Poji的個人專頁

Poly附近開咗間新嘢，返學放學唔駛食嚟食去都嗰幾間咁悶呢間民食我食過3次，好想讚吓佢哋啲嘢，真係又平又好味！之前食過佢哋嘅茶餐，好豐富，有包有蛋有火腿有個麵有杯嘢飲，只係$26！最正係唔駛加$可以轉蒜蓉包，個蒜蓉包仲要超香！講返今次先，今次食咗個芝士蛋漢堡，嗰塊牛肉好多汁，一啲都唔乾唔硬，而且好香黑椒同洋蔥味!仲有好多嘢我都想試㗎…下次試吓佢哋個巨型個熱狗先！…查看更多

年初3晚同屋企人想食火煱, 周圍都冇開, 冬天都係想食啲熱辣辣既嘢暖下身, 見到四點金有雞鍋就入咗去, 坐地就叫個胡椒豬肚雞鍋先, 待應話賣晒!再叫麻辣雞鍋, 又賣晒!!再叫胡椒湯, 又冇......胡椒湯同雞都冇.....侍應態度又唔好, 好無奈...買後叫咗啲打冷嘢...嚟到個賣相好似隔夜餸咁...叫咗個麻辣魚頭鍋...啲辣未唔夠, 到喉唔到肺...唉...食到我哋冇晒mood!成餐飯得個蛋散係ok, 至少係鬆化...…查看更多

同啲朋友預祝生日，有朋友試過ok就介紹我哋嚟呢度，果然冇介紹錯！環境唔差，食物種類多，上菜快，食物色香味俱全，魚生雖然款式唔多但好新鮮！泰式沙律有木瓜絲有柚子，份量少少但好好味！仲有咖喱軟殼蟹，夠味，好正！我哋雖然飽但都encore咗一碟！飲品種類都算多而且係好飲嘅！甜品唔多但都好好味！侍應態度都ok, 好主動收碟!我哋全都好好滿意，一定再嚟！…查看更多