金光燦爛's Profile

入到去叫咗兩個疏乎厘，（抹茶疏乎厘，士多啤梨疏乎厘）兩杯美式咖啡，5分鐘唔夠就可以攞餐，所以一定唔係即刻整，疏乎厘一啲唔都鬆軟又唔熱，似蛋糕，係蛋糕唔係疏乎厘，只係上面冧咗兩個唔同顏色嘅醬汁，但綠茶醬汁係有綠茶味（綠茶上面嘅紅豆係好味嘅），士多啤梨醬汁係有士多啤梨味，總括嚟講所謂疏乎厘嘅蛋糕係唔好味嘅，係難食。賣$48一個扮疏乎厘嘅蛋糕賣相係靚嘅，可作打卡用。餐廳裝修係靚嘅打卡喺一樓嘅。美食咖啡，冇問題。一定唔會再嚟，唔會推薦朋友嚟，終於嚟咗一間係食裝修嘅餐廳。…Read More

每次來到都好多人，好多人晨運完或返工之前都會嚟食早餐，佢有幾款早餐選擇，例如all day Breakfast啊，或者其他都唔錯嘅，但我通常叫一兩個麵包加杯咖啡慢慢食，佢每個麵包都好好食，佢嘅麵包四點前都會賣晒，所以我鍾意朝頭黎食啦，貪佢夠新鮮。…Read More

去開大角咀想食啲酸辣嘢，朋友推介，朋友話食過好食，就入嚟食碗越南檬粉。未夠12點入座，所以就有位同朋友都係叫咗越南豬扒湯檬，我就點咗越南滴漏咖啡凍嘅，朋友叫做紅豆冰，一路食都好多入嚟，未夠一點都已經滿座，可能這裏都比較旺，似乎好多返工寫字樓嘅朋友都經常嚟幫襯，坐在門口位眼見好多外賣，相信一定有好多捧場客。講返我碗豬扒湯檬粉，檬粉一般般，但豬扒脆脆地都仲有好多汁，下次可以再試。另外我都叫咗炸春卷$20得一條切開兩隻真係有啲貴，但幾好食。至於凍滴漏咖，下次可以叫少啲煉奶就Perfect啦。…Read More

去開北角做啲嘢，周圍搵嘢食，經朋友推介嚟食生蠔，坐低即刻叫咗四隻生蠔自己食，老細幫我揀咗四隻唔同地方嘅，因為老公唔鍾意食生嘢，個人推介韓國生蠔，再加單2隻，自己一個人食咗半打。跟住叫咗支白酒，普普通通不是突別好飲。前菜：1.炸魷魚圈，非常脆。2.牛骨髓+蒜蓉包，用牛骨髓點蒜蓉包實在絕配。3.蒜蓉包～太好食啦，再叫多一客。食前菜都飽晒。主菜：叫咗個黑毛豬扒普普通通。甜品：自家製雪糕這間餐廳位置偏僻，格局靜靜地，餐廳設計非常正好，適合撐枱腳或者三五知己傾偈詳談，又唔會趕客走，老細又好好人，肯定會再來。…Read More

好開心石門終於有車仔麵啦，本來想去食午腩麵，見到這間新開的車仔麵立即入去試吓，入面坐位很舒服。今日叫咗油麵、豬大腸、牛腩、牛拍葉、凍檸茶。油麵-是自家製的不會太油。豬大腸-炆得很好，沒有臊味。牛腩-必食之選。牛拍葉-有點小。總括嚟講坐得舒服、又好食，一定會再來幫襯。…Read More

正斗這個品牌，不嬲都冇得輸，新裝修後首次來到。同行4人星期一12點入座，等了10分鐘左右。沙田這間未裝修前不用等位，裝修後旺了，這正好證明香港經濟好起來。由於在等候時間我哋已經決定食乜嘢，入座叫服務員落order ，服務員好似新來的，重複三次才落到order，最後又漏單一樣餸，因為點得多咗食物所以冇追返單。正斗一向出品食物質素保持一定程度沒有得彈，我們4人點了乾炒牛河、牛腩河、淨水餃、炸雲吞、叉燒包，還點了兩杯凍奶茶，兩杯熱奶茶奶茶，奶茶真係冇得輸，爸爸很喜歡不停讚。唯一彈吓就是不只一個服務員是新來的。同冷氣唔夠，一路食一路出汗，再熱啲都唔知點算，沙田新城市真係要改善下，人哋比咁多租你，冇冷氣俾人，真係沙田新城市嘅問題，唔關正斗事。下次應該唔會幫襯新城市這間店，會去第二間正斗。…Read More

朝早晨運經過這裏，原本諗住借廁所，發現有間餐廳，就問問職員不是學生可不可以幫襯，他們說可以，那就入來吃個早餐，餐牌種類都多，而且不貴價錢很合理，點了黑咖啡及黑牛肉扁三文治，味道真的不錯，下次經過試吓過嚟食晏先。…Read More

2022年12月27日因TVB節目～仔仔一堂～來過，對這裏念念不忘，很想再來，那晚～仔仔一堂～包場，人很多但目務一流，當時以為因明人包埸所以服務才會好，但食物真係冇得輸。之後同朋友來過午餐，那天很小人，食物及服務都好好，午餐看着維港景食真的很寫意。今天因我生日來晚飯，食物同服務也不會讓人失望，望住維港夜影食晚飯很浪漫。…Read More

聽說會撞到明星，抱着八卦的心態去看明星，訂了平日12:30飲茶，接待靚靚姐姐好像第一天上班的引領我們入座，期間撞到枱燈兩次，很擔心她有冇受傷？入座後，明明服務員都是站着閑談，好似叫極都叫不到他們咁，究竟忙什麼呢？食物很符合五星級酒店，是好食的，環境一流，裝修一流，風景一流，只是服務不入流。很懷疑是怎樣訓練職員的。…Read More

今朝到鑽石山坐車去澳門，未夠鐘就在這店買腸粉燒賣同飲品。個女職員用個夾夾小枱上面的廁紙掉落垃圾桶，跟住將個夾用滾水淥一淥，隨即想夾燒賣俾我，我話咪住你個夾夾完垃圾，你仲用嚟夾燒賣俾我？點得㗎？女職員話我咪洗咗囉。我話點可以用個夾完垃圾個夾洗一洗就夾燒賣俾我？你自己都唔食啦？女職員即刻攞入廚房再洗一洗，同我講我已經洗咗啦，跟住我話洗咗都冇可能再個夾燒賣俾我，唔該你用簽嚟吉燒賣俾我，女職員好晦氣話我咪洗咗囉，跟住用竹籤拮燒賣俾我，我話你信唔信我拍低條片俾食環署睇啊？女職員好晦氣同我講而家咪用竹籤吉俾你囉。實在太恐怖，我想問如果我用個廁所板洗乾淨然後裝餸俾你哋你哋食唔食？女職員自己唔啱態度惡劣😡😡😡食物味道尚算可以。…Read More

來鑽石山睇戲，因為容易買飛，今日睇7:30好早嚟到已經食咗晚飯，仲有好多時間周圍逛吓見到格仔餅，即刻入嚟，叫咗綠茶紅豆麻糬窩夫，好好味，格仔餅仲係脆嘅，有綠茶味，裏面夾住啲麻糬好特別，因為好飽冇叫其他嘢，下次一定會再嚟。…Read More

入到東涌Outlet shopping ，行到攰搵啲嘢食，見到有樂天就入嚟，好彩我哋6:00 想食就有位坐，6:30 就開始要排隊，食物質素同其他分店都keep 得到，難怪咁多人。不過上海炒年糕味道太鹹，下次可以唔使叫。其他嘢完全冇問題好OK。…Read More

睇開蘇施黃YouTube，佢推介呢間牛腩，師傅原本喺九龍城做，而家自己喺呢度開咗間（尖沙咀都有分店），專登揸車過嚟食，啲嘢全部冇味精炆得好琳好好食，地方比較細，建議快食快走。…Read More

經過好多次，但好多人。今日食過早晚餐唔使等所以入咗嚟。叫了2人晚餐，頭盤脆炸單骨雞翼配明太子醬，有八件，日本嘅炸嘢真係冇得輸，個炸醬非常脆，配明太子醬好夾。仲有羽衣甘藍沙律，配乳酪柚子汁，果汁真係好驚喜，調得好好，爭啲我自己食晒成個沙律。主菜我叫了香蔥拖羅溫泉蛋丼，拖羅好新鮮。朋友叫了汁燒鰻魚意大利飯丼，朋友話醬汁太多令到啲飯唔好食冇食到，淨係食晒條鰻魚，朋友追加軟殼蟹壽司塔，都係啦日本人炸野有冇得輸所以朋友食晒。整體感覺服務態度好，環境舒服，應該會再幫襯。…Read More

‘穴’這個集團嘅日本料理食過食過幾間，這間無論服務、餐廳環境、食物新鮮程度，我覺得係最好。今天約12:30午餐嚟到沒有訂座可以坐可以向海嘅位置。午餐-前菜沙律，三色魚生飯（非常新鮮）蟹籽卜卜脆，再點了三吋串燒，特別提吓燒鱔，真係爽到不得了。隔咗幾日再嚟食過早晚餐（6:00pm)可以看日落真係好舒服。…Read More