wivinawcli的個人專頁

好耐冇食、今日行過見唔多客人就入去食個下午茶、哇！原來出咗新嘅下午茶餐、咁就試吓啦！細細碟飯都有6-7舊叉燒……個炒蛋都好滑、不過D飯太淋，味道都唔錯、今時今日…$36 有個飯連飲品…喺灣仔嚟講真係算平。…查看更多

今晚10:40pm去買個4餸車仔麵、又係比漏一個餸…. 收咗我$51 （豬腸+$2) , 返到屋企打開嚟食先發現…真係追都追唔返…. 因為佢星期日收11pm, 今次就比少豬皮，之前二次就比少炸魚皮、第一次因為冇為意所以又係返屋企先發現、第二次就即時發現，做生意咁求其、唔通真係要次次買外賣都要即時打開嚟check? 唉！…查看更多

今日去食咗個set $89 米蘭豬扒配薄荷忌廉汁意大利粉、包蘑菇湯、甜品、熱飲。服務很好、收銀姐姐幫手落單又有禮貌、全程食得好開心、雖然舖位細細但冷氣充足，食得好舒服，食物味道唔錯而且份量夠飽，塊豬扒都唔細。…查看更多

銅鑼灣呢間服務好好, 侍應主動幫你加湯，收盤又快，重要有傾有講…., 食物質數個人覺得唔錯，抵食！黑蒜鍋同牛骨鍋都好好食。$2xx lunch 食3個半鐘真係唔錯！下次都會再去😃👍🏻！…查看更多

午餐時間行過見冇咩人排隊所以就入去試吓，坐位都幾迫下、但係D伙記都好好禮貌👍🏻, 叫左個豬扒麵餐配菠蘿油，味道正正常常啦！豬扒比較薄，奶茶幾好飲，反而我覺得個菠蘿包麻麻地，不過銅鑼灣區$62食到咁多嘢都算抵啦！ 👍🏻…查看更多

$158+10% 自助午餐都幾好食，包飲品任飲、服務都好好、環境清潔、個人覺得butter chicken 最好食、印度甜品真係好甜🤪 ， Garlic Naan熱辣辣好好食。 …查看更多

夜晚7點幾去東薈城food count 食飯、屋企人叫咗個海南雞+肉骨茶套餐 $88 , 個肉骨茶得一條骨… D湯又淡又冇咩藥材味、個碟海南雞全部都係骨…. 賣相差、下次唔會再幫襯佢。 …查看更多

今日同家人去食老掌櫃，佢個北京填鴨真係幾好食、不過可能因為天氣凍嘅關係…. 今次個D用嚟包鴨食嘅皮就唔夠熱，之後重叫咗個酸辣湯都好好飲，羊肉餃子真係好有羊肉臊味。 正！ …查看更多

行過見到佢門口介紹$45隻乳鴿咪入去試吓囉！叫左二個$62套餐（蒸飯+湯+點心），蒸飯D質素就真係一般（我覺得唐記xx 同xx達人個D外賣蒸飯都好食過佢）個肉餅乾爭爭又薄，點心叫咗豬肚都ok嘅…味道正常、個排骨就麻麻…冇味嘅，雞腳湯同唐排湯都算幾好飲、之後叫左個酥皮焗叉燒包…. 哇！呢個一見到個賣相已經覺得佢唔得….咬落去真心難食…. 得個熱字、好似係放入微波爐叮完嘅口感、但係個乳鴿都算唔錯、講真…深水埗咁多嘢食…. 呢間應該有排都唔會再試。…查看更多

今日下午行過見到有位咪入去食個下午茶啦！見到佢$40 牛腩麵包飲品又唔貴喎！地方又乾淨、侍應姐姐又好禮貌、雖然係下午茶但係碗牛腩河都唔算細碗、凍奶茶都幾好飲、下次可以試埋佢個牛雜飯…. 應該都會幾好食😋！…查看更多

今日2:10pm入去食個下午茶、現場起碼有五、六張空枱、個女侍應都叫你兩個人走去同一個人搭枱坐，問多佢一次先至比張卡位你坐，叫左二個餐…. 其中一個係咖喱牛筋腩飯…. 份量係大碟嘅…. 不過啲咖喱鹹到撈飯都頂唔順。食食下大約2:35pm …. 又有個女侍應走埋嚟叫我哋要坐埋一邊卡位，但係出面又冇人等位…..隔籬枱差唔多食完仲要坐咗好耐嘅….佢又唔叫佢地坐埋一邊喎，我連杯奶茶都未飲…佢起碼行嚟叫咗兩次坐埋一邊枱、真係唔會再幫襯囉😡⋯⋯因為呢間D服務成日都係咁趕客。 結果2:40pm 我哋埋單走人。…查看更多

收工6pm 行過見唔洗排隊等位咪試吓囉！$300/位.. 食兩小時。佢火鍋底都幾多選擇、我哋就揀咗羊腩煲火鍋底同藥膳火鍋底…都幾好味。牛肉我就覺得普普通通、不過佢個乳鴿都好食，重要有蛇羹、糯米飯、雪糕、日本酒、梅酒…等等選擇….真係唔錯。…查看更多

見佢新開張咪入去試吓啦！叫咗個下午茶乾炒牛河…. 加一杯熱奶茶，乾炒牛河份量正常…. 味道都唔錯….. 食完係飽嘅，不過佢杯熱奶茶就真係一啲都唔好飲，冇茶味….. 又唔滑， 一睇顏色都知唔係靚茶，克街咁多茶餐廳…. 下次都係試下第二間啦！…查看更多

今日叫咗個早餐$37 …有沙嗲牛肉米，蒜蓉多士煎蛋同埋餐肉，沙嗲牛肉味道正常都幾好食，蒜蓉多士脆卜卜熱辣辣…正，杯熱奶茶都幾好飲！不過坐位都有少少窄。$37 …早餐唔錯…👍🏻…查看更多

今日行過見到有位就入去食個早餐啦，見上網啲人話佢個菠蘿包好食、叫左個早餐$44….有沙嗲牛肉麵、菠蘿包、一隻煎蛋同埋一杯熱奶茶。沙嗲牛肉得個咸字個麵又唔好食、個菠蘿包死實實一啲都唔好食、杯熱奶茶一啲都唔滑…唔好飲，一定無下次。見到都有唔少遊客同大陸人去幫襯，不過個服務員就好好態度。…查看更多