木交月昜的個人專頁

超地茶記style，兩塊大豬肉份量大，的確豬扒炸得香又鬆脆係signature，但豬味濃所以未必個個啱食。我無問有無得轉撈丁，唔轉真係唔夠High... 同埋門口已經無得坐，全室內。…查看更多

Menu上新疆菜四川菜廣東小炒都有，上次一大班人過嚟食lunch，每碟都好大碟亦差唔多試勻所有招牌 ，最難忘係「金沙琵琶豆腐」！今次兩個人過嚟食晚飯，坐卡位，食客似街坊為主唔嘈，好想encore 金沙琵琶豆腐但真係太大碟（我記得有八！大！件！）一大班人先可以叫。家常便飯叫咗三樣。欖菜肉碎… 未必係要豆角嘅，呢度竟然配秋葵！意想不到的秋葵表面的毛毛掛得住欖菜味，連埋炒肉碎一齊食一定香口。一碟足料的陳醋咕嚕肉係應該係咁的，無用三色椒撐場。除咗份量，喺外面食咕嚕肉有另外一個經常遇到嘅問題係太多肥肉，而今次surprisingly 係全瘦肉，我明肥肉咬落較軟身但咕嚕肉真係三秒就吸曬醬同油，一咬就成口油，所以我偏向欣賞呢碟瘦肉版！如要肥肉我相信可以request... 前菜海蜇頭，涼拌麻油蔥粒，海蜇夠厚超自然彈，唔會錯。老闆娘免費送上一個佢自己整嘅酸奶甜品，香濃奶味無添加yougurt，佢話單係發酵已經要一日，有心做飲食。下次至補金沙琵琶豆腐相…查看更多

亂入食晚餐，餐廳夠大無訂台都唔使等。想食片皮鴨不過要全隻叫，今晚人少所以唯有放棄，眼見燒得靚仲會翻燒熱先上台，相信值得試。素鵝名不虛傳係signature之一，皮夠薄夠脆，份量仲幾大下。小籠包不過不失，個摺位做得夠軟（係指標來的），合格以上松子魚無敵地可以叫半條，啱曬小人枱，足料無呃人，皮脆啖啖肉配酸汁好開胃…前菜麻油山藥，基本上唔會錯，唔需多講。黑醋骨又點會唔啱食？食物質素一般standard啦，座位都舒服，最啱屋企人食飯。…查看更多

Weekday lunch 唔使排隊，加上而家有得上網make reservation，唔使排隊的前題終於去試。呢個天氣坐户外位置唔錯，日本蛋香味無得呃，室外都依然聞到濃濃蛋香就知真日本蛋嚟的。空氣感都可以，所以三塊會飽，但因為咁所以無咁細綿，再白啲就係boomerang唔到... 圍邊位會更覺唔細滑，不過老實講呢啲只係揾位形容下，唔太扣分，整體中上。之前旅行食過但覺一般，可能喺日本太多選擇你條脷會麻煩啲，喺香港選擇少加上需要comfort cake 時，呢度是我會encore的！…查看更多

Lunch都係第一次幫襯唔好peak hour去，多數滿座ref 一點九到大台唔使等石頭飯有雞牛豬揀，我相信你要轉素食石頭飯佢都會做到，靈活度高最開頭個飯好"lim" 有啲失望，不過之後發現因為個石頭超熱，飯好快乾身，所以好快有好多飯焦好正，多過煲仔飯… 驚牙軟要快撈不停撈（其實可以問佢拎個碗嘅）味道就一般撈韓式小辣醬咁囉，無乜特別。朋友叫咗個海鮮拉麵，唔係公仔麵係真拉麵，粗身但個樣唔吸引，無問佢好無食但我見佢有食剩所以可以試其他！…查看更多

去親Frites 唔會唔叫Mussels 吧？鮮甜大隻無沙 ，再加幾款煮法俾你揀，白酒是長青又穩陣嘅選擇。Seafood Risotto 偏西方煮法，味道唔差但一溜就好難推薦，反而後街個樣平凡到無影相果個spaghetti aglio e olio 跑贏，蒜加parsley谷個香味，少辣令味覺起身，好襯個Mussels！…查看更多

望住師傅係廚房即削麵有平民片皮鴨嘅效果！麻辣零辣但好香，亦因為原先湯底太淡所以必須要麻辣加味！手削麵較厚身所以一定比較QQ，牙力要用多啲，所以再快飽啲…… 是滿意的。麻辣雞翼配豬肚，即滷水雞翼top with 麻辣醬，雞翼滷得入味，軟到無牙婆都食到，建議solo bet 一碟！豬肚無怪豬味夠爽同掛得起辣汁，ok金錢肚同魚腐正常，我無野講口水雞份量比一般多，但最多果份叫「麵」，細食記得叫小麵……… …查看更多

喺門口見到餐牌標榜無味精同價錢都friendly入咗去試上菜速度超快，午餐仲包菜包例湯好豐富，可惜唔知係咪只有部份食物「無味精」，飲個湯已經口乾，再食完個豬軟骨直頭要跑去買哪o野飲...其實豬軟骨軟硬度煮得唔錯，如果改下調味就可以改變世界了。…查看更多

五點半左右到，剩返抹茶味，店員話六點芝士同原味會出爐所以我就排隊等，排第五。最後6點15分出爐，限售12個！蛋糕好軟熟又夠滑，淡淡蛋香，當然主角係中間薄薄嘅果層芝士，帶啲咸味但唔溜。我買呢件係全條，厚切可切七至八塊。一返到屋企已經無咗半條，因為大家都好清楚新鮮係另一層次。排我前面之前買過街坊提我只可放 1-2日，要盡快食。好食但當然未至日本神級水準，價錢公道，下次遇到唔使排隊會再買。btw 無遇到之前留言提到嘅串咀店員。…查看更多

以前返番學年代日日同班friend 係kfc食早餐，一定食呢個雞扒包。分開包一層層嚟食嘅朋友會知，佢面有芝士底有沙律醬，無一層淨乾包咁dry。中間炸雞扒並非下午或夜晚會serve 的，曾經岀過雙層雞包至有用過。不是太脆但夠juicy，唔可以話好好食，但加埋回憶就合格了。當單買一杯奶茶都$14.5時，呢個包餐只係$22都難免要食返個… …查看更多

行過見到佢落貨，心諗乜東區有咩？上openrice 揾原來西灣河開咗！非地鋪所以地方大，冷氣亦夠大所以啲味算散得快，食咗三個鐘個頭唔算大味到要跑返屋企洗頭。座位私密度高，好多卡位，全餐飯未有聽到隔離兩公婆嘅對話。眼見小家庭客為主所以唔需要擔心會過嘈 (我自己好怕嘈)食物好多都可以叫半份，打邊爐食物最緊要新鮮、足料同湯底，呢間有齊，唔逐碟介紹因為香港人打邊爐多過過海，一定比我更專業。湯底雙拼，酸菜白肉有埋粉仲可以免費要多份，唔使單叫白肉同粉麵。中麻辣算friendly 亦唔油，湯內有鴨或豬紅，冰豆腐。水蓮餃：一聽睇個名就知夠特別，半份四隻大餃，香港化咗多菜少肉，超多水蓮令餃子爽口，水蓮唔重味爽身度有少少似荀，豬肉都係瘦肉為主，唔會令滑底變油！我會下次叫成份水蓮餃！同想外賣單餃…鮑魚：大隻夠厚，加上彈牙無縮水，加上可以逐隻叫，叫咗一定round 再加都唔怕。炸豆皮：響鈴 d friend，比響鈴厚身，所以要六秒，咬落更實在話曬每層都厚身好多，成舊索曬啲辣湯好正。山藥！！！我第一次打邊爐食日本山藥，好好食呀！雖然佢唔索辣，但外表夠黏所以痴到少少辣湯，唔好煮太耐，會變粉。阿姐臨走醒咗句，想大冷氣要訂近門口位，最散味咁話！收到！…查看更多

四川撈叫oh my cow 實在令人無法忘記… 有好多餸揀，而阿姐亦超有心介紹。叫咗雞絲，海蜇，雞腎撈水晶粉皮，大辣。揀完餸就即刻撈俾你。雞絲夠嫩夠多；海蜇係主角，超爽同大塊到好似午餐肉咁闊，同辣味亦超夾，少少一撈已經掛曬辣汁！雞腎呢，就麻麻，不如叫兩份海蜇啦！一樣係唔係太夠辣，不過阿姐勁好人肯之後幫我地加辣。…查看更多

臨收工買咗個外賣阿姐勁好人pack 到刨冰山咁高再硬pack 咗佢。只淨雞腎，豬耳，雞絲同腐竹，要了前三餸。雞腎同豬耳都夠爽夠入味，雞絲就唔夠淋同太大舊，阿姐仲醒咗塊腩肉俾我，好淋唔肥下次值得佔一餸，而一大碗只售$25 ！！！正常辣唔夠辣，辣精要提阿姐加加加大辣。…查看更多

一落超市就聞到勁香，行過去仲有買二送一offer 平均$12就一個，咁唔可以唔買啦！菠蘿牛角包可以話係打響名堂之件作，本地口味菠蘿面比較厚身但好脆令包咬落更脆，看似不夾但味道竟比原味更有驚喜，少少甜同牛角包的牛油咸香好夾！我諗夾埋厚牛油入去會更高分。(食咗一半先記得要影)原味對都正，夠香又鬆又靚。可惜我懶叻返屋企再焗熱食，點知令個包淋曬，原來唔可以翻熱的，要留意！仲買咗個Caramel custard bun，普通包底兼太甜了，唔啱食，都係focus 返牛角包啦！佢哋仲有好多款！…查看更多

只要你有喺北角炮台山返過工或者住附近，你就會知道有少少裝修同食物有質素的酒樓選擇少之又少。開場白是提你要預早訂台，呢個畫面是八點半第二輪晚餐之全院滿滿滿。裝修後食過幾次，但上幾次都係食午市點心，今次終於試到晚餐。有煲呢度啲相都一定見過呢隻性感脆皮南乳雞（半隻）皮薄又夠脆，視覺上已經贏曬！肉嫩兼啖啖肉，真半隻雞非常足料，而且價錢仲好吸引。我們食唔曬打包第二日煎返都仲保持水準。青瓜海哲唔使多講，海哲夠彈夠粗就是王道吧？乳豬！阿姐問我們要乳豬拼定淨乳豬，識叫當然係叫「淨」！只係百幾蚊所以我本身預例牌只有八至十塊，點知… 咁樣…就算咁夜先去乳豬皮仍超脆唔油，肉身微暖應該有幫我們加熱先上碟，我鍾意佢唔會太咸，就算淨食都無問題。金銀蛋津白，其實自由任你叫，酒樓嘅好處就係咁，你想金銀蛋通菜都得 hahahaha 一坐就坐到人地打烊，證明係好坐嘅！…查看更多