乜都食唔落's Profile

又係經過灣仔搵早餐食嘅時候 今次是另一間都係灣仔駱克道街市嘅茶餐廳 雖然都係同一齊嘅熟食中心 但係呢一間感覺範圍比較大啲闊落啲 坐落去睇過餐牌 問過有冇得轉入面啲嘢佢話冇 因為想食雪菜肉絲米同埋多士 咁佢 啲餐係固定冇得轉我唯有分開嗌 雖然貴少少 總共食咗五十幾蚊 不過一個雪菜肉絲米有兩隻蛋 配凍奶茶 另加一份奶油多 價錢都ok 首先多士嚟到 用厚多士做嘅 麵包鬆軟 奶油足料 多士上手仲係熱嘅 好食 跟住杯凍奶茶 畀起好飲嘅茶餐廳係爭少少 但係整體係合格以上 應該係啲奶冇咁香嘅問題 但係絕對唔會扣分 跟住嚟到煮食雪菜肉絲米同兩隻熟蛋 份量十足 首先兩隻熟蛋 蛋新鮮又香 好食 跟住雪菜肉絲米 雪菜新鮮 肉絲有少少肉片嘅感覺 有咬口 都係好食 整體嚟講 雖然嗰啲餐冇得轉有啲唔夠靈活 但全部嘢都好食 係絕對需要再幫襯嘅餐廳 比起嗰啲連鎖大舖 完全係遠遠超越…Read More

香港區搵早餐 坐得舒服通常都唔好食 今次嚟到灣仔駱克道街市熟食中心呢間興利 終於食到啲以前嘅風味 叫咗個雪菜肉絲米兩隻熟蛋 轉咗牛奶多士 加埋杯凍奶茶 都只係40蚊 非常抵食 本人鍾意食多士 呢間嘅多士係薄身 但係咬口鬆軟 絕對對版 雪菜米雪菜新鮮 米粉爽滑 好食 仲有條生菜送畀你 唯一爭少少係杯奶茶 但係都算係唔錯 應該係隻奶冇咁靚 所以唔夠香 但係整體嚟講 最近真係搵唔到一間咁抵食又好食嘅早餐 由於始終係喺熟食中心入面 環境始終冇其他舖頭咁舒適 但係簡簡單單嘅早餐十零二十分鐘 我覺得真係唔需要太講究坐嘅地方 呢間嘢真係值得推薦 希望長做長有…Read More

去到灣仔趕時間求其搵間嘢食 見間嘢冇人行入去試下 因為本人鍾意食餃子 坐低用qr code落單感覺都ok 起碼唔使揮手 迅速落咗單喺度等 等咗一陣間見到間嘢咁少人都諗緊點解會咁耐 望一望左手邊原來有四個員工喺度食緊飯 唔知廚房入面嗰個係咪頂更員工 我叫奶茶佢畀檸茶 菜心走油變咗走埋蠔油 做嘢嗰個好似發緊夢咁餃子味道唔錯 粗面都ok 杯檸茶不過不失 菜心都正常 不過隔離枱嗰個生菜有條毛 佢舉手話有條毛 跟住侍應即刻執咗碟嘢走 之後換返畀佢 完全冇理過佢話唔需要換返畀佢 一句唔好意思都冇講過 我見成班人黑口黑面咁做嘢 我都費事坐得耐早啲走 …Read More

中秋節翌日假期， 咁啱去到黃大仙北館見到呢間餐廳唔係太多人， 就行埋去問下佢有冇位， 跟住門口嗰位後生仔話，暫時未有等一等， 咁好啦，見得一台客喺度等緊應該好快有， 所以我企埋一邊等。 等咗唔夠一陣間有第二個客人同第三個客人嚟問， 嗰個後生仔竟然叫佢哋去另一邊排隊， 我心諗我嚟先你唔叫我排隊， 就咁叫我等等。 最終如我所料 ，所有有排隊嘅人入曬去先到我。 入咗安排極度令人失望，門口嗰位後生仔仲要若無其事， 直到我再開口問先話下張到我。 跟住入去坐低， 叫嘢食係qr code自助落單， 我朋友點咗鐵路便當，份量都ok， 不過最多係鹽酥雞， 炸得比較脆口， 食得多容易口乾。 另外 叫咗一個套餐，一百零幾蚊，包一杯嘢飲， 一個蟲草花雞肉湯麵， 味道就麻麻，不過呢個價錢接受到。 最後留意到原來鐵路便當有兩個選項一個係有特價一個係冇， 最終埋單揀咗冇特價嗰個就變返正價，又係果個後生仔同我講話你唔揀特價嗰個就冇㗎喇。 我都費事同佢爭論， 以後冇下次， 有乜理由特價產品唔係喺菜單上面直接減咗，要喺另一個特價位度揀。 仲有就係一個捲餅可以50分鐘都上唔到， 呢個我當你人多出得慢啲，所以我取消咗唔要。 我見到openrice咁多好評先至嚟幫襯，結果都係中伏，大家心照。…Read More

book咗五點半傍晚，全間店只得兩三枱客 接待員姐姐安排一張二人對座枱。 我同我朋友兩位每人帶咗一個背囊，冇位擺嘢好唔方便，個場咁少人，咁我問嗰位姐姐可唔可以畀我坐四人卡位，跟住佢話唔好意思，啲四人卡位留咗畀嚟緊嘅客人。 我答佢我七點前都走 可唔可以通融一下 佢話真係唔好意思冇辦法 咁我都算數 諗住佢哋生意好，唔做西客。兩個人張枱細食嘢已經好唔方便 ，點知唔到十分鐘，接待姐姐就安排另外兩個人坐張四人卡位度，完全係大細超，而且直到我食完埋單嗰一刻，成個場有一半都仲未有人坐。要我坐咁細嘅枱 ，又唔多啲嚟幫手執碟，由得我成張枱都係，成班女侍應就喺度圍住個帶lv皮帶經理吹水唔做嘢。真係不知所謂， 唔肯轉枱都冇理由喺我面前即刻入2人客去4人卡位，仲要呃我話好多人book咗， 食到咁委屈唯有將事實寫出黎。嘢食質素就一般，咁嘅服務我就冇意欲再去。…Read More

今日遲咗返青衣 知道呢間舖頭九點後平啲 有一個鐘頭食 平時都有食開嘅 諗住平平哋冇所謂啦 最尾兩個人消費三百蚊唔使 任食火鍋其實都幾平 不過大家如果去 呢個時間 就真係要諗清楚 因為佢哋自助吧 原來冇好多貨會冇 所以我特登影張相畀大家睇下 最尾一個鐘真係冇咩嘢食 除咗你淨係食雞牛豬 咁就應該唔會有問題…Read More

價錢係好抵 但有啲食物硬係三催四請都唔嚟 叫鮮雞肉 叫咗四次先嚟 叫豬紅又唔畀 幾個姐姐做到踢曬腳 汽水櫃又冇人添 不過點心質素依然係高 而且部分侍應姨姨都係有禮貌 胡椒豬肚同埋醉雞都好食 係唯獨是食物來得總是不足 蝦餃 燒賣 鳳爪 擂沙湯球 都非常好食…Read More