小狗公主的個人專頁

因為媽咪嘅生日同母親節相近所以我就book咗一間自助餐去試吓小狗公主嘅預算係＄400以下而有生蠔食嘅自助餐見到OpenRice 介紹呢一間都幾好所以就book去試吓啦停車場都好闊落泊車都好方便如果唔係自己揸車佢都有穿梭巴士到達交通都好方便小狗公主Book咗海景位咁所以坐嗰個位置都近海呢一張就係我地坐嗰個位置望出去嘅風景之前openrice有食評講呢哩度嘅員工態度好差好串但係我暫時都未覺得佢哋態度有啲乜嘢問題好多都好nice 只係無咩笑容但叫佢地幫手既時候都好樂意每人都會有一杯啤酒或者果汁 係免費既開始左無幾耐就會有侍應走過來問你地飲咩咁小狗公主就開始影相俾大家睇下有啲乜嘢食啦總括來講佢嘅嘢食唔算多同埋味道都一般不過打折之後大約＄380算係有有海景睇有海鮮有生蠔食有movenpick雪糕食但係對於海鮮黎講 佢嘅味道就偏鹹生蠔就比較細隻 雖然d枱已經坐滿哂人 但拎野食都唔洗排隊小狗公主最滿意就係食野岀面有一條長廊食到飽一飽岀去行下 睇下汀九橋 好舒服同埋自助餐入面有一個兒童室 d小朋友可以入去玩食完飯又可以同小朋友去長廊嗰度行吓感受下海風如果你地想平平地又想食海鮮 味道又唔係追求高質素既 都可以去試下哩一間但如果你希望食到高質素既海景自助餐 我就唔建議啦…查看更多

睇到OpenRice 嘅介紹已經好想去食因為小狗公主係一個芝士迷佢開咗之後有一次同小狗老細經過海港城但已經冇晒位所以今日決心早啲去睇吓有冇位我哋兩個好早就去咗等位啦我哋大約六點左右就去到門口攞位佢哋嘅員工同我地講話要等40分鐘左右咁我哋就等左大約半個鐘頭到就已經有位可以入去入到去嗰度環境其實都有啲暗但經過芝士蛋糕嘅櫃檯馬上就心心眼啦首先小狗老細叫咗一杯Oreo 奶昔而我呢就叫咗芝士薯波同埋炸魷魚佢嘅份量都好大兜同埋上菜嘅時間都好快唔使你等好耐同埋嚟到啲嘢都唔係話凍冰冰都好熱辣辣嘅薯波食入口芝士味真係好濃而佢個汁酸微微咁食起上嚟好夾而炸魷魚雖然聽落去好似好普通但係佢襯白色個個係蒜香醬汁同紅色嗰個係雞尾酒醬汁兩個點起上嚟令到魷魚嘅鮮味更加香之後我哋叫咗一個意粉同埋一個pizza意粉到咗侍應會問你需唔需要加一啲芝士而侍應真係會將一舊芝士攞黎然後磨成芝士粉落落去嗰啲意粉上面令到呢個意粉更加香更重芝士味呢樣野係超贊嘅而嗰個Pizza呢BBQ味好香好濃 襯埋芝士好特別最後我最期待嘅芝士蛋糕終於到咗啦哩個蛋糕係我睇OpenRice 介紹嘅時候已經好想好想食終於佢就嚟到我嘅面前啦當初睇佢嘅Menu嘅時候其實好多好多芝士蛋糕我都好想試但係因為佢哋嘅份量實在太大而我已經食到好飽所以只可以食到一舊芝士蛋糕而呢個芝士蛋糕佢嘅Oreo 同埋芝士實在太夾啦不過食落去其實都幾甜因為佢上邊有朱古力有Oreo 同埋芝士但係如果鍾意食芝士嘅人 一定要試吓佢嘅芝士蛋糕佢嘅芝士蛋糕嘅芝士係真係同出面唔同嘅好快就已經食晒了小狗老細都對呢一間野讚不絕口而我都會再去多一次試吓其他唔同嘅嘢食如果你哋都係芝士迷既話就快啲去試吓啦不過記得要早啲去排隊如果唔係就要等好耐架啦…查看更多

成日都好想試新蒲崗一間米芝蓮介紹嘅糖水今日終於有機會去試吓啦去到環境都好乾淨 冇癡粒粒嘅感覺 好多中式糖水舖都會有d癡粒粒但佢就無 環境都好光猛中式糖水鋪來講佢嘅種類都算多你見到佢嘅餐牌上面有好多唔同種類嘅中式糖水都有 就算係好傳統嘅都會有小狗公主就叫咗一碗薑汁燉鮮奶而小狗老細就叫咗一碗腰果糊當初一食腰果糊嘅時候嗰個感覺好似食緊合桃糊咁真係唔係專家都分唔到 邊碗係合桃糊 邊碗係腰果糊聞落去都好香但食落去腰果嘅味道一啲都唔出我食嘅薑汁燉鮮奶感覺都可以但係薑汁唔係太香而啲奶都唔算太香好一般食完之後我同小狗老細都有少少失望覺得點解米之蓮介紹嘅都可以咁一般…查看更多

前排係網上有人介紹哩間煲仔飯店咁鐘意食煲仔飯既我 緊係去試下啦都幾多人 地方都有少少難搵如果搵唔到可以打電話去餐廳問下 有人教點去好多煲仔飯揀因為我地唔多人食 所以就叫左兩個飯同一個菜半隻雞等位時 我見到都好多人食哩個 所以就叫黎試下豬潤好食 唔會熟哂不過唔係好多片哩個雞好好食d汁好香 雞都好香叫左半隻 都幾多肉 唔係得d骨重頭戲煲仔飯 唔知係唔係因為鱔既關係所以d飯好多水所以我地同行既朋友就有小小失望不過哩間野岀名係飯焦王咁個飯焦係好脆既臘腸好食 哩個就好d無咁多水 所以個飯焦比上一個仲脆d d料都落得好足同好多 幾好如果大家有興趣就試下啦…查看更多

前幾年小狗公主同小狗老細已經黎食過一次好記得個陣唔知係唔係佢岩岩開我地食完野就叫我地寫意見書我仲記得我既意見係卡邦尼無咩味隔左幾年 咁岩經過就又去食下睇下有無咩改變啦上一次就食晚餐 今次就食下午餐都幾多選擇 不過免費既野飲就得四款其他就要加錢啦環境都幾乾淨 我地叫左兩杯免費野飲左手係冰紅茶 真係淨紅茶 無甜的右手係蜜桃茶 幾香包整得幾脆 但蒜蓉味就唔夠香意粉整得幾好 但蕃茄汁唔太濃 如果再入味d會仲好食薯條同包好食夠脆個蕃茄燴飯d汁好濃 仲有少少酸 幾好總括黎講係ok 既 比上次進步左希望有時間再去試晚餐啦…查看更多

每次行過都覺得佢既牛腩味好香..同埋佢既價錢都好抵食 所以小狗公主同小狗老細好鐘意黎食佢收淩晨一點 所以就算夜收工去食都唔怕有時九點十點左右既時間去都幾多人因為店內得一個姐姐同一個叔叔所以如果太多人的話 要叫野食大家就要比少少耐性啦不過地方就一定唔太乾淨嫁啦 但我覺得係可以接受既食仼何粉麵加$5就有汽水飲炸魚皮好脆$23元但如果大家食唔到咁多我哩個份量就叫$10就可以啦腐乳通菜好好味牛腩好林唔痴牙 麵好爽 湯底好香魚皮餃幾大粒 好多料包係入面 食落一d都唔會好粉米線唔會煮得好林 好好咬口希望大家都鐘意食哩間粉麵店啦…查看更多

因朋友推介哩間既雞脾同蕃茄通粉好滋味所以就一齊去試下啦唔洗排隊 但入面都幾多人 坐位都多 但坐得幾迫開始叫野食啦我地叫左兩份蕃茄通粉餐配瑞士雞脾不過就唔包餐飲如果要叫野飲佢都會有個優惠就係半價(Eg.凍檸茶$18 跟餐+$9)小狗公主就覺得有d貴⋯⋯哩度既擺設好得意我一入黎就比哩個可口可樂樽仔吸引左好得意雞脾好入味 不過我朋友個隻就無我哩隻咁入味可能太多人食整唔切掛哩個炸薯角係我最推介既佢一d都唔油 仲好脆 一定要試朋友食的蕃茄螺絲粉我地食的蕃茄通粉小狗老細最欣賞哩度既蕃茄通粉可以揀辣度同埋佢既濃湯都整得好好 蛋都炒得好滑大家都去試下啦…查看更多

小狗老細成日都好想試下哩間餃子店終於有時間去試一試入去得一個感覺係好乾淨好企理有時小狗公主好怕去一d餃子店地下唔乾淨 枱面痴笠笠既 有d 燈光仲暗暗地 不過哩一間完全無哩個感覺 好白淨無痴笠笠 仲有好大個電視睇 我地叫左煎韮菜餃同埋魚湯西洋菜餃同豆漿豆漿唔係好甜 味道岩岩好煎韮菜餃 煎得好好 仲好多汁魚湯好香 一d腥都無 連小狗老細咁怕魚既腥味都飲到西洋菜餃好香 門口有一個姐姐親手包既 包得好好 唔會散開 如果大家有時間去開深水埗就去試下啦…查看更多

同友人行過覺得幾特別就入去試下岀名滑蛋叉燒飯和滑蛋蝦仁飯我地叫左滑蛋叉燒飯 睇落分量唔大但食落都幾飽 滑蛋好味 但叉燒有d鹹值得一試下一次再去我會試埋佢既菠蘿油到時再同大家分享啦…查看更多

佢地每一日既晚餐都會有少少唔同公主最鐘意食就係佢既泡飯連熱飲都係五十元有時我會食佢既米線同樣唔錯如果茶餐廳黎講 哩間係好乾淨企理讚…查看更多

好鐘意食肉餅既我 有一次揸車經過無意發現哩間野我就同我老細講您一定要陪我黎食終於星期日約埋友人去試好彩無咩人排隊餐牌上面全部都係肉餅我真係到不得了個個都想食 終於揀左黄金肉餅佢有蒸有煎 我揀煎一坐低好快已經有湯飲 正整體所有都幾好食 如果我再去我再同大家分享…查看更多

下午茶時間先放飯既我所以成日都可食到佢既下午茶餐,佢既意粉係好有誠意的$39元有一個意粉加熱飲係有一樣唔係咁好就係通風系統比較差成日食完d衫好勁油煙味但真係值得一試…查看更多