Avignon的個人專頁

如果你一向食慣日本口味嘅抹茶，呢間100%絕對會令你失望。我地叫咗杯抹茶拿鐵加薄荷雪糕(matcha latte + mint vegan soft serve)。 首先我唔明點解呢間主打matcha嘅cafe可以冇抹茶雪糕。其次係matcha latte加薄荷味雪糕咁奇怪嘅組合，令人費解。試咗第一啖，之後我冇再繼續飲。因為兩樣嘢完全唔夾，陣薄荷味完全蓋過陣抹茶味，係超級奇怪嘅味。之後叫咗第二杯係店員推介嘅士多啤梨抹茶拿鐵(strawberry matcha latte)。呢杯好少少，起碼冇咁怪。但係飲唔到抹茶嘅味咁滯，好薄好淡。總結：回頭率係0…查看更多

今日星期日，一行四人嚟咗呢間點心店飲茶。見啲食評唔錯，都有點期待。我地12:11落單，以為應該好快會出到點心啦。一路等咗十幾分鐘，只係見佢出外賣單，咁就心諗算啦可能午飯多外賣。等咗半個鐘開始覺得唔對路，有咩理由會淨係出外賣，我地堂食客就等半個鐘都乜菜都未上。我地問個職員「等咗半個鐘啦喎」佢嘅回應係「係呀即叫即蒸㗎」聽完真係R哂頭，咁即叫即蒸點解只係會出外賣呢？堂食客就可以慢慢嚟？？？等到已經好冇耐性，佢仲要慢慢嚟。去到12:57先至上第一籠點心，足足等咗46分鐘。佢啲點心係好食㗎，但係坐喺咁嘅環境等大半個鐘真係冇下次。上咗幾碟之後我地就冇再落單，去第二度再食…查看更多

呢間小店，我由中學食到而家，都仲係咁平同埋咁好食！通常我會叫炸燒賣撈麵同埋碗仔翅炸燒賣會有啲椒鹽風味，碗仔翅非常足料！喺灣仔真係好少有咁樣嘅良心小食店，一直以來都咁抵食！希望你地長做長有！…查看更多

*一張相都冇影，因為實在係太差，冇野值得影🙄睇Open Rice見到呢間cafe一致好評，諗住唔會有咩問題既。點知中咗大伏，令我呢位向來冇寫過食評既人都要寫番篇。最嬲既係：難食、中伏都算。但係係比班Open Rice打手呃咗果下真係嬲。冇咁既水準，就應該自我檢討，唔係不擇手段咁去呃生意做。我同一大班朋友去咗呢度Re-U/慶生，每人叫咗個Main course+飲品。我叫咗個$148意大利燴飯（已經係全場最正常果碟）+雜果賓治 （完全係藥水）個燴飯啲汁，多到我以為係湯飯，但味道正常，收貨既。其中2位朋友等咗超過30分鐘上菜。其中一位等最耐既（起碼40分鐘），竟然係個Burger。上菜速度不一既程度，係會令到全部人都尷尬，因為當個burger黎到既時候，大家已經食完。好啦，其他菜式又如何？（我全部都冇記住個名）其他朋友叫既意粉，尤其個蕃茄醬意粉，食落真係衰過食便利店叮既。賣相亦都係十分之頹，炒埋一碟就係，所以完全冇想影相。最後叫咗小食，麥樂雞。基本上係比雙倍價錢去食一堆唔脆、似係炸魚旦texture既野。講完食物，到啲Games。存貨唔多，盒盒uno啲卡舊到派牌都派得辛苦過人。總結：食物質素低劣，賣相不討好，上菜速度不一。再複多次：冇咁既水準，就應該自我檢討，唔係不擇手段咁去呃生意做。 …查看更多