sakichiba的個人專頁

Yeah 今晚同好姊妹兩個人嚟翡翠小籠包撐枱腳 。芝麻醬油麥菜 清爽油麥菜點一點芝麻醬，美味得嚟又fresh 。必食招牌 特式皇朝小籠包唔駛多講皮薄多汁，粒粒滋味不同 。真係想一人一籠。蘿蔔絲酥餅酥脆外表，包裹著暖暖的白蘿蔔絲 。李白醉雞鮮香肉嫩，酒香宜人。皇朝魚湯酸菜魚嚐一啖魚湯，非常醒胃。湯調味適中，酸菜為湯頭帶來酸味和獨特的風味 。又一必食上海傳統甜點 香煎豆沙窩餅熱度一百分 。外皮香脆煙韌，豆沙餡香甜軟滑，甜而不膩 。…查看更多

久唔久就會掛會CHIMAC。平時食開蜂蜜焦糖味，今日加多個惹味啲嘅港式避風塘炸雞。即叫即炸😋。港式避風塘炸雞 （炸雞腿肉 6件 $62）大量惹味避風塘炸蒜包裹着脆卜卜，啖啖肉的無骨雞。 一咬卡滋，酥脆充滿肉汁，真係難以抗拒。是經典的港式避風塘的蒜蓉咸香惹味。一個人食6件也不過份。韓式魚糕串 食完惹味炸雞，食魚糕串平衡一下先。由港式翻返去韓式。 韓式泡菜蛋蓋炒飯 $42雖然係外賣返屋企食，但係個滑蛋面仲有蛋汁㗎。泡菜辣度適中，炒飯份量十足。整體，讚👍！配菜有炸薯條，係粗薯條。👍🏻酸蘿蔔，中和一下味蕾，又可以食多幾件炸雞。飲品 有9 款選擇👍🏻…查看更多

天氣凍凍地，最啱就係食碗熱湯餃子，今日同朋友又嚟到灣仔 餃掂！粟米豬肉餃(大碗)$56餃子有厚度，即使係浸湯都唔會粟米粒粒爽口，加上鮮味豬肉，係經典配搭。至尊松茸豬肉餃(大碗)$129灼餃子外皮有質感，又係另一個食法。松茸足料，香氣迫人，每一啖都你享受。重慶鮮肉雲吞(大碗)$52呢個重慶鮮肉雲吞，酸辣度相當吸引，雲吞又腍又滑，口感好好。惹味唐芹拌豆筍$32唐芹、豆筍比例剛好，拌點麻辣醬汁，惹味非常。…查看更多

今日嚟到露面食返個啖啖酸菜魚套餐（$68）。酸菜魚Biang Biang麵，魚肉滑一滑，酸菜芽菜份量足，湯頭酸酸辣辣，啖啖滋味。鮮茄牛腩拌麵$55牛腩好厚肉，筋肉比例剛剛好，加埋蕃茄鮮味提升。巴蜀粒粒大雲吞（5粒）$35雲吞粒粒飽滿，好足料，麻辣醬油勁度十足，非常惹味。秘制香槽醉豬手$55豬手酒味香純，非常入味，肉質紮實，豬皮爽彈無比。皮蛋豆腐$35 看似簡單嘅皮蛋豆腐，驚喜在於皮蛋蛋黃流心，食落香濃無比。…查看更多

皇玥終於來到大埔開門市，唔駛等網購，可以直接喺門市買，而且門市選擇更多，更新鮮。皇玥除咗最出名的月餅，其他脆曲奇、蛋卷、蝴蝶酥等都好吸引。今日就買咗兩盒餅返去孝敬阿媽。 牛油脆曲奇精裝禮盒 $108 ，蕃茄薄脆精裝禮盒$68。牛油脆曲奇精裝禮盒 $108 經典曲奇鐵盒包裝，打開係一塊塊搶眼的紅色包裝脆曲奇，係咪好適合送禮呢。每塊脆曲奇都係獨立包裝，確保曲奇鬆脆。一口咬落脆曲奇，yummy，厚薄適中，好香牛油味，開完一包又一包。即刻沖返杯靚茶🍵，慢慢嘆。🍅蕃茄薄脆精裝禮盒$68精裝禮盒一盒兩包薄脆。薄薄一片，比曲奇更為輕盈脆口。以蕃茄加入餅食，打破牛油做主角的悶局，蕃茄薄脆的香脆酸甜真係令人欲罷不能。…查看更多

食自助餐我最著重海鮮同甜品，今日嚟到Rosedale Hotel Kowloon。一入門口，一盤盤海鮮冷盤等住你！青口、蜆、麵包蟹、鱈場蟹腳、 小龍蝦、海蝦等款式齊全，當中麵包蟹就最受歡迎，蟹蓋充滿蟹膏，啖啖鮮味香濃無比，完全攻佔味蕾。熱盤方面淨係呢道法式紅酒燴牛尾已經夠滿足我，牛尾入曬味，肉質夠腍滑，拌上紅酒汁更突顯濃郁肉香。最吸引眼球嘅當然係甜品section，除咗基本嘅蛋糕，慕絲，奶凍，西米露，仲連芒果糯米飯都有。 木桶豆腐花更附有雙色芋圓，啱曬我口味。三款鮮果甜度足，實在忍唔住拎完一次又一次。雪糕toppings夠曬繽紛，小朋友就最開心。…查看更多

原來呢間餐廳名下分別有日式料理、居酒屋同和牛燒肉3間分店, 入其中一間都可以點其他店嘅美食, 選擇夠晒多元化, 今日我地就主要食燒物。先來個胡麻照燒黑豚肉沙律 ($168) 黑豚肉燒得焦香惹味, 拌上新鮮爽脆嘅沙律菜, 一拍即合。照燒羊架 ($156), 肉厚肥美, 切開仲有肉汁流出, 很有質素。珍寶多春魚 ($58)燒得夠乾身, 酥脆到連骨都可以食埋。味啉河豚魚乾 ($78) 魚乾很有咬口, 仲非常入味, 越食越滋味。雞軟骨就食得多, 雞胸軟骨 ($28) 都係第一次食, 軟骨咬到卜卜聲, 過足口癮。大左口魚壽司($70) 左口魚火灼後, 油份澎湃湧出, 壽司飯盡吸精華, 一入口油香馬上佔據整個口腔！呢件左口魚壽司, 絕對係今餐嘅亮點！…查看更多

呢間出晒名抵食嘅Season Oyster, $9就叫到一隻精選生蠔, 而最貴價嘅吉拉多都只係$39/隻, 而且隻隻都潤澤新鮮, 很有質素。幾款生蠔之中Gillardeau當然係最為出眾！一啖入口, 鮮味完全佔據整個口腔, 蠔身柔滑如絲, 十分creamy, 細味蠔肉帶點礦物味, 加上微微海水味, 食落很有層次。威爾斯羊仔架$168 一份有四支骨, 肉厚多汁, 切落肉質紮實但又唔會太韌, 可見熟成程度剛剛好, 食落羊騷味不重, 怕騷嘅朋友都啱食。點埋薄荷啫喱食就最夾啦。…查看更多

酒類飲品選擇頗多，啤酒、紅白酒、日本清酒等，適合愛酒人士。靚酒當然要配美食，有兩版紙的串燒美食選擇。海鮮、肉類、蔬菜，串燒可選不同辣度，串燒的調味則以香蒜和燒汁為主。串燒價錢和份量都合理。不過，建議一坐低就點咗食物先，然後才選擇酒類。因為食物係即叫即燒，集齊一張單起碼要等一個鐘先有得食。等食期間，當然要啤啤佢啦！ James Boag’s $38串燒終於上場喇。惹味之選：一口牛肉串 $29 、培根蘆筍卷$25、培根車厘茄卷$19食肉獸最愛：燒羊架 $33、秘製風味羊肉串 $18配啤酒必選：串燒新鮮秋葵 $22、汁燒京蔥串 $18、日本一口蕃薯仔燒 $18、粟米燒 $29…查看更多

嚟到深井, 經過餐廳櫥窗, 上面掛著一隻隻泛起油光嘅燒鵝, 未食經已垂涎三尺。燒鵝一上檯香氣迫人, 夾起就知鵝皮夠脆, 食落肉質肥美軟嫩, 油份充沛, 配白飯就一流！深井燒鵝果然有番咁上下質素。砵酒桶蠔 桶蠔肥美圓潤, 隻隻都啖啖肉, 蠔肉落鍋前已預先煎脆表面, 形成外脆內軟嘅口感。食落蠔身肉厚多汁, 吸收香甜砵酒, 十分惹味, 就連洋蔥絲等不起眼嘅配菜都爆得很香。椒鹽鮮魷鮮魷裹上一層粉漿, 炸得金黃酥脆, 很夠火喉。如果炸漿薄一點一定更加好味。…查看更多

在尖沙咀也可以現烤海鮮。餐廳佈置十足日本餐廳，氣氛熱鬧。雖然每枱都有烤爐，但油煙味不大。焱丸水產主打新鮮海鮮，但都有刺身、手握壽司、鍋物等選擇，一次過滿足我們的食慾。浜燒方面，揀咗蟹味噌甲羅燒和鮑魚殼燒。蟹味噌甲羅燒 $68蟹蓋內填滿味噌製過的蟹膏和鮮甜蟹肉，中間放上鵪鶉蛋。在火爐上燒一會，把材料攪拌均勻，滋味十分。鮑魚殼燒（每隻$68）掌心咁大隻的新鮮鮑魚直接放在烤爐上燒，原汁原味。燒的時候加點清酒和醬油提味，香氣撲鼻。鮑魚肉軟嫩、彈牙。焱丸號壽司 $158有別般一啖一件的壽司，這三件大壽司，真係要分開幾次，慢慢品嚐。海膽好新鮮入口即化，軟滑細膩，細味後淡淡回甘。帶子沙律甘甜味美在口中融化。吞拿魚蓉壽司，入口軟滑。蟹肉壽司甜味突出，配蟹柳絲帶點清新。蠔鍋飯 $88大大隻蠔肉鋪滿鍋面，蠔肉經過醬燒，味道濃郁，珍珠米飯吸收蠔肉和醬汁的味道，十分惹味。酒類方面，燒酎也有多款選擇，不過今日要揸車，就乖乖地飲返果汁汽水。白桃梳打 $52 & 青蘋果旋風乳酸$68. 味道清甜，配浜燒也不錯。…查看更多

元朗又新街出名多美食, 今日呢間日式拉麵、串燒店, 就出名餐飲多元化之外, 性價比亦高！係三五知己聚腳嘅好地方。燒羊架 ($45) 羊肉肉質豐厚, 塗上一層厚厚燒汁, 十分入味。蒜蓉燒扇貝($58/4隻) 蒜蓉密鋪整個扇貝, 貝肉唔會太韌, 呢個價錢都算幾抵食。生蠔 ($15/隻) 蠔身水份充足, 都幾新鮮, 雖然蠔味唔算太突出, 但15蚊隻喎, 過下口癮都好呀。魷魚鬚($39) 炸粉唔會太厚, 外酥內軟, 炸得啱啱好。幾款炸物都係新鮮炸起, 熱度十足, 香脆可口。蘋果雪葩 ($49), 菠蘿雪葩 ($49) 鮮果雪葩果味香甜, 冰感十足, 食完熱辣辣嘅串燒食佢就啱曬啦！山梨縣梳打($35)…查看更多

一班人去打羽毛球，出完一身汗，仲想搵個地方，邊食邊傾計。今晚就嚟到大埔舊墟直街的八稻日式火鍋炸物放題。人多的話，最好早啲打電話嚟訂枱。餐廳座位都算寬闊，大約四個人一個爐。有自助調味醬區，飲品選擇頗多，丸類、蔬菜、麵食都是放題，食幾多拎幾多。愛牛的我們，選擇了M9和牛餐（每位$318）。火鍋湯底方面有8款，和牛配壽喜燒甜醬油湯最夾。特選M9和牛牛小排色澤均勻，油花滿佈，燙幾秒就食得。忍不住要Encore多次M9和牛牛小排，第二次的十分肥美。嚴選M6和牛盛盒（牛肩胛肉、和牛牛舌、牛下腹腩肉、牛胸肉）牛味較濃，色澤鮮嫩。羊肉片，美國自然豚肉片，日本北海道雞片同樣吸引。海鮮盛合十分豐富，墨魚仔串成一串，唔會淥完唔見晒，爽口彈牙。刺身選擇也不少。炸物放題，按指示，自己揀想食的嘢，沾少少炸漿和米糠，放入炸爐內炸。一陣就食得，幾好玩。甜品以雪條為主，有泰國雪條，也有少雀巢雪條和維記雪米糍。埋單後，職員會俾張單，食飽之後可以去門口按人數一人一杯Movepick 或Dreyers 。…查看更多

沐白小農沐場 I'MILKY 店名已經話你知呢度係鮮奶嘅主場。兩大招牌飲品 - 招牌黑糖波霸鮮奶 & 大甲芋頭鮮奶, 主調都係鮮奶。大甲芋頭鮮奶$30鮮奶同芋頭一拍即合, 芋泥帶有顆粒感, 口感豐富, 飲完仲好有飽足感添。招牌黑糖波霸鮮奶 $30飲前先搖搖, 黑糖珍珠混入雪白鮮奶, 形成黑糖紋理, 賣相不錯, 飲落鮮奶很滑, 珍珠夠咬勁。翡翠檸檬$26Jasmine tea 加入檸檬, 味道清香, 酸酸地帶微微甘澀味, 很refresh。…查看更多

「牛魔」最先被吸引的是那型格的Logo和裝修，一點也不像傳統的燒肉店。今晚來到一改以往燒肉店油煙大和麻甩的印象。型格的裝修，吸睛的壁畫，開揚的落地玻璃設計，沒有油煙味。最適合三五知己放工一齊來食燒肉，順便啤一啤。泡菜三小碟泡菜，醒一醒胃。用來配之後的燒肉一齊食也不錯。日本特盛帆立貝 $118食牛肉之前，先吃海鮮，燒新鮮，肉厚的帆立貝。燒完味道更甜，肉質結實。美國Prime醬油牛肋骨 $198牛肋骨捲成一卷，燒的時候才剪成小塊，方便燒。微微焦香的牛肋骨，味道濃厚，肉質柔軟，沾小小燒汁更美味。日本A4牛魔野原燒（和牛薄切配月見汁沾蛋）$130每件好大一塊和牛，油花滿佈，在爐上輕輕烤三兩下，沾一下香甜的蛋汁，肉質柔軟，牛味濃郁，油花入口即溶。 …查看更多