nenene的個人專頁

因為見到show咗咁多綠茶粉，所以都想試吓 matcha latte, 你都可以問吓店員介紹睇吓邊款最適合你口味！Matcha latte係幾好飲，只係個拉花😌看不懂。（順帶一提：店員提左幾次 每人要點一杯飲品，其實真係好煩！）開心果tiramisu 開心果好濃 好好味開心果醬蝶豆花卷蛋，我就覺得嘛嘛哋！可能一早切定 放雪櫃，卷蛋&cream開始變硬左! 其他主食 不過不失啦⋯⋯星期六日接住有人排隊，但未算排好耐。我由主食+甜品+飲品限時90分鐘，cafe來說，的確食得好趕。…查看更多

其實位置好唔方便，不論上環站定中環站上，都要行好長條樓梯。店員應該尊重下每一位嚟幫襯嘅客人。當日到店，客人唔多。女店員示意我坐低之後，俾咗Menu我，好努力介紹佢啲食物，尤其是話好IGable果啲，咁我都叫咗幾款，之後就話叫我等咖啡師介紹咖啡豆。莫講話唔俾杯水，連人影都冇。客人又唔多，我都唔知等乜。等完又等，等左半個鐘，男店員好似急口令咁，講晒幾隻咖啡豆嘅特徵，叫你揀。又話會幫你精心為你挑選適合你嘅咖啡嘅！？？！！原來就係講一次每款咖啡豆唔同嘅味道，等你自己揀。其實寫喺Menu度，我自己睇咪得，做乜要我等咁耐聽你講呢？ 然後繼續等！！繼續等！我又追問 仲要等幾耐！？我趕住時間走，店員又唔比我取消order,話幫我轉外賣，無問我o唔ok就加$20玻璃樽錢。其實你哋做到咁缺$，有冇諗過好好經營間咖啡店。先唔講咖啡係咪真係值呢啲價錢，面黑黑又要受你氣，比你都唔會再幫襯啦⋯⋯女店員自high 又同狗玩又同兔仔玩，又影相。完全漠視我哋一直叫我哋等。。。…查看更多

店舖很細，見好多明星推介，終於搵到一日放假去試吓我諗佢哋讚嘅係和牛，如果你唔係揀和牛，一定會好失望，因為真係唔特別，唔需要山長水遠去跑馬地。至於佢個湯，真係好失望！唯一讚嘅係就唔係味精湯。希望店主擺多啲心機喺個湯度啦，湯都係牛河嘅靈魂。服務呢，每個職員都好好禮貌嘅。…查看更多

一入門口，個男人態度好差，又話full booking, 一個鐘一定要交枱。如果食煲仔飯就食唔切咁🫤根本就係想做多轉枱，真係無下次！食物只係ok, 但未至於會有咁多讚！ 又咁趕客，（重複又重複）真係無下次！白鱔煲仔飯 $188（細）煲仔飯，有飯焦。但係粒粒飯都滿晒油 食落好濕。薑蔥爆魚卜薑蔥魚雲煲腐乳炒通菜見到枱枱都叫，味道係好食嘅。…查看更多

OpenRice 的食評愈來愈誇大好食，唉！一定唔係必食scone, 如果想igable photos, 的確唔錯，因為走文青風 好適合打卡！scone 我覺得普普通通，$32 一個如果想飲咖啡配件餅 係唔錯嘅選擇。只不過講到必食同the best scone, 就真係見仁見智啦！Matcha scone $58Tiramisu $78Roll cake $68Chiffon cake $68…查看更多

名氣過高 又有youtuber介紹 實質真係唔使特登過嚟食揀左牛油漢堡 +安格斯牛肉+手撕豬+芝士整體分量都好孤寒，手撕豬肉得少少，但味道係好食。安格斯牛肉 食落好散，無牙都食到。芝士加左，食完都唔覺食咗咁囉！…查看更多

到左大閘蟹季節，好多餐廳都做大閘蟹set.今次黎十里洋場，全場都full晒，實在有好多捧場客。今日附近幾圍枱都係食大閘蟹大家都係為大閘蟹季趕來。如果想追加大閘蟹，可以揀5兩6兩7兩都得，加$200-$700。不過我覺得呢水大閘蟹未至於爆膏。花膠蟹皇翅，蟹皇味道偏淡，但我覺得味道都ok。呢個蟹粉芙蓉帶子蟹斗，好好味。但食完都唔覺得有帶子🤔蟹粉河蝦脆米炒飯好好味😋。份量剛剛好，好食落煙銀 ，仲有少少脆口。薑糖水，夠薑少少甜，麻蓉湯圓好好味！整體都好食嘅，但主角大閘蟹，我就覺得唔夠膏味道又唔夠濃，唉😮‍💨有啲失望！成間餐廳都滿晒人，服務員忙過不停，呢個套餐限時2小時，其實食得好趕，上菜都唔等你拆完大閘蟹，繼續上晒餘下嘅幾味餸。最後實在食得好趕！…查看更多

位於旺角朗豪坊上層嘅 Texas Burger開咗好耐，又有好多好評嘅 Texas Burger，一直好想試，但整體來說都不合格。熱熔芝士漢堡，用上 Raclette 芝士。-芝士只係得外面見到果一浸，同menu張相差太太太大。-薯餅都係煎到好油-漢堡多汁但冇牛肉味，而且煎得好油，底面都係燶邊嘅，食到一口油。-唯一優點，就是漢堡包皮，好好味，鬆軟帶甜。-加$36 可以有薯條🍟 酸青瓜 普通野飲-再加$30 可以由普通野飲轉milkshake 我覺得以$108一個漢堡嘅價錢，其他餐廳有更多選擇。而且可以食到更誠意嘅出品。Milkshake 係招牌，但waffle淋晒，得個樣 。餐廳每人最低消費$80 ，而且限時個半鐘。…查看更多

見到好多人post呢一間新嘅Cafe，喺灣仔都好容易搵。因為新開，以為會好有誠意出品而且見食物都有特色。但係重點，食過一次，不會再黎！呢間係新開，裝修好靚，鋪裏面又未至於坐得好逼。當日唔係好多人，不會很嘈。但希望店主開舖，唔係只係為打卡做賣點！店員服務整體有禮，點咖啡會問你要fruity or nutty.但咖啡都唔係出色，只係食物質素有待改善。唯一比較好食嘅係bagel , 好濃焙茶醬，可以一試。…查看更多

地點喺City Super 果層好易搵。呢間一直都好多好評，我慕名而來，亦好期待奶蓋係好厚，呢點真係好吸引，可惜成杯都好甜，我已經叫咗半甜，甜到都唔知飲緊乜。一啲都唔係Sell健康！…查看更多

山長水遠去，一心諗住可以食到好味上海菜門外廚窗可以見到師傅拉緊麵，更加期待！滿心期待嘅小籠包，啲肉散到都唔知食緊乜，好似啲肉溶晒咁，雖然係好多汁，但係真係唔好味。炒年糕，啲年糕又唔煙韌，連豉油都唔飲入味。蔥爆羊肉飯，啲羊肉極蘇，同埋竟然係用洋蔥黎炒，唔係用京蔥。你餐真係好失望。…查看更多