大熱天時，試下咩隱世日式小店，原來又一間港式扮日本的爛貨。特登訂位，到步有大量吉位唔滿座。外面天氣＞31度，一坐低照俾兩杯熱到辣咀的茶，點飲？立即落單，然後問聲有冇凍水。點知嗰位男性化打扮的女侍應答覆，只有橙汁和柚子蜜選擇。我和友人叫哂兩樣，等了5分鐘她帶來親手從雪櫃取出倒出來的橙汁，然後⋯執其他檯、收錢、執廚具等，直至食物上檯一刻才連托盤一併奉上，完全無視顧客曾經對她要求的凍水。問得你，當然有需要。兩份午餐食物質素非常一般。我第一次食吞拿魚蓉飯，係要自己挑出那麼多魚骨！大約十條，咁細碗飯⋯唉最差的還是那位侍應的態度，大家真的要小心。最怕人本身冇禮貌扮有禮貌chok出嚟。上菜時，她不小心踫跌了我放在檯面的手機。我只是輕輕搖頭嘆息，她立即第一句回應：「你唔擺嗰度我咪唔會整跌囉！」我心想：「唔好意思，整親你弱小心靈。你咁嘅性格咁趕客，好心你轉工啦！」大家別貼錢買難受。冇咩特別，絕對唔洗試。永不encore!食物質素頗低，份量只適合輕食的女士。日本菜在香港多不勝數，比較之下，這間餐廳絕對屬於下遊位置。從未試過食日本餐魚生，需要自行去魚骨。一個魚生飯有十幾條魚骨，實在費勁，亦跟我認識的日本菜背道而馳。天婦羅亦做得不好，粉漿太厚，口感大打折扣。總括來說，非常差的體驗。…查看更多
我唔理解。佢哋話係公司Policy，我完全明白。其實一句唔好意思，我都奈你公司唔何。奈何佢哋選擇放聲大叫、粗言穢語，同我鬥大聲，我就唔能夠理解喇，我當然好難選擇on居地繼續好言相向啦。佢哋冇嘗試從客人嘅角度出發，嘗試幫助解決問題或稍微道歉，反而逐個逐個數落啲客對餐廳有咩好處？由於我哋坐近吧位，全晚媽媽話聽到佢哋唔少次話啲客cheap，冇諗過我只係嘗試禮貌地問，會換嚟咁差嘅情況。佢哋分別講過嘅說話有：「冇錢咪唔好嚟食」、「Shut up」（係陰毒地行過連續講幾次）、「cheap精食咩buy one get one free」等等。
如果閣下都想貼錢買難受，不妨一試。如果想安安樂樂食一餐，我絕對唔建議大家去呢一間餐廳，因為裡面充斥住價值觀有問題、態度非常惡劣的餐廳職員。佢哋冇心想serve你（淨係今晚，我都唔係唯一一檯），只想你「俾多啲錢唔俾就過主啦我哋係咁㗎喇吹咩」。客觀地食物質素分析（雖然你一定唔信我客觀😅🙈），屬於中下，Medium牛扒過熟、Risotto太咸、Pizza真係難食嘅（所以點努力食都淨番三片😖😭）。以此質素、服務和價錢，選擇真的很多，性價比實在極低。白沙灣間西餐廳好幾倍，環境氣氛服務態度食物質素都非常高質，或者退而選擇蘇珊娜，入西貢點都唔好揀呢間四不像「西餐廳」。反正，我呢世都冇可能再去。祝佢好運。
