HauYeeWong的個人專頁

今日同呀媽行街去開新都城，佢話想食日本野，於是試左呢間三代目，點知有驚喜😄我地入到去未到晚餐時段，所以仲可以有午餐優惠，於是叫左個叉燒烏冬，佢配個小食同一杯野飲，小食我地叫左加州卷同鮮橙汁。個烏冬係用爐熱住成個碗，愈食愈熱，感覺良好。加州卷味道不錯，橙汁夠凍👍🏻小食方面我地叫左燒饅魚、海膽壽司同燒茄子。燒饅魚夠晒淋，值得一試😋海膽壽司都幾新鮮，幾大舊海膽。燒茄子好夠熱，表面有菜圃同木魚，菜圃唔會太咸，應該係自家制。最後埋單唔洗5百蚊，兩個人黎講算抵食，值得再來😋…查看更多

今晚約左同男朋友係北角三代目食dinner,之前食過荃灣個間覺得唔錯，今次黎到北角，所以想再試😋我地未夠6:00坐低左，所以仲有午餐食，叫左個叉燒烏冬，佢有個免費小食送同一杯野飲，我地叫左加州卷同荔枝熱茶。冇諗過個烏冬咁高級有個火邊熱住邊食😂成個餐都只係$108，認真抵食👍🏻另一個主食係一口牛井飯，個味道OK，一口牛略嚴有啲韌。個燒茄子簡直係一流，熱辣辣上枱，表面加左菜圃，咸咸甜甜咁，仲有木魚係面，層次豐富，有驚喜😋我地埋單Total食左$419連加一，日本野黎講真係算抵食，啲野食不錯，性價比高👍🏻…查看更多

今日同男朋友去左尖沙咀呢間拉麵店食晚餐認真抵食，我地叫左兩個主食，3個小食，食到好飽好滿足😋😋佢個拉麵口感好好，係湯底咸左少少，但唔係味精湯。另一個主食係咖喱雞髀井飯，呢個井飯一百蚊都唔洗，有湯、沙律同酸蘿蔔。呢個肥牛蘆筍啲歌蘆筍好清新，肥牛夠入味。呢碟燒魷魚落左檸檬汁簡直係錦上添花。個餃子值得推介，佢煎到個餃子皮脆口，一啖咬落去又多汁又入味。總括黎講好推介大家黎食晚餐，我地5樣野都只係食左3百幾蚊，摼抵食，下次會再黎😋…查看更多

今晚約左朋友黎呢道食拉麵，因為朋友好鍾意食拉麵，所以都同佢試過好多間唔同餐廳既日式拉麵店。我地叫左一人一碗唔同湯底既拉麵，我呢個係豚肉豬骨湯底，佢有兩塊日式叉燒同一片紫菜，溏心蛋要另加$15，我同朋友個碗都加左。建議大家都加個溏心蛋，因為佢真係做得幾好食，值得加$15。呢碗係我朋友叫既黑蒜醬油湯底，個味少少辛辣，有幾片炸過既蔥，鍾意濃湯既可以選擇叫呢個湯底。最後我地叫左個餃子做小食，味道不過不失。總括黎講性價比高，份量剛剛好，唔係味精湯底，飲左好多湯都唔會覺得口渴要飲水，值得再來👍🏻…查看更多

今晚同呀媽去愉景新城行街，行行下入左去呢間日本餐廳食晚飯。好特別既一間日本餐廳，未見過係用紅色做紙巾，仲印埋自己既logo😂😂我地叫左個豚肉拉麵，佢可以轉讚岐烏冬，我個人偏好鐘意食烏冬，麻麻地拉麵，所以加左$15轉左，烏冬幾彈牙，但份量有啲少，一個人食一碗既話可能唔夠。之後叫左個鮑魚，好大隻，好重當歸味，如果怕當歸味既人建議唔好叫，我個人都叫做接受到。另外叫左個三式井飯，有牛舌、豬腩肉同雞，牛舌燒到岩岩好，有口感，豬腩肉夠香口。雞就一般。最後叫左個油甘魚鮫，燒到好好香口，好有魚味，油脂岩岩好。總括黎講，呢間日本餐廳性價比高，可再來👍🏻…查看更多

今日去左將軍澳一間台式火鍋食晚飯，我地一人叫左一個火鍋呢個沙嗲牛肉鍋啲沙嗲超惹味，必叫之選。佢可以配飯/粉絲，我叫左個粉絲，如果唔夠飽可以加$15加多一大碗，係呢個份量既兩三倍我地每人都叫左杯台式飲品，我叫左個柚子沙冰，飲飲下溶晒啲冰，可能因為擺係火煱隔離，所以特別易溶，但溶左仲甜仲好飲😂我地仲叫左個小食：手拍青瓜，係一個幾清新既涼拌👍🏻總結：幾抵食，坐得幾舒服，火煱黎計算多款式，又魚、又牛、又藥饍鍋咁，僅有一款岩你心水。…查看更多

琴晚諗住同呀媽去試下唔同既燒烤店，上OpenRice 見到呢間食評唔錯，所以入去食左個晚餐。我地叫左唔多野食，但個份量都比我地想像中大，咁既價錢，算抵食。我地叫左呢個涼拌粗麵，估唔到咁有驚喜😙清清地，酸酸地，佢應該落左啲醋，食落有驚喜😄我地叫左好少串燒，因為都想食多啲蔬菜，佢既燒茄子一定要叫，夠晒多蒜，又夠林，唔會燒到好濃，值得推介👍🏻😋佢金菇個汁好夠味，個底仲有啲粉絲，索晒啲汁黎食好夾☺️兩個人食左400百內連加一，算係經濟抵食燒烤店👍🏻…查看更多

今晚見得閒，約左呀媽入將軍澳帝景灣商場試新野，食飽順便行埋條蝴蝶橋散下步消滯。我地一人各自叫左一個鍋。我叫左一個藥膳豚肉鍋，有好多配菜，包括：娃娃菜、蟲草花、花菇、枝竹、薯粉、香腸、薯仔、蟹柳等，豚肉份量都幾多，兩個人share兩個鍋黎食都好夠飽，另外仲可以配飯或粉絲，我就叫左粉絲，啲粉絲吸左個藥膳湯底，味道好夾，又唔太味精。而呀媽鐘意食海鮮，所以就揀左泰式海鮮鍋，海鮮得青口同蝦兩樣，唔算太多，其餘配菜同我個鍋差唔多，不過呢個價錢算係咁上下，好過食某連鎖店一人火鍋，另外仲叫左個鹽酥花枝墨魚丸，呀媽對呢個讚不絕口😋我都覺得呢個冇得輸。埋單$300都唔洗，值得下次再去😙…查看更多

今日同呀媽撐枱腳，黎呢間串燒店食個晚餐🍴估唔到有驚喜😋我地都叫左唔少野食，全部都好快上菜，首先第一道係蒜蓉燒茄子，呢個必叫之選：如果鐘意食茄子既你一定要叫呢個蒜蓉燒茄子，夠晒淋，夠多蒜，上菜時熱辣辣出晒煙👍🏻另外我地叫左幾款海鮮，有聖子、扇貝、蠔、蝦同清酒煮蜆，聖子稍為老左少少，扇貝同蠔就岩岩好，都係好多蒜蓉😋😋我地驚唔飽肚，所以叫左個酸辣粉，唔係好食得辣既你，記得備註走辣，因為我地叫少辣都覺得辣左啲。總括黎講都算唔錯，可以再黎😊…查看更多

芝士磨菇雞翼有大大粒既芝士，係炸得燶左少少，味道都可以。薯條好粗，夠晒著仔味，鐘意食粗薯條既你十岩晒All day breakfast 有驚喜，冇諗過會有窩夫食，仲要好脆，落埋煉奶簡直一流，絕配！唯獨杯mocha有點失望，飲唔到朱古力味，一啲都唔甜，我飲開mocha就係想唔咁苦，帶點甜，但就淨係飲到咖啡味。…查看更多

第一次飲係佢既黑洞朱古力已經揀左微甜，但甜到飛起之後飲佢既珍奶，個奶茶唔得，冇乜茶味今次諗住試下佢既果茶沙冰原來係用糖精加色素沖既非常失望，比成30蚊點知比假野…查看更多

我和朋友趕時間吃午餐，本來打算去文記車仔麵食，但太多人排隊，於是膽粗粗去了”泰國人海南雞”一入去有很多位置，心知不妙。但既然都攞左位，就乾脆一試。仲諗住叫佢個招牌菜海南雞飯應該最穩陣，點知難食到我食左唔夠一半就食唔落。雞冇雞味，應該係用最cheap cheap既雪藏雞整，調味醬汁得一款(正宗應該有3款)。餐牌上有一個飲品寫住木橘茶，問個侍應係咩黎，佢答唔知，仲要話係用”粉”溝出黎🤮🤢聽到都唔想飲。個餐跟一碗例湯，碗湯一飲勁重味精，好似公仔麵d味粉加水溝出黎，之後加多舊東瓜比你，叫做好睇d。呢間餐廳真係我食過咁多間最難食既一間，以後都唔會再幫襯🥴…查看更多

這個價錢，食到咁既質素食物，算不錯。但提醒大家，如果想個粥底夠清，夠甜就盡量不要加太多不同種類的肉類放上面蒸。因為我底上次就係同朋友咩都放係面蒸，又雞肉，又牛肉，又海鮮，又蔬菜，搞到最後食個粥底時，味道有點奇怪，不似純海鮮粥。但如果你唔介意呢個情況，又或者都唔會食個粥底，都可以照蒸任何食物既👍🏻…查看更多