Sumfood的個人專頁

講起「小肥肥」，唔好以為係動畫嗰隻啊！呢間喺景福街嘅小店，絕對係街坊至愛嘅飯堂嚟㗎。鋪面唔算好大，但係嘢食夠晒「抵食夹大件」，味道仲要好有鑊氣，唔怪得知成日未到飯點就已經有人排隊等位啦！必食之選，首推佢哋個回鍋肉老上海粗炒！聽到個名係咪覺得有啲「撈亂骨頭」？四川回鍋肉混合上海粗炒？咪住，試過就知係神來之筆！佢哋嘅粗炒麵條夠晒煙韌，咬落有嚼勁，鑊氣十足。面頭鋪滿咗香辣惹味嘅回鍋肉，半肥瘦嘅五花肉炒到微微捲起，帶少少焦香，啲油香同醬汁掛晒喺粗炒上面，撈勻嚟食，真係邪惡到極點，但又忍唔住一啖接一啖，食到「舐舐脷」！另一個不能錯過嘅就係紅油抄手！佢哋嘅抄手隻隻都包到脹卜卜，皮薄餡多，豬肉餡好鮮味。重點係個靈魂紅油汁，香、麻、辣嘅層次好分明，唔會死辣，食落仲有少少酸甜味吊一吊，非常開胃。撈勻啲芝麻同蔥花一齊食，真係「冇得輸」！總括嚟講，「小肥肥」呢啲地道小店，冇華麗裝修，但就有實而不華、誠意滿分嘅好滋味。…查看更多

再嚟食過保持到水準，2人8點半入場，當然都係食B餐海鮮潮汕牛肉放題，入面已包了個海鮮併盤和手切牛肉圈，入面有不同的牛肉部位，整體都好新鮮，食晒就知道邊款牛肉最岩自已，我們之後就狂叫雪花，食多幾碟即時覺得勁抵。脆肉鯇脆口又新鮮最後要了2碟一個人獨食。黃金魚皮咸蛋味濃郁幾脆口。湯底最簡單的潮汕牛骨湯已十分好味又夾，完全食到牛肉的原汁原味，之後加的湯都是牛肉湯保持濃度。出面仲有不少菜同丸選擇，仲有熱食沒想過會有海鮮而且仲要夠惹味，響鈴有紫菜都幾好食，麵類不少但因為太飽沒有食到，冰櫃內都有雪糕雪條。飲品選擇不少，有任飲紅酒比較少見味道都可以飲得過，當然我就飲自家制飲品，味道甜度可接受又多選擇。…查看更多

超重手 芝士漢堡 配 花生奶昔 $145 @ fiveguys…覺得貴咗少少但幸好味道都可以，在晚上0930嚟食都有十幾人食緊，大多只買包連飲品都冇叫。這裡漢堡叫咗加配不同配料好開心，我梗要酸瓜再加洋蔥和蘑菇啦，整體好厚身，包濕咗少少，入面材料都唔少，漢堡2片肉味不錯不太乾身幾好味，$90都值得買嘅。朋友成日推介這裡奶昔$55，我最後都試咗啦，都幾大杯飲落去好香，好滑，花生味都有但真心偏甜😂2人飲咗大半杯已好夠。…查看更多

看到不少人講荃灣開了間不錯的火鍋，而朋友又喜歡就和她一起來，裝潢以中國風為主，2人坐4人桌所以十分舒服。醬介已放在桌面，看到有白芝麻加分，因為可以令到醬汁更香。 椰子雞番薯蜆濃湯鍋見到這個已覺得十分吸引，所以叫了來當湯底，原來材料十足，雞幾滑身而椰子不少所以十分香濃。比較少在打邊爐食牛舌片，原來都幾特別，口感十足，牛味幾特別。菜苗帶子餃有4隻同6隻，當然我們叫6隻啦，咬落去勁彈牙，皮又滑好味推介。爽脆豬潤份量都不少，食落去面好滑身軟熟，味道都可以。再叫咗一個蔬菜萵筍好爽又新鮮。不少人食海鮮我們就選了個大蜆來吃，幾新甜。我們愉快地食了2小時都沒有講要離座，而且待應加水和湯十分快手抵讚。…查看更多

開左咁耐先去食😂真心食物質素唔差，但選擇少 @ 鮮選壽司 荃灣海之戀 。星期三18:00去到不用等位就可入去，冇人講食幾耐（最後食咗40分鐘），用pad 點餐，但勁多壽司都冇有失望，最後叫左共11碟壽司🍣$266價錢都合理嘅，但整體我會寧願食壽司X好啲（要等位）因為嘢食多，價錢差唔多。有驚喜係 #天婦羅蟹棒 好新鮮又夠熱👍🏻芥未真係同出面有分別食得出新鮮高質感❤️3款吞拿魚幾好，價錢抵食🥰壽司飯就覺這間好食啲👍🏻其他壽司就正常質素😂。…查看更多

朋友講灣仔碼頭有間餐廳好靚岩我同佢慶祝生日，晚上7點來到，原來這裡有不少打卡位在餐廳內，所以都用左10分鐘才入去餐廳內部，勁有情調。我和朋友各自叫了一個晚餐和飲品，渡過愉快的晚上。 蘑菇湯口感食到不少蘑菇碎增加口感，蘑菇味都好香。前菜就選擇無花果醬鴨肝多士2件只需加$40當然叫啦，完全沒有失望，鴨肝好香口，油脂味十足仲有點脆邊感，配上多士食真心推介過來必要加錢叫這個。 黑毛豬鞍配香草菠蘿醬伴法邊豆及烤新薯，豬鞍位口感十分好豬肉味濃郁仲有點油脂配清新的醬最岩。甜品抺茶撻加雪糕，抺茶撻味道濃郁，皮底微脆，將抺茶醬和雪糕特別美味。飲品方面點了有酒精的Goddess Hera杯用花形杯仲有點茶葉好靚，伯爵味好濃酒味不濃好易入口，這樣調較Liqueur好味又特別。…查看更多

今日行開旺角，和朋友見到有間日本料理在樓上，感覺不錯，樓下仲有不少餐牌都幾吸引就決定上去食飯傾計，我們坐了入面梳化位都幾好，叫了4款食物再加飲品，勝價比都高可以下次再來吃其他食物。首先來的是角切魚生飯配味噌湯，味噌湯味道不錯原來入面有三文魚怪不得咁香，魚生飯的刺身都新鮮，飯十分多，2人分都夠食。豚肉泡菜鍋入面泡菜不太辣岩朋友食小辣感，豚肉不少幾入味，仲有芋絲菜和豆腐十分足料。串燒要了朋友最愛鹽燒厚切牛舌串，幾厚身燒得幾香仲保持到軟熟。飲啤酒當然要配送酒小食，燒雞泡魚是不二之選，香口帶點甜十分適合。 …查看更多

華富邨 有歷史嘅屋邨，當然找吓有冇冰室，就見到1968年已開的 銀都冰室 👍🏻。入面冇冷氣好彩有風扇而果日天氣不太熱還可。下午茶餐選擇都唔少，我哋最後就叫咗三個餐，價錢都三宆幾蚊可以，嘢食方面係好新鮮熱辣辣，味道整體都可以👌🏻。3樣嘢唯有食物失望係雞脾，完全沒有餣過咁，不過另外2款都好味😋飲品 奶茶 竟然失望有點意外😅唔夠滑身，茶味都可以，紅豆冰大杯都正常。整體價錢合理而且選擇不少，以不太多餐廳選擇的村都不錯。…查看更多

這裡朋友話價錢唔貴味道又可以，所以見今日星期五就過來吃，地鐵站一上就見到，在樓下已看到7樓，上到去沒想到1900都差唔多滿座，入面餐牌有單叫或套餐，套餐價仲要好平，下次可以再約朋友來吃。味之饅，共4件入面都有不少材料，味道夠最後沒有點豉油都得。鮭魚旗，$38/2件，燒得好香，油脂十足好香口，入面魚肉好滑身，配上檸檬汁的酸最好。在餐牌看到咖哩豬扒飯都幾吸引，來到份量唔少仲有隻蛋，豬扒炸得岩岩好又唔油，豬扒口感好，好味。咖哩汁不太辣但幾香，$68抵食。…查看更多

朋友同我講荃灣有間餐廳，都幾好食而且價錢都唔貴，所以今日星期日就決定同佢一齊過嚟食，因為見到今日天氣唔錯就坐喺出邊。蝦芒果牛油果沙律，來到份量都𣎴少，因用檸檬香草汁味道特別，菜新鮮，蝦用烚仲都保持到爽口，芒果和芒果新鮮。朱古力奶昔我勁喜歡飲，在網路看到幾靚，當然過來試，這裡的是用維記雪糕，當然沒有失望，杯周邊有朱古力醬真心幾靚。雞肉蘑菇燴飯，巴馬臣忌廉芝士味好濃，雞肉嫩滑，燴飯配上醬汁剛好而且好入味。下次再嚟嘅時候應該就會試吓坐入邊，因為入邊嘅裝修同埋啲梳化位都幾舒服。…查看更多

旺角冰室 而家都開咗唔少，仲要門口好多都有 #麵包 🥯買，今次就試咗 #旺角新之城 轉角間 #龍城冰室 ，見有幾個人排緊隊買就試吓見到QQ #軟包 ❤️仲要是芋頭當然買啦，麵包的確好軟熟，微微芋頭味，入面有芋頭餡不過偏少，麻糬原來都唔少，黃色類似奶皇感，一齊咁食的確幾好食，價錢仲要$9唔貴可回購#菠蘿包 都幾大個👌🏻食落去都脆面，麵包軟熟不錯，價錢$8都可以，佢仲有個榴連菠蘿包約$14可能下次試吓先😂諗住正常菠蘿包唔伏先再買佢我前面排的2個人各自都買咗1-2大袋好誇張😂所以吸引咗我去買，見佢哋都係專買2款QQ包同2款菠蘿包…查看更多

鐘意食和牛而且又坐得舒服在旺角不常見，今次看到間不錯就來試一試。來到感覺不錯，待應都窩心講解食物質素，最後我們選了個2人餐，等了大約10分鐘食物開始來到。 和牛壽喜燒2人餐，見到都心心眼，見到待應開始制作棉花糖再加上自家制壽喜燒汁煮了一陣就可以整A5鹿兒島黑毛和牛西冷/肉眼，生熟度剛好，牛肉口感不錯，配上日本雞蛋最好味。 季節野菜盛合，有不少材料，因2人餐關係所以每人都可以食少少最岩我們。真打稻庭烏冬或白飯選擇，我們就要了烏冬配上壽喜燒汁入晒味不錯。食得壽喜燒當然要配個飲品啤一啤，惠比壽味道易入口，以白啤來講好飲而唔會得個苦字。…查看更多

佐敦甜品店不多有Pancake ，有間寫話藍帶大廚主理小店仲要好近我哋就決定去試吓，但真心有點失望。 士多啤梨雲呢拿pancake $108，等了大約十分鐘左右嚟到，空氣感偏少，所以餅偏薄身。蛋味都幾濃。份量比較少，我們2人都覺得整體好普通，再來未必會再試。 桂花國寶茶$52，我們叫了一壼分來飲，桂花味濃郁，保持到茶味不錯，可以再加多次熱水慢慢飲。 我們去的時間下雨中，所以蚊滋都有幾隻圍住我哋一齊食就差少少，應該天氣好少少就會改善到。…查看更多

朋友講沙田有間滷味外賣滷川長味道不錯，所以今日她經過就買了一些給我吃當加餸，而且食物絕無添加防腐劑及人造色素適合我不可吃太重防腐劑的我。香港本地每日新鮮製造，十分新鮮，即造就可買到。 煙燻鴨，沒想到這價錢咁大隻，仲有單張教如何煮食，熱水細火8分鐘就可以拆開袋切出來，肉質幾滑而且濃郁煙燻味，味道幾特別又方便。 番尋味鴨掌，辣度堅十足，食完個口仲保持到辣度，鴨掌幾淋身。濃味牛舌，辣度小辣，牛舌口感不錯薄身。 食完之後朋友講其他裡的口水雞都十分好味，話下次再買給我試一試。看到這裡除了川味的即食小食外，仲有即用煮食的醬料,即開即用，好方便，最後決定買香辣蝦來試一試。 …查看更多

之前見成日夜麻麻十點幾都有十幾廿人去排隊，因為疫情關係轉了外賣見唔多人就去食吓先，普通沒有驚喜 今次見咗2個大飯同1個細飯和飲品，飲品再加5件炸雞，價錢約$230 飲品三十幾有少貴但見抹茶珍珠就試吓，點知有驚喜好味，夠濃抺茶又不太甜，珍珠口感都可以 大飯都有碗半，十分飽肚但飯比較濕少少。細飯做午餐份量不錯 飯類叫了牛肉和鰻魚，牛肉有點偏碎，烤肉比較大片同口感都比較好，配多不多。鰻魚比心目中細咗啲，味道普通。炸雞5件皮有點淋身，雞肉比較細，整體以二百多元來講試一次都可以，未至於特別驚喜或要等幾十人去買來吃…查看更多