viviornitien的個人專頁

下午兩時多去食個quick lunch，同了友一人一碗清湯米線，人手不足，叫都無人落單．落完單又成十分鐘都未有野食，後邊食已覺唔對路，成條脷開始麻，飲埋杯凍奶苶都無改善．食完飲左成支700的水都解決唔到味精的影響．朋友仲慘，味精多到佢下午到夜晚都頭痛，番到屋企狂飲水食生果都攪唔掂．咁多味精，食完真係無下次…查看更多

柴灣區好吃食店不多,自一鑫開張後總算多了個選擇.軟彀蟹創作卷,$36六件,落單即制,吃時仍熱小食炸廣島蠔$28,也是即炸,蠔很鮮,多汁其他即使只是$9一客的三文魚壽司,在在都比同區連鎖壽司店優勝部份輕食套餐由$35至$45,試過鰻魚飯,雞排飯,包面豉湯,味道都不錯…查看更多

一行18人包左佢地個corner拿部電視睇旅行相片可惜撞到正佢地電腦壞左, 前後拿帶黎的notebook攪左成個鐘先set 好d野個技術support有待改善至於包場食物:前菜:日式中華沙津+方塊吐司 雞翼大拼盆(蜜糖/蒜蓉/香草) <第二盤未煮熟,要拿去番叮>煙肉+茄汁肉醬焗薯 <應是著粉開的>日式餃子 <食完飯最後至上,次序改早d就好>白汁芝士焗西蘭花拼北海道帶子 <ok啦>日式咖哩飯 <不好食>鮮茄牛肉火腿波波意粉甜品: 木糠布甸/綠茶果凍 全場飲品任飲! 食物未算出色,不過不失,合大班朋友嘻嘻哈哈吹水小本經營,見到比心機做既,到處都是日本元素但任飲飲品用即棄紙杯膠杯,不夠環保…查看更多

點解會咁多人去架?頭先食完,成肚氣個落單阿姐阻住個位唔比我座,攪到我要企係出菜位分幾鐘叫左過橋米線個粉勁難食,味精多, 湯勁甜, 不是湯底甜, 是落左糖既甜餸不新鮮,冬菇有霉味,尤魚又係霉既其他餸睇見都無食欲其他待應又反應慢,個收銀成日大叫, 叫佢地做野食到一半,太難食,埋單個收銀掛住落單,十幾廿張, 連錢都不收攪到我又無聊等多三分鐘, 都係等佢找兩蚊阿姐, 你找完比我,再攪你d單唔得架咁stupid 架…查看更多

尋日食左皮蛋瘦肉粥,粥底是加腐竹煲的,即偷工減料,省時省力食落好似幾好味,其實超多味精, 未食完紀經頭痛又叫左三腸, 個炸兩係幾得既, 但阿姐唔得囉, 坐底都未睇有咩好食就吹人叫野, 個個都係熟客咩?張枱油油的, 連筷子都油油的真係要大菌食細菌囉…查看更多

7個人叫左個7人餐,每人70, 另外再加鐘意的野食食物好味,雞亦排類肉類,食到唔停得口尤其牛柳,老闆話係紐西蘭貨喎好好味腸仔用厨師腸,魚蛋彈牙細食的人餐會夠食既,但成班行完山,d野又好味,好鐘意佢的肉食不會太咸,無咩味精又不會成盤醬汁得一個味所以加左第二輪肉,都係牛柳,豬排,义燒,同雞亦秋刀魚同粟米,蕃薯條秋刀魚係日本貨,鮮味有個大草地,不會逼埋一堆,個人坐落都舒服d服待周到,合對食物質素有要求,又肯比適理價錢的的人…查看更多

此店同旁邊的上海美食有關係，可以係店食到上海面較好的是下午茶的雞比薯條，雞比比很多食店的都為大，拼沙律的話，沙律份少ｄ小菜份量夠，鑊氣亦不錯但湯粉面，例湯，及晚上的即炒小菜，就要睇閣下對味精點睇了．基本上所有湯底及小菜都幾重手外，未食完都己經口渴出黎附近有很多的士交更，不少司機大佬都係呢條街度搵食…查看更多

見到咁多人好評,昨天抱住不小的期待去一試, 可惜唔知係期待太高, 定係新年人多質素下降, 總之一句,就係唔得價錢是148一位另加一,連餐茶都無杯,或者係新年關係,諗住都算啦可惜個場開得太大, 個feel 好似去左平價food court, 一d 都唔係一人百幾蚊的環境, 唔通d錢真係咁扁值? 人太多, d厨師仔跟本做唔切, 又或者係食店為控制成本,所以限制食物出貨的速度,拿咩都要排隊, 切身直頭排到埋去都唔一定拿得到食客的質素亦是個小問題, 有見位太太排隊拿天婦羅虾,虾剛下盤,她個人己經拿哂, 成個盤二三十隻虾比佢一個人拿盛一隻.冷盤的種類不多,又大部份加了勁多油或調味醬,油淋淋,轉完一圈,都拿唔落手d厨師又唔想做,十二點半, 排隊拿羊腿, 個師父掛住洗毛巾,抺枱,拿刀,等成十分鐘先埋位.個自助餐十二點開始,半個鐘都做唔到呢d準備工夫既?一時四十分去到拿手卷,個師父當我透明,要個manager叫佢,佢先係個櫃度拿番d紫菜出黎,不情不願咁整,拿到埋位,一咬,唔係呀麻?手卷入面的三文魚表面,全部都是麻油,咬一淡後我個個咀都係麻油排隊拿粉面,師父仔反應慢不在話下,煮好比個碗我,一拿,嘩,成手都係水,個碗表面勁多水,一滴滴咁仲有d甜品,完全唔掂,十樣中的一半都是同一品種,只是改了顏色,所有甜品都太甜,或者可以講得個甜字仲有個待應,眼見好幾個都係讀緊書出黎老兼的,倒瀉水跌餐具不在話下,仲要跌完打算拿番入櫃,又唔識英文,個外國客話埋單,都要搵manager幫手,隔離枱個客飲緊水,佢叫人放下隻杯話要加水,點攪呀?…查看更多

去年十月同朋友黎過,百二元食到抱住個肚走d野飲真係唔得但d cake 同pasta 真係幾好食,值回票價可惜此店自07年12月起已全線停做自助餐了…查看更多

呢度d野無野好,真係得個大字刺身/sushi散叫同拼盤一樣價錢,想食都係自己另外叫好d蝦刺身梅到一咬想吐,唔掂好耐都無阿姐理/入單入單又要好耐先有得食張枱 又唔見得乾淨,油油地埋單又不便千祈唔好黎食…查看更多

同朋友二人想食豬骨粥,賣哂叫河粉--都賣哂食左個墨丸米,個湯底唔得個待應阿姐反應又慢…查看更多

上星期四黎試試個下午茶二人點了蝦餃--如別人所言,皮唔得,饀都唔得牛肉--一般菜心--幾老煎墨魚粟米餅--都唔錯义腸--一般食物不過不失啦,不是很正而是算食得過咁啦服務都過得去,未似下面所言的不要得上菜速度更是無得彈,十五分鐘內所有食物到齊但原來特價也不是太便宜,平均每人四十幾…查看更多

本來唔打算再來的了,但真的太近,時間趕又試多次今次食待應姐姐推介的沙爹牛肉,話係店裡自己整的我話要米,阿姐問要生面定幼面我:要米粉呀待應:咩面呀我:都話要米粉囉下午茶餐17連飲品,凍飲加2元食左一啖,好有衝動即刻走人咸到呢....無咩香味,勁油食一啖成口都係醬料牛肉己用鬆肉粉,但仍是<鞋>的,勁多根,咬不開…查看更多

試左個雙丸面等外賣時間都唔短但驚喜是面底是用蛋面的丸亦幾爽口放左十幾分鐘都無林哂不錯…查看更多

早兩星期六同朋友一行四人到這吃晚餐要了個特價的88孖寶:清蒸紅鮋,半邊烤米鴨再來一個冬瓜<鐘>,香檳骨,金銀蛋莧菜服務不錯,冬瓜夠最少六七人吃米鴨入味,幾大隻紅鮋剛好夠火,滑,幾鮮埋單三百零幾每人七十幾仲送果盤同糖水街坊生意,算係咁上下啦…查看更多