Lusan的個人專頁

呢間湯飲過幾次, 味道都ok, 有番各樣湯料的味道, 唔會好似其他湯咁, 無論要咩款, 湯底都係同一種味, 但飯食係第一次買, 買了一個銀魚蝦乾蒸肉絲, 另外一個唔記得全名, 好似係魚香茄子焗肉餅, 嘩!!! 個銀魚蝦乾蒸肉絲咸到死, 我見到竟然有炸菜, 初頭以為炸菜咸, 但原來反而炸菜唔咸, 而係d肉掩到咸死人, 成兜無食跟住個魚香茄子焗肉餅, 唔好講茄子既樣, 又黑又霉, 又係咸到你死死下, 但反而兜肉碎唔算咸, 真係好奇怪, 同一個餸, 各有各唔同味道, 唉! 總之都係一句: 咸死人…查看更多

平時食開珍苑, 但果日唔想行出去, 見openrice有人讚, 就試下呢間, 雖然唔駛等位, 但見枱枱都有人坐, 叫左牛腩河及牛肚河, 個落單女人問我加唔加腩汁, 我話:吓! 已經叫牛腩仲加腩汁, 咁攪笑, 見個個碗湯黑媽媽, 點都加試下先, 跟住仲話要等半個鐘喎, 我心諗, 上水人既特性, 都係煮來煮去都係果幾款, 又唔係大酒家, 都要攪咁耐, 態度又唔係好, 廣成又係咁~ 不過我住係上水咁耐, 習慣晒, 其實珍苑有時都等好耐, 個事頭婆又係串串地.我食牛肚, 老公食牛腩, 但淨係我果碗有菜, 唔知點解??? 初時我果碗聞到有陣陣出前一丁既麻油味, 我以為我d菜加左麻油, 跟住老公都話佢碗都有出前一丁既麻油味, 點知飲左幾啖湯就覺得d味道好熟, 原來湯底就隱隱約約食到出前一丁既味精味, 吓!!!! 原來呢d就係腩汁:( 不過牛腩同牛肚都幾淋幾入味, ok啦! 雖然有幾多件, 但件件都細細舊, 份量並唔算多, 女人食ok, 但男人可能唔夠.…查看更多

住係上水都幾年, 一直無諗過試呢間糖水舖, 因為成日都覺得上水食野又貴又難食, 有次見到雜誌介紹芝麻湯丸, 便來試了幾次.芝麻湯丸裡面d芝麻料果然好香濃, 皮薄好彈口, 薑湯水好夠濃, $12 /5粒.椰皇燉蛋奶, 味道ok, 唔甜, 有奶香無椰皇味, size好細, $26好貴:(鮮芒果布甸, 味道ok, 不過好多地方都做得好有水準, $18, 都係果句, 有d貴:(心諗芝麻湯丸咁好味, 第二次便試芝麻糊, 嘩! 好唔掂! 完全唔係生磨芝麻, 好似我係超市買返黎加水開既糊仔, 完全無芝麻香及味道, 好彩連甜味都無咩, 如果佢夠膽話係生磨芝麻粉, 我肯定佢落得好少好少芝麻, 然後加好多米粉開水煮, 如果有眼睇, 呢間既芝麻糊係比人地既淺色好多, 唔係黑媽媽, 而係好淺灰色既糊仔, 真係唔明??? 佢地整d 芝麻湯丸料咁香仲食到粒粒芝麻碎, 點解整碗芝麻糊唔落芝麻架!!!仲有~ 呢間都唔算平, 除非你食紅豆綠豆沙果d~ 其他大部份都係$2x, 仲貴過出去旺角食, 上水係咁ga~ 好似當d人唔出市區. …查看更多