Brian MoK2的個人專頁

首先，係好食的，我叫咗筋腩麵同油菜，質素都好好。更值得一提嘅係細節位同服務，碗麵嘅蔥花同韭黃都好細嫩爽口；老闆娘好熱情同有禮貌，入去嘅招呼、離開嘅道別、埋單時雙手遞上嘅找續，都令人感覺用心，出咗門口無耐就打咗篇食評，本身無諗住打所以無影相。…查看更多

宜家WFH，晏晝心血來潮想食燒味飯，Openrice見到呢間專做外賣，評分又幾唔錯，就決定嚟試下。中午行過嚟幫埋屋企人買外賣，買左一盒燒肉燒排骨飯、一盒燒腩骨燒鴨飯，半斤叉燒，一共5樣燒味。結果5樣都唔掂，特別係燒肉同燒腩骨，超乾，成舊瘦肉咁，打開個飯盒見到已經唔想食，一放入口就覺得表裡如一，果然好難食…如果唔係唔想浪費食物，第二啖都唔會食。結論係，住附近嘅街坊少少地試下都可以，睇下質素有無改善；要搭車嘅就完全可以慳返，唔使特登過嚟試伏。…查看更多