唔食又點減的個人專頁

四大一細有bb車，我同佢講bb訓緊覺收唔車，佢就話有車要等六人枱，ok，等嘅期間有個廚房佬無啦啦走過嚟話bb車唔可以拎入去，講真，其實一開始唔比車入，點解你又要我地等六人枱？又唔貼張紙係門口列明？好啦，前面嗰枱五個人你地叫其他食客調位讓比佢地，但到我地嗰陣就話無位要等，明明現場好多人都係兩個人坐六人枱都唔肯安排調位，一句到尾，見你有bb車唔想做你生意！唉，企係出面等成半個鐘，到最後都覺得佢地服務態度太趕客走左！呢啲咁樣去歧視小朋友嘅餐廳，唔知你地係咪所有員工都無家庭無囝囡嘅呢？生意唔係咁做㗎！…查看更多

之前同朋友堂食過幾次，覺得佢味道都幾唔錯，對得住個價錢👍🏻👍🏻可惜嘅係新界冇分店🥲而家喺附近返工，同啲同事間唔中都會食佢嘅外賣，尤其慢煮雞胸沙律🥗折後$78，賣相望落去似清淡，原來咬落口有驚喜，雞胸好Juicy唔嚡我而且好夠味，唯一我麻麻哋佢嗰汁，嗰種酸有少少似變壞嘅味，但整體都係好食嘅～雜莓牛角包窩夫🧇推介😍外脆內軟，甜度啱啱好，上面嘅玉桂粉提升晒成件事，除咗粒好酸嘅士多啤梨🍓藍莓都好大粒爽口，折後$58，好抵食🤤🤤🤤仲有佢啲炸雞同泡菜煎餅都好好食！！！…查看更多

初頭睇啲食評都唔錯，見好多人推介呢個‘頂級牛肉漢堡'，叫set跟埋薯條沙律咖啡☕️搞錯呀！塊漢堡扒超級乾身又硬，連最基本嘅黑椒同鹽都taste唔到，咬落去就係一舊無味嘅肉，個包入邊仲要係冇汁，真係未食過咁難食嘅漢堡包🤮🤮🤮唔太理解點解咁多人推介，仲要成$98一個，真係食M記都冇咁嬲！最正常係沙律同咖啡，無下次，完…查看更多

第一次食係五月尾，因為有商場coupon，下午茶時段叫咗個大蝦金邊粉+炸蝦卷，鳳爪沙律，糕點連兩杯凍飲，埋單$204💰唔記得影相不過份量好足，每樣嘢味道都好唔錯，金邊粉嘅花生碎係另上幾細心👍🏻服務都OK👍🏻早兩日叫外賣，金邊粉同堂食份量起碼差三份一，而今次個炸蝦卷都要好小心食，因為入面嘅蟹殼碎晒😐好驚會吞落肚，試埋佢個滷水豬手，滷水好入味，比較驚喜嘅原來個底仲有啲芥蘭，索晒啲汁好好味🤤🤤🤤配菜嘅酸菜都幾夠味，最後食佢會冇咗嗰種油膩感💯九折咗$186😈…查看更多

七月頭的晚餐時段，我與友人在門口等候入座，雖然餐廳內已有一半客人埋單離開，可是員工們都專注於聊天，未有清理枱面及安排入座直至我們再詢問。點餐時侍應告知大部份菜式都已賣光，茶是溫的，湯和荷葉飯是不錯的，不過小菜只嘗到鹹味。…查看更多

今日叫左個四至五人餐，送到黎仲好熱辣辣😋😋😋pizza係超級夏威夷，批邊少少硬，味道唔錯肉醬義粉唔太夠味，葡汁雞皇飯都可以，炸雞🐔好好味!!整體黎講都唔錯👍🏻👍🏻👍🏻…查看更多