W.YYING的個人專頁

唔知由幾時開始，屯門嘅韓式餐廳就愈黎愈少。見到呢間韓國菜係Vcity新開，又被IG Foodie 推薦，就係下午茶時間黎試一試。烤牛肉傳統蒸飯 $68從來冇食過韓式蒸飯，多數都只係食開石鍋飯，亦都唔知道蒸飯真實嘅味道應該係點。嚟到賣相唔錯，蒸飯配上韓式小菜、湯、醬汁。但湯飲落口完全唔知道係咩味，只係得鹹味，你話佢似海帶湯又唔太似，昆布湯都唔似，感覺似醬油湯😓。有炒牛肉鋪面，下層就有南瓜、豆角、薯仔。蒸飯配上醬汁比你隨個人喜好加落個飯度，本身炒牛肉都帶有麻油味幾香，整體不過不失，冇乜特別。個人真係第一次食韓式蒸飯，亦都唔知道傳統嘅做法應該係點。個飯食落口第一個感覺係，好濕，軟飯。自己喜歡食粒粒分明嘅飯，加入咗醬汁之後，蒸飯只會變得更濕，食到底層已經似係食韓式粥🫠。呢個蒸飯同幻想中，軟熟口感有唔同。如果鍾意食乾爽軟熟嘅飯，咁你就要留意，可能選擇其他餐點會更適合你。…查看更多

不吃不可呢間車仔麵真係由細食到大，由以前露天位去到而家搬咗舖，衛生有改變，位置都坐得舒服啲。雞翼牛腩河，配沙嗲汁同牛腩汁。河粉同牛腩嘅份量都唔算少，牛腩都有約六七小舊，亦都帶有少量牛筋，雞翼食落都入味。另外，牛腩汁同咖喱汁都偏濃，適合重口味嘅人士。餐廳依家有全日特餐、早餐、午餐、配熱飲提供。新墟一帶食車仔麵真係食佢。…查看更多

📍Tonkichi走高級日本餐廳路線，銅鑼灣分店嘅裝修比其他分店，顯得更為高級。入到去地方十分闊落，估唔到六點幾嘅時間，都已經有唔少人用餐。落咗單之後，店員會每人送一碗炒左嘅白芝麻，由自己磨碎白芝麻，按個人喜好再加上桌上三款特製醬汁。定食仲包左漬物、麵豉湯、水果，仲有無限追加嘅白飯同椰菜絲。吉列深海大蝦豬扒定食 $338炸到金黃色的吉列豬扒外脆肉嫩，豬扒咬落絕不乾柴，吉列外衣唔會皮肉分離，食得出係即叫即炸。大蝦有3大隻，蝦肉肉質厚實彈牙，非常爽口。沾少少沙律醬調味，可以豐富到個味道。即使唔點醬汁，單純咁食都食到蝦嘅鮮甜。整體用餐感覺良好，地方乾淨，職員都非常友善。餐前送上焙茶，餐後送上玄米茶。同時，亦都會解釋有助餐後消化解膩。整體會令人想再訪👍🏻…查看更多

📍西貢都有唔少Cafe ，但係呢一間係會令我念念不忘。已經係第二次到訪，嚟到西貢就真係會諗起佢哋嘅南瓜海鮮濃湯。小店木系嘅設計，陽光灑入去，令人有溫暖嘅感覺，食完佢哋嘅出品的確係飽。店如其名 — 溫 飽南瓜海鮮濃湯配香烤酸種麵包 $148海鮮湯飲落非常濃郁 ，飲落有濃濃嘅蝦味，同時飲到南瓜蓉嘅香甜，蝦味同南瓜取得好好嘅平衡。亦都有配搭上酸忌廉 ，飲完原本嘅味道，可以撈勻落個湯到，減低整體膩感。自家制酸種麵包沾上濃湯，酸種的麵包吸滿了濃湯，食落大大滿足感。麵包酸味頗突出，外殼烤得硬脆，內面依然帶有半軟身。呢個配搭食完之後，飽腹感滿分！大啡菇牛油果Bagel $88有大啡菇、半隻牛油果、自家醃製洋蔥、蕃茄、沙律菜、堅果碎。大啡菇咬落多汁，牛油果軟滑。洋蔥、蕃茄減低牛油果油膩感。但食落比較論盡，好難一次過食晒咁多種配料。…查看更多

📍一幻拉麵間唔中都會做下唔同特價優惠，之前有做過餃子任食。今次係海老牛乳蝦湯拉麵，買一送一優惠。另外一碗可以揀招牌蝦湯都得。🦐海老牛乳蝦湯拉麵 $138個人就揀左幼麵，覺得掛湯感高啲。幼麵食落都彈牙爽口，份量都唔少。蝦湯湯底加入左牛乳，蝦湯蝦味濃稠感有比牛乳沖淡。但口感更creamy，令到成個湯更滑。配菜有香煎大蝦、雞叉燒、南瓜蓉、芝士脆片、日本水菜。芝士片浸咗落蝦湯後，蝦湯嘅蝦味同芝士片嘅芝士融合，食落幾特別。…查看更多

📍度小月位於海港城，預左價錢定價不低。兩個人叫左一碗滷肉飯、擔仔麵、古早三杯雞煲。食完之後，試過一次就夠。度小月滷肉飯 $38起初都冇期望份量會多，但呢個份量未免太少，細食嘅女士應該會食得飽掛。滷肉份量勉強足以撈成碗白飯，滷肉係偏瘦嘅肉碎，只有醬油味道，水準偏低。度小月擔仔麵 $38擔仔麵有芽菜、少量滷肉、蒜泥、一隻蝦，麵嘅份量兩啖食完。古早三杯雞煲 $118賣相唔錯，有紅黃椒配色。雞肉份量都唔少，但每舊骨都多過肉。食落冇酒味，如果冇九層塔，食落似醬油雞。…查看更多

📍屯門工廠區以前都仲有一兩間cafe，到宜家細數好似真係得返Kaffee Jen。由佢地開業到宜家都再訪好多次，因為鍾意佢靜靜地、簡潔嘅感覺。店舖位置唔太多，平日下午時間黎到會比較小人，星期六日去就要等下位喇。🥯Honey Ham n Cheese with Honey Mustard /Bagel $88Bagel 都係由佢地親自製造，所以每次去可能有唔同口味嘅bagel ，你都可以選擇牛角包。同埋有配上新鮮嘅沙律菜、有青瓜片、番茄仔，食落好清爽。…查看更多

📍蘇山雞飯一向都好出名，下午茶時間黎到，都要排隊等一陣。娘惹咖喱炸雞配白飯 $58黎到就好吸引，炸雞即叫即炸，外皮酥脆，切開內裏多汁。配上椰香味十足嘅咖喱，另外有一塊蝦片、炸魚仔、雞蛋、花生、娘惹醬伴上。因為個人唔鍾意食椰醬飯，所以轉左做白飯。…查看更多

去食大排檔，必定係想食鑊氣嘢，啤啤佢。但今次黎到萬發得兩個人，唯有少有少食，咁就試下佢必食之選！黑椒薯仔牛柳粒 薯仔炸到外脆內軟，內面依然仲有薯仔嘅軟糯感。牛柳粒份量都唔少，大大粒食，落有焦香嘅味道。薯仔同牛柳粒，基本上每一粒都沾滿蜜香。開頭都擔心兩個人食唔曬，食食吓已經食晒成碟。啫啫通菜煲通菜煲上到嚟熱辣辣，香味十足！用左蒜蓉、肉碎、蝦米、指天椒一齊炒。值得一讚嘅係，調味唔會過咸，亦都唔會過多油去炒。…查看更多

📍大坑大熱美式曲奇店，入到舖頭已經見到唔同種類嘅曲奇餅，櫥櫃同時亦都有冬甩可以選擇，每一個都好吸引。Pistachio bombolone $ 65Pistachio bombolone 用左滿滿嘅開心果碎鋪滿表面，麵團咬落鬆軟帶有空氣感，拎上手偏油。內面餡料有滿滿嘅開心果餡料，好澎湃。濃厚嘅cream，帶有開心果味。但開心果愛好者，認為開心果味可以更濃。Tiramisu bombolone $45Tiramisu口味面上鋪滿可可粉，配上mascarpone同手指餅，配上咖啡味內餡，咖啡味可以更濃，食落去較為普通。Brookie $40 呢個食完真係大推！Brownie+Cookie，咬落第一啖已經過有濃濃嘅朱古力味。頂層有曲奇嘅脆口感，下層有Brownie嘅鬆軟。Brownie 入邊仲有朱古力帶半流心凝固嘅感覺。食完之後，罪惡感滿分，忍唔住想食晒成個，超級無敵好食！個人覺得曲奇比冬甩更為出色，雖然細細舊價錢偏貴，但絕對值得！…查看更多

被稱為去大坑必食嘅茶檔，環境的確好有香港茶檔風味。綠色鐵皮屋嘅設計，摺檯同埋膠凳。唔少人因為有機會撞到明星而去打卡。放假嚟到大坑，決定試一試到底好唔好食。豬扒麵 $28 凍奶茶 $20豬扒有重黑椒汁味，食落豬扒都鬆軟。但係整體味道普通，同屋邨茶記味道接近，如果要專去到嚟港島食佢，會有啲失望。戶外露天茶檔，嚟到真係打個卡食個香港風味。如果要大排長龍，我會寧願食吓大坑附近其他美食。…查看更多

平時食拉麵，都只會諗起湯拉麵同沾麵。經過見到，呢間餐廳裝修簡潔，同唔少人推介，所以決定入去試一試。餐牌拌麵種類唔係好多，有六款唔同種類嘅配搭。另外，有雞白湯拉麵可以選擇。拌麵採用先伴麵後伴飯，桌上有食用有食用方法，教食客享用。先享用原來已調配嘅味道，後加上黑胡椒，再加上香醋。最後，食完拌麵後再向店員取白飯享用。鹽味拌麵 $89拌麵配有豬腩、蔥花、紫菜碎、水菜、竹筍、唐辛子絲、生蒜、魚粉及小麥麵。食落唔單止有生蒜同埋蔥花帶來嘅香辣，麵內配上嘅辣肉醬食落有稍微嘅麻辣感覺。食到中段會感到油膩感，但係按指示加落香醋，反而令味道提升。醋嘅酸味增添咗香味同埋解膩。最後，拌上白飯好似平時食湯拉麵，畫上嘅句子。開頭以為食完會唔夠飽，但係起身就發現十分之飽肚。接近夏天嘅時間，亦都可以避免咗食湯拉麵咁熱，又可以試吓新口味。…查看更多

深水埗呢間牛舌之前已經係人氣小店，接近一年前食過一次，果陣都要排接近1個鐘嘅隊，食完都覺得可以再試。今次過左晚餐peak hour黎食，雖然唔使排隊，但都接近滿座。餐廳座位唔多，舖頭都安排收納凳可以將個人物品放喺凳入邊。今次叫咗安格斯牛板腱配牛舌尖，另外升級套餐一,套餐包括湯 、沙律、汽水、飯會將白飯升級 為滿溢牛舌筋溫泉蛋丼。 餐湯係用洋蔥，牛肉熬成嘅湯，飲落都有洋蔥嘅鮮甜。升級咗嘅牛舌根飯，肉量十足，都要夾咗出嚟先食到。牛舌根食落偏甜，帶有酒味，第一啖食落似台灣滷肉。細食嘅建議揀普通套餐，粒粒嘅牛舌根，大添咗飽腹感。鐵板嚟到熱辣辣，香氣十足。鐵板底部用洋蔥鋪滿，然後再放上所選嘅肉類。除咗為肉類增添咗洋蔥香味，亦都可以避免係食用期間牛肉過熟。安格斯牛板腱相對較為靭，但勝在牛味亦都夠濃。相反，牛舌尖爽口，油膩感比牛板腱低。食到尾段覺得油膩，可以食套餐提供嘅子薑同味噌辣椒。味噌辣椒味道偏辣，加少少已經可以令到肉類惹味。整體喜歡食牛舌嘅可以一試。…查看更多

新北江一直都有一行食肆林立嘅小巷。食早餐我多數會揀麵膳，因為早餐抵食大份，食完一份可以飽到晏晝都唔使食。舖頭大細比較窄，大部份時間我都係揀外賣，可以慢慢嘆。餐牌上面，早餐都有幾款唔同嘅配搭，可以俾你揀。同樣，下午茶、午市同晚餐嘅選擇都十分之多。醒晨套餐 $40跟餐凍飲 加 $2吉列魚柳 配 太陽蛋/腸仔 通粉魚柳外面酥脆內軟，唔會炸得過熟入面乾晒。魚柳嘅大細仲大過一個手掌，對比起連鎖早餐嘅炸魚柳大一倍有多。通粉可以自己選擇其他麵食，湯底係濃雞湯，食過咁多次質素都保持到，偶爾會淡啲。食過北江其他嘅早餐，價錢同味道對比之下都會揀返麵膳。…查看更多

冇魚肉味嘅燒賣🥲林記燒賣被燒賣關注組大推，個人口味覺得唔合格。燒賣每粒大小不一，睇得出係人手製作。燒賣的確吃落十分煙韌彈牙，咬開半透明，但魚肉味道唔突出，相反魚肉調味濃，加上豉油辣椒油之後過鹹。豉油就正正常常，辣椒油香辣。食完之後有失望，期望係香魚肉味道。但價錢十分相宜，8蚊有5粒。…查看更多