desperatelady的個人專頁

星期四下午2點後入店，其實已經係第二次到訪，前兩個月，平日時間都會full house要等到成個鐘，殊不知今日可以直入仲有好多位。食完個lunch,就明白依一切都係有原因ga........首先打開openrice，10個有9個都影得product好靚！我都覺得上菜嗰刻好睇既，但最大問題係做食真係唔可以虛有其表…… 兩個人叫左6樣野，唔係好～～～咸好重手，就係淡到幾乎冇調過味上菜？？？好擔心廚師係咪中左covid味覺失靈後遺症。一個人均$160lunch價格嚟講，實在係唔合格！都明白cafe有既通病係，飲品同食品質素通常都要二擇其一，但係佢係兩樣都真係唔得！但個樣就真係好睇咁……好咸的蝦同分開的 蒜蓉多士…… 但係嚴格嚟講唔算係蝦多士古法卡邦尼扁意粉… 首先 講下乜嘢係古法卡邦尼，有別於我哋由細食到大嘅港式卡邦尼(白醬)。其實依款先係佢 正統做法… 蛋黃 混合 調味料 同 已煮好嘅配料 就會成為意粉醬…… 當意粉一煮好，就要mix埋一齊，醬先會做到傑傑地，如果再加芝士就會 將蛋黃嘅腥味 中和同埋會creamy啲。但今日依個意粉醬 ，相信已經落咗好多鹽…意粉又要落鹽煮，再加個好咸煙肉…一食 落口… 真係精神為之一振！ 而我相信佢係冇乜點加芝士， 所以就……得個咸字。牛油果滑蛋多士， 賣相一流 但係淡而無味………你會食得出牛油果， 滑蛋，同埋多士 ，佢地各自嘅原味！以健康角度睇係……好的，但相信大家都唔係追求健康.. 仲有成個配搭質感 都太軟啦，滑蛋又令到個包好濕，唔得呀真係！我哋另外仲有叫 個薯條， 朱古力咖啡同埋美式咖啡。個薯條表面又係極多 鹽……… 但係炸得好食嘅！ 已經覺得係最好食嗰樣嘢……杯mocha，一飲就覺得係機沖。 就係你去食自助餐嗰部咖啡機會出畀你嘅味道， 但係杯mocha個樣好靚仔㗎，即係好似開左filter咁。而個Americano我只想講…… 其實咖啡唔係好貴，點解 可以淡到呢個地步？ 其實 美式咖啡真係超級簡單， 基本上係唔會錯。 朋友話用 膠囊咖啡沖三次都仲要濃味過佢，去7仔買ucc都冇咁過份，杯野收我$38ga 大佬已經係平日下午，得三四枱客， 都係依個質素， 其實只會嚟一次… 絕對唔會再有第二次…… 咁樣真係好咩？唯一值得讚嘅係餐廳裝修，同埋食具嘅選擇…………… 簡單嚟講就係 歡迎大家打卡同食裝修…查看更多

依間幫襯過三，四次 食烤魚, 如果你以前好中意番大陸食探魚既朋友, 真係可以o係度食番內地質素。條魚幾次去食都好新鮮 , 佢次次都係整條紅紬過我地食? 我同老公都好食得辣, 又真係好入味同好辣既。如果唔食得辣, 你要同佢強調小辣係真係要小小辣, 佢地個廚對個辣度係好飄忽。但其實我更欣賞老細用料同收費係好合理，200幾蚊真係比條大海魚你。同埋遇著老細又勁熱情, 好好客, 有時送d 野食叫你試下。我試過2個人去, 又試過一班朋友去。冇話好hard sell 叫你點咩點咩,  2個人去仲叫我地叫條魚就夠啦, 你地兩個人怕你地食唔晒。上次4個人去叫左2碟牛, 其他菜小食 野飲加加埋埋都係1000有找。真心希望老細生意再爆d ! 次次去都可以直入, 但明明真係高質。…查看更多

星期六晚7點20分右打算walk in 睇下有冇位，取票後同我地講，你地等十分鐘到唔好走開，7：30 d 人冇到，就會安排俾你地。之後都arrange左，坐低等，同情況有4,5group 2人枱都係咁安排。原本都覺得服務幾好，但玩咗一陣電話， 突然發覺已八點， 咁到八點嘅時候又有八點嘅預約，但接待我地既人已唔見左變左另一個。然後就從 等10幾分鐘變到呆等一個小時，8點半唔對路就問新嗰個前枱，到底仲有幾耐？ 佢望一望個number, 同我講仲有排未有枱， 我真係呆左？ 下？又話等一等，成個鐘都過左？ 佢仲叫緊no.17 同接緊booking客，但我地同其他客個籌 係29,30………當時前枱個態度已懶得理你……真係好嬲！你full book咪full book,點解又要留一班人去等你個full book? 留左後就冇人理， 其他同我差唔多時間入去坐底等嗰啲唔知仲有冇等，不過我同劉一手reconfirm個 籌 後, 都有大聲講話仲有十幾張，唔駛食啦， 嗰陣都快8：45。一嚟自己on nine, 冇不斷同佢recheck個籌，仲要俾間餐廳浪費埋我parking時間…… 最後就快快手走去 其他餐廳 直入去食。真心冇下次！！！！ …查看更多

作為香港潮式粉麵最大競爭地區居民……由細到大都食過唔少舖頭魚蛋河墨丸米咁。一碗合格河粉，湯頭／河粉／你叫個餸………仲有辣椒油！都係缺一不可。但其實好多間永遠都差咁一樣野，d食材好食,d河又唔得，一係個湯冇味，再唔係就係辣油得個辣字但係冇內涵。咁其實係睇左apple daily知依間舖頭，見到老細咁後生又對自己食物咁自信，一直都好想幫襯。剛剛星期六下午終於有機會。同老公叫左 墨丸魚蛋河／炸魚皮／牛筋粗。依度招牌係墨魚丸，但粉麵舖邊有唔試魚蛋既道理？佢碗河真係好有水準！湯底隻味完全唔味精，魚蛋同墨演都好食，食得出唔係來貨野。另外我想講，老細你河粉真係俾得好重手…勁多…… 但質素幾好ga,條條都冇斷。最後辣椒油就合理表現，唔知係咪自己炒。我覺得唔太似下次要試佢個黑白墨丸！老公話佢個牛筋啲肉都冇？我有個理論係…魚蛋野好食通常牛肉類就唔會話勁出色。不過佢個牛筋丸咁快賣完，可能幾正掛？不過我想講講個炸魚皮，23蚊一碟，分量算合理。見個報導係講自己炸……唔知係咪因爲咁，有2,3舊都炸唔透好韌……食唔到。個味係好食的，但冇2,3塊食唔開心仲要係大塊嗰d，希望可以改良下。如果想灣仔平平地快食，一定要去幫襯下！…查看更多

2人限聚令放寬前一晚，同老公搵野食。 依間hit左好耐，好多人等， 但星期四晚可walk-in， 實在太lucky了。成間店都好colorful，一入去已full house,見有一家大細，後生既，中年飲紅酒既，咩客路都有。已經覺得佢地做得成功，成間舖頭都好熱鬧，有酒吧氣氛。我地安排坐樓上bench位，我真心欣賞佢個high Chair識轉同埋椅背加個foam好厚身，隻布好colorful, 好match佢地舖頭 又坐得舒服。(店主睇到cm可唔可以話我知去邊買，好好坐！)Table bench亦都有適當table depth, 唔會食得好辛苦。 我哋背後有一個扮汽水機嘅趟門，好有heart,整得好靚！ 同一時間可以睇到曬佢有邊啲啤酒， 佢哋基本上入曬香港城釀啲beer，成件事好local。 感受到佢哋真係用心做呢間餐廳，even個menu都做得好睇。講番正題， 老公叫左牛扒，我就叫招牌海鮮茄汁辣意粉/烏冬？我成日覺得有誠意既餐廳係要 配菜都做得好。 老公話個跟餐薯蓉好食過塊扒 食到老細搏晒命加牛油。 我就欣賞啲配菜唔係用一般常見嗰啲，係用summer squash zucchini, 細條蘿蔔仔……仲要係有seasoning過，覺得感動。 牛扒叫左medium,上到枱似medium well， 始終好多餐廳都有呢類問題， 有進步空間。我嗰個 海鮮辣茄汁意粉， 因為個menu寫烏冬我食就似pasta, 我當佢pasta咁講～ 一上枱係好吸引人，由餐具選擇到意粉擺盆，都係好睇。見到食評都知依間主打自己做意粉 ，如果你拎佢同pisi 傳統 意粉比較，係冇得比……依度做得硬身少少， 睇得出係手工麵， 個樣同食落去有台灣手工麵嘅感覺 。但我會話個汁做得好 ！惹！味！佢真係辣的，又有茄味， 伴碟佢有少少sour cream做highlight，yummm～～不過d海鮮就soso，冰鮮，比個意粉醬搶哂focus了。另外就係覺得個份量有啲少啦……… 仲有就係佢冇講明 限制用餐時間 …一食完就上單快手交枱俾下round，附近幾枱都係咁。 其實仲有大半支beer未飲完…………不完美，可接受，有 改善空間，有心的小店。希望佢地唔好步mamaday後塵…………查看更多

約左 舊同事食飯 ， book左位1845,快手入得,限90mins食飯。 其實就夠鐘都冇趕我地，幾好。Waiter哥哥好nice,後生仔班底。由於坐正門口位， 出出入入都有好多人唔 閂門，所以感覺上有d唔好。成餐飯 時不時都有陣熱風吹過， 加上佢坐位有限 係有少少逼。介意既人要諗諗。Order左2個晚餐set,一個 pumpkin resotto , 另一個係 帶子黑松露resotto。 好食既！個飯好 creamy，佢係意大利米，口感偏硬身，我就係要依d！個味都較得幾好。 但因為個set餐湯係南瓜湯，我又係食南瓜risotto所以好似變咗南瓜大餐，個湯同個飯都係同一個南瓜湯底。但其實最期待係牛油果smoothie。 睇真啲，原來係青瓜牛油果 smoothie,利申係smoothie控又係avocado控， 所以我真係失望既。 因為杯嘢我淨係飲到青瓜味，完全飲唔到牛油果味………加38蚊ga都要 唔知算係佢個味調得唔好，定係牛油果真係用得好少。 如果好鍾意青瓜，可以加依個錢的………… 至於想飲avocado就可以不了。見到個餐牌有bagel嗰啲食, 下次可以試下食tea! …查看更多

我係四月中去食，杜生出片前一日剛剛walk in食左。真係好鬼多人， 四月附近都好少人，佢就成個 逆市奇蹟 咁。當然宜家仲難入去食。自從我最愛……深水埗素年斜對面紅黑色兩個字名嗰間執左………我真係覺得唔知去邊食有誠意既串燒啦。由於我係食鍋邊素同食seafood，我立場就得依兩樣我覺得申子既粟米同鰻魚係一定要叫。好出色。年糕就不了燒飯糰都麻麻地。我係講佢地個燒法上台方式同食落口，有好多舖頭好過佢地……… 坐位係逼既，唔算舒服但有氣氛，但係個空間太細又好多人，你要吹水係要大聲叫出嚟。仲有食左個不過不失海膽炒飯， 唔好期望 食到乜嘢海膽味 鑊氣…就係一個fried rice.仲有清酒煮蜆， 應該係上臺前都會倒落去所以好大陣酒味，我…覺得不行。…查看更多

星期日朝想去Jccac行下，同老公過嚟食個brunch 先。因為前一晚好想飲coffee,上openrice search 下就見到Hands On. 佢個Location又真係幾秘密，但sundaymorning 冇咩人坐窗邊都幾正。D staff同好nice, 我見同d客吹水吹得幾開心。 我地叫左個 veggie all day Breakfast 同一個正常，喂，兩個都好好食wo. 份量都合理，如果veggie個茄汁豆俾多d就好啦。再叫左個 ice coffee 同mocha, 老公杯mocha唔錯，我嗰杯 就偏酸…我下次會try try其他。不過我見openrice有discount最後都冇discounts俾我？？我都係行遠左先發現。…查看更多

真係食到火都嚟。正日生日過嚟食飯，因為朋友話有蟹食先上嚟，見到有得食粥底火鍋，就選左個粥底。點知上到菜DLLM,龍蝦嚟既，個waiter,話，係ar廚房random 上ga, 我地控制唔到。我為左隻蟹過嚟,落單前又唔講聲？？？？？？？？ 你圖片，在場食客人人都食蟹，仲要俾我見到隔黎遲我好多嚟都係食蟹，真係好q嬲。好啦，個所謂粥底，個呀叔同我講可以有公仔麵，又有粥，但會走左南瓜芋頭，我先叫姐。點知上到嚟，水嚟既大佬？？你又講到d野要分開上，乜乜乜，我地諗會唔會個飯後上，食完個海鮮先。到我地食完問番個粥喺邊………佢話，依個咪係囉。DLLM,水嚟ga 喎......仲要好proud of 話，依d 粥水嚟………,我食左個清水邊爐真係喊出嚟…………………生日食飯一肚氣，bad list bye bye. waiter唔該加強training la,誤導哂d客，又唔講清楚，真係好騙案feel。…查看更多

咁其實係睇左alfred c嚟試的,但我個人覺得……我食開嗰幾間又好食過佢好多。碗細粥都幾大份，個味係正常，但唔鮮冇特別，料就幾足既。問題係好難接受碗粥裏面有膠袋+同蠔殼碎但唔知係魚鱗。二人食就叫左細蠔餅d蠔一d蠔味都冇，佢d蠔係落左唔少，但點先做到冇蠔味呢(黑人問號) 仲有一上枱就已經好淋出哂油，我真係好失望。大眼雞就正常野,其實係想食馬友，但8點已賣哂。最basic既野都係咁既水準，我都係去番九龍城啦 …冇下次。…查看更多

見到開飯啦有好多負評， 都係講緊員工態度同埋食物供應問題 ，但係作為一個蛋奶素人， 素食buffet選擇唔多 ，所以都係決定要自己試一試。佢有6/8點booking,咁我都係即日星期六朝先訂，都有8點位。 唔知係咪因為打大風前，餐廳人流冇傳聞中咁爆，餐廳都有7點通知我可以早d食，廢事打風走唔到。 員工其實都幾好人，我自己一個企喺外面等食肉獸同事，佢都主動過嚟問我做咩企出面，入嚟餐廳等。食物方便，我覺得得到食肉獸同事主動講一句， 「我第一次覺得食素係好食」都夠啦，幾驚佢話我帶佢嚟中伏。可能真係唔算爆，食物其實佢地有keep住refill, 我冇咩complain 。我覺得最好食係個pizza同老少平安,真係好好味。其他都正正常。同事話個 沙嗲肉串同海南雞真係好似食緊肉，覺得神奇， 本人就唔係好好啲扮肉嘅素 ，但味道都可以嘅。 然後都見到有兩種素湯，有甜品，然後又有一個好齊全嘅沙律吧 。總體嚟講， 見到有好多comment都係話佢種類唔多 但係我覺得其實都 夠一個人食得好滿意，我食左2轉都未食哂d野， 148蚊可以有咁多選擇， 你仲想點？另外想講 ，當你要走嘅時候係要自己收拾碗碟同埋分類 。我覺得處理廚餘嗰一part 有啲confuse？ 但係做法上可以接受。 雖然我好驚打開嗰個有味嘅垃圾桶其實都算係培育緊人嘅一種意識 ,例如食嘢唔好食淨咁多。 同埋 支持下啲小本經營生意啦 ，都係拎隻碟出去啫，你係大爺咪去d有service餐廳食囉。依間正, 會再嚟，良心價錢with good food。…查看更多