ada kann的個人專頁

裝修以白色以及木紋為主，俾人一種乾淨簡約既感覺。店內空間唔大，木製沙發可坐四組客人（約8-12位客人），但只能使用圓形茶几，而木質枱只能坐兩位客人，店外亦有一張木凳供客人選擇。如帶有寵物可在店外木凳與寵物一同享受chill time.咖啡方面，店主選用澳洲咖啡豆，加上使用與一般咖啡店不同的咖啡機，咖啡飲落香濃，過一陣更帶有回甘！拉花亦唔錯，可用來打卡🤣而可麗露(canele)個人認為外層偏硬，但內層確實使到香甜軟熟，可以一試！服務方面，店主與店員的態度良好，如無法選擇飲用何種咖啡亦可向店主詢問推介，店主亦十分健談，可與其聊天了解店舖背景。店內長期播放放鬆的英文歌，能夠輕輕蓋過店外車聲。weekday人流較少，用交溫習或放鬆都十分適合！…查看更多

近排sem尾諗住搵間cafe坐下溫書，見到唔少人話呢間blue place cafe 都唔錯就去試下。到目前為止就去過兩次，第一次去個陣大約一點幾，就有一大班人係中間張大枱食完野吹緊水，都幾嘈😂at least 唔係溫到書既環境。第二次去就一點幾兩點左右，一開始幾靜，後尾又有一班人入黎大大聲傾偈，都係唔適合溫書啦。總結而言，環境方面都唔錯，但就適合傾偈/打卡多過溫書🙈野飲方面，第一次嗌咗杯toffee nut latte ，但飲落就唔覺有toffee nut味，似普通latte，唔知係咪落錯單啦。個拉花就正正常常，無咩特別。第二次就嗌咗matcha latte，都幾好飲，但就奶味偏重，如果想飲茶味濃啲既就唔建議嗌。然後個拉花就唔知發生咩事，好樣衰，影唔落手既地步😂…查看更多

琴日同frd嗌咗鹽水雞髀滷肉飯同鹽酥雞扒滷肉飯。個飯不過不失咁，不到令人驚歎，都未到好難食咁。個鹽水雞髀食落相對較鹹，蓋過咗雞肉原本既鮮味，加上佢既肉質好鞋，連雞髀都可以整到咁鞋，其他部位就自己諗啦到鹽酥雞扒，一樣食落好鞋，加上炸到好乾，雞扒原本既肉汁/雞油都不復存在，兩者相對而言鹽水雞髀仲好啲。但由價錢上黎講，呢間算平，所以咁既質素都係接受範圍內。始終一分錢一分貨，咁既價錢想食到好好食既又難啲既。…查看更多