cherry1027的個人專頁

難得今日去馬鞍山行街，咁啱路過見到有兩餸飯賣～好奇心下，睇下有咩餸食～～見到舖面都好乾淨，食物方面都好多選擇～～分別叫咗2個3餸飯同一盒6件既豬肉生煎包外賣返屋企～～3餸飯既份量剛剛好～西檸雞同黑醋排骨比想像中無咁酸，味道剛好～粟米魚柳：炸皮薄，魚肉厚實，粟米汁略嫌少咗啲🤣整體都唔錯～佢哋菜式仲有好海鮮類選擇，係坊間比較少見～希望可以繼續都有🫶🏻豬肉生煎包：可能我令返屋企需時，所以包入面既湯汁就少咗，豬肉餡唔太肥，味道偏溫和，唯一可以改善既係個包底可以再薄返少少就好啦～～期待下次再幫襯😁…查看更多

同朋友慶祝去食遲來既生日飯，雖然唔係任飮任食，但一定要黎試試li一間台式火鍋～～～火鍋湯頭夠足料，我哋點咗鴛鴦湯底打邊爐🍲落料前一定要飲一飲😋🔸美人鍋湯料有豐富膠原蛋白既桃膠，半隻滋陰補虛既烏雞，仲有其他材料肴制而成，對女仕們非常適用❤️🔹麻辣湯底（小/中/大）我哋雖然唔係辣妹子，但都點咗半邊小辣🌶嚐一嚐🤯,最正既莫過於個湯底有包埋滑溜既鴨血同蜂巢豆腐，將湯既精華都吸收哂，少少麻，少少辣，正❣️👍🏻火鍋配料都好新鮮✔️我哋最推薦有：🔅炸午餐肉🔅炸響鈴新鮮即炸，就咁食都已經好好味🤤🔅餃子拼盤（1盤6款，每款2粒）每一款都皮薄料多，十分彈牙✔️🔅酒香白肉就算放落麻辣湯底燙熟，仍然無損它的酒香，肉質十分爽口，因爲薄切所以好快食得👍🏻🔅榴槤雪糕(驚喜位❤️）每一枱都會有雪糕贈送，但今次食li個唔同一般個d，li款榴連香味十足，個雪糕仲成個高爾夫球添，真係令喜愛食榴連既朋友起大満足❤️…查看更多

返工咁耐從來未試過搭錯巴士返屋企，而咁傻仔既事居然係今日發生🤦🏻‍♀️幸好搭錯個架巴士係出尖咀，如果唔係我真係😭😭😭不過傻人有傻福🤣，咁啱諗起自己一直想試既白桃沙冰就係附近，於是我就行去睇下自己會唔會連中兩次做傻仔🙈慶幸唔洗做傻仔咋，仲趕得切白桃季尾前一嚐滋味❤一入到店裏，其實地方好細，不過見到小店仲有得賣，立即先叫番杯降降溫，然後再繼續留意店家既用心裝潢～～～雖然地方小，但無阻店家對飲品及刨冰既細心製作～～～店主見我相機食先，仲好好心咁幫我執好d位置俾我影💕🙇🏻‍♀️桃控既朋友真心要試試li杯沙冰👍🏻桃香味十足之餘，冰粒唔會太大，最值得莫過於係沙冰上有半個新鮮香甜既白桃俾你食，等同你食咗成個白桃落肚😂真係值回票價❤…查看更多

一直知道荃灣西有好多美食，於是帶兩位美女重遊舊地一下，咁啱行到荃新天地，見兩位美女有d腳累於是就坐低一入商場就見到既餐廳坐底食野！我哋分別叫咗3個Set～～①▪️煙三文魚，橙沙律配蒜香多士個沙律大致同隨餐就有既田園沙律大同小異，沙律醬汁亦一樣，只是份量大d，同多了煙三魚&橙在上面，因為沙律菜本身偏苦澀反而特顯了橙肉既甜，另外煙三魚肉質夠肥美配上沙律醬汁，食完都唔會覺得太膩口！②▫️娘惹叻沙🌟Li個真心覺得好足料👍🏻連我唔多食有椰汁既人都覺得如果li碗叻沙無咗佢，就等於無咗個靈魂咁，鮮蝦新鮮彈牙，魚蛋魚片頭就不過不失，米線份量多，3個人開心share都可以平份食到兩碗左右，最重要個叻沙醬唔算太辣，又夠惹味，對於唔食得好辣既人，真係好啱食👍🏻😋③▪️鮮蝦雜菌扁意粉配柏士圖忌廉汁對於佢哋將傳統既柏士圖醬改良之後完全係一個驚喜，首先冇好重既草青味，反而是淡淡既甜椒味，醬汁沾滿每條扁意粉 ，配上鮮蝦一齊食味道出奇地夾，不過雜菌就唔算多，最多就係紅甜椒😂其實食完主菜都有飽飽哋，不過難得同兩位美女一齊食lunch,點都要叫一個甜點黎畫上悠閒下午既句號～～～④▫️法式香蕉酥配蘇格蘭奶油汁外表似閃電型既酥餅，夾上微甜既吉士醬和香蕉片，面頭淋上蘇格蘭奶油醬，比預期中清爽，連兩位少吃甜點都讃不絶口，唯一缺點只能講係酥餅可以整得再鬆脆d～～～…查看更多

ʜᴀᴘᴘʏ sᴜɴᴅᴀʏ 就當然同朋友仔去搵下美食啦～～～行開見到li間日本丼餐廳已經好想試，但又怕減肥中既朋友唔ok😫幸好佢話OK咋～～😂因為我哋見到li款飯做緊優惠，材料又多，於是就叫咗一碗～～～佢比平時既丼份量多d，刺生有：磯燒鮑魚；三文魚子；碎呑拿魚蓉；帶子；紅鱆魚；大甜蝦；仲有一款少見既魚刺身，總供8款刺身，每一款都很新鮮，特別係三文魚子，咬破後係淡淡咸甜既味道，撈飯食一流👍🏻鲍魚爽口彈牙，飯既份量亦比起其他丼多1/3，如果男士們食應該啱啱好😌另外我哋叫咗一個熱食既海鲜丼，刺身包括（三文魚，帆立貝，左口魚邊，玻璃蝦）其中以三文魚&左口魚邊既油脂比較多，經過火炙之後更能釋出更多油脂香，加上丼上有一個半熟蛋在上面，3種同時進食，極為美味🤤🤤🤤…查看更多

至從樓下一田超市開咗之後，成日都覺得自己心入面既天使👼🏼與魔鬼😈多咗出現～～～天使會同你講，雖然開咗，但應買得買呀😌，而魔鬼最鍾意講個句當然係買啦買啦，唔買就無架啦😈而今日好明顯係魔鬼打勝仗😂因為早起既關係，諗住去超市掃貨，點知比陣陣麵包香吸引咗🙊聽聞佢哋有款限量熊本熊冬甩麵包發售，問咗店員話今日暫停唔賣，what?!我第一次想幫襯，居然同熊本熊冬甩無緣😢so sad!!!但始終未食過佢哋既包～於是一次買咗4款口味既包包同媽媽開心share～～～4款口味分別係：⚫️熊本抹茶米燒🥉HKD$13對於抹茶控既各位，佢唔算茶味好出既一款包，但可以整到外表看似小型法包，其實麵包質地好軟唔會好乾硬既口感,如果加少許牛油就更加正👍🏻 ⚪️日式竹輪包😓HKD$15Li款應該係4款之中比較失望既一款口味，um...焗烤過既竹輪比較乾身，雖然麵包夠Q軟，但竹輪太乾的關係，令成個包變得失色了😩 🔴松葉蟹棒芝士包🥈HKD$12Li個完全係一個驚喜，外表看似平凡，因為蟹棒放在包裏面既，蟹棒既肉質依舊保持鮮味，而且佢本身有既鹹味同麵包上既芝士好夾，我同媽媽都覺得好好食🙌🏻👍🏻 🔵特濃朱古力軟心餃子♥️💯HKD$12我。。。我終於搵到繼我當年整大判燒覺得好食既朱古力吉士之後，已經N年無食過好味既朱古力吉士啦～～～麵包Q軟再加上濃而不溜既朱古力吉士，我既少女心又回來啦😍…查看更多

夏天就是要好好享受吃雪糕既時候,Dalloyau 最新夏日系列3種口味會分別在8月，9月，10月3間Dalloyau 分店分別輪流觸目登場～～～而我今日有幸食到8月只有在Sogo分店先食到既蜜桃芒果雪糕🍦🍑雪糕質感介乎於雪糕和雪萉之間入口即溶，兩款水果味道都很突出但好夾，先來香桃既香甜味，回味係芒果既微甜，再加上雪糕筒既窩夫筒十分鬆脆，絲毫都唔覺得有被雪糕既溶化而受影響👍🏻除了雪糕佢哋仲有發售蛋糕&咖啡，下一次可以再試試其他甜點❤…查看更多

時日因為要拎野俾好友於是就係佢工作附近食飯～～～因為我同好友都太肚餓啦～😫所以我哋叫咗2個set dinner 再+一客小食～🌟黑松露炸薯條💯黑松露配炸薯條愈來愈多地方都有得食，但好味既真係唔多，而li間既薯條可以直接跳到我心目中top 3 💖~~~原因好簡單，就係佢哋肯用心整，佢哋不論黑松露沙律醬甚至連炸到好脆既薯條上加了黑松露碎+巴馬臣芝士碎都係下重料，而且價錢相宜，真係好味加好抵食👍🏻👍🏻👍🏻 Set Dinner （跟餐包括1碗餐湯，1碟沙律及1杯餐飲）餐飲可以用半價轉特飲，我同朋友就分別轉了Very Berry Smoothie 同Rose Latte~~係炎熱天氣底下飲一杯酸甜比例適中既飲品，簡直透心涼呀～～～🌟慢煮三文魚扒配薯蓉雜菜三文魚經過慢煮之後，依然保持魚既水份肉質亦不會因此變得粗糙～～薯蓉夠幼滑，入口即溶，配上自製茄汁，三重享受，對於食得重口味既foodie，可能會需要加一點調味來增加口味～～～但我同好友就覺得一切剛剛好❤❤🌟原隻軟殼蟹墨汁意大利飯店家用原隻軟殼蟹拎去炸，炸漿唔太厚，軟殼蟹炸得剛剛好，炸得外脆內軟之餘，以一口軟殻蟹配上煮得煙韌適中既意大利飯兩者互補不足，而墨汁始終要配海鮮先最好味😘本來想再order甜點，不過實在太full啦～～所以下次再試其他美食啦～～BTW最初遠睇li間舖以為真係花店🌸😂之後望真d先知係餐廳～～～我心諗朋友應該會喜歡li間餐廳～～～店員安排咗門口一入既二人位置俾我哋，雖然有d焗，但絶對係一個呃like 影相位👍🏻📸最開心莫過於食飯無限時，所以我同好友渡過咗一個喪影既晚上～～～…查看更多

早午餐時間到啦～～～我終於有機會去li間Cafe 朝聖下～～～同身為foodie ge 朋友一齊食野，就係大家互相可以share好多好多美食😂😂講返個三文治先，麵包夠鬆軟，魚排炸得夠乾身之餘內在依舊保持濕潤，加上新鮮蕃茄+椰菜絲令炸魚排既油膩減低，最突出係加上wasabi mayo,令整個三文治更清爽亦唔會太搶味～～～當然三文治又點會少咗薯條陪伴呢？薯條外脆內軟～～nice!! 食brunch又點少得食Egg benedict呢？佢哋li個水煮蛋做到流心之餘，用脆卜卜既煙肉將蛋黃X荷蘭醬 X kale 醬一齊食的話～～會將煙肉的油脂減低外，更多了一層清新既味道（我想主要是kale既作用😂）👍🏻👍🏻👍🏻 食完正餐當然要上甜品😍黎到一定要試佢哋既招牌～雪糕三文治～每個星期都會有唔同口味～～～包保有一款實啱你口味～～～😋🌟蕃石榴味雪糕配芒果醬就肉眼睇已經有熱帶風情既感覺😂因為酸甜既蕃石榴雪糕加上芒果醬令人有清新止渴既感覺，食完都唔覺得好甜想飲水咁👍🏻👍🏻👍🏻🌟芒果味雪糕配椰汁紫糯米本來覺得芒果味雪糕好普通～～～點知佢哋將平凡既芒果雪糕變成不平凡既芒果糯米飯味道～～～真係食完都想飛轉泰國食芒果糯米飯呀😂其實我本身好想試佢哋ge signature ~~Rainbow Latte~~ 但原來只有灣仔個間先有～～～唯有下一次再去試啦😩😩😩 …查看更多

原來一田超市𥚃面，有好多美食可以即時用八達通付款，就可以係佢哋小型foodcourt享用美食～同好友決定來一個teatime~⭐️意式火腿野菌薄餅（左）👍🏻⭐️沙樂美腸薄餅（右）pizza餅底鬆軟，就算翻焗亦唔覺得好乾身，我哋試咗兩款口味，都一致認為意式火腿野菌薄餅比較好食，菇味夠突出，火腿片鹹香適中，成個食完示唔覺得口渴👍🏻沙樂美腸就略為油少少，另一驚喜係居然有血橙汁選擇，適飲一定係揀佢啦👍🏻👍🏻 …查看更多

同好友們從青澀時期到現在，定期都會聚埋一齊食飯把酒談心～我哋今次選擇咗「Chiba」做我哋嘅聚會地點～～因為我們當中有朋友係食素既，所以點了⭐️凱撒沙律自己shake shake 沙律，幾過癮！⭐️芝士薯條薯條用美式風格煮法，先蒸後焗既處理，唔會太油，最特別係佢個醬，平時多數係拉絲既芝士，而li度就係芝士味既醬汁，別有一番風味！⭐️黑松露醬什菌扁意粉整體味道的確唔錯，但炒得略為乾身咗少少，相反變成素食朋友專享美食另外，我哋仲點咗肉類～⭐️德國咸豬手其實我有d失望架，因為咸豬手既皮唔夠脆，肉質係好味既，但唔容易切開，切到手累，配菜方面OK既，不過有d驚訝佢哋係配美式coleslaw,而唔係配德國酸菜，如果係另上既可能會更好～～🌟黑松露、煙火腿、芝士多士見好多人大推li款係必食，我哋都order咗黎食，果然不負眾望，竹炭吐司夠脆口，黑松露同兩款芝士二合為一，拉絲之餘仲有陣陣黑松露香味，正正子！連我哋食素個位好友都忍唔住要試食一件～～😂把酒談心，個重點當然係酒啦～佢哋酒精選擇都幾多下～～我哋4個人分別order各1枝，之後過咗晩上9點半後，啤酒買1送1，十分抵飲，最開心係happy Friday,食飯唔洗限時食飯，爽！…查看更多

不經不覺又到了我又愛又恨既4月，點解？因為我家兩位白羊媽&白羊妹到係同月生日呀嘛～～為了滿足一個想食生果的媽同一個不愛食太多cream 的妹，我諗咗好耐，最終選擇了彩虹蛋糕～～我知我好膚淺🙈都有擔心過好睇唔好食，點知切蛋糕個陣好有驚喜，因為佢哋每一層既海綿蛋糕都唔同色，最重要d生果都夠多，平均分佈每一層，我哋分別食到有蜜桃、士多啤梨、芒果、奇異果，生果既甜，同唔太甜既忌廉一切食好夾，個海棉蛋糕都夠鬆軟，整體而言感覺食落無咁罪惡～～…查看更多

為咗想食好味既雪糕可以去到幾盡？同好友D來回幾個商場之後最終比我哋遇上 @afunig ,又玩得又獨特既意大利雪糕店～～ |。雙球雪糕。|HKd$52 +$3 Cone⭐️覆盆子 （上）⭐️玫瑰紅茶 （下）覆盆子屬雪葩口味，入口已酸酸甜甜勁清涼既感覺，仲可以食到粒粒覆盆子籽～～相反玫瑰紅茶更像把覆盆子的酸甜味帶走了，留下淡淡玫瑰花香味道，十分清新～～朋友D Order 既杯裝兩球雪糕HKd$52⭐️椰子灰（上）⭐️洋甘菊桂花烏龍(下）會選擇li 1間食雪糕最大一個原因主要就係我哋比li兩款口味吸引過黎～～～😍椰子灰既味道唔算好重椰子味，但我個人可以接受的～～對桂花烏龍我同朋友都讚不絕口，因為真係同飲真既無分別～～而且好清新既口味～～👍🏻👍🏻👍🏻⭐️開心果我哋之後又有朋友join我哋，見到d雪糕都忍不住叫咗一杯食，我哋食到好濃郁烘烤過既開心果味道呀，勁正呀！！佢哋最出名其實係綠茶～～有機會我哋都要再試一試！！…查看更多

放大假最開心既事就係不斷吃喝玩樂～～時日行街日，路過li間好有文青feel 既果昔店,佢哋改d果昔名個個都好特別～果昔主要使用奶類，乳酪&蔬果，保証天然無添加，我同朋友分別叫咗「最美麗的意外」（右）同「野孩子的天空」（左）我個杯「最美麗的意外」是由紅菜頭、甘筍，蘋果同牛奶攪拌而成，味道偏清甜味，仲可以補血抗氧化添；而朋友的「野孩子的天空」則由藍莓、香蕉、青檸、椰奶，牛奶同乳酪攪拌而成，朋友話飮落有d酸酸甜甜既滋味～～店家每日都有買一送一既優惠，口味款式每日不同，唔洗次次都飲台式飲品～又健康又好味既果昔，值得一試！！…查看更多

終於有時間寫返食評啦～～😂話說同靚女👱🏻‍♀️同事A之前約咗好耐既飯局終於成事～～因為得兩個人，所以諗住叫個二人晚餐share食～我同靚女同事都不約而同地選擇不同沙律作為頭盤✌🏻，之後到選擇主菜既時候我哋好掙札呀😂因為我哋又想抵d 3選2，可以食多d～～但我哋又想試下20安士西冷牛扒既質素喎，最後食肉獸勝出😈咁啱見到+$18可以多4條2款口味既腸～於是我哋就order以上食物，然後我就加錢轉特飲，而靚女同事就叫手工啤飲～～頭盤：⭐️凱薩沙律醬汁沒有過份既鹹，麵包夠脆口，中規中矩。⭐️蘋果沙律沙律醬雖然用得唔多，但使用咗兩款蘋果令人食落十分清爽，非常好啱我口味！😂⭐️豬肉腸&雞肉腸各2條兩款腸都唔算太重口味，配上醬汁味道會更好味！主菜：香草燒西冷牛扒（20安士）✨✨✨我哋order 5成熟，佢哋亦的確做到～～我唔需要太用力就好易咁切開塊牛扒～～佢哋既調味適中，就咁食都已經帶出牛扒既鮮味～～（坦白講我人生第一次食20安士咋🙈，令人有一試即上瘾既感覺）重點佢兩個配菜，薯蓉&牛油粟米粒都好好味👅👅食完勁想問佢有無得refill ar😂飲品方面就唔太記得叫咩名～～不過特飮個杯好似係招牌，重點係有我喜歡既蝶豆花❤靚女同事叫既手工啤👍🏻👍🏻因為我哋book 晚上6點食，所以我哋由兩三枱坐到全舖滿坐，都不足2小時，所以請大家先book位比較好👍🏻👍🏻…查看更多