, 令我回味無窮.蒜蓉炒雜菜看來好普通, 其實係炒得好好, 可能因為夠鑊氣.蒜味好出, 雜菜很爽脆可口, 但如果大碟點就更開心啦.塔門艇仔銀針粉銀針粉, 好少地方有得食啦, 這個粉實在真係夠曬地道啦. 我細細個已經好鍾意這個粉, 細細條, 好易食. 飲啖湯底, 我感受到漁村的風味…….鮮甜可能來自冬菇和蝦乾, 還有一些調味料, 但我食唔出呀. 飲完d湯又唔會口乾啊, 幾好幾好.燒茄子和燒原條粟米茄子和粟米, 一些看似豪不起眼的燒物, 我又好想食下蔬菜, 所以雖然好飽都想食. 燒茄子吃起來茄子外酥內軟，蘸上五香粉，少少辣, 好味。燒原條粟米, 也不錯, 如果附上牛油就更完美.塔門紫貝天葵做一杯涼茶都咁認真, 真材實料, 傳統涼茶配上用燈泡型的膠樽, 像中西合壁, 內外兼備. 涼茶口感微酸又有帶甜, 很清新, 大大減低膩感, 實在好合適食串燒飲. 下下火.塔門手打拉茶和塔門紫貝天葵都是一樣, 用燈泡型的膠樽盛載著. 這個拉茶不是茶餐廳那種口味, 又不像馬拉口味, 係介乎於兩者之間, 入口香滑唔會太濃亦唔太甜. 唔知道手拉茶係點沖出來呢~…查看更多

我地想不到小菜館的餐牌上這麼多的選擇, 我地睇左好耐都唔知點好, 得兩個人, 唔想眼闊肚窄, 叫得太多, 所以都係選了餐牌上有相嘅和得獎的菜式.上菜都幾快, 這個銀魚爆牙肉餅, 同平時屋企的好唔同. 佢賣相係比一般靚仔, 肉餅下放塊荷葉,用竹籠去蒸.果真和一般的很不同, 超級彈牙, 肉質好滑, 但當中有些像軟骨的東西, 很爽脆. 我們還選了銀魚這款配菜, 應該係炸過吧, 好香口.蒜香牛油焗蜆賣相好吸引, 仲要用個煎PAN上碟, 其實係西餐食品吧! 蜆都啖啖肉,沒有砂,洗得夠乾淨.very yummy. 蒜香,牛油好惹味. 芝士焗大蝦伊麵有成八隻大蝦甘多，大大隻，厚厚肉，食曬! 我覺得如果落多d芝士就好啦，會更香濃，做出拉芝士嘅效果。一路食一路傾計, 之後仲坐在好耐, waitress仲問我地食唔食糖水, 請你馬碲露, 我地飽到抱著肚走, 再食唔落糖水. 有機會先再食.…查看更多

nice關東煮手打烏冬配味噌湯及焙茶碟子似面盤大，但烏冬太少, 但有各種的蓮藕, 甘荀片,海帶, 魚片,蒟蒻, 豬肉卷, 豆腐, 獅子狗卷等等.。女生食都免強可以夠飽，但男生可能要多叫兩樣小食 :)西京燒銀雪魚，紅米飯配味噌湯及焙茶燒銀雪魚, 非常好味!! 煎出肥美的魚香來, 魚皮脆, 魚肉滑漏, 係外脆內軟. 啖啖肉, 夾埋橙色的炸蔥絲. 口感一流. 再品嘗一口焙茶，甘香，有焙香味，中和一下. (套餐配送一杯)。肉碎蓮藕這個小食很簡單, 只是蓮藕配上肉碎, 少少Spicy, 清新又醒胃.白面豉醬茄子我好少食面豉醬, 但今次嘅白面豉醬配茄子又幾𡙁, 送飯, 唔錯~至於環境裝潢很新很舒服, 可能因為只是開了數個月. 木系桌子椅子，配粉綠色牆身，與店舖名稱很夾，感覺很清新自然。…查看更多

蔬菜豆奶拉麵自製蛋面分量很足夠，又香又彈牙，雖然係好食，可惜上面嘅配餸好少，感覺似食淨面那樣，未夠滿足。起初見餐牌上，食物名隔離有塊菜，以為標示是素食，看仔細一點原來湯底不是純豆漿，而是豆漿雞湯，食素嘅朋友要注意。…查看更多

商場感謝祭，星期一嘅銅鑼灣與適末的時候一樣人山人海，所以我地趁未出現等位嘅情況下，先食完飯再行街。好快餐廳都坐滿，想不到這麼旺。看看餐牌，比起大坑甜品主店，這裡多了很多選擇，除了一向出名嘅甜品外，也有很多小食，主食，飲品。睇餐牌時都心大心細，樣樣都想試。我地叫左兩樣有芝士嘅小食，兩個意粉，兩個焙茶甜品，同飲品。芝士單骨雞翼單骨雞翼是窩心嘅食物，因為這樣切開比較容易食。面頭又有熱溶溶嘅雙色芝士，太好味。芝士煙肉薯條濃厚芝士加煙肉油香，芝士熱溶溶，要趁熱食，最好食。熱溶芝士令薯條變得淋一點，我食唔停口。溫泉蛋黑松露卡邦尼面，份量很多，溫泉蛋流心，黑松露很正，但白汁味道較膩。我比較鍾意松子啡菇扁意粉，夏日清新之選，蕃茄酸酸甜甜，加上三色椒，令人開胃。意粉彈牙，口感唔錯。藍莓香蕉乳酪，紫色的飲品，很吸睛。水果足料，滿有香蕉味，加上乳酪上灑上橙皮粒粒，好有咬口。未食完餐飯，已經飲曬杯乳酪沙冰。焙茶心太軟賣相顏色與一般朱古力心太軟無異，一切開，朱古力漿緩緩流出。嘗一口朱古力蛋糕及焙茶朱古力漿，再嘗一口雪糕，焙茶味很突出，烘香撲鼻。多數西餐或甜品店都會整朱古力心太軟，焙茶心太軟較少有。今次一食難忘，所以推介 :) 宇治焙茶芭菲這個高身嘅芭菲，有很多材料，最上層是焙茶味軟雪糕，超級軟滑，茶味濃郁。有一片鬆軟嘅綠茶蛋糕，不同顏色嘅彈性小丸子。中間有香滑忌廉，朱古力脆米，最低層有些啫喱粒粒。份量很多，要多人分享。好味好飽好滿足，都係要多d人食，食多幾款。…查看更多

沒想過竟然和一對退休朋友中午飲完茶，周圍玩，周圍行，之後竟然去食cafe, 成件事young左。位於銅鑼灣地帶，方便就腳，下午茶時間，九成九full, 等了一陣就有位。朋友到飲杯咖啡提提神，歇歇腳，拉花拉得唔錯，大家都舉起相機來影影相留念。再叫一個香蕉pancake一齊share, 香蕉簿餅，經典嘅好味。再試下個綠茶紅豆格仔餅，係原味格仔餅上放個綠茶雪糕，伴以紅豆蓉及蜜糖食，紅豆蓉夠香淋，好味道，結果再來一客。…查看更多

第一次有朋友提議入重慶大廈食印度餐，即管一試。我們進去坐進小小的餐店裡，不知如何點餐，唯有看餐牌一些圖片，和看看其他食客吃些什麼，再問問店員是什麼。最後點了幾款，首先點了Roti Canai with Curry. 係其他印度餐館，也有吃過，這是印度烤餅點咖哩汁吃，熱騰騰，滿有油香，有幾塊，吃不停。咖哩也香，不太spicy, 要再來多一碟才夠滿足。Masala Dosai, 我第一次吃這種脆餅。是一種一大片圓形脆餅卷成的一條長長圓筒形的脆餅，裡頭有一團薯蓉夾雜些許洋蔥。碟上有三種醬汁，咖哩汁，白色汁和橙色汁(吃不出是什麼味)，但這個脆餅，我建議要趁熱食，凍了唔脆，唔好食，所以一送上來，大家都係食不停的。只食簿餅脆餅，雖然會飽肚，感覺似吃小食，唔太實在，都要食點飯，肚裡才有米氣。Butter Milk 似咸味…查看更多

今日去金鐘廊食lunch. 間間餐廳門口都出現人龍，好不容易，係Holly Brown找到兩個位，結果我地三個人迫迫地坐住食。我地叫左兩個意粉餐，一個魚柳飽餐share。Carbonara 同白汁雞肉長通粉，份量大，汁也多，所以很膩。。。反而魚柳飽唔錯，魚塊都大件，配有脆卜卜有薯肉嘅薯條，好香口! 跟餐可以加30蚊轉奶昔，佢哋有隻奶昔係香蕉拖肥味，我見少比較少有嘅口味，決定肥都照加錢轉。哈哈！美食通常都肥，不過又真係好好飲，好多香蕉蓉，仲有同邪惡嘅拖肥，絕配。我決定轉飲係明志。肥，食完先減。 …查看更多

放假LA~入西貢旅行先, 一到步就搵野食, 因為唔想行的關係, 就找間最近的餐廳. 這間餐廳佔盡優越的地理位置, 臨近巴士小巴站. 環境有少少似東南亞的感覺, 面向西貢碼頭, 感覺好休閒寫意. 所以慢慢食慢慢坐. 我地叫左兩個Set lunch.熱奶茶,好得. 本以為西餐廳奶茶都一般般, 沒有抱任何期望. 但茶香與甜度都剛好,似茶餐廳奶茶. 我未開餐已經飲完成杯奶茶.朋友話熱檸茶,得三片薄檸檬, 太少.All Day Breakfast (雙蛋, 煙肉, 蕃汁豆, 火腿, 炸薯條, 多士)以為All Day Breakfast, 佢這份全日早餐, 我感到比較失望. 賣相其實都可以, 但煙肉火腿煎得比較乾, 炸薯條也是太乾, 唔好食. 所以這三樣都食唔落去.這個龍脷柳比我預計好味道, 龍脷柳沒有雪藏味, 用蛋香煎, 再配上南瓜香橙汁, 感覺好清新. 比平日的栗米汁特別. 伴碟的炸薯角也不錯, 香香的炸薯角比起All Day Breakfast 的炸薯條好食好多呢~…查看更多

和姊妹們好耐沒有見面, 找間好一點的西餐廳, 慢慢食慢慢傾. 坐得舒服...結果食左四個鐘, 太誇張吧! 這間餐廳樓底高，簡約裝修，感覺唔似工廠，好自在開揚，不過如果餐廳可以播點英文歌，會加分。溫泉蛋加凱撒沙律配慢煮雞胸凱撒沙律係我的至愛 J 我會對這個菜式有要求.菜一定要新鮮,食的時候一定要脆口,有“食薯片的感覺”,今次D羅馬生菜都係好新鮮, 好爽脆.我都滿意這碟菜.份量大,好足夠, 加上多種配料,賣相也很好吸引.我地今次見有溫泉蛋, 所以決定先淨係食菜,再試其他配料,最後才 “吉穿”隻蛋撈起來食. 我都係建議將蛋獨立食, 唔會被蛋汁搶味.佢另外兩款配料, 慢煮雞胸同小銀魚, 好特別. 慢煮雞胸相當好味, 肉質嫩滑.我見佢好像有煎過, 但一點都唔乾同唔會“鞋口”,但我食唔慣這些小銀魚, 外國的咸魚, 都幾重味.總體而言, 這個頭盤,色香味俱全.是日餐湯，南瓜湯配餐包南瓜湯, 又一推介, 好好飲, 唔太“希”唔太“傑”, 濃度剛剛好. 好香的南瓜蓉, 面頭有少少芝士及欖橄油, 點面包食, 好好味!蕃茄煮蜆蜆有海水味，比平時食開普通嘅蜆重味，我能我唔慣重海水味。反而我欣賞佢個蕃茄醬汁，少有地配白豆，好開胃。手製意大利粉，配香草芝士蛋汁,煙肉,菇.食得出係手製意大利面, 面質係比較彈性, 同平時的面係唔同. 份量其實好多, 加上芝士蛋汁,比較飽肚.西班牙玉桂油條配朱古力醬有肉桂粉灑面，鬆軟有蛋香，加上熱烘烘的濃朱古力醬，我第一次食這個小食，我一個人食左四條：) 食唔停添。今晚真係大滿足,享受美食之餘,同姊妹們領計,笑到肚痛. 質素高，物超所值. 下次再發掘下其他工廈隱藏的美食.…查看更多