fatboy_loveeat的個人專頁

專登嚟食炸雞!叫咗份芝士調味炸雞~炸雞嚟到超級多芝士粉,食落好重芝士味,仲有少少辣味,都幾惹味👍🏻外皮食落去唔會好熱氣好多油,難怪咁多人排隊燒五花腩肉都超出色,五花腩肉勁厚唔怕容易煎燶👍🏻唔會好肥,好重豬肉味…查看更多

麻辣手撕雞飯唔錯,雞嘅份量都幾多,麻辣味道啱啱好。手撕雞食落都幾滑,不過講真如果有青瓜或者花生嗰啲配料會更加好😅最好味係個海底椰雪梨瘦肉湯,瘦肉煲到好腍出唒味,雪梨清清甜甜成個湯都好好飲,感覺好滋潤🩷…查看更多

牛肉刀削麵幾好食,刀削麵麵條好闊身,食落去口感好滑同埋幾香👍🏻牛肉片唔算好多,冇乜配料有啲悶,湯底食落幾重香料味,食完好頸渴叫多咗杯嘢飲😂另外叫多左個涼拌土豆絲,份量都幾多,味道偏酸,我哋覺得一般般冇咩特別…查看更多

諗住求其食個餃子,點知好好食😂鮮蝦韭黃鮮肉餃蝦肉好彈牙爽口,好鮮,食落去勁多汁😂香菇馬蹄鮮肉餃勁香冬菇味,馬蹄脆脆地好清甜,咬落去口感好好👍🏻除咗個皮好薄又多餡要讚,湯底仲係瑤柱湯超香都要讚一下👍🏻絕對會回頭飲佢嘅湯😂…查看更多

無骨炸雞我哋點咗份中size,都幾大份,食落啖啖肉冇乜肥肉,但外皮就唔算好脆,味道就不錯炒年糕醬汁偏甜,唔係好辣,食唔到辣嘅朋友都食到!煙煙韌韌口感唔錯👍🏻炸醬麵麵條口感幾有嚼勁,黑豆醬幾濃郁,不錯…查看更多

呢度個飯團真係好好食!芝士雞扒飯團好有驚喜,咬落去芝士爆漿咁流出黎,雞扒仲脆脆地,非常入味仲好濕潤😍然後就係新宿燒汁牛扒飯團,牛扒好厚身醬汁好好食,甜甜鹹鹹咁👍🏻好味之外飯團仲卷得好靚好實,份量都幾大份👍🏻👍🏻正!…查看更多

同屋企人嚟食晚餐~叫咗個黃沙豬膶啫啫雞煲,豬膶處理得幾好👍🏻食落冇腥味,都有啲爽口,口感唔錯👍🏻雞嘅份量都好,兩款肉都好入味,豆瓣醬味好夠👍🏻另外蠔仔肉碎泡飯味道都OK ,但係湯底唔夠杰,同埋食落去都幾多蠔殼碎要好小心食😅小菜比主食出色😀…查看更多