痴線仔嬌妻的個人專頁

有同事搬咗入深井後，佢就成日話食燒鵝，成日都聽到佢講，就連假日都會落街買外賣燒鵝瀨返屋企食，聽到我都流晒口水。深井入面D咩記都食過哂都無咩驚喜，於是就試吓同事極力推介嘅阿翁燒鵝大王，同事仲係咁提我要食$1系列，$1系列有三款任揀，包括招牌燒鵝、白切雞同乳豬，而我就係為咗燒鵝而嚟，緊係點$1燒鵝啦！另外再加咗三個餸，包括小食陳醋黑都木耳、鮑魚滑雞煲同埋XO醬蝦仁炒珊瑚蚌。最先上到嚟嘅係燒鵝，呢度嘅燒鵝唔係用碟，而係用一個玻璃兜，下面仲有柔和嘅火保暖，淨係呢一點，我以後食燒鵝都會嚟呢度食，因為有食過燒鵝嘅人都知，特別係秋冬時候，食到一半已經唔想再食D燒鵝係因為D鵝油已經凝固，食落口就好似咬緊一舊油嘅口感！而呢度因為用火嚟暖坐，我食到尾都仲係熱，D汁都仲係水狀唔係油，成個深井得呢一間會咁做！陳醋黑都木耳用嚟開胃就真係啱哂。XO醬蝦仁炒珊瑚蚌，蝦仁大大隻，珊瑚蚌又好爽！鮑魚滑雞煲D雞真係夠滑，而鮑魚亦都好大隻，呢個好抵食！食完先見到阿拉斯加長腳蟹每隻$1388，外面食一隻起碼$$16xx以上，下次一定嚟食燒鵝+長腳蟹！…查看更多

去完台灣同泰國，食咗一段時間台灣菜+泰菜就想食吓西餐，喺公司附近地一間樓上餐廳，都聽同事講咗一排，於是就同另一半嚟試吓。由於無訂位嘅原因，室內位置滿咗需要坐露天位置，好彩唔太熱之餘，露台位置仲佈置到好浪漫嘅環境。兩個人選擇咗嘅食物包括：慢煮八爪魚牛油果藜麥沙律金不換芒果香辣脆炸雞翼澳洲M5和牛板腱牛油慢煮大蒜青花椒阿根廷青醬配香草忌廉煮野菌再加咗杯開心果奶蓋烏龍茶慢煮八爪魚牛油果藜麥沙律嘅八爪魚入口嫩肉柔軟金不換芒果香辣脆炸雞翼入口不單止香脆，芒果配上金不換嘅味道令到食慾大增！香草忌廉煮野菌雖然係牛板腱嘅配菜，但份量十足，而且香草味突出，食到食唔到口。澳洲M5和牛板腱牛油慢煮大蒜青花椒阿根廷青醬三成熟，牛肉嫩滑牛味濃。開心果奶蓋烏龍茶係我飲過眾多開心果類飲品最濃開心果味，但又唔會搶咗烏龍茶嘅香味，必點！最驚喜嘅係有個靚靚職員（可能係老闆之一）嘅服務細心，而且仲好好笑容，喺香港好耐都無遇過咁好嘅服務。…查看更多

一直都好想去越南食正宗嘅越式法包，最近有朋友話鰂魚涌開咗一間由越南人開嘅越式餐廳，於是就同另一半嚟試吓。地點位置都好方便，地鐵站一出行過去舖頭都唔使5分鐘。今次點咗嘅食物包埋：越之廚小食拼盤安格斯牛小排湯河越式法包（豬肉）另外點咗杯熱情果青檸冰茶安格斯牛小排湯河先試咗個湯底，充滿牛骨味道又無味精，而牛小排剛剛熟之餘肉質仲好嫩滑，一試難忘！越之廚小食拼盤有5款小食，包括越式春卷、牛油雞翼、粉包、蝦餅同札肉。每一款都熱焫焫明顯係即叫即製，當中粉包係最明顯，外皮軟滑！越式法包（豬肉）都好出色，下次有機會嚟試就一定會試埋牛肉。小店比起連所店更加出色！…查看更多

之前睇過米線關注組介紹過，所以就專誠嚟試吓。呢度嘅米線湯底有5個選擇，底湯係雞骨湯。點咗兩個小鍋米線酸辣金湯配滷水豬軟骨、墨魚咀、麻辣糖心蛋滕椒湯配滷水豬頸肉、手工藤椒雞肉丸另外再點咗兩個小食，包括新疆雞翼、惹味脆卜卜、尖椒滑嘟嘟皮蛋酸辣金湯個湯底辣度就較低，平時食開少少辣嘅人都可以食到，酸菜味又唔會蓋過哂D辣味。墨魚嘴好有咬口，彈彈的；豬軟骨雖然肉質夠淋，但未去到我鍾意嘅啫喱軟骨狀態；但麻辣糖心蛋就超驚喜，一咬就爆咗D麻辣油出嚟。而且亦都好入味。滕椒湯又係另一個驚喜，滕椒味道好濃，而辣度就對比酸辣金湯辣少少。滷水豬頸肉嘅肉質好淋；而手工藤椒雞肉丸入面加咗脆骨，可以一試。新疆雞翼香脆得嚟又好多肉汁；惹味脆卜卜係變得好脆嘅豆卜，配上尖椒果然好惹味；尖椒滑嘟嘟皮蛋唔會有強烈嘅硫磺味，皮蛋好滑。而呢次最最最驚喜係米線，入口已經覺得好滑，咬落仲要好彈，鍾意米線嘅人真係可以嚟試吓！…查看更多

好耐無食韓國菜，突然好想食人蔘雞+醬油蟹，於是同另一半嚟咗銅鑼灣嘅韓大叔大排檔。嚟到見到餐牌有套餐就二話不說選擇咗晚市二人套餐，套餐可以選擇，前菜、醬油海鮮拼盤、炸雞、主菜、湯、甜品&飲品，好豐富😋。醬油海鮮拼盤包括有醬油蟹、醬油鮑魚、醬油三文魚，醬油鮑魚非常入味，醬油三文魚啱哂茜控人士！而傳說中嘅白飯小偷嘅醬油蟹，入口滑滑嘅口感充滿醬油味&蟹膏嘅味道，真係食到停唔到口，連蟹腳都食埋！炸雞味道選擇咗芝士&甜辣，我個人就比較鍾意甜辣醬，香脆口感配甜辣醬，真係好適合配啤酒。主菜選擇咗明洞燒汁牛肉粉絲，係我近期食過最好味嘅炒粉絲，食落唔會好油之餘仲好香燒汁味。湯就一定係選擇人蔘雞湯，貫徹人蔘雞湯一向都係化骨，煲到D雞骨化咗，蔘味濃郁！每一碟份量都好大，如果三個人嚟食都可以選擇二人餐，真係好抵食！…查看更多

公司有一個超級鍾意食牛舌嘅同事極力推介要嚟Gyu Lab燒肉實驗室食呢度嘅牛舌，所以就嚟試一試。店外裝飾好似日本居酒屋，趟門打開感覺走入咗居酒屋，唔使飛都可以去到日本。食物類別雖然唔多，但勝在貴精不貴多嘅情況更加可以突顯對食物嘅專注，今次點咗兩款食物，包括：鐵板牛小排配牛舌尖配意粉；咖哩三重牛舌配飯，加埋$28升級套餐有薯條、湯及飲品。鐵板牛小排配牛舌尖配意粉再配埋黑椒汁，黑椒汁淋上熱焫焫嘅鐵板，小排及牛舌嘅香味撲鼻而來！另外每條意粉都掛滿香濃嘅茄醬，好味到整份意粉都清哂。咖哩三重牛舌配飯，開最初以為係三重縣嘅牛舌，原來係三重口感嘅牛舌，包捨牛舌芯、牛舌尖及牛舌筋。牛舌芯是牛舌中最柔嫩的部分，肉質細膩、軟滑，入口有種即化感覺。牛舌尖肉質相對較瘦，口感略為緊實，但食落都好有牛味。牛舌筋相對筋膜較多，但食落係爽口感覺。鍾意牛舌嘅人真係唔可以錯過！…查看更多

之前在駱駝漆大廈搵食時發現呢間鮮活之味，所以就放咗喺要食嘅清單之內，終於抽到時間嚟食，一定要試吓呢度嘅招牌湯底—蝦湯。今次點選擇嘅食物包括：火焰牛板腱拉麵極尚濃蝦湯拉麵吉列炸蠔南蠻炸雞配碎蛋沙律極尚濃蝦湯拉麵到嘅時候即時試咗啖湯先，入口完全充滿蝦味，媲美食緊一隻隻蝦嘅感覺。完全飲到停唔到口。火焰牛板腱拉麵嘅牛板腱薄切，燒咗嘅牛板腱添加咗一份焦香味。吉列炸蠔香脆唔會過火南蠻炸雞配碎蛋沙律雞肉都嫩滑有肉汁愛蝦之人真係唔可以錯過。…查看更多

喺美麗華做Facial前突然好想食德國咸豬手，於是就叫另一半搵定餐廳等我做完Facial就一齊去食，於是另一半就揀咗B&B Oyster Steakhouse。今次我哋嚟嘅目的係德國咸豬手，所以Set Dunner就揀咗咸豬手，另外再點咗一個水牛芝士蕃茄薄餅。套餐就會跟一個餐包、餐湯、主菜同飲品。喺上主菜之前，餐廳除咗有個駐場歌手之外，牆上面亦掛咗好多畫，原本餐廳前身係一個藝術畫廊，而家將藝術嘅氣息延續，仲會定期同唔同嘅藝術家合作有唔同嘅畫，真係每次嚟都可以有唔同嘅畫欣賞，增添藝術氣息。講返食物，水牛芝士蕃茄薄餅濃濃嘅芝士味，而餅身夠哂香脆，食到停唔到口。德國咸豬手外脆內軟，外皮每一啖都好彈之餘仲好黏口，感覺滿佈骨膠原。食緊嘅其間發現呢間餐廳好多熟客訂枱，相信係職員服務、食物質素吸引到唔少嘅回頭客人。…查看更多

日本有新店進駐希慎，就專登過去朝聖，排完隊行完就好肚餓，於是就揀咗我喜愛嘅生蠔Cooley Oyster，職員安排咗Bar枱位置，原來Bar枱位置仲可以有全單9折。呢度可以選擇淨主菜或者加錢轉套餐，今次選擇咗嘅食物包括：紐西蘭野生大蜆扁意粉香煎頂級紐西蘭肉眼排（Medium）升級套餐有湯、生蠔（自選其中一個項目）生蠔選擇咗Cooley Gold 36 months & 45 months餐湯係蘑菇濃湯，好香蘑菇味。Cooley Gold 36 &45 months口感相約，但45mths海水味較濃，啱哂我口味。紐西蘭野生大蜆扁意粉嘅大蜆鮮甜，而意粉配咗Basil，再加咗些少辣椒，越食越惹味。香煎頂級紐西蘭肉眼排五成熟，肉質鮮嫩多汁，而配菜薯角都好出色。成餐飯都好出色，藉得再食。…查看更多

一向都鍾意喺駱駝漆搵美食，目標就係試哂咁多間餐廳，今次就揀咗慢煮屋，呢度就主打慢煮和牛。慢煮嘅美食亦係我鍾意嘅烹調方法。選擇咗兩個定食套餐，包括：極上M8和牛併薄燒牛舌真鵝肝汁燒澳洲和牛牛頸脊蕎麥冷麵真鵝肝汁燒澳洲和牛牛頸脊蕎麥冷麵上嘅鵝肝煎到外脆內嫩，入口鵝肝味道遍布整個口腔，回味無窮，而和牛頸脊亦好有牛味。極上M8和牛併薄燒牛舌上嘅和牛好嫩滑，而牛舌薄薄一片充滿牛香。而每一個定食都會配上一隻溫泉蛋&生果，溫泉蛋伴飯更加令到每口飯、每口蕎麥麵嘅味道都提升！小店大驚喜！…查看更多

自從2月去完北京後，一直都好想再食片皮鴨，於是就嚟咗玉桃軒。2個人選擇咗三餸一湯，包括：片皮鴨自選組合（除咗片皮鴨外，另外再選擇咗黃金炸蝦球）紅燒北菇豆腐煲原盅姬松茸燉螺頭湯片皮鴨直接看師傅將鴨肉被切成薄片每片大小厚薄適中，而皮層金黃酥脆帶有光澤，顯然是經過精心烤製，酥脆嫩滑的鴨肉，切成薄片再搭配甜麵醬、青瓜、蔥絲和薄餅一起食，好滿足。黃金炸大蝦球賣相非常出色，金黃色的外皮均勻且色澤鮮亮，蝦球大小一致，顯得製作用心。酥脆的外層和內部鮮嫩的蝦肉令人一看就很有食慾。蝦肉保持了鮮嫩爽口，而咸蛋黃分佈平均，每一啖都可以有咸蛋黃嘅香味。紅燒北菇豆腐煲放在砂鍋中保持溫度，砂鍋內嘅北菇呈深褐色，吸收了醬汁後顯得油潤飽滿。而豆腐切成大塊，表面呈金黃色，吸收了湯汁後每一啖非常入味。食到尾聲都仲係熱焫焫。原盅姬松茸燉螺頭經過長時間慢火燉煮呈現出琥珀色，清澈中帶有微微的油光，令到食材的精華完全釋放到湯中。配料看到姬松茸、螺頭、雞件，姬松茸本身帶有濃郁的菇香，與螺頭的海鮮鮮味相輔相成，一口氣飲咗三碗。呢一餐真係大滿足。…查看更多

籌備台北行程時突然滷肉飯癮起，於是就喺佐敦搵搵邊度有滷肉飯，咁啱搵到台北人就喺做嘢嘅附近。入到店內職員就遞上餐牌，發現呢度原來有$188清酒放題，而且餐牌亦有好多可以佐酒嘅小食，不過今次有揸車所以就留返下次再試。嚟到台北人當然係為咗滷肉飯，二話不說就點咗呢度嘅招牌菜，包括：-牛舌滷肉飯-麻辣鴨血寬粉-炸花枝丸-牛腱-黑輪-醬燒牛仔骨牛舌滷肉飯果然係呢度嘅招牌菜，未食就已經好香滷肉飯嘅味道。麻辣鴨血寬粉花椒嘅麻好香，麻而不會過辣，而鴨血亦好水嫩。炸花枝丸即炸熱辣辣牛腱真係必食，入口即化而且好入味。黑輪煙煙韌靭口感幾特別。醬燒牛仔骨味道亦都唔錯。…查看更多

汝州街平日的店舖一般是在晚上六時就收舖，唯獨是數年，簡直就像漆黑中的螢火蟲一樣明亮，雖然不再繁華的街道上，但是識貨之人總會找得上。今次選擇了的食物包裝：素年經典不可能芝士漢堡配薯條瘋狂維他命C西柚香橙配牛油果沙律日式三文魚漬擔擔醬撈菠菜蒟蒻麵定食炸魷魚圈配自家秘製香甜辣醬飲品就點咗：蘋果山楂康仙洛神花茶京都宇治玄米茶日式三文魚漬擔擔醬撈菠菜蒟蒻麵定食仿三文魚嘅口感真係好似三文魚刺身嘅口感，仲要配埋wasabi。另外其他配料有黑豆、醃製嘅酸蘿、福袋、茄子同蕃石榴。瘋狂維他命C西柚香橙配牛油果沙律嘅西柚&橙都好甜，牛油果又唔會過熟，少少咬口。素年經典不可能芝士漢堡配薯條唔講以為真係食緊牛肉漢堡，麵包仲要係麥包，鍾意食漢堡嘅人必試。炸魷魚圈配自家秘製香甜辣醬食落真係完全唔似素魷魚，不論咬口同食落嘅口感，100%一樣，配上素年自家秘製嘅甜辣醬，真係食到停唔到口！蘋果山楂康仙洛神花茶一邊食一邊飲呢個花茶，可以更加開胃。…查看更多

食得外國菜式多，係時候撚返本地小炒，早排新年時同事屋企食團年飯就撚咗嚟楚撚記，佢話叫咗9碟餸，9款都好好味，於是我就同另一半嚟試吓。今次因為得兩個人，所以試嘅嘢唔多，點咗三個餸+一個粥，包括：鳳尾蝦多士秘製香辣水煮花甲脆皮炸大腸蚝豉菜乾豬骨粥鳳尾蝦多士 - 一碟6件，件件都香脆，蝦亦都爽口彈牙。秘製香辣水煮花甲 - 基本上100%還原水煮嘅配料，只係主角換咗花甲，辣度啱哂我口味，配料仲要有吸味嘅豆卜、粉絲、白蘿蔔，仲有大豆芽菜，絕對啱哂鍾意食辣嘅人士！脆皮炸大腸 - 豬腸炸到脆卜卜，而每一件豬腸都配有一舊煎過嘅菠蘿，食落酸酸甜甜。蚝豉菜乾豬骨粥 - 配料十足，蚝豉大大隻，豬肉其喺係用咗排骨，啖啖肉。每一碟都好出色，唔怪之得無訂位嘅人要喺門口排隊！所以嚟之前記得一定要訂位先呀！食完仲要有甜品送之外，仲要唔收加一，同事果然無介紹錯！…查看更多

最近Plan緊日本行程，搵緊日本餐廳嘅時候就突然好想食日本料理，於是就嚟咗饗和民本格串燒·旬鮮料理，見呢度有串燒又有鍋物，而呢度嘅套餐就有哂呢兩樣我想食嘅嘢！套餐揀咗饗歡聚二人餐，套餐包括：凱撒沙律極味意式薄切鮭魚壽喜燒鍋(小)串燒盛合(5串)火鍋用追加烏冬雨滴餅(黃豆粉&黑蜜)x2另外再加咗饗和民沙律飲品除咗本身跟餐嘅飲品外，另外再點咗兩杯Mocktail-芒果盛宴&熔岩流Mocktail 嘅芒果盛宴濃濃嘅芒果味，配有支芒果味嘅雪糕，好味到嘢食未到都飲咗一大半。另一杯熔岩流好香士多啤梨味。凱撒沙律&饗和民沙律嘅沙律菜都好新鮮極味意式薄切鮭魚用咗特製醬料&檸檬，將三文魚嘅鮮味提升。壽喜燒鍋嘅牛肉好嫩，烏冬配埋壽喜燒嘅湯汁，好好味。串燒盛合有5款食物，包括燒五花腩串、燒牛肉金菇串、燒牛肉韭菜香蔥串、燒煙肉同燒粟米。串燒各有特式。甜品係雨滴餅，配上黃豆粉&糖漿，好好味。…查看更多