我老公係肥肥的個人專頁

今日黎到粉嶺一帶探親，一場黎到其他區，當然試下呢一區既美食啦。上網搵資料下，搵到呢間豬手麵非常非常出面，堂食既話閒閒地都排一個鍾以上。既然黎到，一於試試一黎到就拎飛等，等左一個鍾，出名舖面多人，都預左，所以都無唔耐煩。入到去叫左一碗牛丸麵。一碗豬手麵。牛丸非常彈牙，一食就知係手造，唔似用機造口感咁假。有6粒牛丸，都算多，而且粒粒都係好正，好重牛肉味。至於豬手就好嫩身，食得出豬骨個種鮮味。我鍾意食骨，所以好正。確實兩種麵都係好味，雖然份量唔多，但質量係超水準。不過大家就預左排隊真係要等等，無計，食好味野係要付出。…查看更多

一向東南亞菜都有好感，最鍾意周圍試。今日黎到銅鑼灣呢間叫ＦＵＨＮ既餐廳。ＦＵＨＮ呢個字我估係越南字。我係平日下午去，所以相對上唔係好多人，所以餐廳好有空間感，而且可以慢慢睇下餐廳既裝潢最後我叫左香茅豬扒煎蛋飯，蝦餅２隻香茅豬扒煎蛋飯，餐廳好細心咁將豉汁另上，咁就唔擔心客人會唔會過咸。而蛋係太陽蛋，Ｄ蛋汁撈埋飯同豬扒食，真係好好味。豬扒厚度適中，配上香茅同蔥油既味道，真係無得輸。至於蝦餅係最一個驚喜位，蝦餅炸得好好味，又唔係好油，又夠熱，又脆身，內裡蝦肉又夠，２８蚊２隻，都算非常抵。下次會再黎試多Ｄ其他野～…查看更多

網上睇到呢間位於佐敦既方太糕品舖，專賣糕點既，有一系列既大家都耳熟能聞傳統既中式糕點，有紅豆糕，綠豆糕等等，網上都話要排好耐好耐，大約要排一小時，聽到都有ＤＤ誇張。話說我上星期都有黎度呢間，不過排左５分鍾就走，因為趕時間，等左５分鍾都無郁過條隊，目測前面有廿人，所以都係走。今日我又黎到呢度，因為好想試下究竟有幾好味，加上今日（星期六），夜晚無約人，所以決定慢慢排。一去到，差不多下午５點半左右，目測超過２５人，所以都預左１個鍾走唔甩。結果排了４５分鍾，都算比預期快ＸＤ我要左一條芝麻卷，一個眉豆糕，一個椰汁紅豆糕，一個馬荳糕。芝麻卷３０蚊１條，其餘３件其１８蚊，埋單４８蚊。舖頭哥哥問我要唔要買多２件，可以送個盒，我就話唔洗，因為拎返屋企都即食。先講芝麻卷，佢係一條好長既卷，舖頭哥哥幫我剪成８小件。芝麻卷除左有好重黑芝麻味，內裡仲有好多細白芝麻，豐富口感。而且味道唔算好甜，我就最鍾意，因為好怕得個甜字，咩其他味都食唔到。加上芝麻卷口感有彈牙既感覺，食落好有咬口，原本都怕食一卷會唔會太多，但我地２個人好快就食完一條了。至於另外個３件糕點，相比起岩岩個條芝麻卷，有一點點失色。馬荳糕好似無咩味道，唔似有咩豆味。眉豆糕就有豆味，但好似無咩特別之處。至於椰汁紅豆糕，睇得出花時間同心機整，但食唔到有椰汁味，反而紅豆味好出，可能紅豆糕會好味。總括黎講，芝麻卷係必食。其他就睇自己喜好…查看更多

呢個星期六我地去左行油尖旺一帶，行到腳仔軟，又開始肚餓，搵間餐廳食野。見到有間茶記，差不多４點，都仲係爆場咁，睇黎應該好受歡迎，於是食呢間啦，可以休息一下。一坐底睇餐牌，叫左兩份焗飯。焗薯仔咖哩雞扒，焗豬扒飯。因為好似好多人叫，我地都唔執輸，叫埋一份。等左約十五分鍾，終於來到了，焗野係要等，咁先顯得新鮮即焗。焗薯仔咖哩雞扒，呢個就麻麻地啦，因為咖哩唔係辣個種，飯係無炒底，同埋雞扒有Ｄ咸，唔知係咪醃個陣重手左。不過焗豬扒飯又幾好味，無雞扒咁咸，飯都係無炒底，但豬扒真係幾脆，番茄配合得幾夾，而且又唔肥。價錢兩個合共＄８７，而份量下午茶黎講都算飽既。…查看更多

今日去左新蒲崗分店既傷心酸辣粉，任食２小時，只係每位１０８元，講緊呢個係埋單價，已包晒所有費用。呢個年代仲有＄１００頭既任食，真係難得，我諗係十幾前既價錢。咁平會唔會無咩野食呢，又唔係ＷＯ首先有條魚，魚既味道都合格，佢係炸左一次，然後放入個爐煮，肉質都唔算太諧口。其實都拍得住一Ｄ坊間好貴既酸辣魚架啦。除左條魚，出面仲有得任拎食物，有牛丸，魚丸，肥牛，牛肉，雞件。菜有娃娃菜，生菜，芽菜。有蝦串，有八爪魚串。有香腸芝士腸等等呢Ｄ大路既打邊爐餸。上面一碗碗鐵碗個Ｄ係薯粉。佢仲有兩三款熟食，有春卷，炸魚粒，蕃薯。 我最愛既八爪魚串唔敢講好多野食，但１００蚊左右既價錢都有咁多，算好好啦。野飲方面，都係任飲架。有可樂，無糖可樂，雪碧，忌廉，烏龍茶，檸檬茶，桃茶，蘋果茉莉，蘋果綠, 仲有啤酒（不過我唔飲，所以唔知咩牌子）。講真，依家係快餐店打邊爐，唔加任何配料錢都講緊起碼五六十蚊，仲有食完好似無食過野咁，依家１０８蚊就可以任食任飲３小時，而且以上講既野食，唔敢講超級好味，但有基本水準，肉都有醃過下，都算係好味。…查看更多

最鍾意試深水埗呢一區新餐廳有咩食。呢間ｂｕｒｇｅｒｍａｎ係深水埗駐紮左都好多年，老闆唔知有無換，但我就一直都無光顧，因為個地理位置都唔係深水埗中心，所以無打算試過。今日假日，時間非常充裕，又諗唔到有咩食，決定就試試呢個ｂｕｒｇｅｒ。作為ｂｕｒｇｅｒ迷，每次試新ｂｕｒｇｅｒ就興奮。睇睇餐牌，要個至尊漢堡啦，有兩層牛肉，正呀。我係叫左網上平台外賣，因為睇到舖頭唔多位，加上想返屋企睇住電視，所以拎走。落ｏｒｄｅｒ到有食物拎走，大概２０分鍾左右。拎到手再行返屋企約十分鍾左右。個漢堡仲熱，不過擺得唔好，所以返到屋企打開，個漢堡已經散開，呢點係有扣分，因為個牙籤桔得唔好。另外由於外賣唔係即食，Ｄ肉汁已經滲入左個飽皮，但呢一點外賣遇上既弊處，所以唔怪得餐廳。賣點都可以，而食落牛肉都幾足料，兩大塊，不過味道有點略咸，但配埋其他配料(芝士,洋蔥,番茄)一齊食，就可以接受。而最重要係雖然D肉汁流左小小係飽皮上，但飽皮仲有脆身既感覺，呢樣係加分。因為我係網上平台ｏｒｄｅｒ，所以有折，價錢係七十幾蚊，我無叫套餐，因為想食個漢堡ｏｎｌｙ。咁七十幾蚊黎講，都係屬於好味並抵食。…查看更多

今早一起身，已經早上十點，原本打算搵間餐廳食個早餐之際，周圍行行下，見到間賣兩餸飯既店，寫住＄２８一盒兩餸飯。價錢上又幾抵食。Ｄ茶記早餐依家都成三十幾蚊一個，不如就一人叫一盒飯，都抵過食早餐啦。食早餐又唔飽肚，食完一陣又想搵野食。反正依家都快十一點，食飯都可以呀。其實依家疫情之下，多左好多呢類型既店，方便大家唔出街但有住家飯食。區區都總有幾間呢Ｄ舗，當然好壞就參差。我地叫左兩盒兩餸飯，即是叫左４款餸。叫左西檸雞，魚，辣子雞同豬扒。４款既舀俾我地數量都係多，唔係求其一兩件。西檸雞係最好味，雞唔諧身，西檸既汁融入左雞，而且唔會太重檸檬酸而搶過雞既味。魚就一般般，肉質有一點霉霉，可能煮過火或者隔夜。辣子雞係都係好味，辣味有少少，岩晒我呢Ｄ唔鍾意太辣既人。豬扒就略微太咸，有Ｄ重口味。我地叫姐姐俾多飯，佢都肯俾多ＤＤ我地，所以我地食完都好飽，去到下午４點都未餓。…查看更多

星期天，去左行九龍水塘一帶，係梨木樹落山。好肚餓，去左商場搵餐廳食個ｔｅａ。結果搵左呢間君豪食軒既茶記。岩岩好２點半可以叫下午茶，同內子一人一份，我叫左星州炒米，內子叫馬來西亞咖哩牛腩麵。星州炒米，就麻麻地啦，首先唔算好熱，即係炒完擺左一陣。其次，Ｄ米粉痴埋一舊舊，即係代表炒得唔夠散，功力唔夠或ｈｅａ炒。第三，唔係條條米炒都變黃色，即係明顯求其炒兩下。至於咖哩牛腩，就牛腩數量多，唔算太肥，咖哩都唔算好辣，但呢種辣係真正馬拉既咖哩辣，呢個係有驚喜。仲有幾件薯仔，都幾得意。下午茶，大約４０蚊，星米就４２蚊，凍飲加２蚊。價錢都抵。食物質素都合格。可以值得黎嘆ｔｅａ…查看更多

今日又再出街食野，不過今日夜左，出街買野食個陣，已經差不多十點。望多兩望，見到間大家食，好似未幫襯過，不如試試原來想食飯，不過大家食好似出名係麵，所以都係叫左碗麵。我揀左個叫八聚會Ａ既麵，應該係有８種餸係入面，詳情我唔記得，另外要左手攪麵，聽講係最出名。同埋要清湯我叫左外賣，要另外加２蚊，拎到返屋企（約１０分鍾路程），都仲熱既。食落手攪麵有Ｄ似幼Ｄ既鳥冬，粗Ｄ既米線咁，都係好味既。Ｄ餸就無咩特別，有火腿，雲耳咁，都合格既。不過唔知點解，明明叫左清湯，但有Ｄ酸味，我估可能係廚師個舀，整過Ｄ醋既野？　還是清湯係有酸味？我都唔清楚了。總體黎講，都合格，$39…查看更多

N年未食過韓燒了，我都唔知咩原因。今日心血來潮想食肉，自然諗起食韓燒。呢間燒鬼，有幾個任食ｐｌａｎ俾顧客選擇。當然愈多種類，愈長時間，要飲野既，價錢自然貴Ｄ。我地係午市去的，最終揀左基本既任食ｐｌａｎ，即是一小時，不包飲品，D肉類最基本的，價錢係＄１５８一位，再收加一服務費。點解我地揀最基本，唔加任何升級，因為我地覺得反正我地都係主要食肉，基本個個ｐｌａｎ已經有齊我地想食既肉。而午市我地覺得一小時都夠食，即使俾多Ｄ時間我地，都係食多少少，唔係咁化算。不如地食快Ｄ，而唔飲野又可以食多Ｄ。呢個就係我地既策略ＸＤ侍應哥哥（我地覺得係老闆）係我地一入黎己經好詳細咁解釋有咩ｐｌａｎ同有咩野食，亦都提我地一小時大約食到５轉野食左右，俾我地參考，又提我地叫一份即是一件肉，唔係一碟肉，相當好人同細心，值得加許。而且即使我地無叫野飲，侍應們都會俾茶我地飲，太好了。之後我地點野食，呢間餐廳係用手機點，我成日覺得手機點餐係好好既科技，手機點餐，可以環保，又唔洗口同鼻拗嘈交話漏單。侍應又可以做小收單呢一項工作，專心上菜同收碟。我地點完十幾樣野食，原本都預係黎唔齊。大家都明啦，食放題，任食既野，點左既數量，款式永遠都黎唔齊，但呢一間餐廳竟然真係黎足我點既野食同數量，抵讚。肉質係屬於高質既牛肉，絕對唔對擺左好耐既肉，燒出黎滑身，口味當然十分嫩，配上白飯，一流。我以為自己去左高級既韓國菜食緊既肉。牛舌係我俾最高分，入口爽身，咬落唔黏口，亦唔會好硬。海鮮類就相對失色。唔記得講，每人會交一份刺身或海鮮，刺身無影相。送既野食就相當無肉食咁滋味了，不過，都合格既！我地食左大概５轉野食，侍應哥哥又講得好準。食完一小時，唔知係咪無新客入座，無人趕我地走，我地坐多左十分鍾，先叫埋單。…查看更多

今日突然想食泰國菜，上網搵資料下，搵到間位於大角咀既泰角菜餐廳我地下午2點左右入座，見到有得叫午市同下午茶，於是兩種餐牌都有叫到。由於我地未食午飯，因為太肚餓，所以都諗住叫多Ｄ野食先講餐廳裝修，都有心思，因為佢有３個卡位，都係用泰國既ＴｕｋＴｕｋ設計。去過泰國一定知ＴｕｋＴｕｋ係咩黎，依家去唔到旅行，望下ＴｕｋＴｕｋ個樣當自己去左泰國都好。我地共叫左以下既野食午市 海南雞配油飯　—　雞都夠嫩身，而有５件雞就數量合格。我無咩點醬，所以唔清楚醬汁好唔好味。我地叫左佢多飯，佢真係好好人咁俾多左我地。可能影得唔好，其實個球飯係好多。呢個飯都合格下午茶 雞柳炒金邊粉　—　好似係泰國食既金邊粉，有鑊氣。而份量都好多，差Ｄ食唔晒。呢個直頭滿分，諗緊個廚係咪泰國人下午茶咖哩雞蒜蓉包　—　呢一份我地想試咖哩，Ｄ咖哩都夠辣，入面都有好多件雞。而個包都好脆身，點咖哩食一流。追加小食 泰式串燒　—　＄１８蚊兩串，都算抵食，肉汁就唔算好正，都合格既。火龍果冰同柳青　—　普普通通咁，唔難飲總括黎講，係呢間食野，真係有泰國既味道，我指既除左野食，Ｄ擺設都有泰國風味。…查看更多

今日晚上唔煮飯，又再出街覓食。不過又唔想食得太飽，又想食肉，諗諗下屋企附近有間燒味飯，外賣飯盒都係２７蚊。之前成日都想試，成日都見大排長龍，一到大時大節，個個都黎呢間斬料，今日一於黎試一試。係門口企左一陣，諗緊食雙拼定單拼，諗諗下都係食單拼，食叉燒飯算，因為我鍾意食叉燒，唔想食雙拼分薄左Ｄ叉燒數量。先買飛，然後係門口等，等左約５分鍾就有。返到屋企（約十分鍾路程），仲熱既，而且有湯送，都不錯。叉燒全部都係唔肥，顏色係靚既，食落都係好味，唔係擺左好耐同諧口。Ｄ飯都算多。以２７蚊叉燒飯，絕對性價比係高。…查看更多

今日係深水埗，見到間細細間既，賣酸辣既麵店。今日突然想食下重口味既野食，所以就不如試試啦。非常之多人排隊，我排左成廿分鍾先到我叫野食。因為得一個姐姐係度，而個姐姐要負責整野食，收錢呢間通常叫餸再加麵。不過我淨係想試麵，順便試下有幾辣，所以淨係叫左川辣涼麵，無加任何餸。而叫左小辣，睇下自己頂唔頂到咁。叫完野食之後，個姐姐會入店既後面一陣，之後就拎左碗未加醬料既碗出黎，然後就係你面前，逐樣醬料配料咁加入你碗麵，然後到攪埋一齊。所以歷時最快都要５分鍾。因為岩岩排隊有４個人係我面前，所以等左咁耐就係咁解。２５蚊淨麵，都唔錯，我都食到小辣, 下次有機會再其他餸試試先…查看更多