ToKwaWanGirl的個人專頁

十年無寫過食評，但今次真係好失望本人好鍾意食海南雞飯，但求其一間茶餐廳嘅海南雞飯都好食過佢。油飯又唔得，湯又凍，雞又未熟。。。真係對唔住$99呢個價錢，仲要加一，無下次…查看更多

絕對唔係誇張，每次只要去深水埗，就一定會特登去食佢哋嘅蝦子撈麵。佢哋最出名嘅竹升麵真係會食上癮。如果係選擇薑蔥撈麵，佢哋啲薑蔥真係多到成座小山咁！分量又多大大碟。分量對我來講會係比較多，不過實在太好食，每次都可以食晒 😂同埋啲湯好鮮甜，好香蝦嘅鮮味。…查看更多

朋友話呢度嘅招牌菜係燒雞- 3小時慢烤法國肥雞(個名好得意) 都等得唔算好耐，首先薯條同沙律就冇乜特別。不過隻肥真係冇想像中咁好食。賣相係ok, 個皮都烤得好脆。不過冇想像中咁滑，唔夠juicy, 同埋唔夠鹹...不過佢哋個龍蝦湯真係好抵讚👍🏻👍🏻👍🏻好香濃！仲有佢哋個桃茶都好好飲。配角仲出色過主角。…查看更多

我鍾意呢一類型嘅拉麵店，細細間。好多懷舊玩具做裝飾。本身係一個非常非常鍾意食蝦嘅人，所以點左櫻花蝦達人拉麵都算足料，湯底個人來說會比80分，都好香蝦味。但我覺得隻雞蛋比啲蝦仲好食😂。…查看更多

每次想飲有水準嘅羅宋湯，去哥登堡實無死！百零蚊有大大塊牛扒，全世界最好飲嘅羅宋湯，熱辣辣軟林林嘅餐包，同埋懷舊味道十足嘅飯後甜品(啫喱) 當然仲有充滿親切咁嘅侍應叔叔們。其實去呢度食飯，真係食個整體感。…查看更多

真係每一次想食pancake都會捉埋老公去銅鑼灣。一直即都係呢度嘅捧場客超過四年。之前每一次都係捧場佢哋嘅egg benefit (推介各位必食) 有一次想食甜野就試咗佢哋嘅pancake。嘩嘩嘩嘩～真係好食到不得了。就咁睇個樣都食慾大增。環境又好…查看更多

行開尖沙咀時煩惱緊晚餐食咩，突然間想食牛扒。 真係諗都唔使諗就上咗去。首先牛扒同薯條真係唔需要浪費筆墨去寫，因為真係好好食😋😋😋不過中間有個小插曲，我老公份牛扒叫咗半成熟，不過上菜嘅時候變咗三成...不過侍應好快幫我地搞掂番。不過配菜嘅焗番薯就差啲，味道係好食不過太乾。…查看更多

熱香餅幾好食，好香牛油味，而且比麥當勞嘅香軟。不過唔係甘鍾意個擺法，熱香餅沾到啲茄汁豆😂不過薯餅就真係唔及麥當勞好食，個炒蛋可以有進步空間，同埋可以細心啲先比定一包鹽食客。唔使食咗啖炒蛋發現唔夠味道，又要再行出去攞。其實佢哋嘅咖啡我就真係覺得一般，可能只係唔啱我口味啦。仲有，佢哋塊多士真係好鬼好食，脆卜卜…查看更多

突然想飲湯，落咗去屋企樓下嗰間”樓上”, 第一次幫襯佢哋嘅湯。環境真係幾舒服，可能係夜晚一個人都冇啦。叫咗個雪耳杏仁椰子雞湯，比我想像中好飲，個湯好”張”口，產生一種覺得碗湯好多骨膠原嘅感覺。個人覺得好飲過其他連鎖賣湯嘅~我見佢保養期都可以到九月頭，絕對會考慮買番啲返公司放落冰箱，得閒叮反碗黎飲。…查看更多

好神奇地每次去食，食物水準都唔一至。特別係紅湯，有時好好飲，有時又似溝左水咁淡而無味⋯希望餐廳可以留意下...前幾日去食，水準又提升反😂 叫左下午茶餐，加$10要理湯同餐包。塊雞排唔差，塊皮脆卜卜。…查看更多

朋友請食飯😀不過就算訂咗枱都等一段短時間。座位就比較迫啲。其實都叫咗個鹽酥雞，不過對個炸雞就真係有啲小失望。淡茂茂冇乜味，啲雞都唔滑，有一種寧願佢哋落少少味精嘅感覺。不過碗牛肉麵又真係幾好食。…查看更多

同一班同事食lunch，見佢環境幾好，價錢雖然唔算太平，不過睇啲裝修都對間餐廳有信心。雖然喺佐敦食飯，但佢地嘅環境有一種令我覺得去咗中環食飯嘅感覺。一個扒餐，跟餐湯同嘢飲，$100，可以接受👍🏻…查看更多

食咗超過10次，真係冇一次令我失望。不過覺得刺身裏面嘅泰國虎蝦質素一般。其他都冇得頂呀。最鍾意食佢哋嘅甜蝦。仲有佢哋嘅蟹粥，我覺得一定要食最開心嘅事佢哋有椰子水。不過成日都好快俾人攞晒。…查看更多

每一次都一定係點魚蛋麵或者淨魚蛋，無論係魚蛋魚片同炸魚片頭真係好彈牙好鮮味。絕對唔會偷工減料，份量又多。而我最欣賞，亦都係令我成日幫襯佢哋嘅原因係每次我要求多蔥，佢真係會加好多蔥(食過無數咁多間魚蛋粉，都冇一間有佢咁有誠意。)員工嘅服務每一次都好好。…查看更多

同朋友經過紅磡，見到呢間餐廳環境和裝修都幾合眼緣，又見到佢個lunch set幾平，覺得咁嘅格局算係幾抵食就走左入去。我叫左個吞拿魚三文治配薯條同凍檸茶。眼見其他食客點嘅lunch外貌都好討好，我都對呢個三文治充滿期待。結果我真係幾失望，三文治係用兩塊白方包夾住茶記水準嘅吞拿魚醬，薯條係新鮮炸但食出有陣益味，一定同油嘅質量有關(我見其他食客係OpenRice評過三文治配薯條，絕對唔係用白方包，而且薯條嘅份量都幾多，而且仲有配薯條醬。但我嘅份量唔多又無醬)。三文治稱不上難食，但個薯條的確唔合格。唔知道其他lunch嘅菜式好唔好食，但對呢間餐廳嘅印象係佢哋唔夠誠意，覺得方包三文治係屋企都可以輕易整到....我真係忍唔住寫咗我第一個食評表達下....不過環境，衛生，格局，情調和員工嘅服務態度都係幾好嘅。掛住同朋友傾計所以冇影到相。…查看更多