kathyngai的個人專頁

食泰國野又點少得咖哩，平時不嬲食開青咖哩，但今次見到竟然有手打馬沙文咖哩，見未食過就試下🙂‍↕️佢有好多選擇，有牛/雞/豬/雜菜/海鮮，而我地就嗌左豬肉再加$35要左5塊蒜蓉包🤤咖哩味道唔錯，唔辣但好香，質感係偏水狀。重點係個蒜蓉包！非常香口，大大舊又好脆！唔似平時出面個啲得中間係有蒜蓉🤡之後再嗌左個軟殼蟹蟹肉炒飯，好有鑊氣而且唔油👍🏻最後就嗌左個泰式燒牛肉，講真份量唔少，熟成度又岩岩好，唔好燒到好韌咬唔到，而且個燒烤味真係好出！…查看更多

放工去小酌，我地飲開甜酒，佢就比左枝macvin比我地試，都有成18%, 初頭覺得有啲勍但同時又好甜。之後再嗌左生蠔，食完生蠔飲，即刻成件事變到好match👍🏻之後仲有cheese platter, 入面有smoked ham, sausage, 仲有minced chicken但出面係用芝士麵包皮咁包住，好好食😋最後仲有一個ham and cheese咁嘅多士，熱辣辣，啲芝士又溶溶地咁，好正😍最緊要係呢到價錢好相宜，而且老闆都好nice, 真係值得一去！…查看更多

呢間有時搭車經過見到門口幾吸引，今日終於有時間入去試下🤣睇完個menu嗌左4款推薦，第一樣係炸五花腩青醬，食落一啲都唔肥膩，襯埋個青醬簡直係絕配👍🏻之後就到燒美國精選肩胛肉，份量好多，就算唔點佢個醬都非常惹味🙂‍↕️第3樣推薦係泰北咖哩雞麵，泰北菜係香港比較少見，佢呢個雞麵竟然仲要係比大大隻雞脾😭最後一樣推薦係橙皮朱古力大王雪糕，佢用橙皮嘅清香調和左，變左個朱古力雪嘅糕就冇咁膩😋除左以上推薦，我地仲嗌左mummum生菜包，有少少辣但可接受，個點睛之筆係個炸豬皮到😏雖然已經飽到嘔，但仲嗌左個mummum雞炒闊河，同平時食開pad thai唔同，好有鍋氣😍最後我地仲嗌左3杯野飲，青檸梳打，泰式奶茶同泰式綠奶茶，泰式奶茶冇好似係出面飲個啲咁死，而泰式綠奶茶就真係第一次試，好特別🤩…查看更多

開係港島仲要性價比超高真係好難得！經過見到呢間懷舊裝修嘅餐室就走左入去食，嗌左個好正蔥油雞飯($65)再跟餐加左杯椰汁紅豆冰，唔係講笑，我覺得呢杯紅豆冰係最中我口味，佢唔會好死甜，椰汁味又夠出👍🏻個蔥油雞飯都唔洗講啦，隻雞超嫩😋之後再嗌左個港式濃情蕃茄芝士焗豬扒飯($58)汁超多，而且豬肉都好淋，份量又夠大，但好食到我自己一個女仔都清哂成兜😂最後再嗌左個招牌楊枝甘露($38)唔會太甜，又足料😍…查看更多

銅鑼灣食野食到悶，呢間成日搭車經過都好好奇，今日決定要嚟試下🤣嚟到點都要試下佢地嘅招牌蔥油雞扒撈丁😍加左$9轉左佢地嘅台式珍珠鮮奶茶😋嚟到發現超大碟，我諗撈丁份量唔止一個，應該有個半至兩個，如果女仔食嘅話未必食得哂😂燒雞扒好好食，皮好脆但啲肉就好嫩🤩個麵再加埋啲蔥油簡直係絕配🙂‍↕️個珍珠鮮奶茶飲落係似茶餐廳嘅奶茶，呢個combo又幾特別🤌🏻之後就再嗌左個馬拉咖哩吉列豬扒飯(嗌左少飯但嚟到都好大份)🤪佢個豬扒唔厚粉，個咖哩汁好香👍🏻…查看更多

籍貫潮州嘅我，係附近住左咁多年，第一次嚟呢間餐廳食飯。係香港要搵好食地道傳統又正宗嘅潮州菜好難，今日打完風就走左過嚟試。一開波又點少得一碟鹵水鵝片，下面仲有豆腐，份量唔少，啲鵝片非常新鮮👍🏻之後就係潮式炸雙棗，分別有蝦同蟹，我就覺得蟹棗更好食！食咁多肉同炸野又點可以唔嗌反碟潮州沙茶炒芥蘭，夠哂鑊氣又夠哂爽口！平時唔鍾意食菜嘅我都清哂成碟😛最後壓軸嘅係我最鍾意食嘅潮式糖醋麵，要整得好食好難，出面食個啲好容易就會漿住一pat野咁，但佢呢到夠哂薄而且煎得好脆，大推！😍佢呢到仲有免費糖水，個晚有綠豆沙同馬蹄爽，但可能我太夜食嘅關係，綠豆沙已經冇哂，逼於無奈試左馬蹄爽，點知好清爽好甜，非常驚喜👍🏻…查看更多

呢間冰室都開左好幾年，今日突然想落街食😂身為食雞愛好者嘅我，例牌廣式沙薑雞就緊係要整反碟啦，見到佢完全係比沙薑浸住，岩哂我😍初頭唔知佢有配埋飯，搞到我地又嗌埋咖喱厚切豬排飯同重量級足料厚切豬排飯🤦🏻‍♀️名乎其實，真係厚切，仲要超冧😱跟餐仲可以用$8分別加左紅豆冰同咸檸七，兩杯都完全係以前最正宗個隻傳統味道🤩再加左個田園咕嚕肉，啖啖肉，唔會成口粉成個皮🙂‍↕️最後又點少得食反個港式甜品做收尾！雖然已經夜媽媽，但都有得食鮮牛油粒粒西多士，好開心😋…查看更多

兩年幾前嚟食過一次，今次放工同frd又嚟食個飯，趁佢地6-8pm仲係happy hour, 即刻嗌反杯classic cocktail都只係$78杯😙睇menu睇到眼花繚亂，淨係appetizer都已經嗌左3款🫠我地嗌左一件香煎鵝肝配焦糖洋蔥吐司($108)，兩個女仔嘅話，其實一件share都已經夠哂，超厚肉，絕對對得住個價錢！之後再嗌左個地道黎巴嫩沙律配水牛芝士，用嚟打定底清下腸胃就岩哂🙂‍↕️最後一樣係火燒牛骨髓松露和牛生牛肉他他，平時食開嘅tartare都係細細份，佢呢到簡直係份量十足，其實食完呢3樣已經有啲飽😂到main course又點少得澳洲M3和牛肉眼扒，我地嗌左3成熟，簡直係perfect🤌🏻最後再加多個黑松露蘑菇pizza($168), 份量簡直係驚人，我地淨係食左兩件已經要打包留肚食甜品😳甜品就嗌左個最有可觀性嘅火焰雪山，用嚟打卡就一流🙂‍↕️見到佢地仲有新tea set好吸引，下次又嚟試下先😍…查看更多

魅ktv終於嚟到香港，簡直係中環打工仔嘅福音！一放工就即刻衝過嚟唱k解壓，咁當然都要醫埋個肚嘅🤣可惜個日冇中菜供應，我地就只好嗌下啲小食。我平時食得燒烤都會必嗌芝士年糕，但襯煉奶真係第一次試，竟然又幾夾😯我地仲嗌左個黑松露粗薯條($88), 咁嘅價錢真係大件夾抵食，因為個份量真係超多，過下口癮就最正🤣野食嚟講我覺得香辣酥炸雞翼係最出色！至於串燒方面我都幾推金菇牛肉卷同風味羊肉串，基本上同內地嘅味道好相似🙂‍↕️…查看更多

嚟得食台灣野又點少得鹽酥雞，佢唔似平時係出面食開個啲細細粒，佢呢到份量多之餘，仲要大大舊又juicy，而且價錢相宜，只係$48👍🏻重點嚟啦，就係佢地嘅招牌紅燒腱心牛肉麵，佢有得揀幼麵/手工麵，但我個人係極力推介手工麵，我覺得食牛肉麵唔食手工麵簡直就係冇左個精粹🙂‍↕️鍾意食台灣甜品嘅我又點會放過，我地就嗌左個純貞芋圓2號，入面集齊哂我鍾意嘅野，佢用左桂花冰糖做底+黑糖珍珠+豆花+芋圓+紅棗杞子，個芋圓超冧，食完飽到上心口，超滿足😋…查看更多

呢間成日經過見到有唔同期間限定嘅芭菲，今次終於忍唔住入嚟食左個晚餐😋淨係睇個舖名都知佢地嘅綠茶比較出色，即刻嗌反杯凍抹茶牛奶白玉綠茶雪糕🤣綠茶雪糕非常濃郁同香，冇話太苦，再根據香港人口味嗌反個少甜就岩岩好！主菜我地就嗌左海老蕃茄豆乳烏冬同明太子大葉豆乳芝士意大利飯，仲配埋個面豉湯👍🏻個飯偏濕，初頭驚食落會好膩，最後我清哂成兜🤪平時食開湯烏冬，冇諗過原來蕃茄撈烏冬係咁夾，而且個烏冬仲夠哂煙韌！最後點少得一人嗌反個芭菲收尾，我就嗌左個黑芝麻蕨餅芭菲，平時最驚就係芭菲食完面舊雪糕，入面淨反哂啲cream...好彩佢入面係云呢拿軟雪糕，再加上個底仲有芝麻奶凍，非常完滿😙…查看更多

好幾年前係觀塘食過，今次就先試左個螢光魷魚漬先，用嚟送酒真係岩哂😋咁嘅size我都係第一次食，食落有啲咸，襯反白蘿蔔蓉中和反就岩岩好🙂‍↕️之後就係網燒牛舌，佢地揀左中間最冧最多肉嘅位，厚肉得嚟一啲都唔韌，身為牛舌愛好者嘅我，表示很滿意🤪再之後就係倫敦橋，其實姐係壽司卷，包左三文魚+青瓜，再搭配海膽係面，我本身唔係特別好海膽，但呢個好鮮甜😍再嗌左個安格斯蔥牛卷，好香好正。最後用火山卷物做收尾真係一流，非常之打卡able😎…查看更多

我地個日嗌左個晚市套餐，$538兩個人(未計加一)，包餐湯+兩小碟+兩主菜，簡直係超值！頭盤我地就嗌左法國田螺，襯反佢地嘅香草蒜香牛油，超入味👍🏻之後主菜就嗌左個蟹肉+芝士菠菜意大利雲吞，佢個ravioli偏乾身，但佢地比蟹肉真係一啲都唔孤寒，大大舊啖啖肉。係店員嘅推薦下再嗌左個阿根廷安格斯牛脊肉，我地叫左5成熟，就算唔加汁都好夠味，伴碟嘅燒薯粒都好唔錯😋最後甜品就揀左蘋果肉桂可麗餅，好足料，唔會食到最後得反塊皮😂我地兩個都叫左mocktail, 一個就嗌左frozen strawberry daiquiri, 叫左走糖漿就岩岩好🙂‍↕️另一個就嗌左杯熱嘅honey ginger punch, 暖笠笠，真係岩哂冬天飲！…查看更多

呢間位於利東街樓高兩層嘅餐廳，我地今次就坐左係上層，係窗口望出去仲見到啲燈籠，打卡都唔錯🤣crepe其實我不嬲都淨係食開甜冇食過咸，因為覺得會好奇怪。但今次見到龍蝦汁鮮蝦可麗餅好似幾吸引，佢啲蝦大大隻，仲有菇同芝士，食落真係意想不到地夾😍main dish我地就嗌左個安格斯肉眼扒，5成熟拿捏得岩岩好，肉好冧又juicy😋配菜仲有得揀燒薯/薯蓉/薯條👍🏻最後點少得甜品，我地今次就試左個烤棉花糖可麗餅，入面係nutella, 啖啖都超豐富！十個推！…查看更多

想嚟試好耐，每次經過見到個裝修都覺得好吸引😍我地個日兩個人total嗌左4樣野。首先嗌左個香草牛油焗田螺，佢個底鋪左啲薯蓉，面再燒一燒，揸埋落toast一齊食就岩哂🙂‍↕️之後就嗌左個法式大蒜蘑菇忌廉烤雞，超大份，再配多4塊toast, 襯埋佢地嘅creamy mustard sauce, 簡直係絕配🤌🏻本身驚唔夠飽，又再嗌多左個燒三文魚香草忌廉手工戒指意粉，佢個三文魚簡直係mvp, 最鍾意食呢啲個面燒到脆一脆，但入面就非常嫩嘅三文魚，仲要好大條🤯最後就食左個火焰雪山做收尾，入面係朱古力雪糕，而下面就係蛋糕。仲要係你面前燒，非常之打卡able🤣…查看更多