pioneer2000's Profile

一落船就去訂位。我們下午提早15分鐘去到，已經見全場滿座，好彩有訂位。我哋點了六人海鮮餐：1. 白灼蝦：新鮮好味2. 蒜蓉粉絲蒸蟶子：粉絲多多，蟶子肥大3. 清蒸鮑魚：新鮮彈牙，美中不足係阿女嗰隻有啲泥沙，可能沖洗得唔夠乾淨！4. 酥炸鮮魷：香脆可口，大人小朋友至愛5. 清蒸倉魚，鮮甜嫩滑6. 生炒骨：酸甜適中，肉蔬配搭均勻，最受外藉人士喜愛，唔怪之得全場外藉人士7. 蒜蓉清炒小白菜：少油健康8.星洲炒米：香辣野味9. 海鮮炒飯：香口大碟另外招呼一流，由訂位、帶位、點菜、送餐、以至埋單，都非常有禮貌，絕對係100分客戶體驗！…Read More

今日經過這間餐廳見佢裝修設計氣氛很好，入邊多人進膳，諗住入去嘆個午餐。點知全程都係零服務零交流。首先唔會叫你自己針水飲，落單唔會講任何嘢，收碟時，一個眼神就以為客人識攞返隻湯羹，我點知嗰隻又當係飯羹要來食飯啫。睇見依度嘅侍應佢哋唔係自己傾偈，我都唔知原來佢哋係識講嘢以為全部係啞嘅！！全部眼神交流咩，所以忍唔住都要分享吓一個劣評。麻煩負責人經理檢討吓你哋侍應嘅服務態度質素，食物一般，咁嘅價錢零服務，下次我唔會再入囉！…Read More

見咁少劣評，滿心期待美味嘅刀削麵，好讓大人小朋友品嘗。可惜竟然外賣裏，三碗刀削麵都冇湯，乾食太難食！😩就算肯加熱水都已太遲，麵都已變硬！人客不會這樣花時間來回。…Read More

原本想去附近老字號或出名波蘿包的茶餐室，偶然見這光鮮的敏華冰廳，不妨試試早餐。教我喜出望外的是一杯茶走，煉奶分開上，任我落份量，甜度由我決定！好足料嘅沙嗲牛肉公仔麵，好有誠意！炒蛋好多士脆，但又不是澳牛的風味，別具一格又好豐富嘅早餐，值得一讚地方清潔，服務員招呼有禮親切，選人管理有素，仲每位都載上名牌，有讚賞投訴都知係邊個。整體客戶體驗非常好，教我認識這個餐飲新品牌（對我來說），下次來金魚街要帶一家大小一齊享受一下！原來仲有好多分店，要周圍試試👍…Read More

居住土瓜灣區其實冇乜日本嘢好食，最近我竟然發現附近新開咗一間日式餐廳，裝修雅致，看得出老闆用心經營，食物🍱應有一定水準。今天趁午飯一試，果然喜出望外，拉麵🍛丶刺身丶壽司🍣都不是求其上碟，最近要新鮮美味😋，唔怪得之午市都座滿啦！老闆娘好健談，好多熟客！細問才知道他們是從佐敦搬過來，經營咗好幾年嘅人氣推介餐廳，之前要排隊入內㗎😲 老闆係韓國人，對食物好有要求，亦好燒酒文化，仲識講少少廣東話㖭！我兩個囡囡最愛烏冬，下次要帶埋佢哋黎試先得！…Read More