chanoiting's Profile

李家廚房(筲箕灣店)食炸雞，西灣河站B出口，行幾分鐘就到。餐廳燈光明亮，座位寬敞，乾淨企理，一坐底就送上前菜，醃蘿蔔、椰菜絲及泡菜。原味炸雞 (半隻) $93揀咗有骨炸雞，皮簿香脆，上枱熱辣辣，最好放一陣先食，肉質鮮嫩，咬落去會滴汁架，有少少辣，好惹味！豆汁冷麵 $78 平時好中意食韓國冷麵，見湯底唔同又試下，湯底豆味好濃，幼細的刀削麵煙韌幼滑，哩個新嚐試都唔錯。 石鍋蓋飯 $78 辣椒醬好惹味，加埋牛肉、蛋絲，紫菜等配料拌勻，簡單又美味的拌飯！ 大豬肉餃子 $58 餃子勁大隻，皮簿餡料多，正宗韓國餃子味道，配啲香醋就更惹味!…Read More

天氣熱辣辣但又想食燒烤，朋友帶咗我去觀塘駱駝漆大廈自轉串燒餐廳-巴巴串，涼住冷氣食燒烤，好過癮。我地揀咗B套餐安格斯牛放題，一坐底職員便送上日本宮崎A5和牛及燒肉拼盤，拼盤有安格斯牛板鍵、牛仔骨、牛粒、豬腩肉、雞泡魚乾等，全部無腌制，職員放樽味鹽俾我地自己調味，A5和牛入口即溶真系正，安格斯牛肉味濃，豬腩肉肥瘦相隔，燒雞泡魚乾真系最愛。等緊串燒時可以先畫紙仔嗌嘢食，上枱都好快，我地嗌咗蒜蓉焗蠔、鹽燒海蝦、燒韭菜等等，佢既炸物都好出色，每次上枱都熱辣辣，睇得出即嗌即做，連炸燒賣都有，又幾好食，我地嗌咗幾次。連我地平時燒烤最中意既墨魚咀、棉花糖、菠蘿都有，有驚喜，雞翼腌得好入味，唔錯。自助區可以自己拎，多款肉類、丸類及菜類串串可揀；有水果，又有雪糕，飲品及甜品種類都多，連爆谷，印尼蝦片都有，另外，除咗有幾款調味粉之外，仲有多款醬汁及牛油可調味，好滿足。…Read More

耐唔耐會去新蒲崗搵嘢食，今次搵咗Mikiki商場隔離既越秀廣場街舖潮州菜館-王朝潮盛館食嘢，原來除了潮州滷水之外，還有一些經典粵菜。炸子雞（半色），即叫即炸，絕對熱辣辣，炸得皮簿又脆而雞肉嫩滑，好好食，推薦。牛奶卷，炸到金黃色，賣相好掂，入口外脆內軟，唔油膩，好好味。潮盛小炒王，同其他餐廳煮既小炒王不一樣，哩度用咗芋頭切細條再炸脆，加埋腰果、蝦乾、炸魚仔、鮮魷魚等一齊炒，幾有新意，份量都夠大，味道都唔錯，如果送酒真系一流。紅燒翅，好多年無食喇，貪得意又食下，有翅塊，伴有好多銀牙，增加口感，幾清甜。室內裝修非常乾淨，環境好好又光猛，坐得好舒適闊落，牆上有一幅大型中國古代山水壁畫，食物份量也多，價錢合理。…Read More

之前來食過餐有牛的而家主打海鮮海鮮蒸氣石鍋<<蟹仙>>🦀海鮮基本上 set 好冇得選雖然 menu寫4選1,但係餐廳指定左食材，可能有 d人會唔係好岩食。如果比返人選擇會好 d...,不過都新鮮的☺️日落時間來仲影到咸蛋黃☀️同埋可以出小露台影相📸選左個2人餐有龍蝦🦞﹑奄仔蟹🦀，扇貝。。。。牡丹蝦同奄仔蟹~最後海鮮的精華會落入粥底，粥仲可以加葱花同菜葡不過因為佢地方較偏。唔算太多人海鮮蒸氣石鍋<<蟹仙>…Read More

今日又去食韓牛，今次去試黃大仙的炑八燒烤，第1次試水冷麵~熱辣辣的夏天食番口透心涼的冷麵超爽話明韓牛當然唔少主角韓牛啦，肉味濃無限添加爐邊蛋及芝士都係不可缺少的~原隻八瓜魚，燒熟之後自己先剪開~有 d像係韓國食八瓜魚的感覺大蝦燒熟後~有個男職員細心幫忙將蝦剪開兩半韓式泡菜薄餅，個人幾喜歡，味道唔錯呢間除了沙律外，其他配菜都係無限 refill~@meokbangbbq #炑八 #炑八韓烤 #Meokbangbbq #먹방 #韓燒 #燒肉 …Read More

和牛漢堡蛋包飯職員會先問你需唔需要影相，然後再幫你切開個蛋包，蛋包煮到好嫩滑，和牛漢堡夠大份，整體味道清清地，好啱我地食。香草牛油大蜆意粉青口鮮甜，扁意粉軟硬適中，配上濃郁蕃茄汁，酸酸地，特別開胃。蟹肉忌廉可樂餅可樂餅皮簿又香脆，裡面既蟹肉忌廉好creamy好香，好好食。宇治金時盛合哩個甜品賣相好靚，配搭好多，有日式布丁，雪米滋，朱古力卷蛋，紅豆泥等，仲配有一塊好得意既松鼠餅，全部都好好食，推薦。夏日海洋梳打甜甜地，似波子汽水，非常消暑。焙茶牛乳焙茶味香濃，飲落好滑溜。環境舒適，裝飾吸引，座椅舒服，價錢實惠，職員做嘢都好快手，如坐到窗邊位仲可以望住維港海景餐具設計獨特，餐點擺款都靚，打卡一流。建議訂位，因未夠七點全場滿座，門口已開始有人排隊。…Read More

圓方高級韓國料理Surasang 수라상。餐廳空間感足，木格裝飾，高尚雅緻，環境好舒服；上菜快，食物新鮮，服務也很好，職員會主動協助客人，座位舒適，如早到仲可以望到個日落。多款前菜任食，味道都唔錯。水刺床刺身盛合 $528包括已經調味的牛肉他他、醃製帶子、鮭魚子和海膽等，海鮮全部鮮甜沒有腥味! 配上紫菜脆脆增加口感，唔錯！海鮮煎餅 $215海鮮足料，粉漿少，餅面舖滿大量魷魚粒、蝦仁、帆立貝、小魚乾等，睇見都誇張，餅底煎到香脆，餅面啖啖海鮮，最中意配有好多炸魚仔，令到更脆口更惹味，最難得系唔油膩，食多幾舊都唔驚。鰻魚釜飯$185鰻魚新鮮無腥味，軟腍有咬口，飯粒軟硬適中，仲有少少飯焦，先將半鍋飯撈勻試食原味，雞蛋絲好香，唔錯，另半鍋飯再配韓式醬汁撈勻，更加惹味，另一番風味。清燉牛肋骨$410牛肋骨肉已切厚片，好清甜重牛味，肋骨肉燉到啱啱好，淋得黎有少少咬口，連骨位啲筋都好好食。白泡菜牛肉包$135職員幫手切開後，勁多肉汁流出黎，白泡菜好清甜，牛肉味濃，勁大舊牛肉球混有少少韓國粉絲，連肉湯一齊食就最正點咗兩杯cocktail， Snowing Night $118 and Lavender Seoul $118，酒味唔算濃，滿滿的果香味，似果汁般清甜…Read More

慈素小聚用餐，同平時啲素食餐廳大不同。款式相當多，外觀同普通菜冇乜分別，睇得出有創意兼有心思。無加一，店員都好友善，笑容滿滿，環境寬敞企理，坐得好舒服，唯地方唔太大，建議先book枱。酥皮Pizza 酥皮湯就食得多，酥皮做Pizza第一次食，舖上滿滿芝士烤焗，超鬆化酥脆。茄汁搭配三重奏之士天使麵 芝士勁多，天使麵軟硬適中，麵條都被芝士醬包裹住，食起上來有拉絲的效果，好正。 牛油果雜菜沙律勁大份，雜菜、牛油果同蕃茄仔都好新鮮，真材實料，配上意大利黑醋，微微酸夠開胃。百香芒果烏龍茶果香味濃，酸酸甜甜，清爽解渴。栗子烤奶杯底裝滿栗子蓉，濃濃栗子味，又不太甜，唔錯。甜品：Yogurt及綠豆椰汁糕Yogurt微酸又夠滑溜；綠豆粉夠香，椰汁味濃，甜度適中，兩款都唔錯。…Read More

經常推介濟州燒肉食堂，今日又來幫襯仲有無限refill的泡菜蛋同芝士栗米粒~我地仲request職員幫我地加埋蛋漿係芝士蛋果邊一級五花肉-濟州黑毛豬肋肉-大蔥切牛舌-和牛牛五花-海鮮煎蔥餅-黑米冷麵食物份量好多 ..味道亦好好，款式種類夠多~下次會同朋友再來~@jeju_bulgogi#濟州燒肉食堂 #Jeju_bulgogi #韓燒 #燒肉 #韓國菜 #韓國餐廳 #韓國燒烤 #韓牛 #濟州黑毛豬"....... .…Read More

餐廳有情調，氣氛唔錯，座位舒服，有加一，職員好客有禮之外，菜式選擇多，上菜都快，擺盤都靚，越夜越多人，建議先book枱。冬蔭功湯配大蝦108兩隻大蝦開邊，蝦肉新鮮彈牙，冬蔭功少少辣又有啲酸甜地，夠開胃。泰式金沙律$88燒豬肉醃得入味，自制泰汁超正，少少辣，勁惹味又好醒胃，連配菜都食曬，推薦。印式椰香牛肉$148+配蒜蓉烤餅$38有三大塊簿餅，邊邊脆口中間鬆軟，蒜蓉味好香，有咬口又好食，不用沾醬已經好好食，配上微微辣又濃郁椰香味既咖哩，絕配。咸魚炒芥蘭$88炒得好有鑊氣，有咸魚香味但絕對唔會過咸，味道適中，芥蘭爽脆。Fruit Float $68好濃芒果及菠蘿味，甜甜地，好飲。Yellow Sky $58酸酸甜甜，絕對解膩。椰絲斑蘭丸子布丁$68斑蘭味既西米，煙煙韌韌又唔太甜，配上椰絲一齊食，好香，最特別中間粒紅色丸子，勁粉，幾好食，整個甜品幾特別。…Read More

好耐冇食過韓式燒肉了~揾左間係啟德airside 的冬柏-雪花五花肉 ~ 職員會幫日燒埋，燒到脆卜卜，有 d像燒腩仔-醬油豬腸~入面包住大蔥，朋友話幾好食-厚切牛舌 ~燒肉必備-月見牛肩肉~薄切牛扒-韓式炒粉絲~味道幾好唔咸，如果係凍食更佳-甜品係布甸同雪糕 cheese cake-點左柚子檸蜜梳打同提子梳打 @dongbaek_hkHashtag: #dongbaek_hk #冬柏 #釜山過江龍 #韓燒 #韓式餐廳 #韓國菜 #Airside #koreanfood #koreancuisine #korean…Read More

觀塘越黎越多樓上餐廳，今日約咗朋友去Times Coffee食晚餐。入去見到啲學生枱櫈及Lokcer櫃就諗起中學時代，好多回憶返曬黎。炸軟殼蟹肉燥飯原隻軟殼蟹炸得香脆可口，肉燥冬菇加埋啲飯一齊煮，飯粒分明，食落又夠香， 哩個配搭幾有新意，唔錯。伯爵拿鐵咖啡伯爵茶味好香，配少少咖啡味，第一次飲，又幾特別。抹茶雪糕豆花豆漿雪糕夠滑，抺茶味香濃。紫薯芋泥冰大大份，兩個人sharing最啱，賣相好靚，綿綿冰非常綿密，入口即溶，甜而不膩，表面舖咗好脆脆，食到落底有勁多芋泥，非常適合夏天享用。職員態度親切，笑容滿滿，飲品跟餐有半價，另外無最低消費又限時用餐，同朋友傾幾耐都唔驚，非常好。…Read More

觀塘新開咗可食飯傾偈兼娛樂既餐廳House FiftyEight，位於電訊數碼大樓4樓，今日特登過嚟食晚餐。餐廳空間好大，佈局舒適，部分卡位可以坐10人！仲可以打桌球、掟飛鏢、唱k等，戶外都有幾張枱，啱曬中意傾計飲酒嘅朋友。雜菜湯，濃郁蕃茄味，酸甜開胃。 蘑菇湯，蘑菇味道好濃郁及creamy，食到啖啖蘑菇碎粒。餐包，幾軟熟，塗少少牛油，美味又煙煙韌韌。烤慢煮嫩雞胸凱撒沙律，兩片雞胸片有烤過，食落香口，羅馬生菜新鮮爽脆，加埋煙肉碎，好食又醒胃。美國頂級肉眼扒大大塊，牛扒煎至兩面金黃，肉質柔軟，帶有濃郁的牛味，配埋焗蒜、焗薯等配菜，真是不錯。西班牙黑毛豬鞍表面煎到焦香，肉質厚實卻不乾鞋，整得調味得好好，連埋邊邊位煎到香脆啲油脂一齊食，就算唔配醬汁都好好食，仲有烤菠蘿，車厘茄及翠玉瓜作配菜，非常豐富。甜品，巧克力蛋糕甜度恰當。J晚餐SET $308，有加一，包括有餐湯、餐包、沙律、主菜、飲品同甜品，食物整體都很高質，性價比不錯。…Read More

🐔雞煲🥘配火鍋絕配，雞煲食完後再加入上湯變成火鍋，再加入鐘意的配料落去，當然唔少得就係新鮮的火鍋食材啦~Bb辣的雞煲，半隻雞份量，職員會幫你即時炒下個雞煲，以防痴底，而且醬汁吸到岩岩好~又唔會over即炸手工魚皮好特別😎又脆有咬口就算唔蘸湯就咁食都食到停唔到口仲有就係火鍋必定出現的安格斯牛肉啦！蝦丸，好大粒又夠彈牙如果有時係屋企心 cc想食的話，仲可能係外賣平台直送到家，住得近的可以試下。。。…Read More

東南亞菜，餐廳分別有室內室外座位，見多人在室外用餐，可惜已無位，便坐室內。店舖裝修好有東南亞風，掛咗好多月球吊燈，好有特色！地方寬敞，坐得舒服。泰式鹽焗燒魚條魚好大條，燒到魚身非常香，上枱後將魚皮揭開，魚肉嫩鮮多汁，再配上特色酸辣汁，好醒胃，推薦。馬拉盞通菜泰式經典炒通菜，通菜新鮮翠綠兼爽脆，炒得好有鹹香味但又唔會過咸，微辣，惹味又好味。串燒沙嗲（6串）有牛同雞各三串，肉粒大大件又唔柴，好香燒烤味，配上秘製沙嗲醬，食到好滋味。呢杯mocktail - Fruit Float杯身好靚好吸精，由多款果汁加椰子忌廉混合而成，飲落清甜可口，清新又解渴，推薦。芒果糯米飯三款唔同口味糯米飯團，上枱熱辣辣仲冒煙，黏口軟糯，配上濃味椰漿，好好食，另外芒果肉香甜多汁，絕對推薦。…Read More