mani.moments的个人专页

喺社交平台睇到九龍城廣場新開咗個food court即刻去睇下試一試呢間主打手工意粉星期六 6點去到有幾個人排隊因為即整嘅關係要等一陣間揀左個馬蘇里拉芝士蕃茄奶油蟹肉手工意粉$75 加$10 沙律羅馬生菜清甜好食意粉個source好有驚喜Creamy得黎又唔漏唔會食食下變咗一pat pat蟹肉嘅海鮮味同個source都好夾不過如果d蟹肉多少少就好喇但呢個價錢可以接受手工意粉質地ok! 仲好掛汁愈食愈開胃忍唔住叫多一碟近期好hit嘅公仔麵意粉其實都只係普通意粉，喺個外型特別啲姐黑松露source都係好creamy黑松露味唔算突出，不過就好多菇都好味但相比之下蕃茄奶油手工都就出色啲～PS 星期六晚7:30左右已經全部售罄，最好預早少少…查看更多

平時食牛扒，來來去去都係煎煎煎!日本吉列炸牛扒hit左好耐，今日初試，果然有驚喜！餐廳位於蘭桂芳嘅盡頭，岩哂中環上班族Lunch set比晚餐更抵食，一set包括主菜、沙律、前菜、白飯，我另外再叫左杯蜜桃梳打一上檯侍應哥哥細心介紹點樣食，待鐵盆牛油溶左之後就可以自己燒，可以配搭醬汁或鹽炸牛扒份量都幾多，放上鐵盆燒兩燒就食得，仲可以自己控制幾成熟。外面層炸粉鬆脆唔會過厚，比起一般煎牛扒更香口好味！友人點嘅頂級板腱牛扒係每日限量，揀左５成熟，切開入面係淡粉紅色煎得岩岩好，厚切份量足，入口唔會韌但依然有咬口！跟餐配嘅白飯上加左飯素好開胃～Ｐ.S. 餐廳有兩層，當日中午地下個層滿左所以被安排到上層，雖然只有我地一檯客，但都有一個侍應係度standby ，會主動拎儲物袋比我地擺野同介紹野食，服務唔錯!…查看更多

同事話灣仔有間新開嘅馬拉餐廳，當然要即刻去會一會啦！午餐menu選擇多，樣樣都好似幾吸引咁，價錢唔算好貴第一次食所以保守d揀左海南雞同肉骨茶海南雞跟餐有一碗湯同油飯，配三款醬，個人覺得配黑豉油同中間紅色嘅酸辣醬最開胃好食，雞肉已經去哂骨，食落啖啖肉，唔知係咪隔離飯香，試左幾件我覺得好好食，下次要叫呢個先得Menu有兩款肉骨茶，我叫呢款係胡椒味重d，辣辣地，係新加坡風味，落雨天食，驅寒一流。肉骨茶好大碗，有4大舊肉，有d好滑，但都有舊肉係鞋，不過味道ok，同樣都係配油飯，食完好飽午餐配一杯飲品，選擇都幾多，有拉茶、白咖啡、美祿等等，我就揀左熱桔仔檸檬水…查看更多

連續落左好多日雨，天氣潮濕特別想食辣野潘明記午餐有麵餐同小菜套餐揀，人多嘅話叫小菜可以開心share試多幾款！叫左五個小菜share, 每個套餐包一碗飯同嘢飲，可以揀汽水或豆漿紅燒牛肉有d似台灣個d, 牛腩燜得幾腍，幾入味乾扁四季豆好似煮耐左咁，黑左d而且腍得濟無左咬口，好彩味道還可以麻婆豆腐味道最出色，唔好以為好普通，呢碟比一般嘅餐廳特別香花椒味！回鍋肉嘅尖椒好辣，嗜辣嘅人應該好鍾意豬腩片半肥瘦，賣相同味道都一樣咁好！糖醋魚塊酸酸甜甜好送飯餐廳環境乾淨，坐得幾舒服，小菜味道正常, 可能為左迎合香港人所以唔算好辣。呢度需要改善嘅地方就係小菜上檯嘅時候唔夠熱辣辣，始終lunch黎講價錢唔算平，性價比一般…查看更多

小妹愛飲湯，特別鍾情冬瓜盅！一知道一粥麵再次推出迷你冬瓜盅，就即刻黎報到！1 set包括一個冬瓜盅、一個小菜、白飯同茶，另加多廿五蚊左右可以配多一個小菜雖然係迷你版，但都唔算細個，入面有少少海鮮肉同蟹柳，味道清清地，我就最鍾意挖埋d冬瓜肉出黎食雞味道一般，唔特別加配嘅蜜桃咕嚕肉味道唔錯, 可惜唔係好脆另外友人點左個馬拉盞炒通菜，估唔到又炒得幾香，好味跟餐配粉葛湯如果唔係成日去酒樓食飯，間唔時可以黎呢度食下迷你冬瓜盅止止癮都唔錯呀！P.S 特別鳴謝友人的新相機，影得不錯吧…查看更多

夏天雖然來到了，但亦無阻我地打邊爐嘅慾念！一班朋友聚會，各人有不同喜好，有人愛吃肉，有人只吃素，所以揀任食就最岩！友人食過一鍋堂荃灣分店，極力推薦。 食飯當日係星期四晚，好幸運7:30黎到無訂檯只係排左幾個字就入得！呢度好多湯底選擇！我地揀左藥膳同沙嗲湯底，鴛鴦鍋要額外加$50入座時掃qr code 就可以用手機點嘢食呢度嘅牛肉、羊肉、豚肉質素唔錯，完全無將貨就價比頹嘢每碟份量唔多，勝在無漏單，點幾多碟都出到貨，值得一讚！兩個人黎食嘅話，細細碟就可以試多幾款喇！好少見任食會有蟶子！連冰菜同羽衣甘藍都有，真係值回票價！最後食返個雪糕真係大滿足！P.S 唯一一樣要改善嘅就係載嘢食嘅黃色膠兜實在太大個好阻地方，如果用返細碟就更好了！…查看更多

夏天到了，飯腳話要減肥食清d~揀呢度貪佢可以一人一set，自己揀想配咩餸！飯腳叫左好清嘅釜揚烏冬，配一兜醬油餐廳有個小吧檯放左d配料隨大家任落飯腳加左大量蔥、脆脆同埋wasabi落d醬油到，試左少少，估唔到咁食又幾好味！加$5蚊有兩塊腐皮腐皮好的骰，味道略嫌甜得濟小妹早已經自我放棄，叫左醬油烏冬加幾個小食醬油湯烏冬比得好少湯，加上排隊比完錢再行返埋位之後，烏冬已經索哂醬油湯，好咸⋯ 要去廚房問佢加d清湯溝淡佢先食到辣味豚肉幾惹味，係油左少少呢度有好多唔同嘅小食、炸物比人任意配搭，想輕食又得，想重口味又得，都算一個方便快餐之選黎！…查看更多

平日要返工，放假又晏起身，想飲夜茶我首選籠太子，價錢唔貴又免加一呢度嘅玄米茶幾好飲，$3位茶真係幾抵不是炸兩個名好得意，入面脆脆地，有蝦肉，個人覺好食過一般炸兩蝦膠釀茄子面頭嘅蝦膠滿滿，而且煎得好香黑松露野菌餃外皮煙韌，內裡好香黑松露味蒜香春卷 入面係蝦，點喼汁食一流薑蔥牛柏葉唔韌而且好入味兩個人食左5碟野，埋單只係$118，好抵！佢有d點心好似蝦餃咁，可以淨叫兩粒，兩個人食就可以叫多幾樣試下，好適合情侶黎食！…查看更多

又到灣仔lunch time 搵食時間！呢間樓上四川私房菜係正食肆林立嘅廈門街，但就未必人人都發現得到，所以午市都算容易搵到位～ 呢度有大圓檯，多人黎食都ok!四個人黎食一人揀一個餸，價錢唔算貴大約$5x-8x 左右一碟回窩肉青椒同肉都經油泡過，惹味得黎又有陣陣油香，青椒只要撥開d籽就唔會覺得辣！豬肉半肥瘦，正！酸辣土豆絲上檯熱辣辣，入口夠酸又夠辣，好有鑊氣！土豆絲質感爽口，吸收到辣椒乾嘅香氣，送飯一流！老干媽魚丁老干媽醬辣得過癮，加埋花椒，又麻又辣，魚塊經過油泡，入口香得黎肉質依然嫩滑干扁四季豆辣椒乾多過豆，食落非常辣，不過都幾香呢度小菜即叫即整，熱辣辣又夠鑊氣，總括黎講性價比高！同事們一致覺得土豆絲同回窩肉係最好食，必點！…查看更多

呢間小店係中環大排檔嘅旁邊，位置有點隱秘，室內佈置唔算好精緻，但open kitchen、吧檯嘅設置，再加埋當晚有日本人黎幫襯，令人感覺置身係日本嘅食堂！友人曾經食過呢間嘅外賣定食，極力推薦炸雞，所以點了一份定食炸雞炸到金黃色，睇外表就知佢脆卜卜，一啖咬落去更加覺得驚喜萬分，雞肉嫩滑唔在講，仲要係好juicy!! 一d都唔乾，係外面真係好難食到炸雞炸得咁好，味道唔會過咸，點少少沙律醬食更滋味！點左一碟棒棒雞中華冷麵，夏日炎炎食冷麵就最岩！手撕棒棒雞啖啖肉無骨，有醬料同芝麻撈過味道幾香，配搭青瓜絲同蕃茄感覺清爽唔膩。另外再叫左燒飯團，上檯時牛油慢慢溶化睇見都想食，外面燒到脆脆地，每粒飯都沾上了醬汁，加埋牛油嘅香味，真係食過番尋味！係漏左少少姐同場加映：只要like佢地facebook就會送糖心蛋一隻！幾入味架…查看更多

周未晚上睇戲之前，黎食個快飯，首選大門，餐廳流轉快，唔洗等好耐就可以入座！與友人分別點了大門拉麵、豚肉炒雜菜定食同小食炸雞一齊開心share日式炸雞賣相唔錯，唔會炸到「乾爭爭」，味道ok大門拉麵湯頭帶柴魚香味，但略嫌淡左少少，湯汁唔能夠掛係粗麵上面，有d失色。日式叉燒半肥瘦唔「鞋」，味道ok!，只可惜得一塊豚肉炒野菜定食加左少少辣椒乾去炒，惹味得黎唔會覺得辣，份量適中，配麵豉湯同豆腐一碟，不過豆腐無醬無汁，齋食好似怪怪地咁總括黎講價錢唔算貴，味道還可以，想食個快飯嘅話，可以揀呢間…查看更多

午飯時間得一粒鐘，所以日日放lunch都要急急腳去搵食呢間茶餐廳雖然無華麗嘅裝修同優質嘅服務，但就勝在快！靚！正！侍應呀姐個性豪邁，每次黎等位，都見佢必定想盡法子令等排隊嘅人可以盡快入座，行動力極高！我嘅摯愛- 雞翼煎雙蛋飯配豉油第一次食嘅時候簡直驚為天人！雞翼被薄薄嘅脆漿包圍住，外面炸到脆卜卜，咬開入面仲keep住好juicy, 雞肉好嫩滑。太陽蛋蛋汁撈埋豉油配白飯食真係好正，呢個邪惡組合真係好食到會上癮！一碟有4隻雞翼，炸雞翼最怕食到係生，但呢度隻隻都熟透，炸得好靚唔會鞋！同事食雜扒餐，又名好豪華餐，岩哂食肉獸～P.S 除左炸雞翼，呢度嘅吉列豬扒同焗飯都好出色架！…查看更多

星期三放工8點左右黎到，依然有人龍，好彩排左半個鐘就可以入座！3個人被安排了一張圓檯，唔需要搭檯，坐得幾闊落舒服～點左三款pancake，首先登場嘅係煙肉煎蛋pancake，pancake 較薄而且乾，好彩配合埋太陽蛋蛋黃漿balance返，味道還可以原味梳乎厘pancake梳乎厘pancake三塊大大舊好豐滿，急不及待要放入口，軟綿綿嘅質感充滿蛋香，cream淡淡奶油味，唔會太濃搶過pancake味道，正！榛子朱古力焦糖香蕉pancake焦糖香蕉賣相好吸引，食落卜卜脆又甜甜地，pancake配搭朱古力同榛子味嘅cream又係另一種美味！呢度嘅梳乎厘pancake無論質感同味道都好有水準，小妹就比較鐘意原味梳乎厘pancake，簡簡單單唔花巧，能夠食出完美嘅原味道！…查看更多

午飯時間，相約在灣仔工作的舊同事食lunch6個人吃飯因此預先訂了檯，不用等位餐廳地方闊落，檯與檯之間唔會太擠迫，坐得幾舒適呢度有set lunch提供，包一杯飲品$72蚊我就單點了椰菜炒脆肉飯，都係$72，但就無嘢飲炒得幾有穫氣，好香，面頭有炸過嘅蒜頭粒粒，幾好送飯，味道ok椰菜苖唔係平時個d一粒粒球體，比一般嘅大棵，略嫌唔夠嫩脆肉有d似港式燒肉，半肥瘦，不過豬皮淋左唔脆，有少少失望總括黎講不過不失啦…查看更多

又來到我最愛的下午茶時間～聽過朋友介紹好耐，今日終於能夠會一會！3點左右來到，等左大約半個鐘到先可以入座，4個人只係分到一張小圓檯，有點兒擠迫Earl grey tea lava toast一切開鬆脆嘅多士，入面澎湃嘅伯爵茶流心緩緩流出，非常誘人😍，配搭埋雪糕真係不得了Caramel banana waffle相比之下waffle味道中規中矩，雪糕下的朱古力餅碎整得幾好味！桔子一拎上檯我已經忍唔住暗暗地嘩一聲，乾冰冒煙效果加上桔子造型好靚！除左賣相討好，亦都好有內涵。桔子外皮好似中式點心咸水角，煙煙韌韌，個餡就係奶黃餡，配埋旁邊嘅柚子醬，好清新唔會漏！Creme burlee latte普普通通，唔係好飲到creme burlee嘅味道，反而似latte 多d…查看更多