VICKiiiii的個人專頁

突然見到burgerman 重開(懷疑係易左手), 即刻叫左個最貴既黑川和牛漢堡餐回味下, 點知一打開個盒, 見到同以前已經係兩回事, 個漢堡普通都不得了, 和牛漢堡一d牛味都冇, 同以前完全唔同, 只係一個非常普通既漢堡, 甚至覺得老麥既安格斯都比佢好.至於薯格, 炸得太過, 食落去只係食到油炸感, 食唔到薯仔, 唔敢食食完驚熱氣死.一句講晒, 同以前完全唔同, 百幾蚊一個包, 完全唔值. 以前burgerman 都算係我食過最好食既burger, 依家非常失望.…查看更多

裝修係幾靚，幾有韓國cafe feel, for影相打卡係唔錯。食物方面，叫左蒜香蜜糖炸雞，炸雞粉皮實在太厚太厚，基本上會搣走晒d粉皮先食，雞肉冇乜味，炸雞總體黎講冇驚喜。另外試左beef burger, 冇汁變相幾乾，薯條都冇乜特別。炸軟殼蟹，都係炸皮好厚，咖哩汁都好粉，明顯係粉漿開既，咖哩味一般。總體黎講，冇乜驚喜，好普通既韓國野，試一次就夠，可能因為外賣關係，炸野全部焗淋晒，堂食可能會好d, 可以試一次堂食。…查看更多