leo71211的個人專頁

去到門口約20：15，完全冇職員帶位，行入去想搵個職員都無，結果門口等多5-10分鐘，見唔對路就入去再睇下，淨係見到一個員工，咁只好自己搵位坐低。一坐低個職員就講5分鐘後20：30就last order，本身唔知佢咁早收，但一心想食就照坐低落單，但佢個落單系統乜介紹都冇，實體menu又冇，完全唔知食乜好。以前有menu都會介紹下咩係文字燒、御好燒，又有詳細材料資料，而家電話落單咩都無。好都算了，只好快快手求其揀左兩款食物落單先，跟住想再叫野飲(時間係20：29左右)，個系統已經唔比我下單話職員出左單。之後又左等右等搵到男仔職員嚟問，好似叫Francis。佢態度超惡劣，而且極度唔客氣，劈頭第一句就話佢20：30已經出左單，你飲品係之後入，但我好肯定我係落完食物之後已經即刻入飲品， 但個系統不停load唔畀我落單， 同返個職員反映，佢仲要隊張單埋黎證明自己啱哂我地錯曬咁，最後即刻決定唔食走人。整體黎講，未用餐前嘅體驗已經非常之差， 成間餐廳得一個職員，仲要態度超級惡劣，下次一定唔會再幫襯!…查看更多

今日同啲同事一齊食下午茶，我哋一行六人，叫左兩個卡邦尼意粉，3個牛肉麵，一個黑松露飯，本來啲野食都幾好食，但嚟咗兩個意粉一個麵之後，其他個啲野食等到食完都未嚟，問個女侍應有冇漏單，佢成部機隊埋嚟比我睇，佢個樣等於答我都廢事，仲要全程黑面冇乜反應，講野又細細聲，但唯一冇咁唔滿意既係，佢同其他侍應一視同仁，無論對乜野客都一樣全部黑面!!!咁既服務態度，仲要收我加一，我真係唔想比囉…希望老細會搵啲有番啲水準啲人啦…查看更多

今朝返到公司等一時間9:45叫個早餐蕃茄濃湯麵加杯凍啡, 點知....等....寂寞到夜深等到10:48個外賣先到, 成粒鐘我都冇所謂啦, 但係我一打開個袋 啲麵同湯係分開....不過啲湯唔知搞乜成袋都係, 杯凍啡變左暖啡, 仲送多兩包糖比我本來跟個牛油方包就變左咖啡牛油方包....唉....本來等得耐我都預左, 但啲野食凍哂, 啲汁又一袋都係, 睇到都唔開胃最後一次叫呢間外賣!PS:最好笑係我比錢個外賣呀叔, 佢問返我要找幾多......…查看更多

係搵野食既途中,睇到呢間唔係咁起眼既車仔麵鋪.諗住有新野同個fd入去試下啦..個老闆又好親切介紹個招牌鴛鴦車仔撈麵,唯有試下啦- -"點知原來係細細個食過野車仔撈麵..半個粗麵半個幼麵合拼出獨特既口感，加埋芽菜一齊食仲正!其實好似仲有其他好野食....不過食完個麵就飽啦= ="下次再去食過啦= ="…查看更多