Sharon Tai的個人專頁

係社交平台見到有新開壽司店，而且係良鮨的姐妹店，之前食過良鮨質素不錯，所以就黎試吓新店。週末差唔多2pm的時間，店內還有空位不用等。入座後用手機下單Lunch set 由58-2xx 不等，豐儉由人，而且可以任食沙律吧。沙律吧有沙律菜和幾款前菜，中間見店員有refill. 5點刺身配冷烏冬，$158刺身厚切，新鮮, 份量比想像中大，有驚喜燒鯖魚定食 $58魚燒得香口， 份量不少，抵食下次有機會可以試吓其他食物…查看更多

經過見到呢間新開張的潮州人都幾多人食，又好奇潮州米粉係點樣所以就lunch time 試吓啦。店舖面積細小，一眼睇晒，所以坐得幾迫，唔可以有大動作。由於擔心唔夠飽，所以order 左大碗米粉。手切肥牛米粉和廣島蠔米粉 ，$66+8 豆漿/竹蔗茅根用上新竹米粉，比一般米粉幼细, 湯底有鮮味，唔會口渴。如圖所見，配料不多，味道正常，但食唔飽….可能食湯飯會好d 😅 2個人$148 ，CP值不高Menu 選擇不多除單叫外，還有2/4人餐2人餐183， 計起來比散叫化算一點，但份量也是偏小。…查看更多

大埔超級城的coffee shop 唔多，見開左間新cafe 就黎試吓Coco espresso 係港島九龍有多間分店，大埔似乎係新界第一間分店。門口似係個拱形洞穴入口，算係個打卡位置。裝修走純白色地中海風，入面座位不太多，假日3點幾差不多滿座一坐低就覺得枱腳形狀好奇怪，好阻腳。Menu 選擇不多，主要pizza , 意粉，貝果，waffle , coffee大約7-8種芝士pizza, 炸薯條，cappuccino, mocha 食物和咖啡都一般，冇咩特別，試過就算啦…查看更多

朋友gathering 想食中菜小炒，但只有3人，平時都食日式和西式多，中式一下子都冇咩頭緒。係OpenRice search 下見到品香樓，記得多年前和朋友食過，一於再黎懷舊下。由於假期前夕，所以都係訂咗位安全d 啦。門面和多年前一樣都係唔起眼的街坊小店三個人叫咗四個菜：1.啫啫通菜煲2.XO醬炒象拔蚌3.椒鹽白飯魚4.蒜蓉生蝦蒸糯米飯通菜喺煮完即場拎過嚟放落熱鑊，所以好夠鑊氣，見好多人都有點呢個菜，不過$88有啲貴, 上年才$66。真係食菜貴過食肉。椒鹽白飯魚炸粉太厚而且唔夠脆，凍咗之後變咗好靭，好考牙力。XO醬象拔蚌味道正常但冇咩驚喜。糯米飯份量幾多，蒸的糯米飯幾煙韌，唔係生炒糯米飯嗰種粒粒分明。見到差唔多每一枱都有叫呢杯朱古力，有滿滿的cream係上面，夠晒邪惡，但飲落朱古力味不是很濃，就係一般凍朱。埋單總共483， 價錢還可。咁多年後再來品香，感覺上係食回憶多於味道。…查看更多

慶祝老公生日，朋友推介Hyatt regency buffet, 所以訂左星期五dinner buffet。由於係公衆假期，所以只有一個時段，可以6:30食到10:00，不過價錢較貴，$748+1, 信用卡有88折。第一次食咁貴buffet, 難免有啲期待希望物有所值。酒店環境寬敞座位闊落，可能由於係星期五端午節，只有約八成滿。Hyatt buffet 沒有生蠔只有熟蠔，但由於老公唔多喜歡生蠔，所以都冇所謂。海鮮方面主要有長腳蟹，龍蝦，麵包蟹，小龍蝦和螺等麵包蟹味道一般，龍蝦感覺乾身有啲鞋口，未食過小龍蝦所以試咗一隻，但冇咩肉而味道一般，食過唔會再食。最好食嘅係長腳蟹，有鮮味而且多肉，只係偏咸小小。熟蠔味道不錯而且算肥美，鴨肝多士香口有油香，而且份量不少。刺身方面質量正常，但係三文魚有d筋，但有驚喜的是現場有即場劏魚，唔肯定係劍魚腩或者油甘魚之類，每人可拎3塊。燒牛肉和羊架唔錯，肉質嫩滑不會靭。至於天婦羅非常失敗，完全唔脆。甜品多選擇，而且味道不錯，有芒果糯米飯幾特別不過沒有影相。沒有早一日預訂，但即場要求都送了生日蛋糕，而且蛋糕可以打包。總括而言食物味道不錯，但選擇不多，尤其飲品只包一杯餐飲，額外的汽水茶咖啡都要另外付費。88折後還要七百幾嘅價錢來說應該有更好選擇。…查看更多

喺社交平台都見呢間壽司店嘅comment唔錯，所以今日中午剪完頭髮就嚟試吓。1:30入到去都仲有頗多座位，可能由於星期日沒有午市套餐，散叫相對較貴吧！午市套餐價錢的確性價比高散叫menu 價錢都算合理由於老公唔好壽司偏好刺身 ，所以order左刺身盛合，胡麻冷烏冬和手卷。兩個大蝦頭問左師傅仲可以幫手做成炸物，師傅話如果繁忙時間多人就唔可以咁做。蝦頭炸得香脆，可以整個食下刺身都新鮮，尤其拖羅色澤粉紅，油分適中而無筋，有入口即溶感覺。冷烏冬有很多配料，有玉子，蝦，蟹柳，蟹子埋單500多元，有點貴但高質！…查看更多

第一次食吉列牛和忌廉烏冬是幾年前在韓國首爾，當時也大排長龍，但一試難忘。搵返當年韓國食的相片😆好想去旅行呀現在香港都有得食啦！睇返OpenRice 其實都開左好耐😂咁當然即刻約朋友黎回味一翻啦。星期一的晚上來到，原以為平日應該不會多人，意外地竟然差不多滿坐。跟韓國一樣都主打吉列牛定食和忌廉烏冬，現場所見大部人客人都食呢兩樣。吉列牛用美國肩脊肉，吉列牛表層炸到金黃色，粉唔會太厚，香脆可口，食嘅時候將炸過嘅牛放在鐵板上面加熱，可以根據自己喜好而燒到幾成熟。我覺得兩邊各燒十秒就可以食。食落牛肉帶少許肉筋有口感，但又不會韌。定食包括胡麻豆腐、蕃茄仔、白飯。如果唔夠食還可以再追加一份吉列牛。烏冬上充滿著厚厚忌廉，忌廉係好輕身好滑，食落不會膩，而烏冬都幾彈牙，加上忌廉更加滑和creamy ，咖喱只有輕微的辣，都幾惹味。蜜糖雞翼是單骨的，方便進食。雞翼炸得香脆，甜度適中。飲品order 左rose garden 和Citrus Ocean，兩杯飲品都非常吸睛，打卡一流，飲落也不會太甜。埋單大約400元，可算是性價比不錯。…查看更多

中午和老公去沙田買野，係apps 取票時見到呢間cafe 新開不久就試下啦。整間店以粉紅色為主調，充滿少女心，不過男士們應該不會欣賞😂都係陪另一半黎。因為不想食太多所以只order 一個主菜和小食。係其他台式店水果茶一般一大瓶，但今次的水果茶真係1人份量。味道ok不會太甜有少量水果Pizza 係薄批，比想像中細。黑松露薯條熱辣辣上台，非常香脆，但太邪悪😝見大部份人有點甜品而且賣相吸引，所以點左伯爵茶布丁窩夫配棉花糖其實棉花糖基本上只係裝飾，由於太甜只係食一口就放棄了。窩夫🧇都算鬆脆，有不少雜果可以減少下罪惡感😈黎打卡餐廳一般對食物無太高要求，但今次食物質素都不錯。但環境有點嘈吵。…查看更多

以前只光顧過銅鑼灣分店，今次即興和朋友即日book 了油麻地分店，好彩都有位。4大1小，安排了角落的卡位位置，卡位幾寬落，6人坐都不會太迫。但由於角落位，而且人手不足，經常搵唔到人落單和跟單。鴛鴦鍋：海底椰豬骨湯和四川麻辣湯豬骨湯非常淡味，麻辣湯非常咸，兩個湯底都一般上了湯底半小時，牛肉還未到，催了幾次先上枱牛頸脊較有牛味，由於厚切幾有口感，份量充足。竹蔗茅根水由於剛煲好，還是暖的，所以用冰筒上枱，睇落好似飲啤酒😆蝦滑一般把蝦絞成蝦泥，但呢個蝦滑是原隻蝦的，所以放入湯底基本上是會散開的。黑牛柏葉和珊湖蚌都好食，魚皮和響鈴很香脆。但墨膠釀油條就有點失望，油條不太脆，而且墨膠只有少許。 最後追加了生菜，但等了很久也未上枱，最後唯有取消。希望以後可以改善下服務。…查看更多

平日放假relax 下係銅鑼灣行下街，諗食午餐時懷念起日本蟹道樂，所以決定去蟹慶食。由於平日下午2時後，所以不需等位可直接入座。Order 左最豐富的set lunch 蟹御膳套餐有湯，沙律，蟹肉蒸蛋，蟹膏豆腐，忌廉蟹肉薯餅，天婦羅蟹棒烏冬，松葉蟹甲羅，吸物薯餅和蟹棒雖然是炸物，但炸得剛剛好，沒有油膩的感覺。蒸蛋非常滑溜，蛋香濃郁，配料有蟹肉魚子和元貝，很有鮮味。松葉蟹已拆肉，方便食用，但蟹肉份量再多點就好，有d 唔夠喉😂淡綠色的豆腐賣相似甜品，有淡淡蟹膏味。烏冬就正正常常，沒有什麼特別。呢個lunch 少少解除我思鄕之情啦，下次再黎食豐富d 的會席料理啦！…查看更多

白色情人節上山頂逛逛，意外發現奈雪之茶係山頂開左。之前係深圳都冇試過，今次一於試下。店舖裝修走日式風格，入面空間寬敞，比喜茶坐得舒服。原本想飲芝士奶蓋茶，但發現有香港限定的楊枝甘露寳藏茶，係香港當然要試下啦。飲品顏色好靚，適合打卡入面混入jelly，芒果，西柚，布丁，上面加cream , 味道清甜,甜度適中。飲完都幾飽肚。$39和喜茶差不錢，有點貴。奈雪之茶傳遞"一杯好茶，一口軟歐包"的概念，除供應飲品，仲有新鮮製作軟歐包。不過因為要留肚食lunch, 所以今次沒有試麵包了。希望遲d開多點分店，可以係其他地方都飲到，畢竟唔會經常上山頂。…查看更多

因疫情關係，門市早左關門，而燉蛋數量也少了。幾次經過不是關門就是換完。今次下午打電話預留2個，夜晚終於換到。焦糖燉蛋一如以往的美味3個缽可以換1粒macaron，等我下次試下。…查看更多

又一間台灣過江龍竽圓黎香港，之前經過見到都要排隊。今次係平日下午加上疫情影響，所以店內無咩人，可以直入。店內空間窄座位不多，而且桌子小，如果一大班人聚會，會坐得不舒服。嚐仙既然主打竽圓，就order左黃金地瓜泥竽圓豆花，雙芋豆花。竽圓可選凍或熱。一碗入面竽圓和紅豆都不少，糖水唔會太甜。竽泥和地瓜泥，香甜軟糯，竽圓Q彈，值得推介不過40多元一碗糖水有點小貴。媽媽就傳統d, order左芝麻湯圓，味道正常但就冇咩特別。…查看更多

係肺炎疫情之下一路唔知情人節出街食還是在家食，所以都冇book枱，諗住應該少人。因為悶左咁多日，都决定出去食。上次係鮨之食過一次lunch，魚生品質幾好，今次决定試下 dinner。7pm到朗豪坊見大部分餐廳都唔多人，唔使排隊。唯獨鮨之門口有人等，拎左飛大約等20張枱。去附近行街消磨下時間，大約一小時有位。上次lunch孔雀魚送餐車沒有開動，今次終於見到啦不過唔係全部食物用送餐車上。蟹肉薯餅蟹子沙律，天婦羅，二人刺身併盤order左4樣野，衹有沙律用自動送餐車上。炸物熱辣辣好味刺身好新鮮，而且厚切，食完已經好飽肚。以呢度環境和食物質素，7xx呢個價算合理。…查看更多

以往經過多賀野都大排長龍，由於近期社會運動，商場人流少左好多，一於襯呢個機會試下呢間過江龍拉麵。裝修走時尚風，加入一些樹木森林風格，有別於一般的傳統日式拉麵店。第一次食就試下招牌鹽味拉麵和豚鴨沾麵以往食沾麵湯汁都比較濃和杰，今次豚鴨沾汁不太濃郁，感覺略嫌清淡，而且不太掛汁，基本上可以當湯麵食。麵以冷麵形式上枱，幾有彈力，而且份量都頗大，適合男士食。鹽味拉麵口味比較清淡，不油膩。溏心蛋做得不錯。煎餃子，煎得都幾香，味道正常，沒有驚喜。4人座位中間有屏風可以關上，避免看住陌生人食的尷尬。食物質素ok, 但300幾元又太值。…查看更多