琴琴青的個人專頁

1月7日︰第一次幫襯，叫左蒜香牛頸脊飯及豬膶黃鱔飯再加多個菜胆雞半隻。菜胆雞先上場，半隻分量非常足夠，雞肉滑而不肥，掛住食，忘了影相。煲仔飯上枱，店員細心幫忙淋豉油（真好，免除我每次都唔知要淋幾多豉油先夠)，焗多幾分鐘，飯粒分明，夢寐以求的飯焦啱啱好、非常脆口 兩款煲仔飯都好正，一打開蓋的蒜蓉味真的好香、牛頸脊夠腍，黃鱔非常爽滑、豬膶雖然焗過，但不鞋口。兩個人KO埋碟菜胆雞，飽到不得了，很滿足  2月12日︰食過翻尋味… 年初五，博一博去睇下有無開門做生意，有八、九成客，等左3分鐘有枱。今次試左豉汁帆立貝象拔蚌飯、野菌鵝肝飯，及蒜蓉炒芥蘭。碟菜好快上枱，當然在天寒地凍的晚上要襯熱食。菜食完了，煲仔飯仍未到 ，雖然知道催不得，但菜同煲仔飯上枱的timing應該可以夾一下。飯終於到了，朋友恐怕帆立貝和象拔蚌焗得太耐會韌，只過了一、兩分鐘就打開，結果無乜飯焦 。帆立貝有兩隻，加左豉汁，味道都OK，不過象拔蚌只有幾條似粗橡根般，不好送飯，只好把蒜蓉炒芥蘭的菜汁撈飯食。而野菌鵝肝就9:1，得幾粒鵝肝，又細粒，只食出小小鵝肝味 。會再下次黎幫襯，但會揀多餸多汁果D煲仔飯，唔想食左幾啖餸或得豉油撈飯。…查看更多

在一個風和日麗的萬勝節中午，慢步於蘇豪東，發現新開了一間充滿農場FELL、又以趣緻特別的豬豬為裝飾的餐廳，感覺環境不錯，便走進去食個BRUNCH。揀選了門口的開揚位置，可親親陽光氣息。店員親切有禮地介紹了餐廳的招牌菜 - 招牌德國咸豬手及The Salted Pig Lager Draft，另加西班牙海鮮飯及一杯Lemonade。招牌德國咸豬手的確唔錯，皮脆肉嫩，配上啤酒 並配有焗薯、焗紅蘿蔔、酸菜，份量不少，其實覺得配菜比豬手更好味 。二人食唔哂，打包豬手第二日食，仍然好味！西班牙海鮮飯就麻麻地，雖然份量不少，但味道不突出，飯太濕，好似只是把海鮮放到泡飯上。兩個人，兩碟+兩杯 = $700，覺得不太值 ，相信這個價錢的午餐可以有好D的選擇。…查看更多

朋友生日選了呢間提供有機菜式的餐廳用饍慶祝。究竟有機菜係什麼味道呢？前菜食左法國蠔：雖然已是六月，非蠔季，肉質仍豐滿結實爽脆，甜味重一點，正；北海道帶子刺身：新鮮；辣味烤蝦：野味！主菜order左有手臂咁粗大的Slow Roasted Prime Rib of Organic Beef，廚師推介，一客係二人份，連埋薯條，兩個人免強地食晒！咁靚嘅牛扒，要medium rare熟好喇，一切開，中間部分呈粉紅色，口感極嫩，牛味香濃！另外點左Fresh Organic Steak Tartare，可能有人見到會驚，但作為牛魔王的我們，試左一啖都不約而同 ！牛肉鮮嫩程度真係無得頂，混和上一隻鵪鶉蛋，香滑度更上一層！甜品無前菜及主菜咁出色，賣相雖然吸引，但我們都覺得偏甜，朋友説口味較英式，適合喜愛吃甜的西方人。食完埋單，都唔知organic係咩味 ，不過喺Wild Grass就應該可以得到好好味的主菜！…查看更多

搵食路過，有位，入內坐低。order左麻辣涼麵丶川味口水雞，當然唔少得叫餃子－韭菜豬肉餃子。不用5分鐘，涼麵及口水雞上枱。拌麵的餸不少，麻辣肉絲好味，相對麵較少。口水雞一般，雞肉雪味太重。再過5分鐘，即煮的餃子到。皮不是很薄，但韭菜多及味香濃，襯熱食，都不錯！…查看更多

出左名要等，7:30pm到，排隊入座：等45分鐘；落單後，鮑魚上枱：等10分鐘；魚肉翅：再等14分鐘；飲品：再等12分鐘；餃及麵：再等21分鐘，食完埋單走，共花了2小時15分鐘。標明＂慢煮＂，值唔值得等真係見仁見智！廚房1人，落單傳菜埋單另1人，後來才多一個男人幫下手！彬彬有禮跟食客落單、講解烹煮需時及不停介紹隻貓，你就唔好意思吹佢！－干邑紅燒．吉品鮑：同一隻湯匙咁上下大，一口食得哂。煮得入味，腍中有咬口。干邑汁唔好嘥，用黎點菜或麵食 －魚肉翅兩溝：料十足，包括魚肉、雞絲、冬菇絲、粉絲、木耳絲... 湯底不太杰，好味 一個人食哂，一定好飽－山楂金絲蜜棗茶：甜中帶酸酸地，夠濃味，夠凍，較細杯，要飲兩杯先夠－魯肉餃：唐生菜底，不少。灑上蝦子的魯肉餃，皮薄，餡多，加上熱力散發著蝦子的香味，令餃子更可口－招徠大雜麵：免傷腦筋，點一個！呢個車仔麵真係唔講得少，上枱時完全見不到麵，只見到超過十樣餸，每樣餸都用適當的煮法處理：滷、烚、燴... 好味！老闆娘見我哋食左一半餸時，問洗唔洗加湯，真細心 …查看更多

以前在九公游完水，一班泳友到軍記叫碟頭飯食晏的，從未試過食晚餐，今次7pm到，估唔到周四都咁多人，埋單離開時有人在門口等位呢！2人叫左超值套餐D 芥菜鹹豬骨煲好快上枱，豬骨好多，夠腍夠鹹香，芥菜沒有㷛得太耐，仍保持菜的翠綠爽甜。 隻雞一定好大隻，半隻沙薑雞好大份，肥瘦適中，肉滑嫩，不過好似放左豉油，雖然都好味，要問才比沙薑醬。 QQ的椒鹽墨魚咀不錯，心諗：真係有咁多墨魚咀？覺得應該有D係墨魚肉  如果不是用蝦膏蒸腩片，相信D肥係唔會食的。鹹度適中的蝦膏味掩蓋了腩片的肥膩，食完一塊又一塊，最啱送 呢個套餐幾好食又幾抵食，不過每碟餸都好似以＂鹹＂為味，如果有D清炒中和番balance一下就perfect喇 …查看更多

7pm到，一落到門口見到九成滿座，好彩只是table for 2，立即俾到枱我哋。場內十公熱鬧，好多食客是晚餐的，加上音樂聲響亮，幾個waitress不停穿梭，用觥籌交錯來形容恰當不過了！一心來這裡Happy Hour，之後再dinner。order了雞翼同薯條，兩者都炸得香脆可口，雞翼醃得十分入味，薯條份量好多，兩人共飲了3杯啤酒後，晚餐都不用食了。…查看更多

朋友話愛群在假日通常要等位，所以6:30pm到，不過都要等5分鐘。朋友又話個龍蝦牛柳餐好大份，所以叫左一份原隻的share，另加一個西冷晚餐。紅湯、餐包，舊式西餐廳風味，湯香濃，包香軟！個晚餐有雞翼做頭盤，剛炸起的，香口！主角出場，好大份啊  肉質肥美的龍蝦大鉗、鋪滿芝士的龍蝦身充滿蝦膏，雖然明知不是新鮮游水海鮮，但仍蝦味濃耶，焗得鮮香味美到不得了！六成熟的牛柳，好腍，但過份香濃的黑椒汁蓋過肉味了。Menu寫是鑊仔牛柳，但沒有用鑊仔上。西冷晚餐都不錯，薯條新鮮炸，西蘭花爽脆，牛扒亦好腍，較牛柳肉味多，但兩個餐的份量實在多了點，最終要將半塊(如手掌般大的)西冷帶回家。餐茶不得不選檸茶消吓滯，驚喜是用有名的奶茶杯，見到＂豬豬＂就不敢笑一個  未完的還有啫喱和雪糕－啫喱一般，朱古力雪糕味香濃，不太甜，好好味 …查看更多

晚餐食得少，跑去揾三哥。近門口位冷氣風口勁大！二人叫左一碗魚腐墨丸清湯米線share，仲有尖椒皮蛋和土匪雞翼。上枱幾快，魚腐墨丸OK，米線分量多！慳$1無叫麻辣湯底，叫清湯係為左撈尖椒皮蛋個汁。點解三哥佢哋一定可以買到咁靚嘅糖心皮蛋，加埋個香辣汁，$17真係好抵，必食之選 街市買一隻皮蛋都十蚊八蚊，仲要唔知靚唔靚！土匪雞翼多數都可以為持水準，皮脆肉嫰不油膩，亦係必食之選！…查看更多

路過，見到新開，門口張POSTER寫$35個Margherita Pizza，即管去試一吓，平日晚上食客不多。原來單個最平一個25cm Margherita Pizza係$35，無大細批揀，套餐連中薯條+中汽水要$50雖然是以快餐店形式經營，排隊買完餐返埋位後，薯條及汽水會由服務員先送上，薯條是暖暖的，感覺像微波爐叮熱，分量覺得偏小，他們的茄汁係用一隻日本牌子Nagano，蕃茄味濃D，無老麥果隻咁酸。約10分鐘後，一個熱辣辣、香噴噴，鋪滿芝士的pizza送上，薄餅底，唔油，剛出爐的總可口味美。…查看更多

9pm在中山游完水，行去皇后大道西搵食，見到坤記人氣頂盛，不妨一試。兩個人清清地點左豉汁蒸魚腩，同加碟菜。碟菜唔夠10分鐘就上枱，煮得好翠綠，拿拿林叫左碗白飯食。碗飯食淨兩啖條魚都未游到黎，亞姐話條魚即叫即蒸，係要等吓咁話。終於等左18分鐘，舊魚腩好大舊，蒸得好香，個魚汁實在太好味，最終要叫多碗飯送魚，運動減肥又要留番下次了 。…查看更多

在3月初見到有新食肆的團購，放膽一試，買了澳洲和牛放題優惠券（當時只有美國牛肉及澳洲和牛兩個選擇，見到新一輪團購加入了美國特選牛及日本飛驒和牛，但同樣的澳洲和牛，價格已貴了25%），唔洗$200便可Shabu Shabu，覺得勁抵 餐廳新，地方乾淨，坐位又闊落，環境可以攞滿分！火鍋食物選擇多，又有D日式小食冷盤丶炸雞翼茄子蕃薯天婦羅及咖喱飯和刺身，飲品有盒裝綠茶、提子汁及罐裝啤酒任飲，菓汁機及汽水機各一部，教埋你點調校fruit punch！仲有好多好多不同的中、西、日式甜品：啫喱糖、蛋糕、雪糕、焦糖燉蛋（最搶手），最勁係有個綠茶朱古力噴泉，不過我唔好綠茶，所以無食到。Shabu Shabu最重要當然係牛肉啦！其實服務員有放低碟豚肉，幾好味，但無encore，因為主角係和牛嘛！選食澳洲和牛放題可以食埋美國牛肉及牛肩。各款都試過，我覺得最好味係當然係和牛，淥十秒，又滑又嫩；牛肩重牛味D，無和牛咁淋，或者講佢有趙口D；美國牛肉就多D脂肪，但肉質無和牛咁淋咁滑，的確掙D！…查看更多

因為有免費船來回索罟灣，一行7人，慳番二百幾船費，揀左喺天虹開餐！晚餐前食左豆花茶菓，只點了3-4人餐＋蒜蓉粉絲蒸扇貝(每人一隻)＋辣酒煮花螺＋炒飯套餐內的菜式整體不俗，味道好，份量都幾多，４人一定食到飽  蒜蓉粉絲蒸扇貝－蒜蓉粉絲夠多，蒸嘅時間幾好，呢味唔錯 辣酒煮花螺－好奇怪的辣酒，其顏色跟葡汁好似，有洋蔥一齊煮，有辣味但無酒香。友人不贊成反影意見，免得換湯不換藥。但二百幾蚊，分量少，Ｄ螺又細隻，唔值 …查看更多

朋友介紹，好彩有BOOK位，食晏時間觀塘任何一間食肆都好多人，通常都希望做到兩、三轉客，但用心做的又有幾多？但呢度，菜色沒有因貨就價，而且賣相吸引，亦沒有趕客催促感。此外，餐廳佈置細緻、充滿modern feel，讓人可享受一個舒適relax的午餐。(餐廳照片，請看其他食家食評)SET LUNCH款式唔多，有5款，當中很細心的有一素食選擇。三合一的前菜，有齊沙律、湯及香草包，不像其他餐廳只有其中一樣，或沙律/湯只能二揀一。前菜以一個小型木板上枱，賣相十分精緻。  畫了忌廉花的粟米湯又靚又好飲，一飲就知不是罐頭貨色，每啖都充滿粟米蓉  只要係新鮮的沙律菜，加點黑醋沙律油，絕對開胃又  烤焗的香草包是自家製的，似pizza，上枱時微熱的，配上粟米湯，yummy 這三樣組合的分量剛好，食哂三樣之後仍有空間食主菜，不用只飲半碗餐湯或食半個餐包去留肚食碟飯。我們分別order了4款主菜，大概等十多分鐘，每碟都不惜供本配上新鮮的蕃茄仔及火箭菜  凍雜肉腸野菌香草醬意粉︰意粉軟硬適中，配香草醬一流，但只跟幾片薄薄肉腸，能多一些更好  忌廉汁藍青口天使麵︰天使麵亦是軟硬適中，忌廉汁好香及濃度亦剛好，青口略嫌咸了點  龍蝦汁煎雞扒帆立貝配白飯︰雞扒煎的剛好，肉質仍保持嫩滑，但友人嫌龍蝦汁不夠濃味  煙三文魚墨西哥薄餅︰友人極讚 烤焗過的薄餅皮夾入煙三文魚，配上醒胃醬汁，感覺清新，作為夏日午餐健康輕食之選最適合不過午餐加錢有甜品及特飲  藍莓士多啤梨窩夫︰即叫即整的窩夫，皮脆內軟有蛋香，配上新鮮藍莓士多啤梨，只需加$10， 過街頭格仔餅不知幾多倍，幾飽都不容錯過 另外朋友點了Lemon Cheese Cake(忘了影相)，是homemade的，芝士香濃不太甜，口感偏軟，友人很喜歡老闆見我們過了2pm都未走，便過來跟我們閒聊。首次創業的年輕老闆，由搵鋪到裝修至菜單設計都親力親為。暫時菜式選擇雖然不多，但每款都感到廚師的用心烹調。老闆話現時仍是試業階段，希望獲得食客不同意見，讓日後提供更多美味菜式及更好服務。…查看更多

多年前從報章得悉呢間小廚，已經幫襯了好幾次。坐落於街市內，不修邊幅的店鋪、熟如親人的樓面、火喉十足的小菜，多年都沒有變改。招牌菜剁麵醬蒸魚尖、薑䓤魚鰾、燒鱔、佐酒的小炒... 很少失手！今次二人晚膳清清地點了菓皮蒸泥鯭、兩隻扇貝＋一隻鮑魚蒜蓉蒸、豉油王乳鴿、炒菜。  泥鯭劏得好乾淨，加左菓皮蒸，一D泥味都沒有，啖淡肉，好鮮甜！  扇貝與鮑魚都蒸得剛剛好，但今次無加粉絲一齊煮囉  豉油王乳鴿一般，肉質雖不嚡口，但味道較淡，要點喼汁准鹽  碟菜炒得好嫩 真的好欣賞又記處理海鮮的技巧，從未甩拖，蒸或煎炸的時間一定拿捏得很準，見到好多街坊都食各式各樣有平有貴的海鮮。…查看更多