擇食的個人專頁

平日經過佐敦隨便入嘅一間餐廳兩個人叫咗5樣嘢因為無食過，唔知份量有幾大，想食就嗌結果上枱俾個份量嚇一嚇酸菜魚$168一大盆，酸同辣平衡得啱啱好，魚夠滑香拌牛肉$89，份量都唔少，牛肉無油脂，但係完全唔嚡豬肉韭菜餃$58，有12大隻，隻隻都好飽滿，好食，性價比好高，老闆娘話餃子係自己包嘅👍🏻肉夾饃$25，唔貴，面頭烤到有小小脆，餡都好多，不過就淡咗少少烤茄子$48，呢個就有啲小失望，好香孜然味，但就無乜咸味成餐飯飽到上心口，都只係$388，唔使加一，絕對要再幫襯！老闆娘話係正宗湖南菜，好多回頭客，我無去過湖南，唔知正唔正宗，不過都肯定會做佢回頭客！…查看更多

平日不用等位，一入座有一兜蝦片叫做個會員價（即場登記app就得）$519（非會員價$688）嘅二人套餐套餐有：湯，用火熱住嘅一鍋湯，我哋加$10，揀咗大蝦冬陰功湯，個湯好夠熱，有6邊大蝦，湯味夠酸又夠辣，好惹味👍🏻小食叫咗泰式炸蝦餅，有3件，都算大件，上枱超級熱辣辣，好食！主菜叫咗海南雞半隻，青咖哩雞，各跟一碗飯海南雞超級有驚喜，以為半隻好少，估唔到都幾大隻，雞肉嫩滑，雞皮唔肥又爽脆，配個醬好正，酸酸辣辣，個醬夠杰身，好掛汁！青咖哩都幾好，正常發揮，只係相比之下就無咁出色。甜品加錢，揀咗芒果糯米飯，有半個芒果，好甜，椰醬咸咸地，配埋甜甜芒果加糯米飯，正！好滿足😌套餐包兩杯飲品，其中一杯叫咗熱泰式奶茶，唔搞匀個底嘅糖漿，飲落甜度啱啱好。湯同甜品加咗錢，加埋一，埋單差唔多$700，唔平，不過好滿足，好食，份量又足👍🏻要讚設計餐單嗰個，有湯有小食有甜品，主菜色啲熱門菜式（有啲餐廳套餐通常包啲唔太受歡迎嘅下欄菜式俾人技），份量好足，無話因為係套餐，份量就少過單點👍🏻另外，想讚一讚一個one length短黑髮，高高瘦瘦嘅女侍應，全場最勤力最敬業就係佢👍🏻…查看更多

叫咗個$388二人套餐套餐有2碗餐湯一碟包（一啖一舊，有4舊）一碟前碟（有4隻蝦）主菜一份封門柳（+$88，幾好食嘅）一碟西班牙豬肉片飯（份量極少，掃埋應該得一碗仔飯，5片仔豬肉，豬肉無味，個飯有啲乾）甜品一件cake（叫咗巴斯克要+$38 ）套餐唔包飲品分別叫咗一杯梳打水($28)，一杯凍咖啡(好似$38)加一後埋單$649一個套餐唔包飲品已經唔係咁好睇，最搞笑二人套餐只得一份甜品，件cake仲要勁細件（個巴斯克仲要唔好食），會唔會太小家。成個餐，除咗有兩碗餐湯之外，根本就係一個一人餐，兩個人食完，有說不出嘅空虛感，俾咗6百幾蚊，唔講好唔好食，連最基本食得飽都做唔到⋯⋯…查看更多

環境很一般，凳同枱都唔好坐，凳邊枱邊太利。枱與枱緊貼，中間只有一塊膠板隔住，坐又迫，又要被迫聽隔離枱傾計。食物餃子很一般，個餡好普通，個皮冧冧地。烏冬係普通讚岐烏冬，南瓜湯如果就咁當濃湯飲係ok嘅，淋落餃子度，又無令到個餃子變得特別好食，總之就為Gimmick而gimmick。明太子雞翼，味道ok嘅，不過唔太食到明太子嘅味。黑松露薯條，個醬有黑松露味，不過48蚊得一碟仔，數埋都係得廿條薯條。價錢最平嗰幾款68蚊8隻，加烏冬加12，一碗唔太好食嘅餃子烏冬就收你80。明太子雞翼3隻38蚊。黑松露薯條一碟仔48，真是搵笨。飲品一罐罐裝葡萄梳打12蚊一樽200-300ml嘅冷泡茶包茶收14。舖頭只收現金，唔方便。食物質素唔值佢定價，唔會再食，都唔值得一試。…查看更多