racheel的個人專頁

今次再嚟幫襯，我同我老公都係叫返自己嘅指定菜式。我梗係揀嗰碟薑蔥鵝腸牛肉撈麵啦，麵底爽口彈牙，撈埋啲薑蔥同豉油，味道好香，食落好有風味。牛肉片都幾滑嫩；鵝腸都處理得乾淨，口感保持得好好。而我老公就慣性叫佢嘅蝦子牛腩撈麵，我哋兩個人各自有自己嘅心水，食得好滿足。每次嚟到，最期待嘅唔止係麵，仲有佢哋嘅酸蘿蔔。呢個酸蘿蔔真係做得好好食，酸酸甜甜咁，非常開胃。食完一啖麵，再食一啖酸蘿蔔，可以解一解膩，令你胃口大開。佢嘅存在唔單止係點綴，簡直係成餐飯嘅靈魂配角，幫襯咗咁多次都係咁出色。總括嚟講，呢間麵店多年嚟都保持到水準，唔會因為熟客多咗就偷工減料。無論係主打嘅麵食定係小食，都食得出店主嘅用心。對於我哋嚟講，每次光顧都係一份熟悉嘅美味，唔需要諗太多，嚟到就係食最鍾意嗰一味，簡單又滿足。係平時想食返啲港式野嘅好選擇，值得一去再去。…查看更多

性價比算高嘅一餐。銅鑼灣fusion / fine dining dinner $9xx 算平。兩個人，upgrade左一度菜，每人一杯白酒加支sparkling water，埋單$30xx13度菜入面： 5樣係菜，1麵包，2肉，2海鮮，3甜品。最值得一試係 dry age duck，未食過，算特別D。最唔鍾意嘅係grouper， 有泥味 甜品永遠都好食嘅： 今次嘅最愛： caramelised yoghurt!! P.S 男子話7成飽。…查看更多

成日行過都無試 所以琴晚去試下啦 都要等左20分鐘先有位。 睇個menu都似樣嘅 所以等下啦 費時行去老鍋啦 等嘅時候google下養心殿睇下有咩好食。哦~原來老闆娘自己都話以前得老鍋一間台式火鍋 所以佢同朋友開間做。我再google先發現原來同台灣嗰間無關係嘅，仲見到台灣人黎香港食，話台灣嘅原全吾係甘嘅質數，叫我地香港人去試下喎~~終於坐低，叫左麻辣中辣+酸菜白肉鍋 其他都係牛啊豬啊餃子啊丸lee d 標準邊爐野食個湯底黎到，點解甘少料嘅，起碼少老鍋一半。少都算啦，飲左啖湯，無味嘅！！！！！ 係兩邊鍋都無味！！唉~~~ 中伏間野仲要過晒晚餐時間都甘多人，諗住吾會太差，點知🙈🙈🙈 我好想幫老鍋派卡片 尖沙咀大擺好食過lee度，港式嘅和牛薈，新派嘅酒鍋，遠D嘅高流灣都好正啦lee度好生意真係一個謎🤔🤔🤔下個禮拜要去翻老鍋彌補下心靈嘅創傷😆😆😆…查看更多