每日一篇的個人專頁

一間舊式嘅茶餐廳，陪伴咗我多個早午餐！早餐我就通常會叫西式雞扒奄列多士，早餐大大份一定會夠飽！午飯除咗會食2餸飯，最中意食牛扒蒜茸汁加太陽蛋會送埋湯。牛扒好淋易入口，加埋蒜茸汁好好餸飯！下午茶最中最食流心西多士，西多士中間加芝士真係極度邪惡！好中意食嘅茶記，推介俾大家！…查看更多

係公司附近已經食過好幾次，今日見入面爆場就決定買個外賣返公司食。咁我就叫咗個午餐嘅角切魚生飯，味道不錯，用料都新鮮。午餐佢會包埋中華沙律、一個細烏冬同飲品。中華沙律同烏冬正常不過不失。而飲品我叫了凍啡走甜，咖啡香濃值得一試。…查看更多

上網睇琴好似幾吸引，就決定去試下。店舖係工廠區，唔係上網見到都唔會發現。點咗個招牌豬手同卡邦尼意粉伴溫泉蛋食，豬手味道都唔錯，但我覺得有得偏咸。相比下意粉比較出色，多汁而且濃味，麵嘅硬度都控制都好好。…查看更多

行完山肚餓，行咗去石門醫下個肚。見到有間小店幾多好評又有位，就一於入去試下。我就叫咗個巨人漢堡拼薯條。個餐好快就黎到，見到個漢堡真係幾巨下，入面勁多餡。牛肉好多汁，夾埋一齊食無得頂！薯條又上粗薯，加上係即炸，加分加分👍🏻…查看更多

早排見到個報道，陳師傅係前怡東酒樓中式點心總廚，而且大部分點心都是手工製作！今日終於有機會試下。重點推介大家食燒賣、蝦餃同芋角！以上點心皮薄餡靚，蝦大大隻好鬼好食。而芋角我女朋友非常知中意食，佢獨食咗3粒所以我食唔到😂呢間野價錢都比較平，下次一定會再黎食！5星推介…查看更多

今日去東涌行山，出發前見到有牛角飯就去試下！我地2個人叫咗個牛舌飯同牛角次男坊井。個牛井牛肉份量幾多，而且幾有肉味。但係就個飯就多汁偏咸，有啲失色。而牛舌好簿，欠缺口感。下次都係會選擇返自己燒黎食！…查看更多

蝦味噌湯x伯爵茶拉麵湯底好鮮甜，以沾麵黎講唔算好咸亦唔肥膩，成件事好balance 。拉麵麵質唔算掛湯，但好有口感，專登唔撈湯食一條麵，伯爵茶淡淡的但非常特別。但加埋落湯就唔多食到了～最鐘意食到一半就加佢D同炸蒜，多左一份清新既感覺，而且炸蒜又香又脆，好正！總括係好好食，值得一去再去！…查看更多

上網見到佢嘅lunch set幾抵食就出發去試下。佢坐位好闊坐得好舒服👍🏻除咗午市定食外佢仲有肉燥飯同咖哩飯選擇都好多！而我就點咗八坂雜錦角切海鮮丼定食，定食包咗個麵豉湯、炸菜小食同埋花奶紅豆甜品。個丼飯有三文魚、吞拿魚、八爪魚等魚生。食落都幾新鮮！個飯份量雖然唔大，但魚生的油脂會令你有啲飽肚。我一直都唔中意食紅豆嘅，但佢加咗啲花奶加埋好淋嘅花豆一齊食甜甜地好夾好好味🥰…查看更多

午餐set選擇唔算多，得一個飯餐同拉面餐。大食嘅我就選擇咗拉麵餐！因為即炸所以都等咗15分鐘先有野食到。拉麵食落有啲似辛辣麵，但佢加咗啲蘿蔔、蛋花、白菜等等嘅配料都還算可以。炸雞就真係超級好食！佢就俾咗2種炸雞（醬油味同甜酸味），皮薄雞滑，仲有野飲送抵食!…查看更多

超級好飲既芋頭鮮奶（雖然夏日，本人極建議熱飲）。大甲芋頭好綿密有咬口，我叫走甜，用二砂煮過既芋頭本身已經甜甜的，配上鮮牛奶好正！飲一杯已經好飽！我一個星期後再去飲芋頭鮮奶綠，微微茶香，冇咁甜少左一份滯感，係飯後之選。…查看更多

呢間都食過好幾次，所以今次爆場就決定買外賣返去食。今次就點咗個中嘅酸菜肉米線另外加$10蚊要多咗份腩肉。個酸菜肉湯落咗好多酸菜，加上個湯底都好食甜！食落去個湯又清又酸好正！另外腩肉雖然切得厚但好淋，加埋啲滷水好入味。加埋都係$45錢真係好抵食👍🏻…查看更多

公司附近的燒味飯間唔中都會走去食下。今日就同同事一齊去咗食。我叫咗個燻蹄雞翼飯食，落完單好快就送咗個湯俾我哋飲，幾清甜而且無味精唔錯的！燻蹄有小小肥食落口幾好！雞翼係滷水嘅，好入味但得2隻就覺得太少。$44蚊有飯有湯都唔錯，不過不失。…查看更多

每次落車都見到呢間野好多人排隊，今日就一於買個外賣返公司試下。睇睇個餐牌呢間野係賣小食為主（魚旦、燒賣、魷魚...）今次我就買咗個早餐c（腸粉燒賣餐）。買完個店員仲好有禮貌講多謝呀哥，好地道嘅感覺😂腸粉好滑而且好多醬，好大兜食完好飽！燒賣大大粒有魚肉味，超級惹味。…查看更多

今日一個人食就決定要行遠啲懲罰良心小店，行咗幾條街就去到金祥排骨麵。本來想堂食試下個招牌排骨麵，但人太多我決定轉外賣。經店員推介我點咗個咖喱雞飯，咖哩有小小辣好好餸飯，啲雞個皮食得出有香茅味好香口好滑。個飯外賣$46蚊好好食，值得推薦俾大家！…查看更多

今晚屋企無飯食，收工就周圍睇下有咩好食啦。行行下見到間鹵味門外痴滿咗明星相，就決定入去試下。我就叫咗個鵝片飯。鵝片幾好食份旺都適中，酸菜就甜甜哋有小小辣但就覺得佢唔夠酸。成餐飯最失望係個飯凍嘅，有啲唔開心。$55一個飯都算係咁！…查看更多