lsfj的個人專頁

佳記既麵包一直都頗有水準，新鮮熱辣辣，size 又夠大，唔似其他麵包連鎖店食完好似食左陣風咁，佳記既麵包有重量有質感。呢條街一連有幾間茶記，行街行到攰攰地，想搵個地方掲下腳，朋友揀呢間都係因爲佢d麵包咋…一行入茶餐廳，我就有置身內地既感覺，周圍都是強國人呀……朋友叫左奶茶加麥西哥包，我就因唔肚餓只叫杯紅豆冰。點知睇下張單，無啦啦多左個菠蘿油，話都無咁快個包都到埋，我同落單個伙記講我無叫菠蘿油，佢話紅豆冰加菠蘿油係set, 一齊叫抵啲。我話唔係錢既問題，係我食唔到既問題。個伙記唔想改單，就屈我話落單時問左你係咪要餐喎，差幾蚊都唔食埋佢？！我對燈火發誓佢無問過我亦無答過要餐，唔好屈我！你唔方便改單同我講聲say句sorry我無所謂，但你屈我就唔得囉。你個包更好食都無用！我食都只會背脊骨落。伙記話家陣食唔到可以打包，比個袋你留番聽朝食囉。你有無常識架？！菠蘿包就都仲話可以留，菠蘿油點留？！聽朝食完我有乜問題係咪你負責先？如果不是友人心軟，我一定堅持要改單囉。。。。總括黎講，紅豆冰太甜，麥西哥無得頂，奶茶中規中舉。環境一般啦。對港式茶餐廳都不會要求太多。但服務方便就有待改善呢。…查看更多

星期六黎到坪洲，發現呢間茶吧有露天坐位，好似好好hea. 可惜我地入坐時露天位剛full左，我地唯有坐入面。內面裝修都不過不失，最特別係卡位旁邊有水煙。我叫左杯Lime Sola, 友人就飲凍啡，感覺良好。之後叫左個小食ribs, 它夠淋，但比較油同肥肉偏多。而且一般西式餐廳食ribs都係用燒汁醬整，但呢個似用豉油汁多d, 感覺似 downgrade 左去茶餐廳。另外叫左個意大利pizza. 皮唔算薄，味道比較清淡，加小小辣椒仔就好好多。anyway, it's a nice place. at least I feel very peaceful.…查看更多

星期日下午去睇戲前走去大家樂食tea. 講真食得大家樂都唔會對食物質數太大期望…友人叫左朱扒飽配粟米，成為28蚊。 朱扒薄時飽太厚，想飽肚一定無問題……我叫左個鷄翼配黑白朱半個再加火腿米粉一碗……成為29蚊，份量比想象中多。鷄翼好味，黑白朱就唔夠熱。米粉食左半已經好飽，所以交比友人接收。大家各叫了一杯熱奶茶，友人話茶味與奶味配合得剛剛好，比另一間連鎖快餐店好得多。友人既忙於接收我果半碗米粉，又要品嚐奶茶……結果成杯奶茶倒瀉晒，枱一半時地一半……！！唉………唔想其他食客被整污，急忙通知清潔阿姐代清理，無形中增加了清潔阿姐既工作量，深感抱歉。但阿姐卻很有禮貌地點頭示意不打緊，然後轉頭就遞上一杯全新熱奶茶，實在已經令人感動。她還説忘記同時給我們糖包，要想再去幫忙攞，我連聲道謝説不用了。怎好意思呢！阿姐邊拖地，看見我仍努力急救被奶茶浸過既手提，又一次主動遞上一大疊紙巾呢………萬分感謝！謝謝"羅琴蔥"清潔阿姐，你讓我們食了一個好溫暖既下午茶。…查看更多

Sunday 一心想好悠閒地去食個all day breakfast. 一入餐廳，燈光偏暗但感覺仍良好。餐牌做得好靚，可以選擇既美食也不小。要pancake 有pancake, 亦有waffle, pizza, pasta, 仲有好多甜點……睇到就已經樣樣都試…當我地揀好食乜想落order 時，waiter 既出現，令我感覺似去左茶餐廳，落單時想食乜要講得快，一d都唔悠閒……朋友叫左漢堡扒pancake set,   我就叫左炸鷄翼配waffle set. 等左陣另一個waiter送來食物卻發現落錯單，兩個餐都變左漢堡扒。我拒絕接受…兩個伙計就係餐廳互相指責……要嘈都返入廚房嘈啦，話晒有客係度嘛。我同朋友share 食住佢個餐先。食物質素基本上唔錯，份量大，pancake 就有三大塊, 朋友話pancake 唔想跟果醬想要cream, waiter 卻換來沙律醬…邊樹郷下用沙律醬點pancake? 咪以為cream 又係白色，沙律醬又係白色就一樣先得㗎！其實你同我地講無cream 就可以啦。好在每張枱側邊都有一支楓糖任用，pancake 配楓糖乃絶配！漢堡扒又大塊又厚身, 唯一覺得唔好既係好油……一路切一路出油。成張墊底既牛油紙都變透明了……跟餐仲有薯條及沙律。薯條好脆好好味。等了又等，我終於等到我既炸鷄翼waffle set. 之前好怕餐廳只換番幾隻鷄翼比我就算，再送黎時waffle 和薯條會淋晒……幸好再送餐黎時薯條仲微熱既。pancake 既味道基本上同waffle 是一樣，只是形態不同，Waffle 有兩塊，比pancake 厚身d. 但如果可以再揀，我會prefer pancake 多小小。跟來土多啤利果醬，搽上Waffle 一齊食都還可以。鷄翼有三隻，皮炸得好脆，nice. 朋友已經飽到完全食唔落個沙律，我見有個芒果醬配，飽都要試下……芒果醬好香，酸酸地，配沙律正好。跟餐可配指定咖啡… 我要了Latte, 朋友要莫卡。個拉花好求其，無乜特別，而且咖啡唔夠熱，味道就一般啦。我地食得八八九九，大家正吹緊水之際，伙計又突然從側邊出手收左我隻咖啡杯，問都唔問一句人地仲要唔要，擺明想你快d埋單啦………如果你同我地講聲叫埋單比枱其他客，我地條氣會順d囉，但跟本當時無人等緊位喎………餐廳既食物唔算平，$90個set再加10% service charge. 但只收cash. not accept card. @-@   …查看更多

今晚約左一班朋友去食飯, 起初都怕京菜會好辣, 睇左餐牌就發覺辣唔辣, 任你揀, 大既唔辣既野比你揀.用dbs 卡叫餐, 仲有dsicount. 唔想叫餐, dbs 卡叫拍定既茶式, 一樣有折. 我地叫左好多野, 款款都好味. 鴨夠郁夠香, 羊扒一碟有5塊, 塊塊肉汁鮮, 夠騷味. …查看更多

團購見銀菱做優惠, $88 任食2.5小時, 加$10 仲免費任飲, 聽落好似好抵. 買左2張同朋友一齊去食. 去到友光大廈地下, 覺得幢大廈好似好舊咁, 去搭lift 時就知瀨野. 架lift 舊到呢.....一入餐廳, 咩張地氈"痴立立"架..........餐廳間隔好奇怪, 房中有房, 雖然都接近坐滿人(大部份都係團購客), 但好似圖書館咁靜. 既無電視, 亦無音樂, 氣氛好奇怪. 如果你被安排坐到最入果間房就慘喇. 因為waiter 唔多會見到你. 你叫親野食都要自己行出去交紙.可以揀既食物唔算多. 魚生得四至五款. 三文魚 - 細片到無得再細. 水母 - 無味架. 生蝦 - 唔係成隻蝦咁比你, 係碎上. 唔好以為串燒係成串咁出, 都係碎粒上. 有d item 你叫左, 一世都唔會黎, 我地叫雞翼, 一次叫唔黎, 叫足三次都無. 亦唔會有人同你交代原因. 汽水可揀百事, 芬達, 七喜及不知名既罐裝蘋果汁或青島啤, 都算ok啦. 雖然團購, 埋單時都要再比番原價既加一服務費, 二人合共$36. …查看更多

同朋友黎食飯, book 檯分兩個時段. 6pm or 8:30pm. 我地揀6pm. 茶錢唔係人頭計, 係你揀不同茶葉不同價錢. 個壺好細, 一壺得三至四杯水.. 要不停加水.叫左乳豬,都ok 好味. 係細碟d囉. 例牌得4塊咁大把. 蝦都好爽. 不過要食就要一人叫一碟. waitress 有d大陸口音, 對餐牌又唔多熟. 最差係我地臨尾想叫甜品, 果時八點都未夠, waitress 同我地講賣晒喇! 但隔離廳岩岩仲上緊呢個甜品喎. 佢之後就話你地八點要交檯嘛. 車.. 要交檯你咪直接d講囉, 駛乜話賣晒喎!…查看更多