tango5162's Profile

正呀！放工去食宵夜，同事提議食刀削麵，咁我就冇咩所謂啦，咪試下食。落完單，等左30分鐘終於上菜，望住四圍既空檯，佢都用左半個鐘整，一定加左好多心血同時間，好感動。哇係，個麵一來到，我當堂嚇咗跳。在地美食新鮮幼兒小強，驚我哋唔夠營養加多啲蛋白質。為咗多謝師父嘅一番心意我決定擺上嚟分享下。大家記得多多支持！完…Read More

由細細個第一次食小鍋，已經愛上左佢地既米線。一路陸陸續續食左十幾年，小學食到中學，中學食到畢業。記得第一次食係自選米線，冇諗過一食就食左十幾年，冇轉過口味。永遠都係自選雞中翼豬肚。佢地既雞中翼，絕對係世一。又香又多汁，食左咁多年都冇變過豬腸就一時時，一時好食一時麻麻😹湯底的話，老實講係差左好多。以前既大辣係好香又夠味，依家大辣淡左得個辣字。不過小辣味道都仍然有水準。 Btw，夏天既湯係淡啲，冬天啲湯係超正。又濃又香👍🏻👍🏻👍🏻…Read More

天色灰暗，仍無礙食好西💦💦今日經過見到間新餐廳，抱著不妨一試既心態入去Try try。點左個Lunch set跟羅宋湯，$136價錢合理。首先講下個湯先，個湯聞落去帶點蔬果雜果既香味，再撈一撈個底，超足料！😍😍飲落去同一般既羅宋湯唔同，佢既層次感是極豐富。😋😋😋細問下，原來加入左好多種精選蔬菜，再用自己吊出黎既牛水熬，個效果係好驚喜🤩🤩。到個主角，我個豬里脊剛剛好係個湯飲得7788既時候到左。一黎到，哇！個擺盤好有心思，配菜環繞住主菜，成個氣場出哂黎。估唔到呢個價都有咁高級既擺盤，驚喜🤩大家見唔見到，佢入面係極多汁同埋嫩，切既時候完全唔洗用力😱。開頭見有小小紅色都擔心，樓面好細心咁解答俾我聽。原來佢地係用加拿大既高級豬，佢地係乾淨既環境成長，肉質是非常乾淨鮮嫩。第一啖，啲肉質同恰到好處既脂肪，同時溶係口腔入面，我個反應係🤯🤯🤯😣😣🤩🤩🤩😍😍。超級好食！！唔講以為食緊500Up既餐，水準極高。再配合其他配菜一齊食，凍凍地既椰菜花幫你清走口腔既肉味，咁下一啖又可以食足哂豬既鮮味。水準之高，好奇心之下我再次再待應揮手我：👦🏻待應：👩🏼👦🏻：哇！你地個豬好嫩呀，外皮又脆。呢啲排好難煎架喎。你地點做到架？👩🏼：哦～係呀，我地主廚用左好多心思係食物度架！呢個豬首先會用真空既醃製方法醃一晚先，其實就係將啲豬同我地特製既香料放係真空袋，醃一晚就得架啦。啲香料既味就會入哂豬肉入面，而點解咁嫩呢？同埋呢啲豬太熟會變*鞋*，8成到就好嫩好多汁架啦，呢個就要歸功於大廚精準既控制力啦！👦🏻：哦～原來是咁，唔該你先佢一路講啲香料名，我聽到頭都暈。同時好佩服待應高超既記憶力同埋表達力，以致我呢類淨係識食既人都明白到。多謝待應咁細心同我講解🥺🥺同時都感嘆咁好既食物竟然無人問津，又慶幸自己咁樣先可以座係度慢慢嘆。人權圖☝🏻平時食量唔算大既我，竟然食Q哂！今餐只係$136，中午仲要唔洗+1。超抵食，呢個價呢個水準，我願稱呢間餐廳為大西北最高水準西餐之一，另一間係洪水橋👍🏻👍🏻👍🏻。是日心得：一個好既主廚即使無人問津，都唔會氣餒，一貫食物既水準。令客人享受食物，而佢做到左！👍🏻👍🏻非常推薦呢間西餐，快啲去即刻去。唯一美中不足係未有酒牌，如果唔係就是完美既一餐！快啲襯未有酒牌試哂佢啲野食，遲啲有酒飲，我諗會好似 *__口小吃* 咁，想食都排唔到🥺🥺…Read More