athenabri的個人專頁

$680 +10% omakase 話限時 60min.... 2pm 落場 趕客。。。booking 1230pm, 有名疑似廚師話我地坐左 20min 都唔落單，話一般留枱15min, 要我地 1.30pm 還枱。。。又話有人book 左 130pm ....但其實根本冇客。。。態度惡劣。。。我覺得俾得起 $680 ㅡ 個 lunch 可能有更好選擇 ？ …查看更多

第一次去， 地方簡潔，阿姐有禮。星期五晚7pm 後 好多人黎。 坐滿 。 叫左 錦繡雲吞 $90內， 有成 10隻8 隻。 一窩老火湯 只係 $76， 羅漢齊炒面趣卜卜， 一流， 必點。 最後綠豆布丁又係必點。 3 個人埋單$600。 抵呀…查看更多

之前經過見到有時晚上會有live band, 都知一定係貴野先會咁。 見餐牌晚上堅係貴。 咁就試一次lunch. lunch set 本身 $158 , 朋友叫左個意粉正正常常都可以， 我就加 $200 叫左碟 西班牙紅蝦意粉， 諗返都覺得自己傻, 加$200其實可以叫多個lunch set. 總之係唔值得加咁貴食隻蝦。。囉 普通食返$158 lunch set 有前菜，主菜，甜品，飲品。。。其實已經貴過中環食個lunch. 總括以言， 試一次可以， 再食要諗諗， 因為室內坐位其實唔好坐，室外ok 但天熱就大鑊…查看更多

Me and my gf visited the restaurant on a weekday ard 4ish, we basically the only one table there til 7pm. some ppl do come after work i assuem. the environment is chill and relax, best for chit chat and chill out. we ordered margarita, which is too salty , but good alcohol. also ordered some food, churros, Guacamole and Chips  and Nachos. do recommend if you need a quiet place to just chill ~ …查看更多

問過大圍街坊, 上網search, 都係介紹呢間, 於是去試下. 當日好彩唔洗排隊, 傳說呢到 日日人龍 . 見到好多檯都叫咖哩, 但我又想食dessert, 所以直接叫左甜先, 諗住食完甜先再叫咸. 樓面只有一位女士, 可能佢戴住口罩, 冇表情, 唔講野, 好易令人覺得佢唔想招待你 .  叫左一個梨窩夫, 整體食物味道一般, 冇咩特別, 打卡影相扮文青好好, 但打完以後唔洗黎. …查看更多

平日6PM去到, 未有客人, 當時都驚間野係咪唔好食. 點知入去坐底30分鐘內就滿座了, 仲要聽到好多係熟客黎. 證明好野 ! 一心係黎食蠔, 有各式各樣揀, 有平有貴, 我都2個人叫左6大細法國蠔.  唔係食家, 唔係要求咩口感, 純粹好耐冇食, 止心癮、止口痕. 食到好新鮮, 有海水味, 而且甜甜地, 總之食完冇肚痛就係正野啦 !  後悔 其實可以叫多6隻 ~份牛排勝在有2個size揀, 女士細細食, 份量岩岩好 ~ 不過熱石會煮得好耐, 一不留神就會overcook , 要專心食野唔好掛住傾計.  小店就係講人情, 個姐姐一人做哂樓面, 但好細心, 服務好好 ~ …查看更多

一直知道印度菜既素食好多款式, 好多變化. 雖然平時都有食開印度菜, 但一定唔會揀素食, 通常都叫雞叫羊. 心血來潮, 又咁岩openrice介紹, 一於去試下. 6pm 去到已經有幾pair人等緊. 入坐十零分鍾已經坐滿! 利害~ 好多印度人/ 老外, 本地人唔多. 建議大家叫南印度套餐/ 北印度套餐/ 活蘭特色套餐個D, 一次過可以試個口味, 經濟又實惠 ! 記得加薄餅, 跟餐薄餅唔夠2人份, 不過有飯. 下次我想試下其他小食 ~ #原來素食無naan  …查看更多

所謂白布拉面, 其實只係gimmick , 一大塊皮代替一條條面. 口味選擇唔多, 但湯底唔錯. 奈何食塊布係有D麻煩既....好難夾 塊布同真正烏冬口感差太遠, 用"白布烏冬" 唔太合適 打下卡都可以, 要排隊就唔好了 …查看更多

上網sesrch "銅鑼灣型格cafe" , 搵到呢間野， 見相好靚， 黎試下。 但好後悔…………因為1. 我1.45pm 到達， 餐廳職員話， “你book 左 兩點，請係出面等等”……ok ……你有人walk in 排緊隊 ， 我明 …………2. 等到2pm ， 一坐底， 見到水吧入面幾個人都係唔戴口罩………佢地有口罩……但全部人都係拉落下爬. 唔緊要既………顧客入場要 探熱 ， 入到去食野都係除口罩…………咁水吧職員都除口罩 ……好合理呀……我明 3. lunch set $138 ……包starter & main………唔包飲品…………明喎！ 想客人加幾十蚊叫杯咖啡……明既4. 我地 2 人分別叫左 一份炒牛三文治 and carbonara 烏冬 。 塊包明明烘底但竟然係凍既……化學作用……明既……天氣凍呀ma … 而個烏冬就淡囉…………不過我朋友出名重口味……明既 5. overall 服務都係個d 一班懶型既型男……講野好細聲……一班長腿美女，化行個妝, 唔笑既……cool既 ……明既就明啦總之…………唔會有下次 ……唔建議……完…查看更多

之前睇到一位Indian KOL 介紹, 所以去試下. 總結係 一般般...可以有其他更好既選擇. - 我地點左3碟咖哩, 竟然黎左4碟...........重點係當時得我地2個客, 都可以出錯, 當時感覺係想屈我地俾多D錢. 咁當然佢最後都係要取消個order. - 埋單一時 冇諗起用openrice 訂有9折, 佢都冇計到9折. 其實有部份餐廳都係咁, 唔識自己跟進優惠, 好老套 總結係食物唔太出色, 反而有伏味, 小心! …查看更多

已經係第二次黎, 就係因為第一次食完覺得太正, 所以叫埋屋企人再黎 黎呢到一定要叫 chef 煮既壽喜燒. 佢地有2間店, 我就通常黎分店呢間, 因為2次都係肥仔師父, 好專業, 又細心 ! highly recommend 大家 加 碟牛舌 , 好正 ! 分店有位男待應, 又係好細心有禮貌. 日本師父煮得好味 , 加埋有質數既服務, 貴一貴都好值! 個人認為午餐唔太貴, 物超所值! …查看更多

選擇海賀, 係因為佢地既10周年特價套餐 $680, 實在吸引 . 可惜, 以後一定唔會再去! 我地大約6pm 已經入場, 當時餐廳未有任何客人, 我們是第一pair 客人, 待應竟然安排我地坐鉄板燒位, 但係唔係正中對正chef位, 而係最則邊位, 即情係門口位. 坐左十分鐘, 我見都無客, 便要求換位. 開頭想換窗邊維港view, 待應話full booking. (但我已經成個月前book...) 咁我話換去鉄板燒正前面得唔得? 待應先免為其難俾我地換. 一開始已經感受到 服務 好一般.......然後我地就叫左2個 $680 餐 再加左半板海膽 $480 ...........老實講, 食材的確好新鮮, 見到隻鮑魚仲郁郁下, 食落口都好鮮味. 海膽都好甜, 一D都唔腥. 可惜服務真係唔太出色, 收成千蚊一位.....服務似係一般普通餐廳, 絕對唔似曾經擁有米芝蓮.- 食物上桌冇介紹- 新一道菜上之前又唔收走上一道 - 待應影相技巧係零 - menu 上甜品寫左係 桃雪芭, 點知原來改左 咩 白酒浸提子芝士.....我6PM 就到....唔會係賣哂吧......一開始好唔講講返整體個menu唔驚喜, 樣樣野食只係用新鮮食材, 絕對唔會嘩嘩聲, 唔會好想食多次, 冇層次, 唔特別. 俾得呢個價, 可以有更多更好既選擇. 即係海膽好食唔能夠代表chef 既廚藝. …查看更多

自從知道曾記有出潮州月餅， 就年年記住黎買。有綠豆蓉，芋泥，烏豆沙，三個味。今年已經開始有得賣了。 急不及待， 即刻去買。 曾記潮州月餅勝在新鮮出爐， 有別一般廣東月餅一盒盒咁，唔知做起幾耐。 去到曾記， 佢地仲係一盤盤熱辣辣，好特別！…查看更多

屯門咖喱屋屹立屯門應該有廿年以上, 細細個已經見間舖係到. 老闆應該真係印度人, 不過已經識講一口流利廣東話。屯門食野餐廳其實都多選擇, 但講到印度咖喱, 佢真係唯一選擇, 有時想食但又唔想出九龍, 屯門咖喱屋就最方便。味道正宗, 價格相宜 ! 不妨多去幾次~ …查看更多

以前有食開灣仔總店, 黎到西營盤返工都成日去食, $99一個lunch set 又平又抵食. 最近疫情影響, 唔知點解反而仲多人過以前, 試過外賣等左30分鐘. 今日諗住打電話叫定外賣, 之後先行去, 慳返多少少時間. 聽電話位女店員竟然扮聽唔明廣東話, 同我講 "English please!" 但明明我就見過 + 聽過佢同廚房個名中國藉男子用廣東話交流. 然後我都係冇落 order, 直接去左間鋪食. 當時2名員工都冇戴好個口罩, 佢地係張個口罩拉落下巴. 咁既時勢, 佢地仲可以咁既態度, 果然利害..........…查看更多