o0foodlover0o的個人專頁

夜晚突然想食串燒，俾我搵到呢間串燒店🤩一入到去，店員好有禮貌介紹今日有嘅燒海鮮，而且送咗碟枝豆俾我個女😆諗咗一陣揀咗串燒、燒魚同意粉～串燒叫咗幾款～⭐️燒雞胸軟骨串⭐️好出色！第一次咁食雞軟骨，完全唔硬，好好咬，而且個燒汁好入味👍🏻 ⭐️煙肉露筍卷⭐️燒到微焦香嘅煙肉卷包住鮮脆露筍，有肉香但唔油膩😋⭐️西班牙黑毛豬肋串⭐️無太多調味料但竟然夠咸香，而且無豬酥味，醃得好好🥳🥳⭐️蒜蓉燒茄子⭐️最後燒茄子，勁蒜好好味，夠香又juicy😋⭐️鹽燒馬友⭐️係外脆內軟啊！魚肉剛剛熟，所以仲有好多汁，成條食晒，仲要食得好乾淨😋🤭⭐️蒜蓉燒蟶子皇⭐️好貼心地起肉切件，底部鋪咗金菇，上面鋪有蔥蒜，蟶子嘅鮮味比金菇吸收晒，好鮮味呀😚🤩龍蝦汁大蝦意粉🤩以為係串燒食意粉唔好有期望，結果竟然係好食過好多餐廳～ 意粉勁香勁吸引，但唔油膩，龍蝦汁夠香，而且唔會太咸，好啱我口味～ 下次嚟一定會再試多次😆🤩頂級安格斯牛小排⭐️賣相好吸引，打卡正😆叫咗7成熟，有牛香但唔酥👍🏻而且份量都多，每件都無筋，出色～🥰今晚食得好開心，因為有禮物嘅店員真係會令成餐飯生色不少🫶🏻🫶🏻夜晚同朋友飲嘢吹水呢度好適合😎宵夜時段 營業到 凌晨2點🤭…查看更多

Lunch 想輕輕鬆鬆食個靚lunch, 第一時間通常會諗起牧羊少年，因為可以在戶外座位面對一片大空地，而且座位比較闊落，感覺好chii, 好舒服～🥗雞扒牛油果沙律🥗晏晝少食澱粉質，利是一陣返眼瞓🤣雞扒香軟嫩滑好Juicy ～沙律菜，多款夠新鮮，同埋沙律醬分開上，自己可以選擇落定唔落👍🏻牛油果夠熟，而且加咗少量碧根果，超好味😋🎃南瓜湯🎃是日餐湯係我最愛嘅南瓜湯🤩佢嘅南瓜湯係用新鮮南瓜製成，仲有少少南瓜肉，而且啲cream唔太多，所以感覺好fresh 😋😚其實佢哋仲有all day Breakfast都好吸引，有乳酪、有菇，而且有分兩款：三文魚/素，可以俾人多個選擇😚跟餐飲品通常都會揀冰茶，好香水果味，所以成個lunch食完好滿足～…查看更多

座位有室內、室外，坐出面有大水缸養魚，缸入面仲有蓮花～坐室外泰式風味濃，有木制枱櫈，好有大自然風味☺️而且出面可以睇到師傅整烤包，好有特色♥️⭕️雜錦拼盤一份有齊泰國特色小食：串燒、春卷、蝦餅、魚餅～串燒有牛、豬、雞，大串又juicy, 點埋香濃沙嗲醬不得了♥️⭕️炭燒豬頸肉薄切豬頸肉，外面焦香，肉汁豐富😋配有豬頸肉特式醬好夾⭕️柚子沙律酸酸甜甜，開胃菜～花生香、柚子肉爽，而且清香👍🏻⭕️菠蘿炒飯原件菠蘿上，炒飯夠乾身，粒粒分明～伴有海鮮、菠蘿肉、肉鬆，係泰國嘅味道😋⭕️蒜蓉多士一磚磚嘅厚多士，外脆內軟，咸香蒜茸牛油味～⭕️原味烤飽脆卜卜嘅代表，圓錐體嘅薄脆，點咖喱一齊食好出色🤭⭕️咖哩蟹呢度嘅咖哩我好鐘意，因為入面好有蛋香，而且唔係好辣，好啱我口味☺️😋…查看更多

同事生日，搵間食間好啲、坐得舒服啲嘅餐廳慶祝🤗呢度超抵，90分鐘定食火鍋，即係肉類定量，但係出面啲嘢食係放題🤩其實淨係甜品已經勁吸引，有仙草或者愛玉，本來已配芋圓，之後可以自己再加配料，我可以有最鐘意嘅椰果放題啦🤭仲有雪糕雪條～熟食有鹽酥雞、春卷、咖喱角等等仲有滷肉飯、酸辣湯，好有台灣風味🤭自助餐有台式丸類，味道吸引😋菜都有好幾款，推介南瓜麵好好味🤗飲品種類豐富，有好多台灣入口嘅飲品，個人最鐘意冷泡茶～如果咁多嘢飲都唔啱飲，仲可以加錢轉台式飲品，質素不錯😎最重要係服務員非常好～雖然佢地人手不足，睇見佢哋都辛苦，但都對客人都好有耐性，有咩優惠都會主動提出，讚👍🏻呢度一定會再嚟🥘😋😋…查看更多

路過見到個甜品櫃好靚好吸引，係靚靚嘅泡芙🤩有鮮果泡芙、布甸泡芙、煙窗卷、芝士撻，仲有雜莓乳酪杯，花多眼亂，全部都想要，好難揀呀😂🥭芒果乳酪泡芙🥭泡芙咬落香脆，芒果夠熟好香好甜😚乳酪唔太甜，同芒果好夾，成個感覺好fresh🤤🍓士多啤梨乳酪泡芙🍓脆脆嘅芙芙入面夾住香滑嘅乳酪，味道清新，配上新鮮士多啤梨好好味👍🏻🍵日式抹茶牛奶布甸🍮本身好鐘意搽茶味嘅嘢食，呢個抹茶味夠濃但唔苦，勁香😍夾埋個滑捋捋牛奶布甸一齊食口感豐，有脆嘅外皮、滑嘅布甸，仲有濃濃抹茶味，正！😚🍫金沙榛子牛奶布甸🍮朱古力泡芙皮配金莎榛子醬，感覺真係好似食金莎朱古力咁，加埋牛奶布甸一齊食，一次過滿足晒兩個願望🥳🍠髒髒奶蓋芋泥🍠香濃芝士味奶蓋勁吸引，鍾意食芋頭嘅朋友真心要試，足料芋頭係入面，估同奶蓋一齊食係咁好味🥳仲有其他款都好吸引，下次一定要試埋😋…查看更多

🇨🇷泰國菜🇨🇷葵芳新都會廣場覓食，最後入咗呢間米之蓮泰菜試吓佢咩料先～⭐️酥炸火山骨⭐️半份火山骨有三大條，聞到好香，骨🍖肉好易拆出嚟，咬落好香口，面有少少脆，多肉汁😋個醬汁少少甜、少少酸，同肉味好夾🤩而且食有少少似軟殼蟹嘅香味🤤⭐️海鮮冬陰功⭐️呢度嘅冬陰功就咁睇已經好足料，蝦🍤爽口彈牙，而湯底味道好有泰國風味🥳鹹、酸、辣三種味道都好平均，出色～⭐️海南雞飯⭐️雞肉嫩滑，配上秘製醬汁一齊食最出色係雞油飯，剩飯都可以食一大碗下次一定會再嚟試其他嘢食…查看更多

想當年Burgeroom只有總店嘅時候已經幫襯，不過坦白講香港有太多各式各樣嘅餐廳係一個美食天堂，所以已經有一段時間冇去🙈忘記咗🤣你今日要去開尖沙咀做嘢令我回想起佢，所以特登同朋友再嚟食❤️漢堡包選擇應該超過30樣，仲有各式各樣嘅小食，10幾樣小食俾你揀，飲品方面都有好多選擇，啤酒，汽水，朱古力，熱飲超過20樣，總之就係一個非常多選擇嘅漢堡包店，相信梗有一樣啱你，午餐時間+35就可以轉餐包一個薯條 （部份飲品要額外加錢。牛油果醬芝士牛肉漢堡 $100牛油果醬份量唔少，配上車打芝士，新鮮蕃茄，手打牛肉，爆哂汁，唔會乾，漢堡好厚身👍炸單骨雞翼$65 係每次必叫皮炸得好脆唔會乾身😆配上芥末醬一流鱈魚手指配他他醬 $65 魚手指唔多地方食到，魚手指皮薄，魚肉滑身棒子朱古力 - 有榛子味，朱古力又唔會太甜童年回憶返晒嚟…查看更多

去長洲梗要食海鮮啦，嚟之前做咗啲功課，聽聞蘇波記幾好，咁咪去試吓囉～Book咗5:30，買咗啲海鮮去加工，另外再加咗啲餸，加加埋埋都有6個餸～第一道：粉絲瀨尿蝦第一次咁食瀨尿蝦，比想像中好味，瀨尿蝦新鮮，湯底清甜，最後啲湯都差啲俾我飲晒🙈 重點係飲完都唔會口渴，應該無味精🥳第二道：水煮牛未埋到嚟已經聞到佢嘅香味，牛肉勁鮮嫩，煮到剛剛好，而且好入味，底下仲有好多粗薯粉，夠晒煙韌，而且辣得好過癮～不過我本身唔食得辣，如果唔係我都會再食多碗😋第三道： 尖椒皮蛋又係第一次試嘅餸，碎上嘅尖椒加勁多嘅蒜蓉，整體上除咗加咗炒香咗嘅芝麻之外，仲有一層砂糖剛剛溶～ 而本身嘅醋汁嘅酸甜度剛剛好，再加埋少少甜味層次再豐富咗😙第四道：蒜蓉蒸開邊蝦本身我對蝦一般，所以我唔特別寫啦～但啲蝦好大隻同埋有膏，食落啖啖肉🤭第五道：涼拌魚皮本身我係麻麻地呢味菜，但聽到朋友話一定要試，所以就的起心肝試試佢，點知一試番唔到轉頭🙈，成碟差唔多我食晒🙈🙈🙈魚片切成細條，好好咬口，但味道好吸引，愈食愈上引，係我鐘意嘅醋汁味道，加埋蔥絲食好夾，搞到我好想外賣走🤪仲有其他好味嘅餸，但因為湊住個女影唔到相🤦🏻‍♀️呢度仲有個好處，有ikea BB櫈，帶埋個女嚟食嘢最緊要有BB櫈🤣…查看更多

次次行過又新街，都會有被佢嘅香味吸引到我停一停、諗一諗，究竟今次買邊款嘢食好呢度出名肉乾、齋雞粒、花生糖，見住佢新鮮出爐，香味四溢，好想樣樣都買番屋企逐樣試門口有好大塊肉乾做生招牌新年仲有好多過年食品齋雞粒新鮮出爐～花生糖有好多款，有軟有硬因為新鮮出爐，所以今次就帶佢番屋企啦～鐘意呢度嘅齋雞粒，係因為佢口感煙韌，好有咬口，唔會硬到𠝹口肉乾之中，最鐘意圓形嘅原味豬肉乾，呢度嘅肉乾比較厚身，好有肉味，仲要好juicy ，香香甜甜～～ 尺寸剛剛好，唔會食到成面污糟呢款花生糖都係新鮮出爐～雜莓/雜果軟花生糖，煙韌嘅花生糖，越咬越有花生香味，中間又有酸酸甜甜嘅nuts味道…查看更多

網紅店嘅曲奇，聽聞好好味，個個都大手買走，搞到我想試好耐，今日終於去到旺角買咗盒試試啦😍每款嘅包裝都好靚、好吸引，都唔知揀邊款好最後揀咗我最鐘意嘅紫色，入面係咩嚟都無理啦😝入面原來係蝴蝶酥☺️☺️係我勁鐘意嘅入面每塊都係獨立包裝，夠哂衛生～而蝴蝶酥嘅size 剛剛好，一啖一塊👍🏻食落鬆軟度剛剛好，唔會太鬆食到四圍係，但又唔會太硬同埋牛油夠香，唔係臭臭油酥味，要俾番個like佢👍🏻下次都會試吓其他曲奇，好期待呀…查看更多

見到條人龍勁長，本身諗於放棄，點知店員話大肚唔使排隊，可以直接去收銀同佢落單就得啦～ 心諗：咁旬係咪真架點知真係得咗～～入去搵個位坐住等，裝修嘅tone好文青，坐得幾舒服，而且多位，除咗有室內位之外、室外都仲有位，好啱朋友仔坐低吹吓水～ 大約等咗半個鐘左右終於拎到飲品啦～試咗呢杯季節限定，本身都鐘意荔枝飲品，原來加埋玫瑰青茶係咁好味～有果肉又有茶香，再加埋咁夢幻嘅粉紅色就真係好吸引，最重要真係好味，雖然成$48/杯，貴過係大陸飲，但間唔時飲吓都ok嘅～裝修時見佢話申請緊酒牌，但依家未見餐牌有酒類飲品，唔知幾時會有呢？…查看更多

成日行過都好想入去試試，但次次都好鬼多人排隊，今日見有時間就排吓隊啦～店內裝修得好文青，令人好想行入去，加埋白色牆身，影靚相呃like 最正😆《大甲芋頭小芋圓鮮奶》聽聞最出名係芋頭鮮奶，一於就加埋芋圓，雙重芋味，確係出色，而且芋泥嘅質地剛剛好，唔會太稀得嚟又有口感，加埋明治鮮奶，香濃美味，愛芋頭之人必試《伯爵紅茶拿鐵》本身都好鐵意呢款飲品，見到沐白小農竟然都有，一於試吓～伯爵茶味夠香，飲落口都仲有茶味，係出色嘅～ 加埋明治鮮奶夠香，整體味道好夾又唔太甜《莓莓果茶》最鐘意呢杯果茶，好啱夏天飲微酸帶甜嘅草莓果茶，除咗有新鮮草莓果肉外，仲有微微茶香，整體感覺好清新、好有消暑嘅感覺…查看更多

網上見到可以睇到日落嘅西餐廳，咁正嘅環境一定食到好嘢，即刻心心眼想嚟試一出𨋢就見到好外國feel嘅門面～深藍配深紅原來可以咁夾店內嘅牆身都有顏色豐富嘅壁畫落地大玻璃，可以好清楚、好近咁見到日落自家製嘅包，超濃嘅香草味，外脆內軟嘅包包～ 仲有精緻嘅牛油，好味到停唔到口望落似南瓜湯，實際係蕃茄湯微酸嘅餐湯令人更開胃～吞拿魚沙律配希臘芝士4件果酸吞拿魚，易入口，而且係厚切，極吸引配上新鮮沙律菜，清清地，中和番～南瓜籽焗三文魚柳估唔到三文魚都可以整到咁出色三文魚焗到剛剛好，juicy 唔太乾，同埋雖然好似好厚，但夠入味，配埋特制忌廉汁，勁夾～仲有好吸引嘅薯蓉係底，本來太飽無諗住食，點知試咗一啖就忍唔住食哂香滑嘅薯蓉，好似雪糕咁芒果熱情果芝士蛋糕最期待嘅甜品出場啦睇賣相已經好吸引～芒果味濃，熱情果嘅酸甜，兩樣嘢好夾，雙重口感芝士蛋糕本身軟硬適中，而且好幼滑靚境餐廳、坐得舒服，仲要服務態度好好，係一定有下次嘅餐廳…查看更多

老公忙咗成個月，終於約到佢食晚飯啦所以揀間好嘢食先嚟到 I’s Land Cafe, 森系嘅門面已經好吸引，入面嘅裝修擺置都係同一系列地方都幾闊落，坐得好舒服～坐低見到本餐牌都好精緻，而且價錢唔算貴，我地叫咗個2人餐，再加少少嘢食～香煎法式鵝肝- 鵝肝好大件，外脆內軟，嚟到已經聞到香味，抵食仲有好多沙律菜，唔會太滯～經典蜜糖香草燒春雞- 睇落好似細細隻，但原來兩個人食都差啲食唔哂味道夠，肉質嫩滑，出色白松露手工扭繩粉配荀及帶子呢個粉好特別，佢係捲埋一條咁，粉嘅質地有啲似長通粉，但再滑啲，而且收埋好多汁係入面，超正下次再嚟都係因為佢朱古力心太軟睇相好吸引，所以最後忍唔住破戎食朱古力，一切開，超濃嘅朱古力香味走哂出嚟，食落唔太苦，唔太甜，好好味呀士多啤梨奶凍跟餐甜品同樣出色，貌似簡單，但味道不簡單，香濃奶味中帶少少士多啤梨香，味道好夾，而且夠滑最後一定要提提l’s Land Cafe 嘅服務員非常細心，見我大肚就主動換杯暖水俾我，而且仲提我坐沙發會有可能矮得滯，會坐得辛苦即刻warm哂～…查看更多

朋友相聚，首選日式料理🤓平日路過門外總是很多人在等候，於是提早訂座才過去～《牛油果🥑反卷》性價比高，一客8件，配上千島醬，味道十級提升～《芝士脆炸豬扒卷》直徑超過5cm的卷物，極度吸引，芝士味濃，豬扒香脆，好味到不能停口～《鵝肝肥牛炒飯》份量算多，大大片鵝肝竟然有2片，比想像中抵～ 而且味道也不錯，飯粒夠乾，而且十分入味😍《雜錦天婦羅》炸物質量高，蝦🦐炸到剛剛好，夠熟又不會太乾，高質🥳還有蕃薯及鮮冬菇味道也不錯～《蒜片一口和牛粒》醬汁夠濃，牛肉粒夠juicy，好味到食唔停口…查看更多