L_CY的個人專頁

荔枝角著名打卡地標係瓊林街83號充滿玩味既梯級建築，旁邊有唔少cafe餐廳🍴 見到二樓有間J’s Cucina係以蘋果綠同白色為主，樓底高，落地玻璃，空間感十足💚 見到餐廳介紹係主打不添加味精且用意大利進口的手工 Pasta、Gelato同特飲👍🏻 是夜與閨蜜來呢度食晚飯，見到有二人晚餐$338🍽️包每人一碗沙律同餐湯🥗自選兩主菜同甜品，所以就叫左呢個餐.首先有餐包配牛油，餐湯係南瓜湯，幾香同幼滑～沙律菜夠脆，新鮮！仲有一大片Parma Ham! 主菜揀左瑪格麗特Pizza🍕同米蘭番紅花意大利飯配黑虎蝦🥘 Pizza足足有27cm咁大，3-4個人食都得🫨 薄底批幾脆，蕃茄芝士夠多！甜品有伯爵茶Cheesecake及椰子芒果Gelato🍧 伯爵茶味突出，椰子芒果Gelato好味，鋪滿左脆脆在旁，有口感！…查看更多

係旺角行街經過見到一間拉麵店外面貼哂葬送的芙莉蓮人氣角色，見到原來呢間係旺角新開，仲有新開張限定優惠💥逢星期一晚8:30後拉麵半價！🫨🫨 抵到爛！.由彩虹屋村商場開到黎旺角，照舊以街坊價推出多款拉麵、丼飯同日式小食！我地叫左：.🍲招牌日式叉燒拉麵有幾種湯底揀，我地揀最原始既豬白湯，餐廳以5小時慢熬豬白湯，日式叉燒經火灸燒，一碗都有3-4大片，幾香！仲有半件溏心蛋、紫菜同日式腐皮，幾足料.🍛咖哩炸豬扒飯一上枱嚇親，幾大碗下！除左咖哩醬汁同炸豬扒外，仲有蘿蔔同薯粒，夠哂飽！炸豬扒炸得香脆，粉薄肉嫩！.🧀炸芝心蝦球一咬開，內裡既流心芝士都流出來，要小心食🤭 蝦球口感幾特別！.呢度既拉麵正價都係$58-78，丼飯都係$58，價錢街坊親民，店員年輕有禮，係久違了的街坊人情味…查看更多

尖沙咀寶勒巷有間印度菜餐廳🇮🇳原來係由前杜拜皇室御廚主理👨🏻‍🍳採用天然香料代替人造色素來製作Fusion印度菜🍽️ 一到門口就已經見到色彩繽紛既手繪牆畫，入去餐廳後，藍綠色配白色，營造優雅又舒適既感覺✨今次同哥嫂來食晚餐，我地叫左：.🍗胡椒烤雞（半件）睇賣相就知用足香料去烤香，我地揀左小辣，雞皮焦香脆，內裡雞肉卻嫩滑多汁，旁伴沙律菜同薄荷乳酪！.🍱海德拉巴羊腿香飯羊腿飯係一鍋咁上，頂層有酥皮包住熔香🥧 會有專人幫你切開同撈勻，羊腿經慢煮6小時，所以肉質軟腍！香飯撈埋醬汁食幾惹味.🥘奶油雞Butter Chicken 係經典印度菜，醬汁濃郁且豐富，撈飯或叫Naan點醬食都好夾！.🥙脆餅籃裡面有兩款，一款係薄脆片，脆卜卜！另一款係自家製炸蝦片，點上旁伴的薄荷乳酪夾哂.🥭Golden Mango LassiLassi係食印度出名既招牌飲品，即芒果乳酪，口感好滑，芒果味道又香又濃郁，好飲！.🍸Masala Cutting Thai Sour呢杯係cocktail，帶點肉桂香，味道微甜，又幾ok!.見到呢度Set lunch有齊前菜、主菜、自選烤餅或香飯、甜品同飲品，仲有Vegan set，$98起就有，下次試下lunch先！…查看更多

見到酒店網站有賣自助晚餐買一送一😵仲要有和牛、海鮮同鴨肝，我地即刻買左來食！今期係和牛．鴨肝二重奏海鮮自助晚餐🍽️ 環境舒服，樓底高，仲有對住海景既座位，可以影相📸.即去海鮮區先，有專人即開生蠔是重點，夠新鮮! 而波士頓龍蝦、7吋長阿根廷蝦同蟹腳都唔錯! 見到師傅即時煎鴨肝多士，即刻拎返件，入口即化，油脂香飄逸。鴨肝同和牛係是次主題，見到有好多特色美食，有鴨肝慕絲煙燻三文魚球、蒜片和牛粒、焗和牛批、鴨肝和牛酥盒同迷你和牛漢堡配香煎鴨肝等等.有專人即場切燒牛肋骨、烤羊腿同片皮鴨，我地每人仲有一盅特色燉湯🍲 見到刺身同壽司區都多款式，另外仲有中式點心、麵區同沙律區! 呢個自助餐可以任飲生啤同汽水，仲有咖啡機可以沖啡☕ 食到中途有表演睇，原來呢度每晚7時15分有火山排骨表演」、平日晚上8時正有「火焰焦糖燉蛋表演」.最後當然留肚食雪糕同甜品啦😋 成個雪糕櫃都係Movenpick雪糕，多達12款口味!! 好開心!!😎 甜品多選擇，有蛋糕、櫻花紅豆雪梅娘、綠茶焦糖燉蛋、Donuts同各式各樣既甜品杯! 食完真係大滿足😋…查看更多

得悉呢間cafe 5月尾將會結業，所以特地前來支持一下☕️ 呢度環境舒適，座位闊落，裝飾幾有心思，擺上滿滿的乾花，整體氛圍悠閒.我地點左Set dinner - 主菜係All Day Breakfast同臘肉臘腸卡邦尼新鮮扁意粉，配餐湯周飲品.All Day Breakfast份量多，自家煙燻三文魚加左洋蔥增添了甜香，而炒滑蛋、大啡菇、煙肉、英式豬肉腸、沙律菜，全部不錯，仲有脆既酸種牛角包同自家製英式鬆餅.臘肉臘腸卡邦尼新鮮扁意粉幾特別，用上臘肉臘腸其實就似中式煙肉咁！手造扁意粉有口感，吸收哂醬汁夠入味，本身灑上左大量芝士粉.是日餐湯係南瓜湯，我地一杯飲品係跟餐配既凍冷泡茉莉綠茶，茶味清香，另一杯就叫左太妃糖拿鐵咖啡，即係加左拖肥糖醬既Latte，幾得意…查看更多

早前跟另一半慶祝生日，見到呢間酒店出左🇪🇸西饌葡味🇵🇹海鮮自助晚餐，有西班牙與葡萄牙的傳統美食，幾特別所以揀左呢間，入到去環境幾舒服，座位闊落.我地首先去海鮮區食麵包蟹蟹腳海鮮拼盤🦀 麵包蟹多膏，每人仲有一份葡式燒龍蝦配芝士汁🦞 幾香幾惹味！其他海鮮有蟹腳、蜆同蝦🦐 沙律都有幾款，最特別係葡式豬耳沙律，另外仲有芝士拼盤、西班牙火腿配蜜瓜等.見到爐上有一個個葡式甘藍帶子酥皮湯，即刻拎返碗，酥皮幾香脆！中式既花膠燉雞湯香濃鮮甜。肉類區有葡式燒乳豬、西班牙燒豬鞍、慢煮燒和牛肉眼、叉燒，全部都拎左d來食。葡式燒乳豬唔錯，乳豬皮烘得脆，另外仲食左葡式釀蟹蓋，幾香.熟食區有香煎比目魚配鮮橙忌廉汁、葡式香橙鴨脾、西班牙海鮮焗飯、意粉🍝中式點心區🥟有燒賣、粉果同餃子.最後留肚食甜品，見到有兩個雪糕櫃：瑞士MÖVENPICK雪糕同美國Häagen-Dazs雪糕，有唔同口味揀，旁邊有唔少配料可以放係雪糕上食🍧 甜品都多款，特色既有半熟芝士葡撻同西班牙吉拿棒，仲有唔同蛋糕🍰飲品有果汁同啤酒自己拎🍻我仲去左咖啡機度沖左杯咖啡☕️ 有師傅即場表演即製火焰雪山🔥雪糕加上酒香👍🏻…查看更多

早前來左呢間泰國餐廳食晚飯，我地叫左唔少菜式.🍲Thai Suki 海鮮媽媽麵有2款湯底揀：Thai Suki同冬蔭功湯，我地揀左Thai Suki，即甜辣，無咁辣，唔太食到辣既可以試，裡面既海鮮都幾多，有鮮蝦、魚肉、墨魚等等，仲有泰式豬腩肉、菜同蛋，入哂味.🦀青咖哩軟殼蟹配蒜蓉包青咖哩帶椰香，蒜蓉包撈青咖哩正；軟殼蟹香脆，同青咖哩都幾夾.🦐黃咖哩炒大頭蝦蝦如其名，每件蝦都大隻，一碟有6隻，蝦肉爽。黃咖哩帶甜香，無論係配包定撈飯都真係夾.🍗蒜蓉牛油雞翼一碟有6件，鋪滿炸蒜，炸得香脆，唔錯.🥬飛天椰菜苗椰菜苗有D蒜蓉同辣椒炒香，食到唔停.🍋青檸梳打青檸梳打又fresh又解渴…查看更多

幾年前同朋友來過呢度食生日飯，早前終於再來訪，仍然是充滿民族feel既圖案地版同裝飾，啱哂影相📸 今次晚餐就叫左：.🔥火山排骨火山排骨係將燉煮好的排骨堆高，再淋上醬汁。店員將火山排骨上枱後，會淋酒在排骨上，火燒排骨，將香味揮發出來，份量大，肉質夠軟腍.🍗泰式香茅雞翼係單骨雞翼，附埋酸辣醬，雞翼煎得香脆，唔會厚粉，啖啖肉.🥬泰式炒通菜通菜爽而鮮，簡單配搭醬炒已經夠香.☕️香橙朱古力咖啡拉花靚，朱古力味濃，橙味就反而要飲到一半開始慢慢滲出，幾特別.🍹泰式青檸梳打食完辛辣野要飲解渴既飲品，呢杯夠清新解渴…查看更多

之前來過呢間食脆皮雞，估唔到原來呢度整酸菜魚都唔錯！而家多左唔同套餐，我地叫左酸菜魚二人餐，套餐有酸菜魚鍋、一碟魚、一碟雞、一碟蝴蝶腩、4件大蝦、時蔬拼盤同雜丸拼盤.酸菜魚鍋可以揀上湯或金湯，分別係辣同唔辣，我唔食得辣所以揀左唔辣。當酸菜魚鍋上枱，見到個鍋完全係足料，有大量酸菜、芽菜同百頁！碟魚都多，每片都切得厚薄適中👍🏻 擺湯度淥一陣就食得，魚肉又軟又滑，吸收哂湯汁夠入味！.大蝦一碟有4件，大蝦多膏；雜丸拼盤就有牛丸、墨魚丸、芝士丸同芝士腸等等，大粒且彈牙! 而蝴蝶腩幾得意，每片真係蝴蝶形狀咁🥩蝴蝶腩原來係牛肚皮的腩位，位於牛的橫膈膜附近，質感幾爽！我地仲叫左一渣鹹檸七，夠哂解渴😋 最後打完邊爐，我都飲左幾碗湯…查看更多

前晚去左佐敦呢間懷舊扒房餐廳食晚餐，當然唔少得叫一份威靈頓牛柳😋 我地係叫套餐，除左有扒仲有餐湯、餐包同飲品.威靈頓牛柳，即係有香脆既酥皮包住牛柳，份量大，酥皮就算擺左一陣都仲係脆！一切開，裡面有煙飄出，果然鎖住肉汁熱辣辣！牛柳厚大，肉質軟嫩，夠香，我地揀左配薯菜，粗薯條都俾得多，旁邊仲有沙律菜.我地仲叫左德國鹹豬手配蜜糖芥末汁🍖豬手既size幾大，豬手既皮烤得脆，配蜜糖芥末汁真係幾夾！裡面既肉夠軟，唔錯.餐湯有羅宋湯同忌廉湯，而餐包本身已搽上牛油然後烘香，是加分位👏🏻最後飲返杯凍檸茶就完滿了…查看更多

好耐無食小籠包同生煎包啦，早幾日去左旺角呢間馳名生煎包既劉興記，除左點招牌爆汁生煎包外，仲見到有蟹粉小籠包，即刻order返一籠試下先！呢度除左有點心類，仲有套餐可以叫，而且如果惠顧套餐滿$60或以上，豆漿任飲😱 真係性價比高.蟹粉小籠包🦀即叫即蒸，所以要等等🙆🏻‍♀️ 一籠有4件大大粒，蟹粉在中間點綴，一咬落去飲到多湯汁，裡面仲有蟹粉👍🏻 .我地仲叫左套餐🥟12粒雲吞配生煎包2件🥟先講生煎包，一咬落去，湯汁流哂出黎，juicy，而包底都煎得脆，唔怪得咁受歡迎🙌🏻 雲吞軟，配湯幾夾.另外仲叫左個炸醬撈麵，充滿炸醬肉碎，配有一堆青瓜絲，簡單又美味！當日來食都見到爆哂場，好受歡迎…查看更多

早兩星期既假日約左好友去荃灣呢間泰國餐廳食個lunch，店員係泰國人，態度nice! 佢地講中文既口音都幾準! 見到呢度有lunch set，有主菜、沙律/湯，同飲品，另可以優惠價配小食同甜品，都唔錯! 我地當然一人一個餐啦😋 我地叫左：.🥘 手打青咖哩雞肉米線 配 青木瓜沙律賣相好Green既米線! 青咖哩味道辛辣，仲有椰香，雞肉同米線吸收哂青咖哩汁幾好味! 除左雞肉，仲有椰菜花、豆、同紅椒，另外仲有雞蛋! 都幾多配料! .🥩牛魔皇船麵 配 青木瓜沙律裡面有幾多肥牛，仲有爽彈既牛丸同炸豬皮，湯底濃郁，夠哂入味！.🍤 蝦餅我地以套餐優惠價加配左蝦餅，一碟有4件，炸得香脆.🍄‍🟫雞脾菇串燒一碟有2串，每串有4大件，加左調味料燒，口感爽脆.🍢串燒（雞、牛、豬）三串每款肉各一串，旁附沙嗲汁，味道夾.🥭芒果糯米飯我地都有以套餐優惠價加配甜品芒果糯米飯😋 芒果香甜，幾好食，糯米飯有白糯米同黑糯米，配椰汁食很不錯.🍹青檸梳打 及 泰式蛇皮果梳打兩杯都係特飲，套餐餐飲轉特飲可以加$15，青檸梳打夠解渴；而泰式蛇皮果真係未聽過，桃紅色既梳打，味道係酸酸甜甜咁幾開胃…查看更多

上網成日見到呢間餐廳，好受歡迎咁，早前終於book左呢間餐廳食晚飯，呢度位於高層，望到日景同夜景，坐窗邊位可以影相！我地睇到餐牌有套餐唔錯咁，叫左Pizza Set二人餐🍕.🍕秘製北京烤鴨Pizza足料，味道幾似片皮鴨，因為Pizza上仲會鋪上大量青瓜條同蔥絲，而鴨肉都多，幾juicy! 個人幾鍾意呢款Pizza.🦞法式龍蝦海鮮濃湯味道鮮美，仲有大大件青口，旁邊既蒜蓉包烘得好脆! .🍄‍🟫黑松露牛肝菌蘑菇湯味道濃郁，有口感.🥗慢煮雞胸胡麻沙律份量大，雞胸滑，胡麻汁配沙律菜幾Fresh.🥓德國腸拼盤裡面有紐倫堡肉腸、意式蔥油腸、墨西哥辣肉腸、薯蓉同酸菜。薯蓉又香又幼滑.🍫榛子朱古力脆脆蛋糕一早預訂左要畫碟，要求畫烏薩奇同句子，甜品就揀左呢款蛋糕，上枱時餐廳點左蠟燭俾我地，仲送左張即影即有俾我地🙌🏻 畫碟公仔幾得意，影完一輪相後就食蛋糕啦都唔錯，朱古力味濃，滿滿榛子粒，有口感.🌹玫瑰荔枝果肉梳打呢杯幾香甜，除左有玫瑰香之外，仲有2大粒荔枝果肉.🍍仲夏菠蘿梳打係清新既梳打，有一大片菠蘿乾在杯上…查看更多

假期與閨蜜去左呢度high tea🌻春日柑橘下午茶，特別在中西鹹甜美點都各佔一半，唔會只有甜品，好特別！餐點包括：.🍱鹹點金絲炸芋角酥炸鯪魚球花雕醉鮑魚養顏濃湯花膠凍茶燻蛋伴魚子醬紅糖糍粑.🍰甜點柑橘法式焦糖燉蛋香橙朱古力千層酥熱情果芝士蛋糕檸啡意式芝士蛋糕莫吉托雞尾酒果撻香橙雜果乾傳統英式鬆餅配柑橘果醬及奶油忌廉.每人包一杯飲品，可揀茶或啡，講緊係果茶/早餐茶，或是不同口味的咖啡，仲有朱古力同美碌！而星期六日同公眾假期，每位客人仲送一杯意大利汽酒呢🥂超正🤪.我同閨蜜當然要著得靚靚去chill下影下相！先食鹹點，鮑魚一入口充滿清香的花雕酒香，茶燻蛋是溏心蛋，很滑，伴魚子醬昇華了～濃湯花膠凍最特別，就是花膠濃湯的果凍咁，充滿骨膠原.甜品以柑檸為主，所以味道酸酸甜甜很開胃！賣相好精緻，加了食用花，最適合打卡！最喜愛柑橘法式焦糖燉蛋，多了一陣清香😋 檸啡意式芝士蛋糕好特別，點估到會以檸檬同tiramisu 結合😮味道是那樣清新！.閨蜜揀左黑加侖子茶，我揀左熱泡沫咖啡，另外仲有兩杯汽酒，當然要cheers！十分推介叫茶，因為茶杯同茶壺都好靚😆 味道當然唔錯，而且十分解膩🙆🏻‍♀️ 呢度環境都好靚，又坐得舒服，大滿足…查看更多

一向鍾意食大排檔美食，放工去左近地鐵站既佐敦官涌熟食中心呢暗新肥泉海鮮大排檔食晚飯，叫左：.🐟黃金九肚魚先炸香九肚魚，再用咸蛋黃醬炒九肚魚，夠惹味，而且九肚魚啖啖肉，唔會成口粉.🍲西湖牛肉羹坊間好少有呢個湯羹，估唔到呢度有！呢個湯羹足料，簡單用芫茜、豆腐、牛肉同蛋花煮成既湯羹，湯汁清甜，而牛肉份量都幾多.🥬雞油炒豆苗趁仲有豆苗就叫左，豆苗有三款，我地揀左雞油炒豆苗，簡單用雞油炒就夠香!…查看更多