vicky0404的個人專頁

喺香港都可以食到高質素嘅印度素菜，餐廳裝修充滿印度風情，色彩繽紛，空間夠大唔會有壓迫感，燈光比較柔和，有好多打卡靚位🥰📌PANI PURI $69係一款好經典嘅印度街頭小食，口感鬆脆，裡面有啲薯仔，配備咗兩款汁，一款係羅望子酸甜醬，另一款係薄荷酸汁，兩款味道都好獨特。📌KP SPECIAL BIRYANI $109素印度香飯用長米製作，裡面加咗薑黃，咖喱等等調味料，配咗蕃茄三色豆，另外跟咗一小杯乳酪可以點嚟食，味道好清新。📌PANEER TIKKA LABABDAR $128原來係印度一種唔會溶化嘅鮮乳酪，有啲似食緊豆腐，配搭印度烤餅一齊食，口感層次豐富。📌TRUFFLE GHEE KULCHA ＄59 松露的獨特香味同 ghee 濃郁奶香完美融合，外層微脆，內裡鬆軟，帶有淡淡嘅鹹香同奶油感，好適合同咖哩一齊食。📌PANEER THREE PEPPERS $109 Paneer 本身口感軟嫩，吸收咗甜椒嘅香氣同香料嘅調味，整體味道濃郁但唔膩，使用咗印度香料如孜然，薑黃同辣椒粉，但不會過辣，都幾適合大眾口味。📌LASSI MALAI MARKE(MANGO) $65芒果乳酪口感好清新，每啖都有淡淡既香草嘅味道，仲可以解辣。📌PISTACHIO MILKSHAKE $65開心果奶昔口感有啲甜，裏面啲粒粒好有層次感，開心果迷一定飲唔停口。Kailash Parbat創於孟買,原來已經有70年歷史,多年嚟都堅持傳統印度素食,佢嘅菜式一啲都唔單調，職員仲會用心教我哋正宗嘅食法，真係值得一試。…查看更多

觀塘出名多嘢食，今次就俾我發掘到駱駝漆入面一間私房菜,佢地主打養生燉湯套餐,午餐配個靚燉湯每人都係100蚊有找,真係自己買材料都做唔到呢個價！燉湯裡面有乾瑤柱,瘦肉,雞腳,五指毛桃,桂圓,紅棗….......多種豐富材料，熱辣辣上枱,飲落清甜無味精😋[薑絲蒸黃花魚]掌握好時間蒸熟保持鮮甜原汁,蒸好後淋上熱油、生抽、蔥絲同薑絲，肉質嫩滑,香氣四溢。我地揀配健康紅米飯,係更養生嘅選擇，紅米飯富含纖維同抗氧化物，幫助消化又有益心臟健康,好味又健康！[蒜油蒸卜卜蜆]好鮮甜，蜆肉彈牙汁多，蒜香突出帶少少油潤，配埋爽口娃娃菜，好開胃又滋味！本身我哋太鍾意食菜,所以見餐牌可以加30蚊有還原水灼油菜,又叫一碟一齊食,食食下老細同我哋傾下計再送咗兩碗西米露,食曬咁多嘢真係好飽好滿足😆傾談中得知係由23年粵菜行政總廚主理，總廚菜式分別榮獲過旅發局美食之銀獎及金獎👏,食材都係每天新鮮預備及烹調,出品質量絕對有保證🏅🐟薑絲蒸黃花魚配燉湯 $98🦪蒜油蒸卜卜蜆配燉湯 $88(可配) 陳村粉 / 香蒜飯 / 紅米飯 / 菜底(4選1) 加底+$5@palacekitchenhk📍 地址：觀塘開源道駱駝漆大廈三期7樓S☎️ 電話：63525748Whatapps： wa.me/852635257🕣 星期一至星期五 (1200-1500內供應)#香港旅游攻略 #香港 #香港生活 #我的美食日记 #美食日常 #美食探店 #香港打卡 #探店 #打卡 #香港美食推荐 #養身 #燉湯…查看更多

今日次同朋友慶祝生日左所以再次光顧,值得一提嘅係，服務質素非常好，店員都好熱情，經常主動過嚟關心我哋嘅需要，令整個用餐體驗更加愉快。雖然食物種類有限，但因為高質素嘅食物和優質的服務，整體上仍然令我感到非常滿意。花膠好大塊，之前最中意食嘅雲吞都保持水準,依然咁大粒啲蝦好大隻,薄薄的雲吞皮裹著大顆鮮蝦，咬下去蝦肉彈牙鮮甜新鮮，海鮮沒有雪藏味很鮮甜,我自己攞左兩轉長腳蟹,超級滿足,刺身正常發揮,片皮鴨鴨皮薄脆、鴨肉軟嫩，配蔥絲、黃瓜絲和甜麵醬一卷，鹹香鮮甜層次滿分，經典果然不會錯～侍應態度非常友善,性價比高,款式多,容易回本,食物亦做得好有心,服務好,收碟快,好滿意嘅一餐IMG:2]IMG:3][IMG:5]IMG:6]MG:8]MG:10]MG:12][IMG:2]…查看更多

於屯門工廈發現有得食Pizza，即刻走入去試吓，二人套餐價錢好抵食，只需要＄233，包一個Pizza,一個主食（飯、意粉或者小食），兩件炸雞同埋飲品或者沙律。📌食肉獸Pizza店家堅持用自家製低溫發酵餅底，食落特別鬆軟，而邊位都好鬆脆～配埋優質橄欖油同新鮮配料，辣肉腸、牛肉、豬肉、雞肉、煙肉、自家製蕃茄汁，咬落真係啖啖肉，口感超滿足。另外仲有素食pizza可以選擇，素食朋友都啱～📍拿破崙茄汁豬柳焗飯好鍾意個茄汁幾香濃，酸甜度適中，令到飯底好香，豬柳都有好多件，肉質夠軟嫩。📍 原味炸雞熱辣辣炸出嚟，職員提我哋中心溫度好高，要小心食，雞皮炸得好脆，肉質嫩滑多汁，而餐牌寫明有清真認證， 可以食得安心。飲品就揀咗餐湯同七喜汽水。咁優惠嘅價錢就食到高質Pizze，我覺得好值得推介俾大家！…查看更多

又去咗九龍城廣場地庫美食廣場揾食，今次見「饑餓館2.0」有墨西哥卷餅，平時少機會食到又試吓先～佢哋好細心會將捲餅切開一半， 方便我同老公分享🥰，裡面好足料同包得好實淨，雞肉肉質夠嫩滑，加埋啲醬料好惹味！老公就揀咗芝士煙肉雞蛋烏冬，烏冬上面鋪咗好多芝士碎，熱辣辣做到拉絲效果，煙肉粒份量都幾多，店員仲俾咗包胡椒可以我哋自己再下調味，芝士控真係要試吓～主食加十蚊就可以變成套餐，可以配薯條、沙律或者雞翼，飲品有一般罐裝汽水或者佢哋自家飲品，咖啡都好香濃。#墨西哥卷餅 #烏冬 #九龍城廣場 #芝士…查看更多

今日去開沙田，終於試到超人氣嘅日式和牛漢堡店《肉肉大米》，過咗午餐時間都仲咁多人排隊，真係好犀利！佢有一個餐可以試曬三款口味嘅和牛漢堡扒，我哋直接嗌咗兩份😋📌原味和牛漢堡扒漢堡都好厚身，外層微微煎香，肉質好鮮嫩同爆汁，最簡單嘅配搭可以食出真味。📌芝士漢堡扒除咗一片芝士外，再加咗超級多芝士碎喺面，無論賣相同味道都好吸引。📌青咖喱和牛漢堡扒青咖哩汁有少少微辣，都幾惹味，同漢堡扒一齊滾住夠曬入味。套餐裏面嘅湯、飯同埋西蘭花都可以無限添加，保證食到飽飽，真係超級滿足！#肉肉大米 #漢堡排 #lunch #dinner #日本和牛 #沙田 #沙田新城市廣場 #沙田美食…查看更多

今日嚟到長沙灣搵食，見到間日式餐廳壽喜燒鍋只需要69蚊，即刻吸引咗我地走入去試吓。📌牛肉壽喜鍋熱鍋上枱保持住溫度，牛肉份量好多，加埋蔬菜豆腐等配料，份量都幾多下，湯底幾甜，我揀咗加十蚊配烏冬，感覺好似冇配飯咁膩。📌牛肉生薑燒便當便當色彩好繽紛，而牛肉片薄而入味，生薑香氣明顯，除咗主角牛肉外，仲有車厘茄、冬菇、蘿蔔、中華沙律、甜番薯、魚板、醃蘿蔔同甜品哈密瓜麻糬。 一個餐可以試咁多嘢好開心😆。📌炸雞皮餃子創意十足嘅料理，外皮炸得鬆脆，內餡飽滿。📌芝麻蝦多士蝦膠厚實彈牙，芝麻香氣濃郁，整體口感非常鬆脆。📌照燒雞扒醬汁濃郁偏甜，雞扒外表微焦，肉質好嫩滑。📌手打蜂蜜檸檬紅茶清新解膩，蜂蜜香甜與檸檬酸味平衡。📌百香果紅茶果香味濃郁，我揀咗小甜，茶底幾清爽。 #九町屋 #九町屋居酒屋 #九町屋深水埗 #平民美食 #香港美食 #深水埗美食…查看更多

今日天氣又熱返，食撈檬比較開胃，呢間越式料理有好多款式選擇,價錢親民唔使收加一。📌手打蝦餅撈檬蝦餅炸得好香脆，咬落唔覺油膩，撈檬粉夠爽滑，加埋豐富配料，食慾大增。📌街頭雞扒炒公仔麵雞扒香脆惹味，炒麵唔會太油，好有街頭風味。📌酥香軟殼蟹外層夠晒鬆脆，同時保留到蟹肉鮮美。📌越南滴漏咖啡食越南菜一定要飲滴漏咖啡！香氣特別濃醇，配煉奶口感順滑，甜度啱啱好。📌龍眼冰上枱已經好有驚喜，裡面材料好豐富，有勁多杞子同龍眼肉，味道適中唔會太甜，超值選擇！📌紫糯米花果乳酪芒果果肉清甜，乳酪滑順，與紫糯米形成層次分明的口感。 #HaNoi越南菜#越式料理 #越南菜 #啟德美食 #啟德餐廳推介 #HaNoi越南菜 #香港美食 #香港探店 #香港必食餐廳 #啟德美食 #啟德餐廳推介…查看更多

最近同朋友搞Party 嗌咗𠲖間到會 ，佢哋嘅款式有好多選擇，而且保溫做得好好，送到嚟食物仲係熱辣辣，包裝密封得好穩陣,送餐時間都好準時。我哋嗌咗八款菜式，每款都幾正～📌迷你兵團小薯餅拼麥樂雞配海苔莎莎醬 造型真係好可愛，打卡一流。📌日式一口牛鰻魚炒飯配飛魚子 配料份量都幾夠,口感豐富。📌黑松露芝士焗澳洲大啡菇 黑松露香味濃郁,咬落去都幾多汁。📌桔仔香茅炭燒豬頸肉配泰式醬 燒得好夠火喉，最快清曬嘅菜式。📌馬來黄咖喱雞配香烤薄餅 香濃咖喱味,雞肉都幾嫩滑。📌火焰香港仔避風塘炒雞翼 惹味得嚟肉質唔會好乾。📌泰式酸辣無骨鳳爪拼蘿蔔仔 無骨食得好方便,酸酸辣辣都幾開胃。📌墨西哥蔬菜牛油果醬雞肉卷配海撒沙律醬 咬落層次豐富，口感好清新。 #新蒲崗 #到會谷#香港美食 #香港到會 #到會美食 #到會服務 #派對 #上門美食 #生日派對 #團餐 #聚餐 #生活需要儀式感 #派對小吃…查看更多

餐廳環境令人感覺好舒服,柔和嘅燈光,座位好寬敞,拍拖一流🥰仲有個落地玻璃可以睇到廚房製作pizza嘅過程。Dinner Set 晚市套餐 $498 一個嘅 4-Course Dinner ~ 1 Antipasti or Insalata + 1 Pizza or Pasta + 1 Carne or Di Mare + 1 Dolci。📌Poloettoni自家製安格斯牛丸牛丸嘅口感好紮實,有好牛味,配合巴馬臣芝士同蕃茄醬,味道好夾。📌呑拿魚Pizza🍕Pizza底餅係廚師即場搓，傳統薄脆餅底,有炭香味,做到拉絲效果，吞拿魚的鮮味與芝士的濃郁結合，口感豐富。📌Filetto牛柳（250g）我哋揀咗五成熟,口感極為軟嫩，肉質細緻入口即化，配搭阿根廷青醬同芥末醬，可以有兩種唔同既味道。大蒜裏面嘅蒜頭超軟加埋橄欖油，帶出少少甜味，做得好好。📌Tiramisu咖啡酒香濃郁，濕潤度啱啱好，帶少少可可粉嘅微苦，層次分明甜度啱啱好。…查看更多

葡富軒展現正宗葡國風味，值得一試。📌炙烤八爪魚及黑毛豬柳串八爪魚口感彈牙不韌，炙烤後帶有微微焦香，橄欖油與香草調味恰到好處。黑毛豬柳肉質鮮嫩， 油脂分布均勻 ，與八爪魚形成對比， 層次豐富。適合搭配葡萄牙白酒享用。 📌葡式海鮮飯份量十足、海鮮新鮮 飯粒吸收了海鮮湯汁， 濕潤但不糊爛,蝦、蜆、魷魚等配料豐富。 📌葡式牛排採用厚切牛排， 外層煎至微焦，內裡保持多汁 。肉味濃郁，熟度掌握得宜，是喜歡肉類主菜者的好選擇。整體而言，葡富軒不僅菜式水準高， 環境具葡萄牙風情，裝潢以藍白花磚為主，氣氛溫馨，適合朋友聚餐或情侶約會。…查看更多

喺旺角鬧市都搵到間價錢親民嘅泰國菜餐廳,環境光猛,裝修簡潔,座位唔算好逼。📌泰皇咖喱火山軟殼蟹法包賣相非常吸睛,真係好有火山爆發嘅視角效果,軟殼蟹炸得好鬆脆,咖哩汁偏甜帶椰香,法包鬆軟,吸滿咖哩汁後味道更濃郁,整體口感層次豐富。📌串燒沙爹半打雞肉同豬肉各三串,沙爹花生醬味濃郁,肉燒得啱啱好,外脆內嫩。📌泰式肉碎生菜包肉碎炒得香辣惹味,配生菜一齊食好清新,唔會太膩。📌椰汁三色冰椰汁甜度啱啱好,三色條口感煙韌,飲每一啖都好足料,好正～#旺角 #泰國菜 #旺角美食 #香港 #香港美食 #香港泰國菜 #泰國餐廳 #旺角美食 #香港必食餐廳 #平民泰國菜…查看更多

又嚟到荃灣做嘢,今日嘅lunch我好想食韓國嘢,就揀咗Yadllie Plate,有好多午市套餐揀,仲包咗小食前菜,冬菇湯同特色飲品,餐牌款式好吸引, 搞到我又嗌咗好多嘢🤣📌魚介湯鍋用gas爐上枱熱辣辣咁食,裡面有好多唔同形狀嘅魚糕,每一件咬落去都有魚鮮味,湯底味道係淡淡的甜味,飲落非常舒服,裡面仲有雞蛋、菇類、年糕等……吸飽左魚湯嘅鮮味,食完成個人都暖笠笠。📌直燒現炙豬腩肉有表演睇🤭職員喺我哋面前即時用火槍燒豬腩肉,套餐除咗跟飯,仲配有生菜和兩款醬料,肉質肥瘦適中,口感不膩油香肉嫩。📌芝士蟹子蛋捲 蛋捲入面有好多蟹子,上面加咗番茄醬同埋沙律醬，入口鹹鹹地,層次好豐富,側邊仲有沙律伴碟。📌半半炸雞 去韓國餐廳點少得炸雞,今次叫咗兩種唔同口味,蜜味乳酪粉同黃金蒜香口味。炸雞外皮香脆,肉質滑嫩。蜜味乳酪粉味道係酸甜口感,蒜香口味加入大量蒜片同埋醬汁,香甜得嚟又帶有蒜頭獨有嘅香味,加埋炸甜薯條，真係好邪惡嘅配搭。📌藍橙茘枝梳打天空藍嘅顏色,清爽的荔枝味出眾,特別適合搭配重口味嘅菜品。📌朱古力雪冰有一細球雲呢拿雪糕配上朱古力沙冰,脆脆,百力支,和朱古力醬,雲雪般軟綿綿,甜度適中,冰涼口感❄📌蜜瓜雪冰造型好靚,蜜瓜球圍邊再插咗一條蜜瓜味雪條,層次好豐富。餐廳無論係主菜定甜品,水準都好高,兩個人食咗咁多嘢好滿足🥰…查看更多

今次去咗葵芳食海鮮火鍋放題,得兩個鐘怕唔時間食,極速叫咗湯底滾住先～揀咗豬骨湯同埋花膠湯底,兩款都唔錯～大大個魚缸可以自己撈,有大頭蝦、蟹、沙白蜆、鮑魚、扇貝,全部都係好生猛,鮮味十足。肉類方面有澳洲安格斯牛板腱、牛肩胛、五花腩等多種選擇,切得比較薄身,滾幾秒就熟。熟食區可以任攞大閘蟹、燒榴槤、蒜蓉燒蠔、蒜蓉大蝦、串燒等蔬菜區又係勁多選擇,仲有好多丸類,麵類同埋生果。飲品區最驚喜有椰青任飲,自己開都好容易,小朋友怕危險就最好搵返職員開～…查看更多

The lunch unfolded in an Argentine-style parrilla where murals, warm wood and checkered floors created a convivial, shareable atmosphere. Starters balanced indulgence and restraint: molten cheese bread arrived silky beneath a caramelized skin, flecked with herbs and paired with charred baguette for smoky crunch, while chicken empanadas offered golden, blistered pastry and a tender, well-seasoned filling brightened by a tomato‑herb salsa that cut through the richness.Two sides elevated familiar ingredients with subtle choices: black truffle mashed potatoes were whipped to velvet smoothness, the truffle perfume enhancing rather than overpowering, and thick-cut fries delivered crunchy exteriors and fluffy, sweet interiors, lightly seasoned with salt and parsley.Mains showed technical confidence. Seared halibut featured perfectly crisp skin and delicate flaky flesh, paired with a vegetable ragout of zucchini, peppers and tomato that added acidity and sweetness to keep the plate light. The hanger steak, sliced for sharing, offered a deep caramelized crust, juicy pink center and a dusting of coarse salt to boost umami; its parade of six sauces—from chimichurri to mustard and richer reductions—turned each bite into a new tasting.A crisp ginger ale, with clean carbonation and warm ginger notes, refreshed the palate between courses. Together, these elements created a memorable, well‑balanced midday meal that combined comfort, precision and conviviality.…查看更多