or#tm69998633的個人專頁

今日同我男朋友睇完醫生，想去食上次食唔到嘅日本拉麵，但發現已經執咗，所以搵咗依間代替 雖然覺得地方有少少窄，咁啱坐到風口，我哋坐咗落位，想轉位亦都俾我哋轉，服務都幾好，職員都好有禮貌，有耐心等我哋揀嘢食啲嘢都幾好食，我地就叫咗兩個主食加一個小食同兩杯嘢飲，賣相都算可以，完全冇伏，都算係驚喜價錢都唔太貴，第二份主食，仲有半價但我男朋友唔係食得太飽，而我哋趕住走，所以就唔叫多個餐，如果唔係都想叫多個主食…查看更多

我係第一次咁認真去寫依篇食評，係從來都冇咁認真過，因為今日我男朋友話帶我去長沙灣貿易富臨食晚飯，話有太公分豬肉，唔知佢邊度睇到，講到好抵食咁，但我網上面睇嗰啲評論都係一般般，但我第一次聽到太公分豬肉，我就諗反正我哋兩個都未試過呢啲活動，都可以試吓嘅，就跟住咗佢上去食 入到去，啲姐姐好熱情招呼我哋，個個都有笑容，好有禮貌，氣氛好好，着晒好有特色嘅衫，好有儀式感，令到我哋覺得佢哋好尊重呢個活動，其實有冇豬肉送已經唔重要，睇到個氣氛已經提供到情緒價值，而且個大堂仲有人唱卡拉OK，又有人喺度跳舞，我哋雖然冇一齊玩，但都覺得好有氣氛好開心 另外上菜好快，而且夠熱，開頭以為佢哋整定嘅，但係食落好似真係即刻整嗰隻，好夠火候，估唔到佢哋咁有效率之餘都可以整到啲嘢咁好食，重點仲要係平，唔係話兩舊豬肉就鋸你一頸血，完全冇強迫過你食啲貴價嘢，不過我哋平時食嘢都係散叫多，因為唔想啲套餐有啲唔想食嘅夾硬因為個價錢去叫，我哋都係想食啲我哋想食嘅嘢，咁啱嗰啲孖寶都係我哋想試嘅，價錢又唔太貴，就抱住試吓嘅心，去品嚐 網上面睇人講嗰啲評價真係攞嚟參考，實質真係要自己試吓先知道係咪真係咁差，我之所以打依篇嘢出嚟係因為，我抱住一個唔好食唔抵食，就下次唔嚟，反正都係試一次，但實在真係喜出望外，估唔到又有服務又有味道 我哋平時食開都係咁上下價錢，最緊要食得開心，因為冇理由我哋消費食嘢仲要睇人面色㗎？如果又貴唔好食更加唔會嚟啦。其實我對中式酒樓冇咩好感，但係見啲酒樓好多都執笠，越嚟越少，就開始想試吓啲傳統酒樓粵菜，我對酒樓嘅感覺多數都係星期六日陪阿爸阿媽去食，因為細個冇得揀，夾硬要同佢哋食，所以冇咩好感，但係人大咗會發現去酒樓食嘢更多係一種情懷，一種陪伴，有啲嘢係冇咗就冇咗，香港啲酒樓越執越多，聽講又大陸預製菜又整定嘅服務又差又貴又唔好食，但係我印象中其實又唔係咁差，而我對上一次同爸爸媽媽去食，我都唔記得咗幾時了，我男朋友咁啱話要去酒樓食，感覺依間酒樓同其他酒樓最大嘅分別嘅係特別有氣氛，啲嘢唔差又唔貴，嘢食固然重要，但係食得開心更加重要👍最重要係多一份特別嘅回憶🥹 …查看更多