lykii的個人專頁

之前有食過呢間晚餐幾次都好好食原來佢搬咗新鋪 又原來佢有下午茶食一向不太好食西式下午茶的我 就好中意呢款日式！喜歡佢居酒屋裝修 又有半塌塌米座位 不過今次我無坐其實睇到menu都諗會唔會食得晒 餐本身都包有酒精飲品 都幾抵！先嚟一碟比較似小食冷盤嘅 好中意佢個香葱吞拿魚腩鍋巴 第一次食個魚蓉咁特別 撈咗醃蘿蔔 令到整體口感同味道更加豐富！蟹肉飛魚子沙律看似普通 但我反而好中意係咁食 好fresh!!唐揚雞柳外脆肉多汁！黑豚肉腸又係好食蟹肉餅係日式果種 好中意佢上面配搭條青椒仔其實食咸食已經飽到不得了 甜品仲咁多款咁大兜 真係食唔晒大推椰汁南瓜白玉子 之前食晚飯已經好喜歡生果都係唔錯嘅存在 可以解膩其他甜品都好和風！總結 唔想成日食西式下午茶 可以試呢個 又好食又夠飽 中意嘅仲可以揀啤酒飲 性格比高！…查看更多

約親朋友去西九, 都會想番黎食之前已經試過晚餐, 都係好好食, 見今次又食下午茶, 睇下同之前有咩分別好彩習慣食飯book枱, 去到見到大排長龍估唔到初三都有咁多人同我一樣出黎食tea今次都係食下午茶, 甜品無變到, 咸食就變唔少可能因為新年關係, 有鮑魚食, 雖然唔係大大隻果種但都有D過節氣氛, 都好好食個餐仲送龍蝦沙律, 原隻龍蝦上, 有拆埋肉, 輕輕撩就食得其他都正常, 串燒汁另上, 可以選擇點唔點, 我覺得幾好本人係米紙卷既fan, 食親VIET都會點上次係傳統既, 今次係創新!我想講都好好食, 佢係鴨胸加桃, 個鴨胸極juicy!!!最尾仲叫多左個炸蝦餅因為上次食晚餐就愛上左,佢個炸蝦餅係食到蝦肉, 成個餅都好爽口彈牙如題, 真係食過番尋味!原來唔記得影相，用上次晚餐頂住先😂事隔大半年左右, 價錢都只係加左少少, 仲要係節日, 真係算係咁~仲有員工都真係好友善, 臨走見到餐廳棵桃花, 員工都無怪我地阻住佢收工仲叫我可以係桃花行三個圈really like this restaurant p.s. 今次好彩安排坐到餐口位, 仲要望到海不過果日天氣麻麻, 無影到相咁既價, 咁既環境, 真係邊到搵…查看更多

好耐無去又一城，好耐無去旅行同朋友去食下越南菜過下癮一樣的味道 不一般的材料是高級版的越菜小食拼盤 最愛春卷 但我本身係唔食嘅椰青大蜆 好重椰青水味 蜆又鮮又大隻 真大蜆珍珠𩶘酸辣湯 條魚不得了 可以單獨當一個餸 原條上又滑又嫩又鮮 個湯微微辣 一啖魚一啖湯好食 有驚喜！蟹肉炒粉絲 夠乾身 都多蟹肉因為無肉 就叫咗個燒雞 個樣似炸子雞 但食落有驚喜 係有啲東南亞風味嘅 但好大份 呢到係半隻最後再食咗個甜品platter好好食！真係不得了！唔post相等你哋自己發掘職員服務都好殷勤 會介紹每道菜 又推介你點食會好食啲 又主動收碟 總括而言 開心嘅一餐飯…查看更多

以前成日去食，覺得d野都新鮮，款式夠多。但今次去，所有野都縮哂水。火炙左口魚，都唔係要求要蓋哂舊飯，但得一條，係真係一條幼既會唔會太過份。都算，可能依家生意難做。但最最最過分既係，間野好多小強！當日坐左係雪條櫃隔離，有兩隻係個櫃到周圍爬，係正我老豆隔離！之前食已經試過一次 坐卡位係牆到！隔左一排黎食，仲多左，真係忍唔住要寫食評講！作為一間有食生野既地方，小強多到爬出黎，會唔會太過份？？？依家仲要加左價抱歉當時太驚無影低小強，但百分百真確，絕無誣蔑，真係唔好去！…查看更多

好中意食上海野就去左呢間試下先黎前菜肴肉 沾既醋比其他地方甜 幾特別再黎係如果餐廳有我都一定叫既宋嫂魚羹 入面既魚絲真係好好食餸叫左三碟 分別係雞湯蘿蔔 湯底好濃 蘿蔔完全無根夠淋 啱哂我再黎獅子頭 其實好少食 因為覺得好膩 但爸爸話好耐無食所以叫左 又意外地幾好 份量四個人食啱啱好 好滑但又唔會感覺太肥膩 唔錯仲叫多個鍋塔豆腐都好特別 係炸但個皮又好特別 豆腐好滑 成個配搭連埋汁送飯正然後到我最最最中意食既煎小籠包 首先無係其他地方見過 小籠包皮薄餡靚多汁唔使講 超級欣賞用個小鐵板上 上台仲喳喳聲 最正係底果層皮係脆架！呢個真係必食！最後到甜品 通常去親食上海野都係求其飲茶透明果隻既桂花杞子糕就叫桂花糕 估唔到呢到有桂花拉糕！之前係上海做audit聽當地人講桂花拉糕一定要係反轉個碟都唔會跌落地 但食落唔癡牙呢間餐廳真係做到！！！仲叫左碟豆沙煎餅 細個唔食豆沙所以無咩研究 不過屋企人話都唔錯 夠脆唔太甜總括黎講，想食正宗得黎又特別既上海菜可以不妨一試！服務都唔錯 雖然疫症 但人客都多 不過餐廳經理呀員工呀個個都手腳好快 幾殷勤👍🏻…查看更多

之前聽過朋友介紹呢間專食花膠，價錢相宜，話同老公去試下。一去到門口見到師傅即燒乳豬 先知原本乳豬都出名坐低 service都好好 碗碟都好靚好中意打開價錢 花膠菜式有平有貴 但真係好相宜！所以就叫左好多唔同既花膠菜式試下花膠凍 我諗係上海肴肉既朋友 入面真係好多花膠 味道雖然比較淡 但旁邊配左個浙醋啫喱 就即刻唔同哂！繼續食花膠 好似叫濃湯魚子花膠呢個好有驚喜 因為佢印象好似只係百二蚊左右 本身以為應該係平時普通食平d果種爽口花膠 點知佢係稔身有膠質果種 配埋個濃湯好似食緊貴價野咁 仲要好多花膠 絕無欺場 魚子都係真魚子 呢個好值得推介之後到原來都出名既無花果醬乳豬個皮燒得超脆 不過兩個人食就有d太多(p.s.例牌唔止兩件只係為左影靚d夾過碟)之後唔知咩燒銀雪魚又係出奇地好食 首先個擺盤已經好特別 上菜既員工話個魚骨係唔知魚炸起 上面個蟹仔都真係食得 個菜係西蘭花加椰菜花混種 估唔到以為普普通通一碟餸 都整到咁特別 個銀雪魚調味岩岩好 有少少酒味 令到無咁膩 要試下！脆皮雞相比其他菜 係特式方面比較失色 但其實都好好食 個皮又係超脆 肉都好嫩多汁不過之後睇番好似有其他更有特式既雞既菜式可以試其實已經好飽 但一場黎都要試下甜品麒麟果花膠凍又係因為花膠所以忍唔住叫 雖然感覺好怪 未試過花膠甜食 但想講 係好推介既一個甜品同埋好值回票價 幾乎每一啖都係花膠 但佢個味唔搶 其實我諗係食個口感 麒麟果有淡淡既果香味 整體黎講係意想不到既夾同唔滯 係好飽既情況下都輕鬆一個人食哂芝麻流沙煎堆好香芝麻味 同埋真。流沙！又係唔太甜唔太漏總括而言， 呢間餐廳 服務 環境 每樣菜式 即使唔係花膠 都十分出色 好有水準 重點係以呢個食物質素同用料 再加埋地段 絕對性價比高 一定會帶埋家人黎食多次！…查看更多

廢話少講 又係要介紹d好野呢到點心真係一流蒸既見得多 煎小籠包真係未見過 皮薄餡靚又多汁 煎左既小籠包個底皮仲要係脆既 必食推介！鍋貼都一樣好食 外脆內多汁！五味拼盤全部都正 有海哲頭 燻魚 醉雞 烤夫 肴肉鍋塔豆腐又係好特別 食唔出用咩包住 但入面好嫩滑杭椒牛肉正常蝦蟹炒飯個樣無乜特別 但食落好有驚喜 好足料 好香上海炒年糕無乜特別 勝在咸度適中 因為試過好多間都偏咸…查看更多

同朋友睇完戲，見到居然有泰式下午茶就去試下。裝修幾好，泰國風情得黎又modern，仲有落地大玻璃望到海景，不過今次安排唔到俾我地，棵大鐵樹都好靚好有特色。其實hightea兩個人黎講都真係幾抵！上台時候，咸甜分開。咸食方面最欣賞係個蝦多士，好脆好香唔油膩。個柚子沙律都好食，平時唔食柚子但個調味調到岩岩好由於本人好中意食甜食，所有甜品都好中意。最特別係西米丸子，從未食過，口感特別，外面煙韌，入面有好多西米。普遍唔太甜，適合中意食甜品但唔中意太甜既人。飲品飲到一半都要影番張相，因為下午茶餐有得點cocktail幾抵之餘，杯野幾好飲幾refreshing!後記，唔好睇佢好似好少，但食落原來好飽，晚餐都慳番…查看更多

之前已經聽過朋友介紹呢間佐賀直送既餐廳，今晚終於可以試到，同埋父母一行三人入到去餐廳唔算好闊落，但有個大玻璃窗，感覺都開揚。同埋細有細好，感覺靜d可以傾下計。入到去估唔到有咁多日本人都食開始有小期待。間餐廳會有本日既推介寫係當眼處，黎到為左食直送 當然要試下。最後揀左金目鯛，深海池魚同埋喜之次一夜干。金目鯛 + 深海池魚刺身兩款都好味 尤其係深海池魚，好鮮甜喜之次一夜干超好食 d魚油出哂黎最重要係媽媽話之前去過另一間食要成千蚊但又無肉又乾，係呢到一半價錢都唔使，正！魷魚刺身 呢個見隔離台台都嗌所以跟住叫又係好鮮甜 煙韌得黎又唔係咬唔開果種，仲要好好刀功咁切到一條條好幼。不過最驚喜既係加$50將頭同尾天婦羅/燒。本人本身唔好天婦羅，但老豆要求就叫左。結果係出乎意料好食 炸到超鬆化 粉漿又薄 搞到想下次可以專試佢既天婦羅螢光魷魚漬物第一次食，食落有少少爽口但有d稔身。媽媽大愛！炭燒三瀨雞腿肉好中意食雞 一見到就嗌 上碟用鐵板裝 仲渣渣聲 已經聞到好香 食落輕輕一咬就有好多汁出黎 very juicy!!明太子茶漬飯又係個人喜好所以嗌 呢個相對黎講無咩特別 作為明太子愛好者 覺得可以就咁食明太子同飯就得 壽司十貫壽司握得唔錯 係飯稍為有d黏 但飯同魚生既比例係好合消費者心意 一口啖飯食左 但仲有大半塊魚生總括黎講都好滿意 特別佢d刺身唔係果種雪好耐 出到黎好凍 佢完全係室溫 証明佢好新鮮。價錢覺得合理，尤其係媽媽話條一夜干好抵！唯一遺憾係無試到佢既佐賀牛，同埋都想試佢既半熟雞刺身。仲有，依家做緊推廣，用fb/ig follow page, post相and 打卡，每一個account都可以送一杯啤酒/甜品，杯啤酒size仲要係正常draft bear咁…查看更多